بخصوص معادلة المواد للي محولين!!!

[jorey2009]

مساء الخيرات
انا اتحولت من العلوم الى العلوم الطبية وأخذت في العلوم عربي 1 و2 وثقاقة 1و2 سألت أ/سراء على معادلة المواد العامة تقولي ماتتعادل لازم تدرسيها من جديد الحين صحيح لازم ادرسها مرة ثانية ولا ايش أعمل؟

[طارق الحارثي]

اول شئ مبروك التحويل .... :)
ثاني شئ انا الي اعرفه ان العربي والثقافة تتعادل :)

وبخصوص التحويل فين طلعتلك نتيجة التحويل من الاودس ولا راجعتي العمادة ... ؟

[jorey2009]

الله يبارك فيك
طلع في الاودس في الاستعلام الشامل

[xo7]

طيب متى طلعت النتيجة اليوم ولا من بداية الاسبوع دا ؟؟

[Dr.Sarro]

ايش كان تخصصك في العلوم واش المواد اللي اخدتيها عشان انا ابغا اسوي زيك .. والف مبروك القبول ^^

[jorey2009]

المشاركة الأصلية كتبت بواسطة dr.sarro ايش كان تخصصك في العلوم واش المواد اللي اخدتيها عشان انا ابغا اسوي زيك .. والف مبروك القبول ^^

انا كنت كيمياء حيوي اخذت الترم الاول
كيمياء حيوي
معمل احياء
فلك
عربي
ثقافة
امن وسلامة

الترم الثاني
مصطلحات طبية
عربي2
ثقافة2
فلك 2
سيرة نبوية
مدخل الى وسائل الاعلام

والله يبارك فيك وموفقة بإذن الله^^

[dr.imey]

انا زيك حاليا بس تحولت للتمريض

لمن رحت للشؤن التعليمية حقتنا

قالتلي الثقافة والعربي اوريدي اصلا ماتدرسيها خلاص
والميديكال تيرمونولوجي تتعادل
والبايو كمستري كمان اعرف بنات عادلولهم فإن شاء الله حيعادلولي هيا

[jorey2009]

المشاركة الأصلية كتبت بواسطة dr.imey انا زيك حاليا بس تحولت للتمريض لمن رحت للشؤن التعليمية حقتنا قالتلي الثقافة والعربي اوريدي اصلا ماتدرسيها خلاص والميديكال تيرمونولوجي تتعادل والبايو كمستري كمان اعرف بنات عادلولهم فإن شاء الله حيعادلولي هيا

تسلمي على الخبرية وكمان مصطلحات يعادلوها ^^ حلو
الله يوفقك

[d.tooty]

انا الاربعا رحت للعماده في شطر الطالبات وقالتلي تاخذي كشف للدرجاتك وتروحي لرئيسة الشؤون التعليميه في كليتك الجديده وهي تسويلك المعادله
.......
حلو اذا البايوكمستري تتعادل كمان يريحونا 😌 انا ماصدقت نجحت فيها

[Nr.E]

توتي انتي اش تخصصك ؟؟

انا لمن رحت لرئيسة قسم التمريض

قالتلي جيبي السلبلز حق المادة ونقارن

بس حاروحلها السبت اخش في عينها

انو اعرف بنات عادلولهم فالمفروض بدون كلام يسوو لي زيهم