بخصوص العيد و الايتام ...

[سوسا]

بسم الله الرحمن الرحيم ...


يا بنوتاات يا حلوين

ندخل في الموضوع سمعت السنه اللي فاتت عن الجمعيات حقت الايتام

اللي فهمتو انك ممكن تزوريهم في العيد و تديهم هدايا و كدا

و في ناس قالولي انو ممكن تاخدي طفل او اتنين و تمشيهم و تلعبيهم و كدا

اهم شي و كدا

يريت اللي عندها فكره عن الموضوع دا كيف يتم تقلي

و جزااااكم الله خير :)

[ورد الانصاري]

حبيبتي اتصلي عالجمعيات حقت الايتام ..وشوفي ايش يقولو لك ..والله ماعندي فكره صراحه بس الافضل تساليهم ..

[سوسا]

امممممممممممممممم

ابغى اشوف البنات كمان ممكن نسوي قروب و نخرج سوا :)

شوووكرا حبيبتي ع الاهتمام :)

[الــ ـحـ ـافــيـ ــ ــة]

الله يجزاك خير على لفتتك الحلوة
الله يعينهم ويرزقهم

[batbot]

سوسا
لفته انسانيه رائعه
ويارب يوفقكم لما يحب ويرضى

[ازهار الجنه]

يعطيك الف عافيه يالغلا وجعله في موازين حسناتك

[أحلى زيزو]

يااااااااااااي فكرة مرة حلوة بس خسااااااااااااااااارة ما رح أكون موجودة

[شكولا]

::

سوساا

بآدرة حلوة ياعسسل..

دخلت الفكرة برآسي الله يسعدك ^^

نستنى البنات ونشوف ..

[وفاء جدة]

نقلت لك هذا الكلام من موضوع في التجمع....اتمنى انه يفيدك...

بإذن الله في 13 شوال حيكون في حفل معايده لليتامى في جده
وحيكون من تنظيم ومشاركة النساء فقط



الأهداف العامة للمشروع :

1- إدخال مشاعر السعادة والسرور في قلوب الأطفال الأيتام في عيد الفطر المبارك ومشاركتهم أحاسيسهم الوجدانية وإشعارهم بأنهم جزء لا يتجزأ من المجتمع تطبيقاً لأحاديث المصطفى صلى الله عليه وسلم الحاثةّ على هذا العمل النبيل.

2- توجيه طاقات عضوات النادي العلمي السعودي للعمل التطوعي ولخدمة المجتمع في جدة .


الهدف الخاص للمشروع :

توجيه الطفل للتعلم بأسلوب الترفيه ومساعدته في تحديد اتجاهاته في المستقبل.


الشريحة المستهدفة وعددهم :

الأطفال الأيتام من سن ( 7 سنوات –10 سنوات ) اناث وذكور،العدد الاجمالي 50 طفل .


عددالعضوات المرافقات:

65عضوة من المرحلتين الجامعية والثانوية من مدينة جدة.


الجهات المشاركة

جميعة البر بجدة

مدارس المشاعل الاهلية للبنات بجدة

منتدى قروب نقدر


تفاصيل الحفل :

التاريخ المقترح : يوم الاربعاء23-9-2010م الموافق 10/13/ 1431هـ

الموعد : 9 صباحا حتى 9 مساءاَ

المكان : مدارس المشاعل الاهلية للبنات بجدة


وحيكون في 8 لجنات و10 اركان واذا ماحبيتي تشتركي في اللجنه او الركن ممكن تكوني مشرفه على طفل
وكمان يحتاجوا في المنتدى مصممات عشان يساعدوهم بالتواقيع و msm وغيرها
+ باقي التفاصيل والشرح في المنتدى قروب نقدر

ولا تنسوا الاجر الكبير في الاحسان الى اليتيم والمسح على رؤوسهم

قال صلى الله عليه وسلم "من مسح رأس يتيم لم يسمحه إلا لله كان له بكل شعرة تكر عليها يده عشر حسنات، ومن أحسن إلى يتيمة أو يتيم عنده كنت أنا وهو في الجنة كهاتين وقرن بين أصابعه"
أخرجه أحمد في مسنده (21649) والطبراني في الكبير 8/202
الله على الاجر الكبير .. الله لا يحرمنا الاجر ..اميين


الي حاب يشترك لازم يسجل اسموا الحقيقي في المنتدى (قروب نقدر)
من هنا
وبعدين ارسلوا لـ عهد الحبيب رساله خاصه انكم حابين تشاركو في الحفله عشان تفعلكم الاقسام الخاصه
وشكرا

[حلاها زايد]

ياليت يكون في كذا خاطري افرح طفل يتيم

ياليت اللي تعرف معلومات ماتبخل