{ رحــلــتــي لـ فرع الجامعهـ بـ رآبغ !! " تقرير مصور " }

[HaMaD]

السلام عليكم ورحمة الله وبركاته ..

مسآء الخير ,, كيف حالكم إن شآء الله تمام !!


طبعاً اليوم جايكم بحكآيه وموضوع رحلتي <<< ع بآله رآح النمسا ولا اليابان هع هع هع ..

في بدآية الأمر كنّا على أعصابنآ إلى أن ظهرت نتائج التسكين !!

طبعاً أنا لم يتم تسكيني لا في كليه الطب ولا الهندسة نظرا لعدم انطبآق الشروط ونظرا لرغباتي التي تم تحديدها مسبقاً ..

أصدقائي تم قبول البعض منهم والبعض الآخر ينتظر نتيجة الفرز التي ستكون بعد انتهاء الفصل الصيفي في رمضآن ..

( ع ) و ( ظ ) <<< الاول انقبل في الهندسة والتاني انقبل في الطب ولكن أين !!

المكان ...... } فرع جامعة الملك عبدالعزيز بـ رآبغ !!

طبعاً فرحة مع زعل في نفس الوقت ما أدري كيف تجي !! << أكيد شعوور مو حلوو ..

انك تكون مبسوط وفرحان لأنك انقبلت طب ولا هندسة وفجأة تدري انك محذوف في رابغ !!

طبعاً استسلموواا للأمر الوآقع !! << وغلبووواا على أمرهم لأنوو ما بيدهم شي @!

وقررواا الذهآب الى رابغ لرؤية المكان الذي سيعيشوون فيه على الأقل أربعة أشهر !! << اللي هواا ترم واحد ويمكن يحولوا لجدة ..

طبعاً أي جلسة وأي خرجة << ونركز على الخرجة هاا هع هع هع .... } ما تحلى الإ بوجود حمتووو <<< اللي هواا انا هههههـ ..

طبعا أنا من مكة و ( ظ ) من مكة و ( ع ) من جده .. :)

قرر ( ظ ) إنوو يمرني واتفقنا انو يمرني بعد صلاة الفجر عشان نحرك سواا ..

الحمد لله وصل بالسلامة <<< بدري يبوو الشباب .. <<< انا اقصد انو وصل عند بيتنا هع هع هع ..

مرني ...} وانا اشووف في وجهوو الهم والقرف من بدري !!

الموهم .. انطلقنا الى جدهـ .. << ام الرخاا والشدهــ .. آه يازينها والله ,,!!

على أساس اننا نقابل ( ع ) في اي مكان ويوقف سيارتوو ويجي معاانا ..

الحمد لله قابلنااه وانطلقنا الى <<<<< رآبغ !!

في بداية الامر تفآئلنا بالخط << مابيه شي الحمد لله تمام ..

لدرجة ان السرعة مانزلت عن 160 مررهـ .. راكبين مع امبراطور الطارهـ << لايصدق حالوو بس .. << مافي غيري امبراطوور << الله يرضى على ايام الكرس بس !! خخخخخخ ..

نرجع للقصهـ :)

طبعاا الوناسة لابد منها << وخصوصا وأني رآح اكمل في جدة ان شاء الله ..

احلى شي وقت ماقريت لوحة مكتوب عليها ( كلية مدري ايش خخ ) ..

انا احسبها << كليه << مكان دراسة يعني ... } طلعت كليه << اللي في البطن خخخخخخخخخخخ !!

وانفجعت وقت ماقريت لوحة مكتوب عليها احذر ( معبر جمال ) خخخ << الواد متعود على مكة وجدة خخخ ..

المهم وصلنا الحمد لله ولكن قبل الوصوول كان في اكثر من تقاطع واكثر من مفرق لدرجة اننا لخبطنا شووية خخخخ ..

مع بدآية دخولنا < < < انا اعرف الواحد لما يدخل مدينة يلقى لوحة مكتووب عليها اهلا وسهلا شي زي كداا .. !!

تدروواا احنا ايش اللي جآآ في وجهنا ؟!! << لوحة مكتووب عليها ..

