رحنا اليوم نسال عن البطاقة الجامعية وشوفو ايش حصل !!

[ابومـشاري]

السلام عليكم :)

رحت اليوم العمادة طبعاً و زحمة وقلق وموظفين العمادة مربوكين فوق تحت (( الله يعينهم ويصبرهم ))

والله ما الومهم يوم ياخرون البطاقات لاكن كل ماجيت اسال واحد احصله مشغول او جالس يرصص اوراق او جالس مشغول مع طلاب او مع موظفين

دخلت غرفة البطاقات الجامعية حصلت موظف شيبه الله يرفع عنه جالس ينافخ ويصييح الظاهر انه ابكم , قلت هذي اولها صياح خليني اسحب نفسي شوية شوية واشرد
نطيت بالداخل حصلت الدنيا حوصة و ززحمة وناس طالعه وداخلة

فجاة !!! حصلت واحد يمشي لحاله نطيت عليه وسالته

قلت لو سمحت البطاقات متى ترسلونها ؟؟

قال كم رقمك الجامعي !!! عطيته الرقم قال بعد اسبوع بالضبط !! قلت وش قصت الارتباط بالرقم الجامعي , قال مرتبط كل رقم وله موال وتاريخ وتسليم في ثاني وثالث رقم !!!!! انا طبعا مغوصه عيوني بالموظف عرفت ان فيه سر بالرقم الجامعي


المهم قلت هل دفعه 12 كلهم ما استلمو بطايقهم ؟ قال لا 5 الاف طالب استلمو و 10 الاف بالطريق تدريجياً طبعا يوم شفت الارقام الكبير هذي خرشتها بوجهه

قالي لاتستعجل ياحبيبي كل شئء بوقته حلو

قلت الله يسمع منك ومشيت

وابد هذي قصة البطاقات :)

[عبدالله ابراهيم المسعود]

الله يكون بالعووووون بس

[غشيم بالمحبه]

الله يعطيهم العافيه الطلاب كثير

[حرف الميم]

هههههههههه حلوه القصة
يلا بالتوفييييييق وان شاء الله قريب تستلموها :)

[~ليان]

الله يكون بعون اللي تاخرت عليهم

[زح’ـــمة ح’ـــڪي..!]

آلطلآب هذي آلسنهـ مآشآء آلله تبآرك آلله كثآآآر

[ابومـشاري]

والله معاناه انا كتبت الموضوع عشان لاحد يتعب نفسه ويروح ترا الكل ما استلم والاغلبية ما استلمو فحبيت اطرح الموضوع للجميع عشان لاحد يتعب نفسه ويدق مشوار

[جاري الانتساب]

الله يزوجك يابو مشااااري
صراحه فكيت ازمة يعني نستنى البطاقة على راحتهم

[سلوومه]

والل مالنا الاالصبر..نستنى

جزاك الله خير على السؤال وافادتنا..

[ابومـشاري]

الصبر طيب ياشباب لاحد يروح يدق مشوار ع الفاضي :)