طلب مشورة بخصوص الجدول ~ الترم الخامس

[Bayan.J.S]

السلام عليكم ..

رمضان مبارك عليكم كلكم يارب .. ~



ان شا الله الترم دا حيكون خامس ترم ليا ،

يعني آخر حاجة و اتخصص ان شا الله

بس عندي معضلة نوعاً ما ..

ساعات التخصص 71 المفروض صح ؟

طيب أنا عندي 54 بس

كخطة أولية كنت أبى آخد :

محاسبة 2
نظم
تسويق
تقارير
ثقافة 3
مادة حرة " 3 ساعات "

عشان أقدر أوصل لـ 71 ساعة !

أنا شايفة إني بكدا أنا برمي نفسي لمشنقة الإعدام

أحد عنده اقتراح أفضل من كدا ؟

ينفع آخد مادتين حرة ؟

يصير مسلا :

محاسبة 2
تسويق
تقارير
ثقافة 3
مادة حرة
مادة حرة

أو هل لازم أضغط نفسي عشان أتخصص ؟

لانه كفاية التمويل حخليه بعد التخصص بازن الله

فإش العمل ؟ أفيدوني بالله :(

[بنت ناس وقلبي ألماس]

المشاركة الأصلية كتبت بواسطة bayan.j.s السلام عليكم .. وعليكم السلام ورحمة الله وبركاته رمضان مبارك عليكم كلكم يارب .. ~ آمين وإياك يارب.. ان شا الله الترم دا حيكون خامس ترم ليا ، يعني آخر حاجة و اتخصص ان شا الله بس عندي معضلة نوعاً ما .. ساعات التخصص 71 المفروض صح ؟ لو باقي لك 12 ساعة من ساعات التخصص ما راح تتخصصين طبعا مع ساعات المستوى الخامس أما لو أقل تتخصصين.. طيب أنا عندي 54 بس لو كان 54 مع ساعات المستوى الخامس ماراح تتخصصين.. كخطة أولية كنت أبى آخد : محاسبة 2 نظم تسويق تقارير ثقافة 3 مادة حرة " 3 ساعات " عشان أقدر أوصل لـ 71 ساعة ! أنا شايفة إني بكدا أنا برمي نفسي لمشنقة الإعدام أحد عنده اقتراح أفضل من كدا ؟ طيب يصير خذي 15 ساعة أفضل من 18 خذي مثلا نظم ومحاسبه2 وإعداد تقارير وتسويق (وماده حره أو ثقافه) أو ماده حره وثقافة ونظم وتسويق ومحاسبه2 ينفع آخد مادتين حرة ؟ يصير مسلا : محاسبة 2 تسويق تقارير ثقافة 3 مادة حرة مادة حرة بس كذا حيصير ضغط عليك خصوصا احتمال يكون عندك إختبارين في نفس اليوم أو هل لازم أضغط نفسي عشان أتخصص ؟ لا أهم شي المعدل.. لانه كفاية التمويل حخليه بعد التخصص بازن الله فإش العمل ؟ أفيدوني بالله :(

تم الرد وبالله التوفيق

[TURKI ALharbi]

اولا شيء انتى ايش ناويه تتخصصي لان حسب ماعرف اذا كنت مثلا تبغي نظم بس مادرست النظم ماتتخصص الين تاخدها
فقولي ايش ترغبي تتخصصي وترى التمويل سهل :) ممكن تجيبي فيه a+

[khaled.91.11]

بنت ناس وتركي ما قصروا
وزي ما قلك تركي أهم شي تشوفي انتي ايش تبغي تتخصصي وتنزلي مادته
ولا تخافي حتى لو ما وصلتي ال 71 حيخصصوكي

[Bayan.J.S]

بصراحة مازلت عالقة بحكاية التخصص
الي في بالي صراحة بالترتيب

تسويق
موارد بشرية
ادارة اعمال

أنا عندي 54 ساعة بدون مواد الترم الخامس دا

لو قررت آخد

محاسبة 2
نظم
تسويق
تقارير
ثقافة
" كدا 14 ساعة "

14+54 = 68

تبقى 3 ساعات للتخصص ، عايدي يعني ؟

ما يحتاج أقطع نفسي ان شا الله ؟

المهم يكون باقيلي أقل من 12 ساعة ؟

لانه الموضوع مسببلي تشنج دماغي و مبهدلني بصراحة

،،،،

و قد جربتوا تاخدوا محاسبة 2 و تمويل مع بعض ؟

بسمع آراء انه شي متعب و ممكن أضيع درجات كتير :(

فأفيدوني في الموضوع دا الله يرضى عليكم كمان

يصير لو أوكيه آخدهم سوا يصير أبطل من الثقافة

و الله يديكم العافية كلكم ماقصرتوا

[بنت ناس وقلبي ألماس]

المشاركة الأصلية كتبت بواسطة bayan.j.s بصراحة مازلت عالقة بحكاية التخصص الي في بالي صراحة بالترتيب تسويق موارد بشرية ادارة اعمال أنا عندي 54 ساعة بدون مواد الترم الخامس دا لو قررت آخد محاسبة 2 نظم تسويق تقارير ثقافة " كدا 14 ساعة " 14+54 = 68 تبقى 3 ساعات للتخصص ، عايدي يعني ؟ ما يحتاج أقطع نفسي ان شا الله ؟ إيوه عايدي يا قلبي لا تشيلي هم.. المهم يكون باقيلي أقل من 12 ساعة ؟ إيوه أهم شي أقل من  ساعه.. لانه الموضوع مسببلي تشنج دماغي و مبهدلني بصراحة ،،،، و قد جربتوا تاخدوا محاسبة 2 و تمويل مع بعض ؟ بسمع آراء انه شي متعب و ممكن أضيع درجات كتير :( فأفيدوني في الموضوع دا الله يرضى عليكم كمان عن نفسي ما جربت لكن ما أنصحك لأن كلا المادتين فيها قوانين كثيره وبكذا حتلخبطي نفسك وما حتقدري تحفظي القوانين.. يصير لو أوكيه آخدهم سوا يصير أبطل من الثقافة و الله يديكم العافية كلكم ماقصرتوا

الله يعافيك ويحقق أمانيك وأي استفسار ثاني لا تترددي
احنا هنا لخدمتكم..

[chσcσℓiηe]

صعب تاخدي محاسبة 2 وتمويل !!! ماينفع

وعاادي لو باقي لك 3 ساعات على التخصص مو مشكلة

انا اشوف تفتكي من المواد الصعبه و خلي الحره بعدين خدي

تسويق محاسبة نظم ثقافه و تقارير

مادتين صعبه تسويق ونظم
و محاسبة متوسطة
ثقافه وتقارير سهلة ان شاء الله

فـ كده جدولك متوازن عششان ماينزل معدلك كمان وتتخصي الي تبغيه

[khaled.91.11]

شوفي بالنسبة للمحاسبة 2 والتمويل عادي انك تاخذيهم مع بعض
بس الترم الجاي أبدا ما أنصحك لأنه حيغيروا كتاب التمويل فما تدري يكون صعب ولا لا
فعشان كذا خليكي على محاسبة و نظم وتسويق وتقارير وثقافة أحسلك