✿!{.. آراءكم في الدكتورات |{للطالبات}ﾟ¨ﾟ*

[girl.k.s.a]

السـلام عليكم و رحمة الله و بركـــآته طـآلبـــآت قسم برنامج بكـآلوريوس الأعمـآل العـــآم تم تخصيص هذا الموضوع للطالبات لوضع تجاربكم وآراءكم حول أعضاء هيئة التدريس لنفيد ونستفيد أيضا إليكم هذا الرابط ، الرجاء من جميع الطالبات كتابة ارائهن عن اعضاء هيئة التدريس باختصار شديد واسلوب لبق قيم دكتورك سـآئليـــن الله أن يبـآرك لنـآ كُل عمل و يجعله خالص لوجهه الكـريم ..~ . . . مُشــــرفي القسم ||~ د.نورهـ & شمعة الجامعة girl.k.s.a & khaled.91.11 ,،

[samya]

اهلا اهلا شيرو
شوفي صح أنا معاكي بكل الكلاسات وتعرفي رأيي بالاستاذات بس مومشكله نعيد
اولاً المحاسبه د/شريفه حضرت معاها 3 محاضرات ,بس ماشاءالله عليها حسيتها مخلصه في شرحها لدرجه انها في اول محاضره شرحت كل شابتر اش حناخذ فيلو الله يسعدها يارب
د/سحر برضو شرحها حلو وتبينلك كل شي وتحسيها فاهمه المنهج مزبوط
د/آمال,هنا ماأدري اش اقول ابكي ولااضحك ع الحال الي كنا فيه,والله في قلبي كلام لا والمصيبه انها تدقق ع الحضور والغياب بس خليني ساكته اليوم جمعه
طيب نجي للأنجليزي د/سحر حسان في نظري هيا الافضل شرحها رايق وبهدوء عكس مس عيشه بس في عيب صغنون لسحر انو شويه واجباتها كثيره بس الي قاهرني اني سلمت كل الفوكسات والواجبات تمام وفي النهايه خسفتني مزبوووط
نجي للاقتصاد د/محمد البنا ود/ خالد الديب الي يبغى الفل مارك ياخذ معاهم ود/ محمد يشرح تمام ويجلس في المحاضره يعيد ويزيد الله يسعدو واختباراتو تذاكري التست بانك تجي نفسسها في الاختبار ربي يسعدو وين ماكان
نجي للأداره وخالد الميمني ,د/خالد برضو شرحو حلو بس مشكلتو تكاليفو جداً كثيره بشكل مش طبيعي بس ياليت يقدر تعب الطلاب والطالبات ويديهم بونس لانو بجد بجد تعبنا شي تلخيص شي مقالات شي كيسات وواجبات متنوعه..الخ
طبعاً المواد الي تكون بالشبكه الحضور والغياب مشدد عليه لانو الي بشرف عليه المشرفات وشغلتهم ياخذو الاسماء
امن الاحصاء صراحه نفسي أخذو مع د/لمياء باحارث واقتصاد كلي اتمنى انو يكون مع محمد البنا,يارب
وشكراً ع الموضوع الحلو زيك ^^..
بت تعالي ع التاب بسرعه

[girl.k.s.a]

بنات . . ثقافة مستوى 3 انصحكم ما تروحو عند ابتسام كمال
ترفع الضغط وملقوفة وما تجي المحاضرات ما ادري كيف خلصت لبناتها المنهج
المهم تتلقف في الامور الخاصة للطالبات على اساس تبغى امثلة هع طبعا انتوا عارفين
المنهج يتكلم عن الزواج في البداية . .
وبعدين كرهتني في نفسي والله تبغانا نقوم نشرح! !!!!!سلامات

انصحكم تاخدوا مع أ. راوية باجابر
اخلاق وطيبة بس انتبهو من التقارير المزورة اهم شي عندها الصدق
وحلو شرحها يجنن اغلبو قصص تحمسك وما تزعق
ربي يسعد قلبها على شكلها الصغنن
اممممممم ايش كمان . . تقولكم الاشياء المهمه وهادا اهم شي هع
على الاقل تضمنو درجات

[cute.memo]

