ممكن تفيدوني في تخصص هندسه الطيران ومستقبله

[العمري(ويلي)]

اشكركم على الرد في الموضوع الاول بس حطيت ذا الموضوع لوحده عشان قلت يمكن ما تنتبهو لو حطيته في الموضوع الاول
شباب الله لا يهينكم انا حبيت ادرس هندسه الطيران لان ميولي اني اصير طيار في المستقبل واحترم اراءكم ومجهودكم واشكر الجميع

بس اتمنى واحد في يساعني ويوفر عليا الطريق وانا ابغا ادرس طيران بس يا ليت ابتعاث لانكم تعرفو الطيران غالي اتمنى واحد يعرفلي ابتعاث في السعوديه او الامارات ويوفر عليا الطريق انا ما عندي انجليزي صح بس بتعلم في المستقبل
ممكن احد يفيدني واذا في احد دري هندسه الطيران اذا مافي الا ذا الطريق يعلمني كيف المواد اللي درسها صعبه سهله يبغالها مذاكره ليل نهار اتمنى الرد يا اخواني
وشكرا للجميع

[صقرر]

والله اخوي ودي اساعدك

اتصلت على شخص في قسم هندسة الطيران واخذت منه كل شي

بالنسبة للدراسة في الجامعة فقط تخصص هندسة طيران يقول اول 3 مستويات الي هي الاساسيات والاداء والمحركات كلها سهلة وما يحتاج مذاكرة كثيرة

وافضل دكتور في مستوى الطيران هو ماهر سعيد علي

بالنسبة لبقية المواد بصراحة يقول خليط بين الانتاج والحرارية

القسم يتجه نحو الصعوبة بسبب اضافة مواد هيت ترانسفير ومواد من الانتاج

هذا الي عرفته حتى الان ومن ناحية القسم ترى يقولي مرة ممتاز

[برشلوني]

^^^^^^^^^^^

عامل داعيه لطيران >>>

[السمكري]

اول شيء اذا تبغى تكون طيار مو شرط ان تدرس هندسة طيران ادرس اي شيء انت تبغاه .............
بعد ما تغلق دراسة او اذا الله فتح عليك و جاك رزق طيب قدم على مدرسة طيران تدرس تقريبا سنتين و تاخذ رخصة طيران تجاري و ما اظنهم يشترطوا عليك انه يكون عندك تخصص معين لانهم يقبلوا الثانوية .....
على العموم في السعودية في مدرسة طيران اسمها اجنحة رابغ تقدر تدخل على موقعهم في الانترنت .

[seaksa]

برشلوني هههههههههههههههههه صقر ما قصر هههههههه

[DeleT]

اخوي الغالي

هندسة الطيران تعتبر من اصعب الاقسام بكل صراحه

ومن ناحية ابتعاث فهذا شئ مستحيل تقريبا
وما اعتقد بالاساس انه في ابتعاث طيران

ومن ناحية القسم مثل ما قال اخوي صقررر

وراح تدرس فيه

هياكل الطائرات والاداء والمحركات والاحتراق والاستقرار وتصميم طائرات

وسرعات الهواء المنخفضه والعاليه والصيانه ومواد اخرى لا اذكرها

وكان بودي اصور لك خطتي الدراسيه لكن للاسف موقع الجامعه مقفل

ومن ناحية الدكاترة تقريبا كلهم ممتازين وانا درست عند الدكتور ماهر وهو فعلا ممتاز

وفي الدكتور وائل هرساني جدا خلوووق والدكتور بلقاسم وهو الادفايرز لي

وبكل امانه اغلب الدكاتره ممتازين

وخصوصا من ناحية الشرح ومجالات العمل كثير

منها جميع شركات الطيران الموجوده حاليا من ضمنها الخطوط السعوديه

وشركة المكمله والدفاع الجوي والجويه وهيئة الططيران المدني والدفاع المدني

وتقدر تتوظف بمجالات اخرى منها تحلية المياه لان التخصص من اقوى التخصصات من ناحية التوربينات

وانا اعرف شخص اخوه موظف بها وهو هندسة طيران

ومن ناحية الوظيفة لا تشيل بما انك مهندس باذن الله ما راح تتعب فيها

واتمنى اني اكون افدتك

واذا بغيت شئ ثاني راح اساعدك فيه ان شاء الله

ومثل ما قال اخوي صقررر تقدر تراجع رئيس القسم وراح يفيدك اكثر

[العمري(ويلي)]

اخواني ابغا اكون طيار احد يساعدني في اي ابتعاث لو على الامارات ساعدوني

[السمكري]

المشاركة الأصلية كتبت بواسطة العمري(ويلي) اخواني ابغا اكون طيار احد يساعدني في اي ابتعاث لو على الامارات ساعدوني

انت تقصد ابتعاث طيارين على حساب الدولة مبطلينه من زمان .........
لكن في اشاعة و الله اعلم انه الخطوط السعودية في طريقها لتقديم برنامج لابتعاث لدراسة الطيران لكنه اشاعة مو اكيد و سبب فتح باب الابتعاث انه الخطوط مشترية ما يقارب 70طيارة جديدة و في حاجة لطيارين .......

[صقرر]

المشاركة الأصلية كتبت بواسطة السمكري انت تقصد ابتعاث طيارين على حساب الدولة مبطلينه من زمان ......... لكن في اشاعة و الله اعلم انه الخطوط السعودية في طريقها لتقديم برنامج لابتعاث لدراسة الطيران لكنه اشاعة مو اكيد و سبب فتح باب الابتعاث انه الخطوط مشترية ما يقارب 70طيارة جديدة و في حاجة لطيارين .......

لو الخطوط بحاجة لطيارين كان ما تسمع عن طوابير السرا لكثير من الطيارين خلصوا تدريب في الاردن والان مقدمين على الخطوط وبالسرى

اعرف واحد ماسك سرا من سنتين وللأن مهندس فقط في الخطوط مع العلم انه شهادته طيار بمرتبه الشرف !!!!

[العمري(ويلي)]

يعني تنصحوني اذا بغيت اكون طيار اروح طيار عسكري في كليه الملك فيصل الجويه ولا اخش هندسه واتمرمط كم سنه واصير طيار واقعد في بيتنا الين ما يقبلوني الخطوط ممكن تفيدوني؟؟؟