اليوم بعد زيارتي للجامعة بخصوص مادة التمويل الصحي (د/حمدالطاسان)

[mohammed1401]

السلام عليكم ورحمة الله وبركاته
اليوم الساع عشره رحت للجامعة عشان موضوع رسوبي في الماده رحت لسكرتاريه ووجدت الفاكس الي مرسله عندهم ووعدوني خير اذا لك حق راح تاخذه طبعا نزلت للحاسب وقالي الموظف وبالحرف الواحد الدكتور حمد الطاسان ترا حريص كل الحرص ان كل واحد ياخذ حقه لدرجة انه كان يوصي على لجنة التصحيح انهم ينتبهون لايظلمون أحد طبع سألت عن نظام 15 يوم وطلع غير صحيح تقدر تراجع اي وقت والدكتور لو أنه بيراوغ او بيكذب علينا ما كان رد على اتصالاتنا ووعدنا خير ياجماعة الخير ارجو انه مانظلم الدكتور وفي الحديث القدسي (يا عبادي إني حَرَّمتُ الظُّلمَ على نفسي، وجعلتُه بينكم محرَّما، فلا تَظَالموا) الاسبوع الجاي راح يبان كل شئ وماقصر معانا في الدوره التأهيليه والرجل والله كلمته شخصيا يكفي رده و تجاوبه وتعامله معنا أتمنى ان لا نظلم الدكتور وناخذ في رقابنا وذمتنا ان نبهته والاحد ماهو بعيد والخطاء وارد من الاجهزه ومن الرصد بشكل عفوي
والله يسهلنا ولكم الخيره الحسنه وان شاءلله راح ياخذ كل واحد حقه بأذن الله

[عزوزان]

حسن الظن هو المطلوب في مثل هذه المواقف...
ننتظر ونشوف ، ما اتوقع انها حيله من الدكتور، لانه رد على اتصالاتنا وكان متفاهم ومتعاون. لكن لنترك للعذر مكان وقد يحصل اشكال في اجهزة الرصد.. والله يكتب اللي فيه الخير.

[أسامه الحربي]

الله يعطيكم العافيه اش تتوقعون الاسبوع الجاي الدكتور قال الاسبوع الجاي يحسب الموظف طالع اجازه مو عشان ينجح اوشي زي كذا اليوم كلمته الله يعطيه العافيه على تواضعه يقول بلغ زملائك يراسلون وكيل الكليه ويطلبون اعادة تصحيح اذا لك شي بتاخذه واذا مالك شي الله يعوضني ويعوضكم خير
اتمنى التوفيق للجميع

[مشخبط]

اخوي محمد الله يعطيك العافية يارب بالنسبة ان حنا تحاملنا او شككنا في الدكتور لا والله بالعكس الدكتور حمد من افضل الدكاترة بس ياخوك الغلط وارد وفيه اشياء تخلي موقفنا في ها المسئلة قوية على كلام الطالب اللي كلم الدكتور قبل ظهور النتائح وقال بالحرف ان عدد الطلاب اللي رسبو في المادة 14 طالب من 600 طالب وشويه هنا الحلقة المفقودة فيا خوك الغلط وارد تدري لو ان اللي يدخل الدرجات دخل درجتك وكانت درجتك 95 من 100 وكتبها بالغط تصير راسب وحامل للمادة لانه راح يسجلها 59 وقس على ها الاشياء باقي الدرجات من الثمانينات وصولا الى الخمسينات طالب ماخذ 74 ودخل درجتك 47 تصير راسب فكلنا امل في الله سبحانه وتعالى والدكتور حمد مع بداية الدومات وان شاء الله يكون الخلال من ادخال الدرجات وكل طالب ان شاء الله ياخذ درجته والله يوفق الجميع لما يحب ويرضى اخوكم ابو عبدالله

[مآجيتك]

يا إخواني انا راسب في مادة التمويل كيف ارسل لهم
وماهي الطريقه ابي إعادة التصحيح لان أتوقع اني انظلمت في هذا الرسوب والله
حسبي الله ونعم الوكيل ، انا على وشك التخرج ماني فاضي اني احمل ماده ،