المشاركة الأصلية كتبت بواسطة girl.k.s.a بنات . . ثقافة مستوى 3 انصحكم ما تروحو عند ابتسام كمال ترفع الضغط وملقوفة وما تجي المحاضرات ما ادري كيف خلصت لبناتها المنهج المهم تتلقف في الامور الخاصة للطالبات على اساس تبغى امثلة هع طبعا انتوا عارفين المنهج يتكلم عن الزواج في البداية . . وبعدين كرهتني في نفسي والله تبغانا نقوم نشرح! !!!!!سلامات انصحكم تاخدوا مع أ. راوية باجابر اخلاق وطيبة بس انتبهو من التقارير المزورة اهم شي عندها الصدق وحلو شرحها يجنن اغلبو قصص تحمسك وما تزعق ربي يسعد قلبها على شكلها الصغنن اممممممم ايش كمان . . تقولكم الاشياء المهمه وهادا اهم شي هع على الاقل تضمنو درجات

كلامك صح مليوووون%%%%

ابتسام تررررررررررفع الضغط وبس تغيييييييييييييب وفي النهاية حشرتنا الين اخرررررر اسبوع

ومررررة قاسية اذكر مرة من البنات كانت تأشر الكلام اللي تقولوه قالتلها ايش تسوي قالت أأشر

قالت سيبي الكتاب واسمعي ترى هذا ثقافة يعني تذاكري كل شئئئئئئ مو بس اللي اقولو



وبالنسبة للمحاسبة دكتورة سحر الجبروني لامثيييييييييييييييل اخلاق وشرح وماتنقصك عن حقك

الادارة دكتورة صايمة طيييييييييييبة وحلييييلها والاختبار الميدترم كان كلو من التست بانك
وتشوف البنات يغشوا ويتكلموا في الاختبار وتطالع وتبتسم وتعدي عليك وتقولك الاجابة الصحيحة

ومااعطتنا ولا واجب طوووول الترم وهو عليه 20درجة روحتلها في النهائي قلتلها احنا مااعطناكي واحبات قالت ان شاءالله كلكم اديكم كامل ترفعكم بدل الاختبار الصعب اللي جاكم ولو بيدي ماكنت جبتلكم دا الاختبار بس ايش اسوي
بإختصار مررررررررررررررة طيبة بس ماتبغى كلام في الكلاس وتبغى احد يشارك معاها


دكتورة نادية اقتصاد كلي انسانة عسل زيها ماشفت طييييييييييييبة وتخلص بسرعة وماتديكي واجبات
بس زي ماقالت عزوزية فوقها لبنى وعفاف ممشينها على كيفها

يعني الدوري الاول بدون مبالغة كل البنات 25و24 وعشان جبنا درجات حلوة قاموا في الدوري الثاني هم حطولنا الاختبار

بس البنات يمدحوا ايمان وحنان الجعشم ولو في دكاترة رجال يستحسن تاخدوا عندها زي خالد ومحمد


انجليزي صراحة سحر ماحبيتها واللي يبي يعرف ليه يشوف الموضوع الثاني ((نزول الدرجات))


وهذا رأيي في كل دكتورة اتمنى تكونوا استفدتوا

[battota]

هلا حلو الموضوع

طبعا انجلش بدون كلام مع دكتوره سحر

اقتصاد جزئي مع دكتور محمد البنااا


اقتصاد كلي ....مع دكتوره ناديه


محاسبه ,,مع دكتوره هيااااااااااااااااااااااااام صراحه روووووووووووووووعه شرح بضمير حياتي عليها


بس

[يارب اجيب معدل]

محاسبه مع سحر الجبروني مرره روعه

شرح وتعامل ودرجات


انجلس سحر حسان صحيح تكرفنا على طول السمستر لكن في النهايه الدرجات فووووق

تجنبوا عيشه تررراه تأكل الدرجات اكل


امممم الاقتصاد باانواعها افضل شئ الدكتور خالد السيد ومن الدكتورات حنان الجشعم وايمان علي

الاداره الدكتور خالد يكرف كرف مو طبيعي وبصراحه خرجت من الماده وانا وضعي سئ ومدري اذا يعطي درجات او لا

والله يسهل ونجيب معدلات عاليه

[بنت ناس وقلبي ألماس]

