الرجاء مساعدتكم يا قسم النظم

[men]

السلام عليكم ورحمة الله وبركاته
كل عام وانتو بخير
والله يعيننا على صيامه وقيامه يارب
وحشني منتدانا العزيز وقسم النظم بالاخص

عندي استفسار بخصوص مواد المستوى السابع ؟؟
انا عارفة انو بدري بس عشان محد حايطل في وجهي دحين فقلت اكتبو من بدري واللي يبا يفيدنا حياه الله
ابغى اعرف مدى صعوبة هادا المستوى(السابع),,..
هل هوا مثل خنقة السادس الاليمة
ولا اهون
اتمنى الرد منكم اللي عندو اي معلومة مفيدة الرجاء انو يكتبها ويخلينا نستفيد وندعيلو في هاذا الشهر الفضيل
عشان اذكركم بس المواد هي:

Cpis351
cpis354
cpis358
cpis357
acct333
''طبعا كالعادة ياسعادة دردشتنا الجميلة طبيعة المادة, مستوى الصعوبة,
من درسكم ومين الافضل يدرسناا وخصوصا الطالبات الله يسعدكم, نذاكرها اول باول ولا نلطشها ليلة الاختبار...وهلم اتستراا"

وجزاكم الله الف خير مقدما والله حادعيلها اللي حاتفيدنا بعلومة مفيدة وتطمنناا

[men]

ياالهي ولا رد
قد كدا سئلتي صعبة

[07 رمز الوفاء 07]

شوفي :
cpis 351
هي تكملة لمادة 250 وبالنسبة لي أنا أشوفها اسهل من 250 ....
cpis 354
درسناها مع البنات مع دكتور جداااااا رااااايع اسمو خالد العمر المادة جدااا ممتعة عن تصميم الواجهات الألكترونيه والمزايا والعيوب في المواقع ... بصراحة مادة استفد منها بشكل جدااا راااايع والدكتورجداااا راايع ومخلص في الشرح بعد...
cpis 358
مادة أكواد نت لكن كانت المشكلة في الدكتور محمد أحتشااام والمادة اشوف انك تقدرين تتعلمينها لحالك عن طريق موقع ثري اسكولز.. الترم الجاي -بأذن الله - راحندرسها سؤا...
cpis 357
ما أدري المااااااادة ذي وش تتكلم عنو بصراحه بس الحمد لله عديتها بي 70 مع الدكتور عبدالله الغامدي ...
acct 333
ما أدري لاني ما درستها الترم الجاي- باذن الله - أدرسها ...
وللمعلومية شعب المواد للترم الجاي موجوده على اودس
وشكررررراااااا

[men]

جزاك الله الف خير ما قصرت "رمز الوفاء"
ويعطيك العافية:)



يلا برضو منتظرين اجاباتكم وتجاربكم

[ISESD]

شوفي ياستي :
cpis 351
هي تكملة لمادة 250 لكن اسهل منها وأخذناها مع الدكتورة سارة خان اختباراتها الدورية كانت سهلة لكن في الفاينل عكت معانا شوية وهي بالنابة ليييييه افضل دكتورة في الحاسب مرت علية مع الاستاذة اسماء الشنقيطي ....
cpis 354
درسناها مع الاولاد مع الدكتور خالد العمر ... الدكتور نظام امريكي يعني يقدس الترتيب ومنظم وهادا مرررة كويس يقلك ايش يبغى منك من بداية الترم من ناحية الواجبات والمشاريع منهجه مرررررررررة طويل لكن مشكلته يخليكي طول الترم على عماكي وماتدري كم اخذت عنده يعنى مثلا انا دخلت الامتحان النهائي وماني عارفة غير درجة الدوري فقط لاغير وتفاجئت من الدرجة النهائية لأني توقعت اجيب افضل الكلام هادا مو بس بالنسبة لييييه لكل صحباتي يلي كلمتهم !!
cpis 358
برضو مع الاولاد مع الدكتور احتشام ... الاكسيز حقو معدوم يعني اجلزيته صعبة
بس ذاكري اكواد الكتاب كويس +اكواد دبليو 3 سكولز وان شاء الله تجيبي درجة كويسة عنده
cpis 357
برضو مع الاولاد مع الدكتور عبدالله الغامدي ايش فايدتها بالحيااااة مااادري حتى كلامها صعب ماينحفظ كنا ننام في المحاضرة ^_^والدكتور جاب اسئلة من المريخ في الفاينل بس درجات البنات كانت كويسة راعانا ...
acct 333
محاسبة
مررررررررررة حلوة اخذنها مع دكتورة مصرية والله ناسية اسمها مررررررررة كانت طيبة وتشرح وكأنها تشرح لبنات اولى ابتدائي حتى الكلمات تترجمها لينا وقبل الامتحان تعمل مراجعة خفيفة يلي تقلكم مهم جاي في الامتحان ويلي تقول و مهم مو جاي + لازم تحلي تمارين كثير علشان يدك تأخذ على الحسبات



شكرا وياليت طلاب المستوى الثامن يعطونا نبدة مختصرة

[men]

يعطيكي العافية"isesd" الله يجعلو في موازين حسناتك يارب

منتظرين باقي الردود:)

[احدهم]

up


plz

[صدى الصمت 2]

ياليت الشباب يقولولنا أسماء الدكاترة اللي نازلين عندهم في الأوديس لهذه المواد

cpis354
cpis358
cpis357

شكراً

[Nnos]

المشاركة الأصلية كتبت بواسطة صدى الصمت 2 ياليت الشباب يقولولنا أسماء الدكاترة اللي نازلين عندهم في الأوديس لهذه المواد cpis354 cpis358 cpis357 شكراً

cpis 358 محمد احتشام
cpis 354 خالد العمر
cpis 357 عبدالله الغامدي

[مشبب بن علي]

المشاركة الأصلية كتبت بواسطة صدى الصمت 2 ياليت الشباب يقولولنا أسماء الدكاترة اللي نازلين عندهم في الأوديس لهذه المواد cpis354 cpis358 cpis357 شكراً

هذي صورة من الأودوس توضح لك ما طلبتيه
[


أيضا ودي منك إنك تقولي لي عن مادة CPIS 342 ، وش رمز الشعب عندكم + وقتها ضروري بالله !!!