.,~ دفتر الأيام ~,. ملاذ بوح صامت

[مصره على قراري]

أيامنا مليئة بالبوح الصامت, البوح الذي نتمنى أن نزفرهـ جملة واحدة , و ننعم بأنفاس نقية منعشة لا يخالطها ثقل أو يقيدها شرط. بشرٌ نحنُ , نشترك في كل شيءحتى المشاعر , ولكن اِختلافنا يكمن في صدى أحرفنا , أيُّ أذنٌ نود أن يصلها صدانا .،!! || دفتر الأيام.، متنفسٌ حُر يشرع لنا مشاركة كل شيء مع هذا العالم الشاسع , مساحة ابتكرتُها بحثًا عن حدودٍ لِنتقاطع فيها مَعًا بكُل اِنسيابية , و بداخلي رغبةً جارفة لأسمع صدى أحرفكم العَبقة , لِنعيش مع أحدكم يومًا كاملاً من بوح الفِكِر , وَ سَرد التَّفَاصِيل , وَ مُحَاكَاة الوَاقع , يوماً حرَّ الحدود لا سقف يحكمه ، سِوَا الذوق و الإمتاع و أنتمأهله , دفترًا يُعطى لقلمٍ يعرفُ مدى جمالُ انسكاب الحبر على صفحات الأحَاسيس , وينقلنا بقلمه هذا ليومه المختلف لشعوره الخاص لرحلاته و نقلاته البعيدة في عالم الإحساس, دون تعليق أو ملاحظات منَّا,وبعدها ينهي يومه بعبارة~(هذا يومي و للقادمين أيام) و يختار شخصاً أخر يُسلِّم لَه ُهَذا الدَّفتر, و يظل يدور هذا الدفتر بيننا بالتتابع كـ ملاذ بوح يجمعنا سويًا كما جمعناهذا الصرح الخالد بخلود جمال أروَاحِكم فيه. ها هو الدفتر بيدي اسلمه لـ Aowedh Alsolmi لحظة صمت ياساده فالابداع له هيبة يجب ان تحترم شكري لفراشة المنتدى (صوت الفجر) على التصميم و لجميلات جنة الحرف على التنقيح و جمالية التعامل حفظكم الله .,

[Aowedh Alsolmi]

السلام عليكم ورحمة الله وبركاته ..

بدايةً مباركتي وتهنئتي للجميع بنهاية عام دراسي حافل بالنجاح والتفوق , ومباركتي الخاصة لطلاب دفعة 09 وزملائي المتخرجين واخواتي المتخرجات وبالتوفيق ان شاءالله لكم في مستقبلكم العلمي او العملي ..

شكراً جزيلاً لأختياركم وان شاءالله اكون عند حسن ظنكم وان كان قلمي لايرقى لما يطرح بـ جنة الحرف وزاويا قلم ..

دمتم بحفظ الله ..

[Aowedh Alsolmi]

طبعاً بدايةً اعرف بنفسي أخوكم الفقير الى ربه عوض السُلمي [ طالب منكوب] طالب منتظم سابقاً بجامعة الملك عبدالعزيز ومنتسب حالياً ..

الكثير يتسآل عن المعرف الكئيب السابق والجواب بأنني احد ضحايا السنة التحضيرية في بداية تطبيقها لدفعة 09 وكنت احلم واطمح واخطط لكن الحمدالله قدر الله وماشاء فعل ودخلت كلية الحاسبات قسم نظم المعلومات وشاء الله ان التحق بـاكاديمية الطيران المدني وانا الأن على وشك تخرج ولله الحمد ..

انسان عادي جداً يحمل الحب للجميع لايرضى الظلم ابداً ..

