طلب إعادة الإحصاء ( مبررات الإعتراض على أسئلة الإحصاء )

[الطالب الذي كويس]

السلام عليكم ..

هناك أجماع من الطلبة على " وجود إشكال " في إختبار الإحصاء.

سنقوم هنا بوضع المبررات للإعتراض على ( مشاكل إختبار الإحصاء )

لنقوم بتضمينها في خطاب يرسل ( غداً الجمعة ) بمشيئة الله تعالى ( وبكثافة ) لإدارة الجامعة .

نأمل مراعاة عدم الإطالة وذكر المشكل مختصر !.

مثل :

أ - ضيق الوقت .
ب - مزاجية الأسئلة .
ج - سوء التنظيم الإداري وتوزيع الطلاب .
د - سوء معاملة بعض أو كل الموظفين مع الطلبة .

وهكذا ..

ليتسنى عمل خطاب على ضوء ذلك يقدم لإدارة الجامعة ويطلب فيه إعادة الإختبار .

والله الموفق ،،،

[الأسد الحنون]

بالتوفيق يااارب

[عـ,,,ـل]

ماعندي اي اعتراض

الله يوفق الجميع

[المنسية]

من ناحية الأسئلة مو صعبة مرررره اما المشرفات على لجنة الأختبار فكلمة حق تقاااااااااال أنهم قمة الذوووق في التعامل

وكانهن أمهااات لطالبات في تعاملهم الرااااقي ,,,

ولكن يبقى مشكلة ضيق الوقت وهذي الساعة والنصف حتى طلاب الثانوي الزمن عندهم ساعتين .!!!

[تالينا]

المشاركة الأصلية كتبت بواسطة المنسية من ناحية الأسئلة مو صعبة مرررره اما المشرفات على لجنة الأختبار فكلمة حق تقاااااااااال أنهم قمة الذوووق في التعامل وكانهن أمهااات لطالبات في تعاملهم الرااااقي ,,, ولكن يبقى مشكلة ضيق الوقت وهذي الساعة والنصف حتى طلاب الثانوي الزمن عندهم ساعتين .!!!

ماشاالله عليك في اي مبنى كنتي ولقيتي هالامهات الحنونات بالاربع مواد اللي اختبرتها وباجماع صديقاتي مالقينا انسانه تقدر من الموظفات الا باول يوم كان مع المفتريات وحده مبتسمه فما بالك بالام الحنون رحم الله والديك بس علميني من هم وباي مبنى ماشفنا الا الاهانه والاستحقار حتى في الاسياب يوم نسال عن قاعه ولا استاذه ولااي سؤال روحوا دوروا كنا نطلب منهم سلف وما عرفوا كيف يسولهم دورات لعدم التشويش على الطالبات ولا الطلاب بلا هم جاين نشحد حنا ولازي بعض الطالبات مايمر 5 دقايق على بدايه الاختبار والله خلصنا نبغى نطلع بالله وش كتبو ب5 دقايق اوزي بعض الناس والله حنا رايحين الاختبار نسالهم كيف والله مافتحت الكتاب وانا الي تقول كده قدامي بوجها اقول وشو له انت هنا انطقي ببيتك ابرك ووفري على والدك المسكين المصاريف الي مالها لزمه تضيعين مصاريف على اهلك علشان والله ماذكرتتحسبها استعراض بس حنا يوم جينا الجامعه بعد انقطاع سنين عن الدراسه جينا لنا هدف نحققه ندرس ونتعب بس لهدف مهو لمزاجية موظفه ولا موظف متعين بواسطه هالكبرها وجاي يتشمق بخلق الله انا طلعت امس ابكي والعياذ بالله حلقي بتنفجر من القهرومازلت مقهوره وابكي بذلت مجهود بالماده ومدرسه على حساب بيتي واولادي بس وش نقول الله المستعان وياريت الي ماعنده شكوى بالذات في الاحصاء مع احترامي للجميع بلاش يرد على المقهورين لان المشكله ماهي رص كلام قدروا حرقت الدم الي حنا فيها وكاتب الموضوع كتبه لهدف الشكوى الي ماله شكوى مو لازم يرد هنا ربي يوفق الجميع وبروح اكتب ردي الاصلي على الموضوع !!!!!!!!!!!!!!!!!!!

[واقعية]

لا بالثانوي كمان الوقت كان 3 ساعات للرياضيات

فما بالك بالاحصاء كم المفروض يكون

انا كل اعتراضي عالوقت
بس المشكلة ياخوي نحن نتكلم ونحط حرتنا هنا بالمنتدى لكن ماتلاقي ولا احد يكلف عمره ويروح

والله لو احس في احد متحمس للروحة ونحط ايادينا مع بعض الطلاب يروحوا عند قسم الطلاب والبنات نروح عند شطر الطالبات بس محد يعاون للاسف

لما نكون سوا محد يقدر يتفلسف او يستهين اما لو واحد لحالك محد يمك بيكون


الله يصبرنا وبس

[~{رهايف}~]

الوقت
الوقت
وما اشوف احد يوزع مويه وعصير <<<<< احلفي احمدي ربك معطينك الاسئله
ههههههههههههههههههههههه

[Rorry]

معقولة يعيدونه لنا..

احد المبررات ان بعض الاسئلة وبإجماع كثير من البنات..

خاطئـــــــــــــــــــــــــــــــــــــــــــــة ..

حاولنا بشتى الطرق نطلع نواتج تشبهه الموجودة بالخيارات..

وضاع علينا الوقت واحنا نجرب..

وللأسف لم نتوصل الى حل..

وإضطررنا الى اختيار اقرب رقم..

الا اذا كانت الحلول بطريقة مختلفة غير الموجودة في الكتاب او بإستخدام قوانين خارجة عن القوانين المذكورة في الورقه المرفقه ..

بعدين..مدري..

تتوقعون يعيدونه..؟؟!!

[maher666]

السبب الاول -الـــــــــــوقت قصير جدا اذا توزيع الاوراق اخذ وقت انا ورقة القوانين وصلت عندي بعد اكثر من 20 ساعة من بداية توزيع كامل الاوراق علي الصفوف الاولي

السبب الثاني - طول اسئلة الحاسبه عن النظرية

السبب الثالث - سوء معاملة المراقبين من وقت ماسلمو اللاورق وهم باقي 40 دقيقه باقي 15 ساعة باقي باقي يعني
ازعاج ومافي تركيز

السبب الثالث -ضيق المكان وكثر الاوراق والحلسبه انا في واحد وراي جالس كل شوي اعطيه ورقه ومرة الاله شي بس خليه علي الله

والله الا صار ظلم انا عارف الاجابة بس مو قادر اطبق القوانين

[دروب الحياة]

الاسئلة مافيها اي صعوبه

بس طويله مرة كثير

والوقت قصيرلدرجة ماهي معقولة

هذي المشكله

وبسبب الوقت توترنا

الله العليم اللي حلناه صح ولالا غلط