( بايولوجي / هندسة وراثية )

[RHF]

السلام عليكم

يا جماعة انا باسألكم

قريت ردود تلخبط ما سرت فاهمة كيف نظامكم

لاكن باسأل عن ( بايولوجي / هندسة وراسية )

دحين اول شي كيف اقدم عالبايولوجي ؟

ناس تقول في الشؤون و ناس تقول في الاودس ترتبي رغبات ، وناس يقولو على حسب المعدل !!

ما سرت فاهمة

عمومن ، وبعد ما يحصل القبول ،

الدراسة تكون تلاتة سمسترات بايولوجي عام ،، وبعدها تخصص الهندسة الوراسية صح ؟؟

وباسألكم ، ايش المجالات الوظيفة بالززززبط ؟؟

معلمة ؟؟ في مستشفى ؟؟

وهل هادا تخصص مطلوب ؟؟ ولا مو مطلوب في الشغل كتير ؟؟

مممممم و دراستو سهلة ولا صعبة ؟؟ وبعد كدا الشغل سهل ولا صعب ؟؟

طبعن انا اتطلعت على موضوع الاخت بيو ، وقريت كل الردود و برضو حسيت بلخبطة فاضطريت انزل دا الموضوع

ارجوكم اللي يرد ، اتمنا يرد بالتفصيل الممل ، عشان استوووعبببببببب

وشوكرن

[دافئ الإحساس]

بالنسبة لمجالات الوظيفية

من هنا تقدري تشوفيها

http://bio.kau.edu.sa/Pages-%d9%85%d...%88%d9%85.aspx

وبالنسبة للسهولة او الصعوبة محد يقدر يقولك اي شي

لنو كل يرجع لميولك ازا حبيتي القسم حتشوفيه سهل

مع انو غيرك امكن يشوفو صعب فيعني

كلو راجع ع حسب ميولك ولحبك انو في تبي يكون مجال عملك

موفقة

[RHF]

مجالات العمل للخريجين- قسم علوم الأحياء - كلية العلوم:


البحث العلمي - مراكز الأبحاث

وزارة الصحة (المختبرات <<<<<<<< طيب مو الاولى يشغلو حقون تخصص المختبرات ؟؟

هيئة المساحة الجيولوجية

الجامعات وكليات المعلمين

وزارة الزراعة

الهيئة الوطنية لحماية الحياة الفطرية

وزارة التربية والتعليم - معلمين

تحلية المياة

مدينة الملك عبدالعزيز للعلوم والتقنية

المدارس الأهلية

القطاع الخاص الذي يشتمل على مختبرات

جميع القطاعات العسكرية بعد أخذ الدورات المخصصة لذلك
،،،،،،،،،،،،،،،

شايفة اغلبو شغل رجال ،،

ودا دحين وظايف لقسم الاحياء ككل ؟؟ الهندسة الوراسية نفس الشغل ؟؟
مالو وظايف محددة ؟؟


عمومن يسلمو

[بيشووو،،]

بسم الله الرحمن الرحيم ،،،

اولا ..هوا تخصص جديد فاتوقع باذن الله يكون مطلوب"والله اعلم..!"

ثانيا .. صح زي ما قلتي اول شي نتخصص بايولوجي وندرس سنة ونص وبعد كدا حسب المعدل ودرجاتك في مادتين تكون 85 وفوق ... تنقبلي في الهندسة الوراثية ..

كيف نتخصص البايولوجي..؟

نستنى اذا ما نزلولنا هوا ع الاودس نروح اول يوم الشؤون ونتخصص..

