العلوم الطبية الأساسية Basic Medical Science

[Afnan Degnah]

السلام عليكم و رحمه الله وبركاته

أعزائي الطلبة و الطالبات مبارك لكم النجاح في السنة التحضيرية و قبولكم في كلية الطب و أهنئ بشكل خاص أفراد الدفعة الثالثة لتخصص العلوم الطبية الأساسية :)

أعرفكم بنفسي, أنا أفنان غازي دقنة ليدر الدفعة الثانية لتخصص العلوم الطبية الأساسية. في البداية أحب أوضحلكم أعزائي انه من الطبيعي جدا ان يكون عندكم تساؤلات كثيرة عن هذا التخصص لأنه يعتبر نوعا ما تخصص مستحدث في الكلية. و أنا حاستبكُم لأنو مرينا بنفس الموال! بس إحنا ما كان في أحد يجاوب أسئلتنا وكنا شوية تايهين. وإن شاء الله ماحأسمح إنكم تمرو بنفس الشعور السلبي فرجاءً أي استفسار أنا فل خدمة, كنت حأديكم إيميلي بس سياسة المنتدى تمنع استخدام البريد الالكتروني في المواضيع!! فأسألو هنا وان شاء الله يمديني أشيك على المنتدى الأيام القادمة.

حأحاول أوجزلكم أهم النقاط اللي تتعلق بتخصصنا و المجال بعد ذلك مفتوح لأي سؤال و استفسار. وأعذروني ما قدرت أنزل الموضوع أَبدر بسبب انشغالي في النشاطات الصيفية.

بسم الله الرحمن الرحيم

· مالمقصود بالعلوم الطبية الأساسية؟

العلوم الطبية الأساسية هي المقررات الدراسية الأساسية التي يجب على طالب\ة الطب الألمام بها واتقانها قبل البدء في السنوات الأكلينيكية (4, 5, 6) وهي سبعة, كالتالي:

علم التشريح Anatomy

علم وظائف الأعضاء Physiology

علم الكيمياء الحيوية السريرية Biochemistry

علم الكائنات الدقيقة الطبية Microbiology

علم الطفيليات الطبية Parasitology

علم الأمراض Pathology

علم الأدوية Pharmacology

· مالهدف من هذا التخصص؟

نقلا عن موقع الجامعة:

الأهداف

1. إفادة المجتمع والكليات والمعاهد الصحية ومراكز الأبحاث في القطاعين الحكومي والخاص بخريجين متميزين يتمتعون بمعلومات ومهارات مطلوبة للتخصص والبحث في العلوم الطبية الاساسية .
2. اكساب الطالب معلومات ومهارات مطلوبة للبحث العلمي مثل إعداد وتجهيز مشاريع بحثية في مجال العلوم الطبية الاساسية.
3. توفير باحثين مؤهلين للمشاركة في البحث العلمي في مجال العلوم الطبية الاساسية في المملكة.
4. توفير كفاءات مؤهلة لتدريس تخصصات العلوم الطبية الأساسية.

· طبيعة الدراسة ومكانها؟

التخصص مدة دراسته 3 سنوات (مع التحضيري سارت 4) ستتم خلال أول سنتين (الثانية و الثالثة) دراسة العلوم الطبية الأساسية المذكورة سابقا, وفي الترم الأول من السنة الرابعة, ستتم دراسة منهجية البحث العلمي وهو مقرر يشرح لنا و يعلمنا طرق إجراء وكتابة البحث العلمي و كل مايخصه. بعد ذلك يتم بدء البحث في مادة التخصص في الترم الثاني للسنة الرابعة اللي هوا ترم التخرج.

حتكون الدراسة أول سنتين مع طلاب و طالبات الطب البشري في نفس الفصول الدراسية ماعدا الترم الأول من السنة الثالثة, بعد ذلك سيتم الإنفصال عنهم في السنة الرابعة. (هما يروحو المستشفي يكملو سنوات إكلينيكية و إحنا نكمل بحثنا ونتخرج ).

· المواد المتاحة للتخصص؟

زمان أو سابقا كان متاح التخصص في مادتين بس اللي هما التشريح و وظائف الأعضاء, لكن الآن يمكننا التخصص في أي من المواد الأساسية السبعة التي سبق ذكرها. (Pharmacology, Physiology, Anatomy, Biochemsity…etc.)

