إستفسار عن الدورة التأهيلية

[ابوتركي عبدالعزيز]

السلام عليكم

كما تعرفون بعد بكرى الاحد تبتدي الدورة .. لكن كيف اعرف متى ايام المواد اللي انا مسجلها؟ كلها ثلاث مواد Writing 2 ,استماع وتحدث 2 , مقدمة في الادب مو معقوله لازم احظر كل مدة الدورة عشان 3 مواد..

كلمت مدرس سوداني هنا بالرياض اخذت رقمه من المنتدى قال لازم تبدي معي من بكرا لان جدولي مظغوط وموادك يلزمها على الاقل كل مادة 10 ساعات .صراحه خوفني وقلت خلني احظر الدورة ولو هي في جده بس متردد بين المدرس الخاص والحضور للدورة

ياليت اللي عنده خبر يعلمني

[ahmed-1]

أخي الكريم..

مرفق جدول الدورة التأهيلية ، شوف موادك متى محاضراتها

الشي الثاني أنت تقول جدولك ثلاث مواد !! فكيف جدولك مضغوط ؟

بالعكس ، إن شاء الله حضورك للدورة التأهيلية فيه فائده كبيرة لك ، وبعد نهاية الدورة التأهيلية في مجال إنك تاخذ مدرس للمواد وتدرس معاه وإنت على بينه.

وفقك الله

[GOLDEN-GUN-1]

اخوي ابو تركي والله العظيم هذا اخر ترم لي بالجامعة ومواد التخصص عديتها كلها الحمد لله باقي لي اسلامي 3 و4 والفكر الفلسفي والفرنسي ومادتين حرة والحمد لله ماعمري اخذت مدرس ولا شي وانا مثلك مو من جدة اعتمادي كان بعد الله على اللي يكتبون الاخوان في اخبار الدورة التاهيلية جزاهم الله عن كل حرف كتبوه خير وبعدها اشد على نفسي واذاكر اللي يكتبون على اسئلة الترم الماضي لاي مادة عندي والحمد لله اموري تمام فانصحك اذا عندك استطاعة تحضر الله يوفقك واذا ماتقدر ركز على اللي ينقلون الشباب في اخبار الدورة التاهيلية والله ييسر امرك

[ابوتركي عبدالعزيز]

اخوي ahmed يعطيك العافية الحين شفت الجدول ... كنت اقصد المدرس يقول لي جدوله مضغوط من الطلاب .لازم احجز عنده مقعد...

نزلت 6 مواد لكن الباقي كلهم عربي ثقافة اسلامية3 و علوم طبيعية و لغة عربية2 . اعتقد هي التحرير الكتابي.... وكنت افتكر الدورة التأهيلية فقط للمواد الانقلش.ومدام الدورة للمواد كلهم تراودني نفسي اروح جده واحضر الدورة لاول مره, ومتردد

[ابوتركي عبدالعزيز]

اخوي golden-gun-1 شاكر لك بس شتسوي على اللي عود نفسه على المدرس من اول ترم ....


شكلي ان شاء الله بحظر ونجرب

[saadoony]

المشاركة الأصلية كتبت بواسطة ابوتركي عبدالعزيز اخوي golden-gun-1 شاكر لك بس شتسوي على اللي عود نفسه على المدرس من اول ترم .... شكلي ان شاء الله بحظر ونجرب

بالنسبه للمدرس لا أعتقد أنك في حاجة إليه مع هذه المواد السهله وكل ما عليك فعله هو تدوين المحاضرات في الدوره التأهيلية ولما ترجع للبيت راجع جميع المحاضرات بشكل يومي
فيه مواد أصعب من هذه المواد ممكن تحتاج فيها مدرس مثل النحو
عموماً
أخي العزيز إذا بتحضر الدوره التأهيلية لا تنسى أخوانك الطلاب اللي ما يقدرون يحضرون إما بتسجيل المحاضرات أو تدوينها ووضعها بالمنتدى مشكوراً وتمنياتي لك بالتوفيق

[ابوالحمزة]

أخي ابو تركي كما أفادك مستشارنا سعدوني بالنسبة للمدرس الخصوصي ماله داعي أنا أخذت مدرس مره وحدة وبعدين شعرت إنه ماله داعي يجيب لك ملخص موجود في المكتبات ويشرح لك منه ويترجم محتواه من قوقل وكلها ترجمه حرفية بعيدة عن مضمون المادة . درك قروشك وإذا كان لابد منه فقط ادرس الكتابة 2 لأنها تحتاج تدريب على كتابة وصيغ المقالات بأنواعها المختلفة ولاتنسى تحفظ الإستراجيات والقواعد الموجودة في كل درس في الكتاب.

تحياتي وبالتوفيق يارب

[الورد الطائفي]

و تركي بالنسبة الاستماع والتحدث ما يحتاج مدرس أحضر مع قرامي وعلى مسؤليتي تنجح بس ركز ع الكلام المهم فقط والصفحات الي يمر عليها سريع لا تنظر لها والاسئلة الي يحل أحفظها زي أسمك . أصلا قرامي يحط 33 او31