وبالنسبة للمجالات الوظيفية فممكن تكوني معيدة في الجامعة لو كان المعدل حلو،،

غير كدا حسب ما قالولي ممكن في مختبر للمستشفى او مراكز ابحاث او ممكن مصانع ،،

اتمنى اكون افدتك ،.،.،

والقسم جديد وكلما ملخبطين لسا ^^

[دافئ الإحساس]

انتي في كلية العلوم ولا الادارة والاقتصاد

؟؟

[بيو كيميائية ^_^]

المشاركة الأصلية كتبت بواسطة rhf السلام عليكم وعليكمـ السلامـ حيا الله رهف توا مانور القسمـ يا جماعة انا باسألكم تفضلي قريت ردود تلخبط ما سرت فاهمة كيف نظامكم لاكن باسأل عن ( بايولوجي / هندسة وراسية ) دحين اول شي كيف اقدم عالبايولوجي ؟ ناس تقول في الشؤون و ناس تقول في الاودس ترتبي رغبات ، وناس يقولو على حسب المعدل !! كل الطرق تؤدي إلى روما إختلفت الطريقة لكن الناتج واحد شوفي أنا دفعة 09 نزل لنا بعد ماتسكنا في الأودس نختار وقبل الحذف والإضافة طلعت النتيجة وكانوا لحد معدل معين للتخصصي والماث في الماث ماتقلي عن 75 لكن دفعة 10 مانزل لهم فراحوا أول يومـ الشوؤن وإختاروا وعلى طول تخصصوا وماإهتموا بالمعدل ولا شيء في كل التخصصات أنتوا دفعة 11 الله العالمـ كيف هل راح يهتمون في المعدلات أو يطلبوا شروط ماندري وهل راح ينزل لكم في الأودس أو لا فأنتِ إذا حابة روحي السبت وإختاري التخصص اللي تبيه ما سرت فاهمة عمومن ، وبعد ما يحصل القبول ، الدراسة تكون تلاتة سمسترات بايولوجي عام ،، وبعدها تخصص الهندسة الوراسية صح ؟؟ ايـوا ولازم المعدل مايقل 4 وبيوجلي الخلية والوراثة ماتقل عن 85 وباسألكم ، ايش المجالات الوظيفة بالززززبط ؟؟ شوفي المفروض التخصص يكون فيه وظايف كثيرة جدًا بس بما إن إحنا في ksa مافيه وظايف للأسف وإنصدمت لما قريت في الجريدة إن هم برضو يعانوا مثل خريجي الحيوي بس الشيء الحلو الجامعة تبي معيدات لأن مافيه والشيء الحلو بعد في جامعة سعود عاملين برامج تكملة حتى طب وطب أسنان وصيدلة وعلوم طبية لكن هذا حق الأولاد وإحنا البنات بس تمريض يصير عندكـ بكالوريس إثنين وهذا شيء حلو بس كيف بتكون مدة الدراسة ماأدري وهو على ماتتخرجي أكيد راح يفتحون أقسامـ أخرى معلمة ؟؟ في مستشفى ؟؟ وهل هادا تخصص مطلوب ؟؟ ولا مو مطلوب في الشغل كتير ؟؟ مممممم و دراستو سهلة ولا صعبة ؟؟ وبعد كدا الشغل سهل ولا صعب ؟؟ طبعن انا اتطلعت على موضوع الاخت بيو ، وقريت كل الردود و برضو حسيت بلخبطة فاضطريت انزل دا الموضوع ارجوكم اللي يرد ، اتمنا يرد بالتفصيل الممل ، عشان استوووعبببببببب وشوكرن

الدراسة تصير سهلة بالمذاكرة والإجتهاد

الشغل أحلى شيء وخصوصًا لما تمارسي الشيء يكون سهل عليكِ
أنا أول ماتدربت كنت أحس بصعوبة بعدين صرت أعمل كل شيء بدون مايكون أحد واقف معاي

حتى الحين إذا سحبت دمـ مايحسوا ولا يتألموا وأسحب بدون ماأحد يكون جنبي

أنتوا ماأعرف وش تشتغلون بس حبيت أقول لك إن بس في البداية صعوبة وبعدين عادي

أي سؤال حاضرين

[RHF]

