اجراءات التخرج تعقيد في تعقيد ( خارج جده ) اريد حل

[الله يخارجنا]

السلام عليكم ..

موضوعي باختصار اني لدي مشكله مع هالجامعه المعقده ..


انا هذا اخر ترم لي ان شاء الله ..
في اختبارات الترم الماضي رحت للشؤون التعليميه وعمادة القبول
عشان اغير من ( مستمر في الدراسه ) الى ( متوقع تخرجه ) فرفضوا
وقالوا ان النظام الجديد لازم تجينا في بداية الترم الاخير لك ..

المهم انا الان في الشرقيه .. ولااستطيع الذهاب الى جده وقطع مسافة
1500 كيلومتر على شان معاملة ماتاخذ عشر دقائق .. ومااستطيع الذهاب بالطياره لان
امكانياتي على قدي .. ناهيك عن اني اصلا لااستطيع الذهاب اصلا بسبب ظروف العمل ..
اضافه الى ان اقرب مطار من مدينتي يبعد حوالي 300 كيلومتر


المهم قال لي صديق ان اكتب معاملة الكترونيه وسيستجيبوا لك خلال يومين ..

اليوم صار للمعامله اكثر من اسبوعين ولااظن ان احد الموظفين التفت اليها ..


الشيء الاخر ان تليفونات جميع مكاتب شؤون الانتساب لااحد يرد عليها
وتلفونات عمادة القبول ايضا .. ماادري ليش ..

الشيء اللي ينرفز فعلا انهم دائما يقولون جامعة الكترونيه وخدمات عن بعد ..

لكن دائما نكتشف العكس مع هالجامعه اللي تبقى محلك سر

[دلوعة الجامعه]

الله يكون بعونك يااختي

جامعه مزفته

خليها على ربك بس

[Abdullah_Kau]

راح اعطيك السالفه من طق طق إلى السلام عليكم

أنا نفس وضعك عانيت نفس المعاناه من كثر الاتصال وارسال معاملات إلكترونية
ولا حياة لمن تنادي ...وآخر شيء قررت أروح بنفسي وانهي إجراءات التخرج
وانا ماكتبت المشاركة هذي إلا بسبب المعاناه اللي حسيت فيها وحبيت أوضح
لك وللطلاب اللي على وجه تخرج وربي يوفق الجميع وعموماً غض الطرف
لأني بدخلك وسط معمه مالها أول من آخر بس إن شاء الله تفيدك

عموما أنت عندك حلين

الأول تحضر بنفسك وهذا أتوقع صعب عليك بحكم بعدك عن منطقة جدة

الثاني تسوي توكيل ( تفويض ) لشخص قريب لك في جدة وتكتب كالتالي

نعم انا ........ حامل بطاقة أحوال رقم ........والرقم الجامعي .......
تخصص ..... مسار ..... لقد فوضت ............
لمراجعتكم وإنهاء كافة
الإجراءات المتعلقة بمسوغات التخرج وله حق التوقيع عني فيما يخص ذلك .
ويكون الخطاب تحت توقيعك وتصديق مديرك في العمل ولا تنسى الختم .
وترسله بريد ممتاز وهو بدوره ينهي كافة الإجراءات .

ولكن الأهم من هذا كله تشوف الساعات للمواد الاختياريه والحره والاساسية
وصورة من بطاقة الأحوال وصورة من جواز السفر عشان يكون الاسم مطابق
باللغة الإنجليزية والبطاقة الجامعية بالمره .

