ادخلو وشوفو مصيرنا

[بيبو وو]

السلام

كيفكم


اليوم مرا انصدمت لمن فتحت جريدة عكاظ صحفي كاتب عن الانتساب انه الشهاده مو معتمده وانه احنا شهادتنا اخر شي في الوظائف يعني بعرف حسبي الله عليهم وش التحطيم ندخل الجامعه لازم بنسبه عاليه واذا جبنا اقل شوي قالو نادي يا الواسطه والي ما عندهم ياكلو تبن ويدفعو 24 الف واذا ما زادت

وفي النهايه الشهاده مو معتمده والتوظيف اخر شي جعلهم الهالك الي ما يتشافون منه


وربي حتى ندفع اكثر من التأهيلي على الاقل التاهيلي 18 الف


طيب وحنا وش ذنبنا ما دخلتونا انتظام ودخلنا انتساب نبي نطلع بشهاده جامعيه والتخصصات بمعدل

وتحطيم على الاخر وتبونا نطلع احسن من اليابان هنين لكم بصراحه كفو


حسبي الله ونعم الوكيل .. وينك يا ابو متعب تشوف حالنا في الجامعات الله يطول بعمرك

[عيـوٍن مغليهآإ ~]

طيب اولآ ارصدي موضوع بـ صورهـ لـ المقآل او حتى رآبط لهـآ ..~

بعدين في قبل شفت مقآبله مع العميد وقآل إنه مآفيه فرق والشهآدآت معترفه ..~

مستحيل مآ تكون معترفه وهي من جآمعة مؤسس و بعد هالنظام موجود من كم سنه ..~

مآ أقدر احزن و أولول إذآ مآشفت الشي بعيني ,, معليش ^_^ ..~

[لآرين]

حُطي في بطنك بَطيخه صيفي ، شهآدتنآ مُعــــــــــــــــــترف فيهآإ ِ ~

[قلم مستمر]

تكلمنا في الموضوع ذا خمسين مرة

انا اعرف ناس تخرجومنها ووظائفهم مرموقه

بختصار معترف فيها

[بيبو وو]

خيتو عيون مغليها الحين انزل المصدر من عيوني لانو انا ما احط شي مراسي الو وشايفته


لارين .. نحطها ولمن نجي نتوظف ننصدم


قلم مستمر

اخوي كلامك على العين والراس بس بصراحه انتو غير معليش يعني انتو العيال تتوظفون بشهاده ثانويه وتقدر تدخل نفس الوظيفه بس ارقى بشهاده جامعيه انتو ما ادري كيف افهمك احنا البنات ماهم معترفين فيها انا بنفسي سألت موظفه قالت شهادة الانتساب اخر شي نفكر فيه لانهم مو مثل الانتظام الانتظام متعودين على الدوام من الصباح والكرف ومدري ايه والانتساب اخر شي نفففففففففكر فيه وبنفسي سمعت
موظفه تكلم وحده تقولها وش شهادتك قالت جامعيه قالت حددي انتساب ولا انتظام قالت انتساب قالت للاسف ما عندنا وظايف بس حطي ملفك وان شاء الله خير وش معنى هلكلام ..

[كل شي وله بدايه @...]

من ناحية معتمدة والا مو معتمدة خلاص احنا انتساب وما راح يتغير شي داحين خلونا نخلص دراستنا وبعدين نفكر بالوظايف وترى كل واحد بهالدنيا ماياخد الانصيبه داحين انا بافهم ايش فايدة الكلام بهالموضوع يعني داحين سمعنا انها ماهي معتمدة خلاص نكنسل كل شي ونقعد بالبيت والله ماصارت...

[solaaa]

يؤ يؤ لاتفجعيني

:(

[كل شي وله بدايه @...]

بيبو وو يمكن انتي تقدري تنكسلي لانه دوبك سنة تحضيري لكن انا ما بقى الا ثلاث اترام واتخرج وحابه تخصصي وله مجالات عمل واسعة ولله الحمد وانا قصدي بكلامي انه المواضيع اللي زي كدا تحطم الواحد واحنا مو ناقصين تحطيم كفاية باللي فينا واسمعي زميلتي تخرجت هالترم انتساب وما شاء الله داحين مساعدة مديرة بمدرسة وهدا كمان اللي يقولوا الانتساب مايتوظفوا بمدارس اقول كبروا عقولكم ولا تنسوا هدي الشهادة تقدروا تكملوا فيها ماجستير سواء هنا او برى السعودية والله حرام اللي ينزلوا مواضيع زي كدا جالسين بس تحطموا بالعالم

[solaaa]

المشاركة الأصلية كتبت بواسطة كل شي وله بدايه @... يا شيخة تنكسلي جد انتي يبغالك ضرب اسمعي زميلتي تخرجت هالترم نفس تخصصي وما شاء الله داحين مساعدة مديرة بمدرسة وهدا كمان اللي يقولوا الانتساب مايتوظفوا بمدارس اقول كبروا عقولكم ولا تنسوا شهادة تقدروا تكملوا فيها ماجستير سواء هنا او برى السعودية والله حرام اللي ينزلوا مواضيع زي كدا جالسين بس تحطموا بالعالم

تبي الصراحة والله فكرت اسحب من الجامعة دي وربي احس اني اتحطمت من الموضوع دا البنت

جابت اشياء تثبت كلامها والله صدعت انا عندي طموح و مكلفه على اهلي وفي الاخير اكتشف انو

شهادتي مالها داعي وربي انصدمت :(

بس ربنا يسعدك ويديكي اللي في بالك اديتيني امل شويتين

[مشعل العجمي]

ما ذبحنا ألا هالكلام إلي يحطم

صاحبي خريج انتساب

ودرس سنتين ماسترد في بريطانيا

والحين مدير الاشراف التربوي بإحدى المحافظات


اجتهدوا شدوا حيلكم ولا تنظرون الى الخلف