وكمان نفس الشي بالنسبة لدراسة الماجستير, متاح لنا إكمال الدراسات العليا في أي من هذة المواد الأساسية السبعة. لكن بالنسبة للدكتوراه ففقط ثلاثة منهن متاحة للدراسة, وهي: (Pharmacology, Physiology) و صراحة نسيت الثالثة بس لو حابين تعرفو أرجع أسألكم

· فرص العمل؟

إذا أكتفيتو بشهادة البكالوريوس متاح لكم العمل في مراكز الأبحاث و المسمى الوظيفي حيكون (باحث علمي مساعد), وارفقت لكم رابط من دليل التصنيف حق وزارة الخدمة المدنية فيلو وصف لطبيعة العمل بصورة موجزة.
http://eservices.mcs.gov.sa/rmcs/klo...sasw/00718.pdf

إذا كملتو دراسات عليا تقدرو تقدمو على طلب معيد\ة في الجامعة وتنقبلو بإذن الله.
وكمان في وظائف متاحة في شركات الأدوية, العمل على تطوير العقارات و الأدوية, و في مدينة الملك عبدالله الإقتصادية لو اتخصصتو كيمياء حيوية, وغيرو. هادا تخصص جديد يعني إن شاء الله حتكون فيه مجالات وظيفية متعددة. لمن تبدؤ الدراسة بإذن الله و تحضرو اليوم التعريفي بالكلية اللي حيكون أول يومين (السبت و الأحد) من أول أسبوع حتعرفو أكتر عن الفرص الوظيفية.

· ماذا لو أردت التحويل إلى دراسة الطب؟

حسب نظام الكلية, يستطيع من حصلوا على المرتبة الأولى في الدفعة التحويل إلى دراسة الطب لو توفرت الرغبة و لايشترط الإمتياز. إيش يعني؟
يعني جيب\ي الأول على الدفعة ومو شرط يكون المعدل 4,5 و مافوق. أهم شي الأول ويمديك تحول. و ترى ما أقصد الأول على دفعة الطب لكن على دفعة العلوم الطبية الأساسية.
وفي بعض الكليات و الجامعات في نظام مرة رائع يتيح لطلاب العلوم بشكل عام (أساسية, تطبيقية, صحية) و كمان صيدلة لو وجدو عندهم رغبة في دراسة الطب انهم بعد ما يتخرجو يلتحقو ببرنامج معين في هادي الكليات و الجامعات و يكملو ويتخرجو ببكالوريوس طب وجراحة! دا الكلام بيتطبق في جامعة الملك سعود (ترى ليها فرع للبنين في مدينة الملك عبدالعزيز الطبية, مستشفى الحرس الوطني), وكمان في ابن سينا وجامعة الخليج (في البحرين).

الحمد لله

في النهاية أعتذر أذا في شي ما ذكرتو أو معلومة أخطأت فيها, إذا يوجد لديكم أي اسئلة أخرى أنا موجودة للإجابة عنها إن شاء الله

وبالتوفيق أعزائي و عزيزياتي الدوافير

الله يحفظكم و يحميكم

[00اسماء00]

أعرفكم بنفسي, أنا أفنان غازي دقنة ليدر الدفعة الثانية لتخصص العلوم الطبية الأساسية.

ياااهلا والله من زمااان ادور احد من القسم اخيراااا لقت احد بس الله يسعدها دكتوره بشايررر ما شاء الله ماقصرت معنا

إذا يوجد لديكم أي اسئلة أخرى أنا موجودة للإجابة عنها إن شاء الله

ييوه ياكثررر اسئلتي بس احسها دحين مي حاضره كلها

[00اسماء00]

سؤالي الاول كيف تخصصك وهل دخلتيه انو الرغبة الاولى زي او لا

[Afnan Degnah]

المشاركة الأصلية كتبت بواسطة 00اسماء00 سؤالي الاول كيف تخصصك وهل دخلتيه انو الرغبة الاولى زي او لا

أهلا و سهلا و مرحبا بيكي يا عسل :)
و أتفضلي أسئلي زي ما يحب قلبك المحل محلك :)

طيب جوابي على سؤالك: لأ, كانت الرغبة التالتة بس برضو كنت حابة التخصص دا عشان كده حطيتو تالت رغبة