طبعاً ترسله اول شيء للشئون التعليمية مقابل كلية الاقتصاد والإدارة مبنى الأعمال
الدور الارضي يروح للموظفين بالكاونتر ويطلب الخطة بالرقم الجامعي يعطونه
ثلاث اوراق :

الاولى : الخطة الدراسية جميع المواد اللي درستها المكتسبة والمتبقية واللي اخفقت فيها
الثانية : ورقة تعديل الجدول للحذف والإضافة وتقدر تزيد عدد ساعات اكثر من 18
الثالثة : نموذج التخرج

يروح بالورقة الاولى إلى مكتب المسئول عن الإنتساب في نفس الدور الارضي للشئون
التعليمية عشان يشوف عدد الساعات المكتسبة والمتبقية ويسوي لك معادلة للمواد اللي
راح تاخذها في الترم الاخير للتخرج ويوقع عليها بعد كذا يتم ختمها من قبل الموظفين
بالكاونتر اللي استلم منهم الاوراق في البداية بالإضافة إلى تسليمهم الورقة الثانية بعد
تعبئتها حسب المعادلة ويطلب منهم يطبعون الجدول واسماء الدكاتره حسب الشعب
لأن راح يكون عندك مادة بحث وتدريب وعشان ماتتعب من اول وجديد لازم تعرف
مين الدكتور اللي انت عنده في نفس الشعبه .

بالنسبة للورقه الثالثة وهو نموذج التخرج يتم تعبئة الجزء الاول الاسم باللغة العربية
والإنجليزية والتخصص والرقم الجامعي والجوال الجزء الثاني يتم تعبئة من خلال
مكتب السكرتارية بكلية الإقتصاد والإدارة الدور الرابع ومعه الورقة الأولى
( مختومة ) والجدول واسم الدكتور اللي عنده مادة البحث والتدريب
والموظف راح يكمل باقي البيانات ويختم عليها ويعلمك وين مكتب
الدكتور عشان يتم التناقش معاه بخصوص البحث وموضوعه وطريقة
خطواته وكيف يتم التواصل بينك وبينه .

المرحله الاخيرة تاخذ نموذج التخرج ومعاه صورة من الجواز أو بطاقة الأحوال
وتسلمه بعمادة القبول والتسجيل بالدور الثاني في مكتب الإنتساب لكلية الإقتصاد
والإدارة وبعدها يتم تعديل حالتك لطالب متوقع تخرجه .

وأنا اقولك الف الف الف مبروك التخرج مقدماً وربي لا يضيع لك تعب إن شاء الله

ملاحظه مهمة : انا أكثر شيء تعقدت منه في معادلة المواد كان يقول مسئول الإنتساب
اختار مواد اختارية وحرة من كلية غير كلية الإقتصاد وكنت اختارها عشوائي ولا أدري
والسبب ابغى انهي إجراءتي ولو قالو 90 ساعه وافقت
عشان كذا حاول تتطلع على كل المواد وتشوف
وش السهل منها .

بالتوفيق للجميع

[أم رنيم]

المهم قال لي صديق ان اكتب معاملة الكترونيه وسيستجيبوا لك خلال يومين ..

اجراءات التخرج ماتعمل عن طريق المعاملة الإلكترونية
لازم عن طريق الجامعه

أمرك بسيط جدا

لو تعرف أي زميل أو قريب ثقة ممكن يروح للجامعه بدالك ويعمل لك اجراءات التخرج
وأعطيه صور ه من هويتك + صورة من كشف الدرجات + صورة من جواز سفرك إن وجد + صورة من جدولك الحالي
وارسلها لزميلك أو قريبك ولو على ايميله
شوف هذا الرابط وفيه المطلوب

http://www.skaau.com/vb/showthread.php?t=57103

بالتوفيق

[& ســـاري &]

بإمكانكـ تعديل الوضع عند ذهابك للإختبارات التهائية

هناك آمر مهم ..

1- هل آنت متآكد من أنكـ آنهيت الساعات الاختيارية والحرة .؟؟ هل راجعت مسؤول الإنتساب بخصوص المواد الحرة والاختيارية .. ؟؟

حتى لا تقع في مشكلة .. وقد تؤدي لتآخير تخرجك ..