ثقافه 3 مع الاستاذه نسرين العتيبي (تنبهك على بعض الاسئله اللي احتمال تجي في الإمتحان وشرحها جدا حلو وتعطيك كمان قصص) بصراحه ذي الأستاذه مره روعه...
اقتصاد كلي أنصحك مع الدكتوره إيمان الله يسعدها ( تراجع قبل الإمتحان وتقول بس ذاكروا المراجعه وتجي نفسها في الإمتحان وتراعيك كمان في التصحيح وقمه في الأخلاق)
اقتصاد جزئي أنا درستو مع محمد البنا وشرحوا ما شاء الله عليه تمام يرسخ المعلومه في راسك لكن عيبو ( صحيح ينزل أسئله وما يجي الإمتحان إلا منها لكن ما كان يحلها معانا وحنا كنا نأخذ الحل من الدكتور خالد لكن للأسف يطلع حلو غير عن محمد البنا وبكذا نخسر درجات)
إداره أنا جربت الدكتور خالد وكام ما تمر محاضره إلا ويطلب تكليف وطبعا كان يقرا بس من السلايدات لكن كان يجيب قصص عن حياتو مال أمها داعي وطبعا الإختبار لازم يكون على الأقل 3 اسئله مقاليه وعلى كل سؤال تقريبا 4 درجات وكان يجيب صح وخطأ عليها نص درجه يعني لو ما حليتي المقاليه رحتي فيها)
محاسبه أنا جربت نهال وسحر لكن سحر ما شاء الله عليها شرحها مره حلو وكمان أخلاق لكن نهال دقيقه في التصحيح وما تزود ولا درجه .
انقلش 1 أنا جربت سحر وما شاء الله عليها مره طيبه لكن واجباتها مره كثيره بس في النهايه تعطيك حقك وما تظلمك.

[طآلبة ع ـــزووزيــهـ]

يسسسلموو شيــرو ع الموضوووع آلحلو مثلك

وبآلنسسبه للي بيآخذو مع نآديآ آقتصصآد ككلي ..

ترى صحيح آنو آسألتهآ سهله وتعطي درجآت ومآتدقق ع الحضور

بس يضحكو عليهآ لبنى وآيمآن ومآيقولو لهآ وش اللي جآي بآلآختبآر

آذككر آخخر محآضضرهـ لنآ قآلت آنا لحد آلآن مآ آعرف لبنى وش حتسوي

يعني بآختصصآر ضعيفه شخصيه وينضحك عليهآ بسسرعه من قبل آلآستآذآت الثآنين

بس ماشاء الله شرح وتعآمل ودرجآت ..بس هذآ عيبهآ ..



لي بآآآك ..

[نوره الغامدي]

محاسبه 213 اخذتها مع استاذه هيام , تشرررررح من قلبها و بكل امانه , ما تهتم كثير بالحضور او الغياب , كمان الواجبات مو لازم تكون كامله ميه الميه , تحسيها تراعي فـ التصحيح و الدرجات ... صراحه استاذه طيوبه و رائعه , و اخذت درجه عاليه الحمدلله :)

//


أنجلش 2 مع استاذه هبه , خطيره مررره , الله يسعدها , شرحها تمام و بكل ذمه و ضمير , تهتم بالحضور كثير ,و تعطي واجبات برضو كثير , تخرجنا عـ الوقت بالضبط , ما تعطيكـ أكثر من حقكـ , يعني بصراحه آدميه تخاف ربها تعطيكـ حقكـ بالملي لا اكثر و لا اقل , و حريصه جداً فـ التصحيح و الدرجات ,ماعندها مراعاة فـ الدرجات او بونس =) و الحمدلله اخذت معاها درجه رووووعه ^^


//



اداره اخذتها مع استاذه صايمه , بصراحه شرحها مو مره مثالي , يعني ماشي حاله , اختباراتها حلوووه و واضحه , أما من ناحية الدرجات تراعي مررره , و تحسيها ما تطلب كثير واجبات =)


//


الاحصاء اخذته مع دكتوره لمياء , تشرح بكل اللي تقدر عليه , و تحسيها تتقبل اي سؤال , اعطتنا بونس حوالي الـ 5 درجات , بس بتعبنا طبعاً , لاننا كنا بنعمل عروض بور بوينت , أمممم الواجبات كثيره نوعاً ما و متعبة فـ نفس الوقت , بس الحمدلله اخذت درجه تجنن ماكنت اتخيلها =)


//



موفقين ^_^

[لؤلؤة*]

بالنسبه لثقافه 3 اللي تبغى تحس بقيمه ومتعه الماده تاخذها بس
مع نسرين العتيبي