قتل >> معآنآهـ >> ألم >> فقدان من تحب لذلكـ فإن السلاح يؤدي الى ايذآء الأخرين !! هع هع هع ..

بالله ايش رايكم >> وربي انا يوم قريت اللوحة دي حسيت حالي داخل مدينة افريقية !!

الموهم أكمل لكم القصة :)

طبعا ما مدانا نسأل لأننا يادوب طولنا شوية والا الجامعه على يدنا اليسار @@

مبنيين اثنين << الاول للإدارة والتاني ما أقدر أقول عليه انوو مبنى لاني كماا رأيت انوو ( صّندقه ) !!

الموهم !! سألنا الحارس وقلنا لوو متى الدوام قال لنا الساعة تمنية !!

بالانقليزي طبعا لان الحارس ما يعرف عربي وقال لنا ايت اوكلوك خخخ ..

طلاب جامعة يبوووو وناجحين في 101 و 102 انقلش خخخخخخ ..

طبعا وقتها كاانت الساعة سبعة الا ربع تقريبا !! << ساعة وربع ايش نسوي فيهاا ؟!!

قوولنا نفرفر شوية ونستكشف المدينة هع هع هع ..

اصلا الشباب متحمسين جايين يسألوا عن السكن والحاجات دي !!

اخدنا اللفة وحركنا وفي أقل من كيلو !! شووفت حاجة غريبة ما توقعتها !!

اللي هو قصر افراح بجوار السجن العام !!

بحكيكم على الحاجات اللي شفتها <<< تخيلواا كل الحاجات دي جنب بعض وتقدرواا تروحوها كلها مشي @!

الغرفة التجارية ,, المحكمة العامة وكتابة العدل ,, الاحوال المدنية ,, وزارة المالية ,, محافظة رابغ ,, الدفاع المدني ,, الاسعاف ,, جمعية البر الخيرية ,, مكتب الدعوة والارشاد ,, والبنوك اللي لاتعد ولا تحصى الخ ..خخخخ ..

الغريب في الامر ان كل الاماكن دي جنب بعض << شي حلوو هع هع ..

يعني لو واحد ضرب واحد راح يودو المصاب المستشفى واللي ضرب يوده الارشاد ومن ثم يحاكمووه في المحكمة ومن ثم يودوه للسجن خخخخخ << ايش رايكم بس <<< خبرهـ خخخ ..

طبعاا اكتر شي عجبني <<< وجود فرع للقرموشي وشركة تويوتا لعبداللطيف جميل هع هع هع ..

آه نسيت في (( كوب الذرة كمان )) خخخخخخخخخخخخ ..

وشيخ الطعمية والديوان << غير كداا رز بخاري وسمك هع هع ..

وياكثر مكاتب العقاار والتأجير .. << بدجت والرحيلي لتأجير السيارات خخخ ..

الموهم سألنا عن البحر ودلونا عليه << رحنا البحر ومافيه ولا مخلوق خلقوو ربي وجلسنا يمكن خمس دقاايق نتصور وحركاات << في الرطوبه هههههـ <<< وفوق داا كلواا ما مرت ولا سيارة وما مر ولا آدمي من جنبنا !!

مآفي الا رآجل كبير في السن بالفوطة قآعد يصيد سمك في الكورنيش الجميل ..

بصراحة << كورنيش احلى من حق جدة بكتيييييير ..

حسينا انو عايشين لحالنا وما معاانا بشر << يعني في مقطعه ههههـ ..

وجنب البحر بالزبط في سووور جامعي مكتوب عليه جامعة الملك عبدالعزيز << طبعاا الشباب انبسطوا وقالوا انوو داا هو المكان اللي راح تكون الدراسة فيه !!

شووفنا بوابة مفتوحة من بعيد ... } قربنا جنبها جينا ندخل !! << والا ورى البوابة (( صحرآآء قاحلة )) << تصدقوا !!

مسورين الصحراا والناس ع بالهم جامعة وهياا صحراا بس محوطينها !!

المهم جااات الساعة تمنية !! << وروحنا على الجامعة بسرعة ..

دخلنا عند المدير << الظاهر انوو ماكان موجود ..