[الله يخارجنا]

الى الاشخاص الذين يقولون انه لايمكن انهاء الاجراء بمعاملة الكترونيه ..\اؤكد لكم ان معلوماتكم خاطئه ,, اعرف 3 زملاء تخرجوا العام الماضي انهوا هذا الاجراء عن \ريق المعامله الالكترونيه ,, اما الاخ اللي يقول لي تأكد من المواد الاختياريه والحره ... انا ماادري لكني درست مواد قديمه وقد الغيت من الخطه قد تمت معادلتها ,, وايضا درست تقريبا اربع او خمس مواد اخرى .. لكن ماانا متأكد منه اني انهي الساعات الم\لوبه لتخرجي هذا الترم وهي 131 ساعه اما Abdullah_Kauوالله عقدوك ....هذا وهي جامعة الكترونيه بها خدمات عن بعد ...ليش عقدوك كل هالتعقيد مع اني اعرف اكثر من 5 اصدقاء لي انهوا الاجراء بسرعه ..كل اللي ارفقوه مع النموذج ورقة بالمواد اللي انهاها زائد صوره من ب\اقة الاحوال وكان الله غفور رحيم لكن الظاهر ان هالجامعه تعتمد على مزاجية الموظف \

[سمـ الأنوثـة ــو]

انا نفس وضعك اخي
اسكن في الخبر
و صعب سفري بهذة الفترة الى جدة

بس اليوم اتغيرت عندي حالة الطالب الى
متوقع تخرجة


بدون ما اسوي اوراق تخرج


مدري خلاص مالة داعي اسويها ولا لازم ؟





وعندي مشكلة ,
كاتبين رقم الهوية غلط
ينفع اروح لهم على ايام الاختبارات مرة وحدة يعدلوة
لان صعب سفري بهذة الفترة الى جدة


وزميلاتي ما يقصرو
بس ما ابغى اتعب احد معي

[أم رنيم]

المشاركة الأصلية كتبت بواسطة سمـ الأنوثـة ــو انا نفس وضعك اخي اسكن في الخبر و صعب سفري بهذة الفترة الى جدة بس اليوم اتغيرت عندي حالة الطالب الى متوقع تخرجة بدون ما اسوي اوراق تخرج مدري خلاص مالة داعي اسويها ولا لازم ؟

غريبة ياسمو ...
أنا الي سويت اجراءات التخرج ماتعدل عندي الى ( متوقع تخرجه )

يحبوني ومايبغوني أخرج من عندهم وانتي ..... أفهميها

بالنسبة لرقم الهوية ألحقي عدليها حتى لو مع الإختبارات

[سمـ الأنوثـة ــو]

المشاركة الأصلية كتبت بواسطة أم رنيم [/center] غريبة ياسمو ... أنا الي سويت اجراءات التخرج ماتعدل عندي الى ( متوقع تخرجه )

يمه منك يمه
اذكري الله يابنت

ان شاء الله انها توفيق من ربي

هو الي عارف بحالي هذة الفترة

[أم رنيم]

المشاركة الأصلية كتبت بواسطة الله يخارجنا الى الاشخاص الذين يقولون انه لايمكن انهاء الاجراء بمعاملة الكترونيه ..\اؤكد لكم ان معلوماتكم خاطئه ,, اعرف 3 زملاء تخرجوا العام الماضي انهوا هذا الاجراء عن \ريق المعامله الالكترونيه ,

ياأخ نحن لما رحت الجامعه وعملنا اجراءات التخرج ماكانت بالساهل

تنقل من مبنى العمادة والقبول لمبنى الكلية

وكتبت هذا في موضوعي اجراءات التخرج على هذا الرابط :

إجراءات التخرج

فكيف بالله حيكون بالمعاملة الإلكترونية !!!

زملاءك يمكن عندهم واسطة قوية

بالنسبة للمواد الحرة والإختيارية هم يعادلوها لك عن طريق جدول المتقابلات

وللتأكيد وحتى لاتندم ..
أفضل راجعهم أو أرسل أي واحد ثقة حتى لاتجي على وقت تخرجك ويقولوا لك باقي لك مادة أو مادتين حره أو اختيارية وتدرس ترم اضافي وتقول ياليتني راجعتهم

والله يسهل أمرك وييسره