[Aowedh Alsolmi]

يــــــاما حلا ياعبـــيد وقت الاسفار
جذب الفراش وشـبّ ضوّ المناره


مـــع دلـــة تجذا على واهج النـــار
ونجر إلــى حــرك تــزايد عــباره


في ربعة ماهي بـ تحجب عن الجـار
لا منّ خطو اللاش ما شبّ نــاره


النجر دق وجـــــــاوبه كل مــــــرّار
مالفّـــه اللملفوف مــن دون جــاره


وأخير منها ركـــعتين بالاسحـــار
لا طاب نــوم اللي حيااته خســــاره


تلقا في يوم يـــــضيغن الافكــــار
يوم على المخلوق ما اطول نهـــاره


وقم في قصر البيت حشمة ومقدار
لو جار فالمدح له ولو به خساره


ترى النبي وصى علىالجار لوجار
خذ حذرك ياعبيد عقب النــــذاره


رافق قوي الدين حفّاظ الاســـرار
ينفعك في يوم يجي به كـــــــراره


ترى الهوى والغيّهنشر الاشــرار
ومن داس ارالناس داسوا لعاره


جنّب ردي الكار ما فيه تعـــــبار
ما فيه من فعل المناعير شــــــاره


جنب خلّله لقصاف الاعـــــــمار
واحفظ وصاتي يارفيــــــع المنــــاره


واسلم ودم بالخير ياطير غيمار
وصلوا على المختار ماغار غــــاره

[Aowedh Alsolmi]

منتديات سكاو ..

صرح شامخ كبير جزا الله خير من قام ويقوم عليه , هو الملاذ الآمن لكثير من الطلاب وكما استفدنا منه الكثير رآح يستفيد منه بآذن الله الكثير وهنيئاً لكم الأجر والمثوبة ..

آذكر قسم السنة التحضيرية فتح على سنتنا , الله ياكان فيه من المناحه ههههههههه الله لايخلينا منكم وويوفق الجميع ..

[Aowedh Alsolmi]

آنا مااكتب كثير , وان قل تواجدي ترى اقرأ ومطلع لكل جديد في الأقسام العامة واقرأ في المدونات التالية بأستمرار:

هذره + كيس فصفص + طقّة أصبع
أجنحة لا تنكسر..,
جنّــةُ النّور ؛
[.. ما أشبهَ اللّيلةَ بِالبارِحة ..] ‏
~ لــــحــــظـــات ~ ‏
فصول ..! ‏

ماشاءالله تبارك الله عليكم , واستمرو ولاتحرمونا من ابدآعكم فانتم وقود وروح المدونات ..

شكراً بلا مدد ..

[Aowedh Alsolmi]

الزوج موجود والإبن مولود والأخ مفقود


جاءت امرأة إلى الحجّاج بن يوسف الثّقفي تلتمس أن يُطلِق صَراح زوجها وأخيها وابنها الذين كان قد

أسَرَهم بعد انتصاره في معركة وادي الجماجم ، فقال لها ׃ مادامت لك الشجاعة لتواجهي الأمير فإني

سأقبل أنْ أفرّج عن أحدِهم فأيّهم تختارين? فكرت المرأة لوهلة ثُم قالت׃ الزوج موجود والابن مولود

والأخ مفقود، أختار الأخ . فأُعْجبَ الحجاجُ بجوابها و أفرج عن الثلاثة.

[Aowedh Alsolmi]

فرحت لك .. وأنا معاليقي حطام
والصدر .. من ما فيه بيّح كنينه


فرحة يتيم ٍ .. ليلة العيد ما نام !
خالاته , وخواله .. مواعدينه


مواعدينه بشت .. وشماغ بسّام
ويلّعبونه .. في ملاهي المدينه


مانام .. واحلامه تحّراه قدام
كنه يطول أحلامه بـ ( راحتينه ) !


صبحه تجّلا نوره بـ / عيد الاسلام
وقبل يروح المسجد : ملّبسينه


جده ما بين العين والجيم واللام
خلّيه يافلانه .. ولا تأخرينه !


