بحث وتدريب .. مع امل تركستاني

[خلود باحاذق]

السلام عليكم ..
طالبات البحث والتدريب مع الاستاذه امل تركستاني

انا ماقدرت احضر المحاضرات السيستم مو راضي عندي

اللي حضرت ياليت تفيدنا ايش قالت الدكتورة وايش ساعاتها المكتبيه

انا اللي فهمته انه عباره عن تقرير وتدريب واختبار والاسئلة موحده

لكن اللي عندها فكرة من وين المذاكرة تفيدنا ...

انا بكرا بروح الجامعه واتواصل معاكم ايش صار معاي والجميع يدخل ويقول ايش صار معه عشان نستفيد من بعض

[memo moon]

خلود انا زيك مع امل تركستاني ومعلوماتي عن الماده نفس معلوماتك ياريت يابنات اي وحده عندها اي معلومه عن الماده وعن الدكتوره تفيدنا
وكمان حبيبتي عندي سؤال بما انك زيي ابغى اعرف وين حتدربي عشان ابغى اتدرب مع بنات مولحالي :(

[memo moon]

معليش انتبهت انك كاتبه بكرا بتروحي الجامعه انا كمان ناويه اروح بكرا مع قريبتي ان شاء الله بس لو ماقدرت ياريت تقوليلنا ايش سار معاكي الله يسعدك :)

[خلود باحاذق]

اهلا عزيزاتي

رحت للاستاذه اليوم سالتها عالسنترا قالت لازم تحضري اذا السيستم ما اشتغل بعد الدورة حتنزل في قسم المواد المسجله

وهو مقسم تدريب وتقرير واختبار
بالنسبة للاختبار حتنزلها بالسلايدات على موقعها الخاص

نجي لموضوع التدريب طلبت اطبع ورق من النت من موقع الجامعة واعبي الاستمارة واوديها للاستاذه توقع عليها
وبعدين اسوي التدريب وطبعا بالتدريب راح يقيمو بعد كدا ارجعو تاني للاستاذه هجوووووووووله وبقوة


بالنسبة لطريقه طباعه الورق
حتدخلي اول1 موقع الجامعه
2 الكليات
3 كلية الادارة والاقتصاد
4طلابنا
5تدريبنا التعاوني
6شطر الطالبات
7الاجراءات
8النماذج
من النماذج راح تنزلي (خطاب الموافقه -خطاب الشكر -خطاب التقييم) وسلامتكم

وبالنسبة للتقرير ماوضحتلي كيف اسويه مرة اهتمت اني احضر المحاضرة رغم اني قلتلها ما زبط
لكن نحاول


اللي راحت او عندها معلومة تفيدنا ياليت ماتبخل علينا الله يسعدكم

[خلود باحاذق]

ميمو لسه راح ادور فين اتدرب الله يسهلها ان شاء الله ونتخرج على خير

[memo moon]

خلود الله يعطيكي العافيه حبيبتي بالله لو عرفتي وين حتدربي اديني خبر احس اغلب البنات حيتدربو في بنوك وهوا احسن شي يمكن :)

[nour al3mr]

و عليكم السلام و رحمة الله و بركآته

الله يعطيك العافية أختي و يكتب لكم جميعًا التوفيق

أضيف الموضوع هنا :
][ خلاصة الدورة التأهيلية لِـ طآلبـآت الإنتسآب :1434 - الفصل [1]:][
و فضلا منكم نتمنى يكون تجمع جميع طالبات د. أمل هنا ليعم النفع للجميع
الله يوفقكم

[خلود باحاذق]

اخواتي اللي تقدر تنزل ملخص للاحتبار نذاكر منه جزاها الله خير

[memo moon]

خلود اتوقع ماعاد في اختبار شكلو رجعنا زي النظام القديم قبل امس رحت الجامعه وسالت دكتوره جيهان فكهاني لانو امل تركستاني ماكانت موجوده في المكتب قالتلي احتمال كبير انو نلغيها شويه كدا قالتلي خلاص لغيناها اصلا بس برضو اتأكدي من دكتورتك واليوم برجع اروح ان شاء الله بس الاقيها عسى مايكونو لغوها :(

[memo moon]

خلود باحاذق احتاج اتواصل معاكي والله شوفي طريقه وخلينا نتواصل بليز