بالنسبة للخطة الدراسية هيا نفسها نفسها حق الطب. و شوفي هادي هيا http://www.mediafire.com/?t7rzitap15fz27p

أي سؤال تاني أنا حاضرة

[رونــا]

المشاركة الأصلية كتبت بواسطة afnan degnah أهلا و سهلا و مرحبا بيكي يا عسل :) و أتفضلي أسئلي زي ما يحب قلبك المحل محلك :) طيب جوابي على سؤالك: لأ, كانت الرغبة التالتة بس برضو كنت حابة التخصص دا عشان كده حطيتو تالت رغبة بالنسبة للخطة الدراسية هيا نفسها نفسها حق الطب. و شوفي هادي هيا http://www.mediafire.com/?t7rzitap15fz27p أي سؤال تاني أنا حاضرة

أول شي مرة شكرا انك وضحتي لي ايش التخصص واقتنعت فيه والله يكتب لنا الي فيه الخير بس ممكن تنزلي رابط تاني لان الرابط مابيفتح معايا ابي اشوف الخطة الدراسية حق العلوم الاساسية

[00اسماء00]

ممكن طلب ياعسل ابا اشوف الخطه الدراسيه الله يسعدك يارب ما قصرتي

[elaf m j]

اهلا بيك أخير سمعت احد يتكلم عن التخصص. والله جاني إحباط وحسبت انو دا التخصص في كوكب المريخ. فينك من زمان لو تعرفي دخولك أعطاني ارتياح الاسبوع الماضي كان من أصعب الايام في حياتي
ممكن اعرف الدورات القادمه في كليه الطب مفيده لنا
في لون للسكراب او نفس الطب والجراحة وكيف طريقه اللبس
كيف الخطه الدراسيه
كمان سمعت الدراسة تكون نظري يعني مافي معامل وطبيق عملي معقول كده ( ملل)
ممكن توضحي اكثر عن موضوع تكمله للطب والجراحة يعني تحسب الأربع سنوات واكمل بعدها كم سنه بعدها احتاج
اعذريني اخت افنان كثرة الاسئله ما تتصوري مدى احتياج لشخص مثلك يجيب عن كثير من الاستفسارات تعطيني امل وتهون عليا فاجعة التسكين تقبلي شكري وحترامي.
جزاك الله خير وجعله في موازين حسناتك كل عام و انت بخير مناسبه حلول شهر رمضان تقبل الله طاعاتكم

[Afnan Degnah]

المشاركة الأصلية كتبت بواسطة elaf m j اهلا بيك أخير سمعت احد يتكلم عن التخصص. والله جاني إحباط وحسبت انو دا التخصص في كوكب المريخ. فينك من زمان لو تعرفي دخولك أعطاني ارتياح الاسبوع الماضي كان من أصعب الايام في حياتي ممكن اعرف الدورات القادمه في كليه الطب مفيده لنا في لون للسكراب او نفس الطب والجراحة وكيف طريقه اللبس كيف الخطه الدراسيه كمان سمعت الدراسة تكون نظري يعني مافي معامل وطبيق عملي معقول كده ( ملل) ممكن توضحي اكثر عن موضوع تكمله للطب والجراحة يعني تحسب الأربع سنوات واكمل بعدها كم سنه بعدها احتاج اعذريني اخت افنان كثرة الاسئله ما تتصوري مدى احتياج لشخص مثلك يجيب عن كثير من الاستفسارات تعطيني امل وتهون عليا فاجعة التسكين تقبلي شكري وحترامي. جزاك الله خير وجعله في موازين حسناتك كل عام و انت بخير مناسبه حلول شهر رمضان تقبل الله طاعاتكم