بس قاابلنا واحد << أقل شي أقدر اقوولوو انوو الرآآجل اللي شفناه عسل ..

طبعا ضيفنا .. قهوة وتمر وحركتات :) وبدأنا بتبادل أطراف الحديث معاه وسألناه عن كل شي @@

قال انو مافي سكن للطلاب وانهم حاولوا يستأجروا اكتر من مبنى بس للأسف !!

وجلس يمدح في أعضاء هيئة التدريس ويقوول انهم متساهلين وانوو في منهم السعوديين وفي منهم الاجانب بس اكثر شي الاجانب ..

وقال لنا انو راح يتم الانتهاء من بناء مبنى واحد ع الكورنيش !! وراح يكون جاهز مع بداية العام الدراسي الجديد وانو خاص لطلاب الهندسة والطب والحاسبات !!

طبعا في ناس بتدرس في المبنى الجديد داا وفي ناس في المبنى القديم !!

هذاا اللي اخدناه منوو وقال لنا فيكم تنتظروا المدير وتستفسروا اكتر ..

وربي الرجآآل مرررة اخلاق وأدب وقال لنا اي حاجة انا موجود وما راح اقصر معاكم وراح تجدوني امد لكم يد المساعدة في أي وقت ..

طبعاا هواا اسموو ( فواز اليوبي ) من الادارهـ اكيد ..

لهناا خلاص تم تأكيد انو مافي سكن للطلاب وانو الدراسة هنا وهناك .. !!

باقي موضوع السكن والحاجات دي << قررنا اننا نسأل الفندق الوحيد اللي شفنااه وهو فندق رابغ خخخخخ وبعدين نروح لـ مكآتب العقاار ..

دخلنا الفندق ولقينا حارس الامن << رماا مطب قووي @!@@ ( ظ ) بغاا يموت من الضحك يوم سمع الكلمة ههههــ !

قال دحين يجيكم الـ إستبشن تفاهمواا معااه خخ << يقصد الريسيبشن ..

جاانا المسؤول << واحد مصري !!

قال لنا عن الاسعار الخيالية !! <<< وربي فندق يمكن نجمة مدري نجمتين !!

اسعار تحطيمية !!

اليوم بـ 180 سرير واحد !! يعني الشهر يطلع بـ خمسة الآف ونص !!

يعني الترم << اربعة شهور بـ خمسة وعشرين الف تقريبا !!

قررنا نروح مكاتب العقااار ..

روحنا للأول ولقيناه مقفل !! والتاني ولما قربنا منو وجينا ندخل طلع مكتب تعمير ومقاولات ومدري ايش خخخ ..

روحنا للتالت ودخلنا عليه << اسم المكتب ( مكتب ابو نواف للعقار ) .!!

كالعاده لا جديد << ترحيب وكلام زي العسل واخلاق عآآليه جدا ..

الرجال بدأ يعرف احنا في ايش وفي أي سنة وجلس يآآخد ويعطي معانا الين ما ندخلنا في موضوعنا .. :)

اعطانا كلام وقال اعتبروا كلامي نصيحة لكم ..

قال لنا انتبهوا تستأجرواا شقق او غرف مفروشة ابدا لأنوو اسعارها نآر ونصب عيني عينك !!

جلس يتحدث عن الوضع اللي عندو وقال انو يأجر ..

وفي غرف وفي شقق !!

والاسعاار الحالية ..

الغرفه بـ 800 والغرفتين بـ 1000 والغرفتين والمطبخ بـ 1200 طبعا في الشهر وهذا شامل حاجتين ( الكهربة والموية @@ )

بس قال لنا تعالوا في شوال احسن لان الاسعار راح ترخص ..

واعطانا نصيحة تانية وقال لما تستأجروا استأجروا بالشهر احسن .. !!

وجلس يسولف معانا ويمدح المدينة واحلى شي قالواا ..

يقول انو اطول مشوار ما يآخد منك خمسة دقايق هع هع << وكلاموو صحيح ..

وانك ادا تبا تلفلف وتفرفر في رابغ راح تآخدها في ربع ساعه هع هع هع ..

