قسم العلاج الطبيعي و التغذيه

[wow.]

السلام عليكم اخواني واخواتي
لو سمحتم اذا امكن اللي متخصص في العلاج الطبيعي او التغذيه ياليت
يفيدني ويتكلم عن تخصصه وايش الصعوبات اللي واجهها وكيف اتغلب عليها
وكيف مستوى الدراسه وكم ساعه في اليوم وكيف طريقة الاختبارات



معليش اسئلتي كثيره بس حبيت اعرف منكم دي المعلومات لانكم مجربين

وشكرا

[تخصص 13]

حتى انا حابه اتخصص فوحده من الاثنين

وياريت لو احد يساعدنا

[girlksa]

ايوة الله امنيتي ادخل تغذية لكن مادري اي شي عنه
الناس يقولولي ماله مستقبل ماااادري ياليت احد اللي تخصصه هذا يفيدنا

[one of kind]

[QUOTE=girlksa;687254]ايوة الله امنيتي ادخل تغذية لكن مادري اي شي عنه
الناس يقولولي ماله مستقبل ماااادري ياليت احد اللي تخصصه هذا يفيدنا[/Q



مين قالكم انو مالو مستقبل



ممكن تشتغلي في مستشفى مشرفه تغذيه عامه



وممكن تتخصصي في الطب البديل والعلاج بالاعشاب




وممكن تفتحي المركز الصحي اللي تبغيه للتخسيس والرياضه





انا عن نفسي بعد مااتخرج واتخصص في الطب البديل




ممكن افتح ال dite center اللي ابغاه او افتح مطعم يقدم بس الاكل الصحي





وشكرا

[*rainbow*]

كويس فتحتو موضوع لانو عندي اساله ابغا احد يجاوبني عليها،،
يلا يابنات العلاج الطبيعي همتكم،،
اول شي،،
لما تتخرجو يكون اسمكم أخصائية علاج طبيعي مو؟،،
طيب اذا اخدت الماجستير اسير دكتورة ولا لازم الدكتوراه،،

تاني شي،،
انتو الي تسوو العلاج الطبيعي للمرضى ولا بس مجرد تشخيص؟

تالت شي،،
هل تتخصصو في شي معين في العلاج الطبيعي يعني مثلا بس علاج طبيعي للأطفال أو للمسنين وكدا ولا كلو تدرسو مع بعض وتسيرو تشتغلو لكلوو؟
رابع شي،،
بالنسبة للوظيفة هل تكونو اقل من الدكتور بكتير في الراتب والمستوى الوظيفي ولا كيف؟

بس هادي اهم الاسئله وازا جا شي في بالي حرجع اسال

بس بليز اللي مايعرف يقول ماعرف بس لاتجاوبو وانتو مو عارفين لانو دا مستقبل ووظبفة عمر مانبغا ندخل على اساس شي ونتفاجأ بشي تاني،،

ومشكوريين مقدماا،،

[عازفة البيانو]

المشاركة الأصلية كتبت بواسطة *rainbow* كويس فتحتو موضوع لانو عندي اساله ابغا احد يجاوبني عليها،، يلا يابنات العلاج الطبيعي همتكم،، اول شي،، لما تتخرجو يكون اسمكم أخصائية علاج طبيعي مو؟،، طيب اذا اخدت الماجستير اسير دكتورة ولا لازم الدكتوراه،، لما نتخرج اسمنا اخصائيين واذا اخذتي الدكتوراه راح تتسمي دكتوره تاني شي،، انتو الي تسوو العلاج الطبيعي للمرضى ولا بس مجرد تشخيص؟ ممكن بس تشخيص بس احيانا نحنا اللي نسوي تالت شي،، هل تتخصصو في شي معين في العلاج الطبيعي يعني مثلا بس علاج طبيعي للأطفال أو للمسنين وكدا ولا كلو تدرسو مع بعض وتسيرو تشتغلو لكلوو؟ في البكالوريوس تدرسيه كلو مع بعض واذا كملتي ماستر تتخصصي في شي معين رابع شي،، بالنسبة للوظيفة هل تكونو اقل من الدكتور بكتير في الراتب والمستوى الوظيفي ولا كيف؟ طبيعي راح تكوني اقل بس مو بكثير عشان كل واحد له مهمه خاصه فيه وطبعا مهمة الطبيب اكبر بس هادي اهم الاسئله وازا جا شي في بالي حرجع اسال بس بليز اللي مايعرف يقول ماعرف بس لاتجاوبو وانتو مو عارفين لانو دا مستقبل ووظبفة عمر مانبغا ندخل على اساس شي ونتفاجأ بشي تاني،، ومشكوريين مقدماا،،

ولا شكر على واجب ياعسلز

[wow.]

شكلكم مشغولين الله يعينكم

[*rainbow*]

شو مافي احد يقدر يجاوبنا:(؟؟؟!!

[miss chocolate]

انا علاج طبيعي وان شاء الله لي عودة ارد على اسئلتكم بس عموما اقرو الموضوع المثبت برة عن العلاج
وحاجاوب على اسئلتكم
موفقين

[Silent Snow]

اسألة رينبوو حلوه انتظر الاجوبه عليها لانها مهمه بجد

انا كمان عندي اسأله

دحين انا سمعت من كثيييير انو الي يكونو بالعلاج يتعبو جدا

وحده من قريباتي تقول انو صاحبتها تعبت فيه لانها تحمل المرضى ومن دا الكلام

فهل دا صحيح انو فيه تعب مره انك تشيلي المريض او شي زي كدا ؟

العلاج الطبيعي انتي الي تسويه ولا انتي بس تشرفي عليه بحكم انك الدكتوره ؟

لما تتخرجي من العلاج تكوني الدكتوره ولا انتي تحت اشراف دكتور وتقومي بعلاج المريض ؟

كمان عندي سؤال واتمنى الاجابه بالتفصيييييييييل

دحين لما تداومي بالمستشفى كم ساعه ؟ وهل فيها شفتات ؟ كم او قد ايش تجلسي لو فيه ؟ وهل ممكن انهم يدقو عليكي اي وقت لما يحتاجوكي بالعمل ؟

مره ضروري الجواب ع السؤال دا ياريت الي تعرف الجواب ترد عليه تمااااااااااام وتكون متأكده بليز

والتغذيه ايش ممكن تسيري بعد ماتدرسيها ؟

معليش اسالتي كثير اتمنى تكون واضحه وياريت الاجوبه تكون جدا واضحه ومأكده

جزاكم الله كل خير