أهلا بيكي, هههههه الله يسعدك والله عارفة احساسك لأنو زمان انا و دفعتي حسينا بيه
بس يا ستي كلو إلا الإحباط, لا تخلي شي يحبطك في الحياة ترى كلها إمتحانات من رب العالمين والله يوفقك و ييسر لك أمورك يا عسولة
بالنسبة لأسئلتك:
أولا: إيوا إزا تقصدي دورة "Teach Me Medicine" فهيا حتفيدك لأنو زي ماقلت أول سنتين حندرس فيها نفس اللي بيدرسوه الطب, اللي هيا المواد الأساسية. و الدورة دي فيها شرح لطريقة سير المحاضرات و كل شي يتعلق بأول سنة في الطب.
ثانياً: نفس اللبس السكرب الأزرق. ترا أول سنة ما في أي فرق بينكم و بين الطب! حتدرسو نفس المواد من نفس الدكاترة في نفس الوقت. لا يوجد أي إختلاف
ثالثا: الخطة الدراسية نفسها حقت الطب وأتفضلي هادي هيا http://www.mediafire.com/?t7rzitap15fz27p
رابعاً: ترا أكبر مسبب للكآبة إنك تسمعي تأليفات و كلام الناس! خدي المعلومة من مصدرها الصحيح. و لأ حيكون في معامل وتطبيقات عملية و أشياء جميلة وممتعة لا تشيلي هم
أخيرا بالنسبة لموضوع التحويل أو إكمال دراسة الطب بعد التخرج فأنا جبت الكلام دا من العميدة الدكتورة فاتن السايس, وهيا قالتلي على الجامعات اللي ذكرتها فوق. و الموضوع أكيد لأنو في ناس هيا تعرفهم سو هادي الحركة و واحد منهم سار دحين إستشاري كبير قالتلي إسمو بس مني فاكرة غير لقبو (الحازمي)... لب الموضوع إكمال دراسة الطب بعد التخرج ممكنة. بالعكس كمان أعتقد لنا أفضلية عشان إحنا أخدنا المواد البايسيك حقت الطب.
طبعا حتنحسبلنا كل المواد الأساسية اللي أخدناها سنة ثانية و ثالثة بس كيف الطريقة بالزبط واللهي ما اعرف. و إن شاء الله في أقرب فرصة أسألك العميدة, و تقدري تطلعي على موقع جامعة الملك سعود عشان تاخدي فكرة عن الموضوع.



و تسلميلي يا سكر العفو هادي واجبي و والله احس بسعادة رهيبة و انا اجاوب اسئلتكم ومن جد أطمني ترى كلو خير
و كل سنة وانتي طيبة ويجعلنا من الفايزيين في الشهر الكريم و يباركلنا فيه

[بشائر الفرح =)]

هلا هلا والله
دكتوره أفنااااااااااااااان الله يسسسسسسسسسسسسسسسعدك ما قصصصرتي
جزاك الله ألف خير على تواجدك وعلى هذا الموضوع الراااااااائع
شكراً جزيلاً صحبتي الله يعطيك ألف عااااااافيه

يلا طلاب وطالبات العلوم الأٍساسيه إنطللللقووووووووووووووااااااااااااااااااااا :)

# أهم شي ما عندكم مقابله شخصيه تصحيحاً لإجابتي مره على الدكتوره أسماء
يلا انبسطوا وتعالوا أول يوم بالسكرب واللاب كوت :)

كل التقدير دكتورتنا !

[Afnan Degnah]

المشاركة الأصلية كتبت بواسطة بشائر الفرح =) هلا هلا والله دكتوره أفنااااااااااااااان الله يسسسسسسسسسسسسسسسعدك ما قصصصرتي جزاك الله ألف خير على تواجدك وعلى هذا الموضوع الراااااااائع شكراً جزيلاً صحبتي الله يعطيك ألف عااااااافيه يلا طلاب وطالبات العلوم الأٍساسيه إنطللللقووووووووووووووااااااااااااااااااااا :) # أهم شي ما عندكم مقابله شخصيه تصحيحاً لإجابتي مره على الدكتوره أسماء يلا انبسطوا وتعالوا أول يوم بالسكرب واللاب كوت :) كل التقدير دكتورتنا !

أهلا بيكي يا دكتورة بشاير :)
ههههههههههه الله يسسسسسسسسسسسسسسسسسسعدك أكتر يا قمر!
يختي يا ناس ايش الطعامة دي أحرجتيني و انا ما سويت داكا الشي

و بعدين الشكر الأكبر ليكي انتي عشان نبهتيني لحاجة الطلاب و الطالبات لموضوع يُعرف بالتخصص.. الله يعطيك العافية ويوفقك و يسعدك ويعينك دايما على الخير

لك احترامي و تقديري