تراقبه بـ / عيونها .. حب وهيام
وعيونها .. ممّا تكنّه / حزينه


"يعرض لها الماضي مثل عرض الافلام "
لـ .. ماضي ابوه وغلاه وحنينه


يرجيه لـ ( سنين القسا ) درع وحزام
وجنب ٍ على صكات بقعا يعينه


ابو ثلاث أعوام .. والا 4 أعوام
يغار منه البدر .. من كثر زينه


صلّى وجاء وأمر الله اللي قضى تآم
ماهوب داري عنه .. زينه وشينه


بشته عليه .. مهندم ٍ خير هندام
واللي بـ / عمره .. كلهم محترينه


يوم اطلعوا للشارع انقسموا أقسام
وأهم مافي القصه ؟ ملّعبينه


تداعب رموشه .. ذعاذيع الانسام
ويابردها .. يوم آيبست شفّتينه


وعلى تراب الأرض بأصبعه رسّام
أما رسم له طير .. والا سفينه


العيد طعمه كان في الشارع العّام
ماهوب عن رغباته .. مقيدينه


رجع ولكن فرحته ضايعه ( دام :
كل ٍ مشى ) وأخذ ولده بـ / يمينه


صاروا خواله في نظر عينه اصنام
آحيوا بـ .. داخله الجروح الدفينه


ولا عنده الا أمه وناب القهر سّام
جاها يبي منها اليدين الأمينه


شعوره اللي حس به مثل الإلهام
وأول سؤال في باله : أبوي وينه ؟


سؤال : لكن كان مثل النبا الهّام
لازال باقي في المسامع .. رنينه


جته تعدي , ماهو تخّطي بالاقدام
وشالته بيديها .. وحبّت جبينه


أبوك : جاء البارح وقبل الفجر قام
وشرى لك ألعاب , وهدايا ً ثمينه


تراه حبّك وأنت غارق في الاحلام
وراح لـ .. دوامه , والشغل مرسلينه


لحظه .. وهو بين الحقايق والأوهام
والدمع الازرق حاير فـ .. مقلتينه


يمّه : ترى مانمت والعالم نيام
ماجاء .. ولا لمست يديني / يدينه


مدام رقمه معك من بين الارقام
بـ .. أكلمه , يوم إنك تكلمينه !


طاحت ما كن آلها من الصدمه عظام
ولاعاد فيها صبر .. ولا سكينه


قالت بدون شعور وإدراك وإلمام
أبوك ! في تراب القبر دافنينه


العام مات .. ومتّ من موته العام
وكني بعد مامات عني سجينه


أبوك جندي للوطن ضد الإجرام
عطاك عمره دون داره ودينه


تفجّرت من تحت رجلينه ألغام
ولاعاد لي بعده حصون ٍ حصينه


بكّت .. وطاح الدمع من حر الآلآم
وبكى وطاح الكون من موق عينه


كل ٍ عذلها .. بين عاتب ولوّام
تصّبري .. خلي ضلوعك متينه


ماهو صحيح ان الضروره لها احكام
اكبر خطاء يوم إنك تعلمينه


بكره تنسّيه الليالي والايام
هو فيه أحد ينسى حدا والدينه ؟


طير السعد في عالمه مابعد حام
والله يعلم وش تخبي سنينه


أنا كذا ! ساكت وصابر ومنضام
لكن كان الفرق بيني وبينه :


الدمع لـ .. عيون الأرامل والايتام
ودمع الرجل ذل وهوان وغبينه !

[Aowedh Alsolmi]

ذبحنا الحر ..

اللهم حرم جلودنا ووالدينا واخواننا والمسلمين على النار ..

[Aowedh Alsolmi]

اللهم يا ناصر المظلومين وفارج هم المهمومين فرّج هم أهلنا في سوريا , اللهم إنهم ذاقوا القهر والظلم والجور , اللهم أنصفهم وانصرهم وخذ حقهم فلا ناصر لهم الا انت شبحانك ..