فرصه لمن لم يتم قبولهن في الدبلوم التربوي :)

[سُمية]

.

السلام عليكم ورحمة الله وبركاته
صبحكم الله بالخير :)
شلونكم وشخبار نفسياتكم :")
على أجر ان شاءالله ولا تضيق صدركم امر المسلم كله خير ()
جبت لكم خبر بيفرحكم يمكن مب للكل بس الي معزم دراسه ومستعد يدفع يتوكل والله يكتب له الاجر:) لان الدراسه والعلم عبادة وطريق نلتمس فيه الجنَّة ():)
قبل احط الخبر بقول شيء..
بنات لا يمر يوم الجمعة ويقضي وانتِ متنكده وتهوجسين:""
احرصي على السُنن،الكهف،الصلاة على النبي علية الصلاة والسلام،الاغتسال،التطيب،الدعاءساعة الاستجابة ...
انتم موكلين أمركم لله سُبحانه وتعالى..تطمنو بيبشرك ربِّ بالقبول الحين آخر رمضان عقب يومين هنا او بأي مكان فقط تطمني واحتسبي:)
وهذا الخبر ..

قرأت كثير من المواضيع عن اعتماد دبلوم التربوي من الجامعة العربيه المفتوحه تفضلوا التفاصيل

الرئيسية

نظرا لتزايد العدد في طلب دراسة الدبلوم التربوي في الجامعة العربية المفتوحة فرع جده لأنهم حاصلين على تقدير مقبول في الجامعه ولأن منهم مدراء مدارس ومشرفين تربوين خاطبنا
الوزارة في الرياض( وزارة التربية والتعليم) ردوا علينا بأنه لا مانع من دراسة الدبلوم ف الجامعة بس بدون إعطاء ورقة موافقه من إدارة التربية والتعليم بجده وعند الإنتهاء من الدراسه
على الدارس إرسال وثيقة التخرج وخطاب من مدير المدرسه بأن الدراسة لا تتعارض مع دوام الصباح وشوية أوراق وترسلها بنفسك للوزارة بالرياض وهم بدورهم يعطونك
رقم معامله وتتابعهم حتى تأخذ المستوى الخامس بمشيئة الله.
وأحب أأكد لك ياعزيزي أن أحد الزملاء أعطوه المستوى الخامس هذي السنه وهو دارس العام الماضي بفرع جده فلا تشيل هم بإذن الله

المهم خطوات التسجيل كالتالي :

1- تروح للفرع وموقعه شرق كبري المربع وتجيهم بداية السنة الجايه لأن التسجيل دايم أول أسابيع الدراسه والتسجيل في نفس المبنى وليس عن طريق النت.
2- تأخذ معك صورة الشهادة الجامعية وصورة بطاقة الأحوال مع الأصل للمطابقة ( ضروري ) وصورتين شخصيه.
3- المبلغ بصراحة مااهو ثابت عندهم مره يزيد ومره ينقص لكن يتراوح مابين 9000 الآف ريال إلى 10000 الآف ريال
4- طريقة الدفع : بعد إستكمال أوراقك في القسم يقول لك روح سدد هذا المبلغ عن طريق بنك سامبا ( نصف المبلغ ) ويقول جيب الإصال من البنك, والبنك تراه في
تقاطع شارع صاري مع الأمير سلطان يعني قريب.
وبعد ماتجيب الإيصال يعطيك الجدول الدراسي ومعه ورقه تستلم فيها الكتب من عندهم وهي ضمن الرسوم اللي دفعتها.
5- طبعا تدفع رسوم الترم الأول فقط والترم الثاني تدفعه مع بدايه الترم الثاني بمعنى آخر ( على دفعتين)


نظام الدراسه:

الدوام يوم الأربعاء والخميس فقط. وأسبوع دوام وأسبوع مافيه دوام. يعني تدام في الترم سبعه ربوعات وسبعه خميسات.<<== حلوه ربوعات خميسات
يحق لك غياب محاضرتين بس ولو زدت يمكن تحرم من الماده .. أصلا مابقى إلا خمس محاضرات.
الدرجات: 30 إختبار نصفي + 20 واجبات + 50 نهائي = 100 المجموع
الواجبات عن طريق النت تدخل موقعهم ويعطونك كلمة مرور ورقم سري خاص فيك تدخل عن طريقه وتحمل الواجب على جهازك وتحله وترسله
مره ثانيه للدكتور وتنزل لك الدرجه على ملفك الخاص بالموقع اللي فيه بياناتك. بس الله يعينك واجباتهم قلق وقرف.

وبصراحه كنت أتوقع إن الدراسه فله وإنك دافع فلوس من جيبك وعشان كذا تنجح لكن والله مشددين وما عندهم لف ودوران دراسه يعني دراسه
ويبغالها مذاكرة وشدة حيل وعدم تهاون.

على فكره عدد الطلاب ماشاء الله كثير دفعتنا بس ثلاث شعب وكل شعبه 27 طالب وأغلبهم معلمين .