بيشو يعطيكي العافية يا عسل

مممممم بيو ،، كالعادة مو مقصرة الله يخليكي يا اوختي ،

ودافئ ،، طبعن انا كلية الاداارررررة ،، لاكن باسأل لصاحبتي لأنها في الضيااااااااااااع

حاملة بايولوجي و كيمستري و استات من التحضيري ، ولسا تبا تدخل كلية العلوم :(

والبنت مافي راسها :(

وتقولنا تبا شغل مستشفى و مدري ايش ،

قولت خليني اسألها عندكم اشوف ايش رايكم في الموضوع :)

مشششكورين كلكم :)

[بيو كيميائية ^_^]

الله يسهل لهـا يارب وتنجح

خلاص إذا هي حابة تدخل أحياء تدخله وترفع معدلها في الثلاث مستويات وتدخل هندسة

[pinkberry]

المشاركة الأصلية كتبت بواسطة بيو كيميائية ^_^ الله يسهل لهـا يارب وتنجح خلاص إذا هي حابة تدخل أحياء تدخله وترفع معدلها في الثلاث مستويات وتدخل هندسة

بيو ,,, البنت دي صحبتي ولنا مع بعض 4 سنوات انا عارفتها مافراسها علوم
خليكي واقعيه لو كان احياء 110 حملتو ما بالك لما تتخصص !!! لا تقوليلي لو حبتو حتلاقيه سهل لانها لو كانت حابتو ما كانت حملت الماده !!
وبعدين احياء 110 بالنسبه لبقيه مواد التخصص ولا شي !!!
وترى البنت ما تحب الحفظ كمان !!!
ولنفرض انها ضغطت على نفسها وتعبت ومشت نفسها بالعاااافيه
مح تقدر توصل معدلها ل 4 ( مافي شي بعيد ) بس انا باقولك من معرفتي للبنت
معدلها الان قريب ال3 اعتقد
فلازم كل ترم تجيب 5 عشان توصلو ل4 !!!
لنفرض بعد دا كلو اتخرجت !!!
ايش الشغل ؟ ايش حتتوظف !!!
مستشفى ؟ كلنا عارفين انو الان طلاب العلوم ما تستقبلهم المستشفيات
ارامكو ؟ طالبين معدل !!
سابك ؟ طالبين معدل !!
معيده ؟ برضو لازم معدل !!!
ايش باقي ؟ تشتغل معلمه ؟ لازم تاخد دبلوم تربوي عشان تسير معلمه
وهيا ما تبى اصلن شغل تدريس

في النهايه انا ما اقلل من تخصص العلوم بس للاسف احنا هنا في السعوديه ما نعطيه حقه

تقبلو مروري

[RHF]

^

كمان يا بيو مسلن يعني ، انا في بايولوجي 110 جبت a مو عشاني شاطرة فيه ،،

عشان كنت اربط الاختيارات بالسؤال و احفظها ( احفظ الربط بس )

تخيلي دي صاحبتي ، كانت تحفظ سؤال واحد بس من كل صفحة في التيست بنك ،،

وانتي عارفة لمن تتخصص ، حيكون في رسم << ما تعرف ترسم

وفوق كدا اسئلة مقالية مممممممممم يعني ازا هي اختيارات ما قدرت تحفظ فما بالك بحفظ و اجابات و مدري ايششش

انتي ايش رايك يا بيو ؟؟

واللهي احنا خايفين عليها ، يعني عارفيها البنت دي ماشية ولا دارية عن الدنيا ،

قال ايه ، سألت الدكتورة حقتها ، قامت الدكتورة قالت لها مررررررررررررة سهل وهي صدقت الدكتورة

نقولها عشان دي دكتورة تقولك كدا ، مو مصدقتنا !!!!!

واحنا عارفينها ، شكلو حتسوي اللي في راسها و بعدين تجينا تقولنا انا ورطت !!!!!!!!

بنحاول نساعدها قد ما نقدر ، عشان بعدين ما تيجي تقولنا انتو السبب ما نصحتوني :(