وقال انوو المدينة دي جوها جوو دراسة ..

لافيها لا مقاهي ولا كفيهات ولا سربته اخر الليل ولا شي << وكلاموو مررة واقعي ..

وفي نهاية الامر قال لنا لا تآخدو كلامي بس واسألوا اي مكتب عقار تاني ..

يمكن تلقوا عندو شي احسن مني !!

اسم صاحب مكتب العقاار اللي روحنالوووا ( باسم الشماسي ) ورقم جوالواا ( 0500600210 ) وقال لنا دقوووا عليا في بداية شوال او في نهاية رمضان عشان اقدر افيدكم ..

طبعاا ( ع ) و ( ظ ) ارتاحواا خلاص << بس مازال التأفف موجود في محيااهم << حلوة كحايااهم صح خخخخ ..

مشينا وحاولنا نآكل سمك بس للأسف كل المطاعم مقفلة :(

حركنا على مكة << اقصد جدة اول عشان نوصل ( ع ) ..

بس قبل الخروج << ( ظ ) جاا يعبي بنزين << خخخخخخخ !!

جلس يستنا يستنا محد جااه في النهاية قرر انو ينزل ويعبي بنفسوا هع هع << وبعد ما عبا مافي احد يعطيه الفلووس << ورط الاخ خخخخخ واستنينا الين ما جا العامل اللي في المحطة وحاسبناه ومشينا خخخخ ..

طبعاا انا مبسووط وفآآل أمهاا << لاني طالع اتمشى واغير جواا بخلاف ( ظ ) و ( ع ) اللي مو عارفين ايش يسواا <<< مو شماتة هاا خخخخ :) << اخاف يفهموني غلط هع هع هع ..

المهم واحنا ماشين <<< لازم الفضايح شوية استحملنا ( ع ) ..

طبعا كونا مشغلين ميوووزك !! >> يآراا على غفلة خخخخ !!

قال لنا ( ع ) أرخوا الصوت شوية ! >> رخيناه !! << تخيلواا ايش قال ؟!

هههههههههههههههههههههههههههههههههههه !!

قال دحين لو بنشيل المكيف من جدة لرابغ كيف نشيلوا هع هع هع ؟ّ!!

الرجال يفكر في النوم من دحين خخخخخخخخخخخخخخ ..

وربي مت من الضحك يوم قال الكلمة دي خخخخ ..

في نهاية الامر وصلنا جدة ورحنا البيك وتغدينا << قبل الظهر وكل واحد راح ع بيت امووو ..

الهدف من القصة << توسيع الصدر والوناسة وكـ حركة اول مرة اسويها لدرجة اني كوونت ماشي بورقة وقلم حتى وقت مادخلنا عند المدير خخخ ..

بس السؤال اللي يطرح نفسواا !!

كيف افضل تاني جامعة في السعودية يسوووا لها فرع في مدينة زي كدا !!

والله حرام !! << ليش الشحططة والهجولة ..

طلاب مو مصدقين يخلصوا السنة التحضيرية << او بالاصح كما سماها البعض السنة التعجيزية >>> يقومواا يتهجولوا في رابغ !!

وفي نهاية الامر أنا لم اقصد الاساءة الى رآبغ ..!!

بقدر ما حبيت إني أبين انوو مكان الفرع غلط << يعني هذا فرع جامعة وتاني احسن جامعة في السعودية مو فرع فول !!



بعض الصوور التي ألتقطها جوالي << في المرفقات

ـ صورة للشاطئ اللي يقع خلف الحرم الجامعي مباشرة ..
ـ صورة لـ اللوحة الترحيبية ( في الوجه على طول اول ما تدخل خخخخ ) ..
ـ صور قريبة وبعيدة للجامعة !!


سآمحوني على الاطالة واي استفسآر انا موجود ..

واتمنى التوفيق لي ولـ ( ظ ) و ( ع ) ولجميع الطلاب والطالبات اينما كانوو ..

تحيتي اخوكم / حمودي ..