هذا كل ما لدي وأتمنى إني أفدتك والله يوفقك وييسر لك

وعلى فكرة أنا توني خلصت الترم الأول بس والترم الثاني ببدأ فيه مع السنة القادمة إن شاء الله تعالى

كل التوفيق أخوي العمده

بالنسبة للجامعة العربية ( فرع جدة )
الدبلوم معتمد ومدتة سنة دراسية ( فصلين مسائي )ورسومة 13000

مكتب جدة الإقليمي
الجامعةالعربيةالمفتوحة - فرع السعودية
جدة - طريق المدينة المنورة – حي الفيصلية
هاتف ( 6983790 / 2 00966 ) ( 6983728 / 2 00966 )
فاكس ( 6985496 / 2 00966 )
دعواتك ..



منقول عسى ان ينفع في تيسير اموركم

الله يسعد قلوبكم ويكتب لكم أجر العلم وطلب العلم حتى لو ما انقبلتي :)
آسف على هذرتي:$ بس والله ودي اطمنكم وافرحكم :"

[حلا العبدالله]

جزاكِ الله خير ان شاء الله ..

بس لاحظت ان المبالغ لنفس الجامعه تختلف اسعارهاا من منطقه لـ منطقه

مادري ليه كيت , يعني حتى الحكومي كيت , بالدمام والرياض التربوي بـ 10 الالف

بـ جده بـ 4 الالف , طيب ليه كل هالفرق ..!!

ودام تقولي بالجامعه العربيه بجده بـ 13 الالف , تلقين بالدمام دبل هالمبلغ , من جد غريبن

حيييل ..

وربي يوفقك ان شاء الله ..

[سُمية]

.

وياك يا أنيقة :*
انا ادري :|بس الي يبي يدرس ومقتدر عادي مافرقت والبعض يفضل الخاص عن الحكومي :d
الاسعار مب ثابته تتراوح يمكن هالسنة غير ومعقولة:/
انا انقبلت الحمدلله
ويوفقك يارب ..انتِ وين قدمتي لاني أشوفك مختبه :""

[حلا العبدالله]

انا قدمت على السلمانيه بس ما تم قبولي , والحمدلله على كل حال ~

ومبروك لك يا قوومر , وان شاء الله ربي يوفقك ..

هو صح اللي يقدر يدرس يفلوسه يدرس ماهيب قضيه بس هم الاسعار مبالغ

فيهاا , يعني ليه ما يراعون طبقات المجتمع , مو معناه انا سعوديه يعني تحت

بيتي بئر نفط .. :d ..

يعني اذ الخاص كيت غالي , ع الاقل يكون الحكومي مبلغ رمزي يعني انا

اشوف 4000 معقووله بس 10 الالف مرا مبالغ فيهاا , خلووهاا 5000

اذ مرا تبوا تخلونه اغلى من باقي الجامعات , بس 10 الالف اوووفررر حيييل ..

ويعطيك العافيه , جزاكِ الله خير ان شاء الله , ويارب يستفيدون من موضوعك البنات

يدعون لك ..

[aws1111]

معتتتتتتتتتتتتتتتتتتتتتد اهم شئ عشان لو نكمل يقبولناا.... مو ضيع سنة عل فاضي ...

[מèěטΘ]

جزاك الله خير
راح يفتح هذا الدبلوم بجامعات الطايف ومكه اليومين هذي ، اذا عندكم رغبه قدموا فيها
والله يوفقكم ، ولايكسر قلوبنا ولايضيع لنا طموح وإياكم

[ايلاف قحطان]

لا تيأسوون .. ترى فيه بنات ما يقدرون يدفعون الرسوم ويرجعون يتصلون فيكم يعني فيه بنات للاحتياط مثل بنات العام الكل تقريبا .. وفيه بنات ما انقبلو ورجعو اتصلو فيهم وارسلولهم مسجات
بإذن الله يكون لكم نصيب في الدراسه يا رب ..

والله يكتب لكم الخيره يا رب يا كريم

[بنوتة الشرقية]

المشاركة الأصلية كتبت بواسطة ايلاف قحطان لا تيأسوون .. ترى فيه بنات ما يقدرون يدفعون الرسوم ويرجعون يتصلون فيكم يعني فيه بنات للاحتياط مثل بنات العام الكل تقريبا .. وفيه بنات ما انقبلو ورجعو اتصلو فيهم وارسلولهم مسجات بإذن الله يكون لكم نصيب في الدراسه يا رب .. والله يكتب لكم الخيره يا رب يا كريم

مافي رسوم يايلاف هالسنه مجانيه لجامعة جده وام القرى

سواء دبلوم او ماستر اعفاء ^_^

لكن بالنسبه في بنات اعتذرو الله يكتب الي فيه الخير وننقبل

امين الله يسمع منك

[мяᴊσσᴊα]

الله يجزاك خير

[eeewy]

سمية يعني دحين دراسة الدبلوم في جدة ب 4000 ريال ؟؟؟ وهل مؤكد إعتمادها من قبل الوزارة التعليم ؟؟؟؟؟