[زهرة البنفسج]

الحمدلله إني بنت و مافي هندسة أو طب برا جدة.............الله يعين اللي بيدرسون بعيد عن أهلهم أحسها مرررررررة صعبة

[HaMaD]

المشاركة الأصلية كتبت بواسطة زهرة البنفسج الحمدلله إني بنت و مافي هندسة أو طب برا جدة.............الله يعين اللي بيدرسون بعيد عن أهلهم أحسها مرررررررة صعبة

خخخخخخخخخخخخخخخخ ..
اكيد بتكون صعبة وانا مجرب الشي داا ..
ويسلمووو على المرور ..

[طقوس ..~]

هههههههههههههههههههههههههههههههههه

ههههههههههههههههههههههههههههههههه

هههههههههههههههههههههههههههههههههههههه


>> ماتت ضحححححححححك




والله اسلوبكـ خطيـــــــــــر ماشاء الله عليك


بس اللى يبغى يوصل لحلمه


يستحمل


مو مشكله



هذي كلها اشياء ظاهريه


الله يكون فى عون ع و ظ >> من اول تفكر وش ممكن يكون اسم ظ خخخخ ظاهر خخخخ

بس غريبه ليه ماكتبت اسمائهم >> لقافه


الله يعينهم والله ويوفقهم


بس شئ احسن من لا شئ


:)



وشكل الجو عندهم حر مع رطوبه


بس والله البحر فله مافي احد معاهم خخخخخ


لحالهم كل يوم يسبحووو

[HaMaD]

المشاركة الأصلية كتبت بواسطة ii 5o5a ii هههههههههههههههههههههههههههههههههه ههههههههههههههههههههههههههههههههه هههههههههههههههههههههههههههههههههههههه >> ماتت ضحححححححححك والله اسلوبكـ خطيـــــــــــر ماشاء الله عليك بس اللى يبغى يوصل لحلمه يستحمل مو مشكله هذي كلها اشياء ظاهريه الله يكون فى عون ع و ظ >> من اول تفكر وش ممكن يكون اسم ظ خخخخ ظاهر خخخخ بس غريبه ليه ماكتبت اسمائهم >> لقافه الله يعينهم والله ويوفقهم بس شئ احسن من لا شئ :) وشكل الجو عندهم حر مع رطوبه بس والله البحر فله مافي احد معاهم خخخخخ لحالهم كل يوم يسبحووو

خخخخخخ ..

بالنسبة لأسلووبي حاب أقووولك << وما خفي كان اعظم ..

هع هع هع هع << وظ مو ظاهر !!

ظافر خخخخخخخخخخخخخخخخخخخخخخخخخخخخخخخخخخخخخخخخخخخخخخخخخ !!

والله يعيين الجميع ويوفق الجميع ..

[LazoOord]

هههههههههههههههه

اللوحة حقت السلاح >> من أيام جدي فصفص

الله يستر على
(ع) و (ظ)
ويسهلهم

[jef619]

ما شاء الله شكلكم فليتوها
بس احلا شيء في رابغ الترحيب بعبارة(قتل-معاناة-الم فقد من تحب)

[HaMaD]

المشاركة الأصلية كتبت بواسطة jef619 ما شاء الله شكلكم فليتوها بس احلا شيء في رابغ الترحيب بعبارة(قتل-معاناة-الم فقد من تحب)

الحمد لله فلينهاا <<< بس مو ديك الفلة هع هع هع هع ..

وكلوو كوم والعبارة دي كوم هع هع ..

مرسي على المرور ..

[HaMaD]

المشاركة الأصلية كتبت بواسطة lazooord هههههههههههههههه اللوحة حقت السلاح >> من أيام جدي فصفص الله يستر على (ع) و (ظ) ويسهلهم

خخخخخ << حلوووة جدي فصفص دي <<< لا عاد تعيدها هاا

والله يوفق الجميع ويسلمو على المرور ..

[السراج]

ههههههههههههههههههه

موضوع رائع هههههههه

احلى شب اللوحه فعلن والجامعه زي ما قال خالي تحسها ثانويه حتى تحس في الصوره حقة الجامعه انو في فصحه وكوره ومقصف كدا تحس هههههههههههههههههه

مشكوووووووووووووووووووووووووور اخويا