إذا لم نستطع .... فمآلحل ؟؟

[سوسو66]

السلام عليكم ورحمة الله وبركآآآآآآآتهـ


كيفكم صبايا ؟ وكيف إجازتكم ؟؟


المهم حبايبي أنا عندي سؤال وأتمنى تجاوبني :

في حال إذا لم نستطع إن نحضر التوفل خلال فترة الصيف فماذا ستفعلون ؟
هل ستأجلون قبولكم ؟

لأن أنا عن نفسي صراحة مره خايفه إني ماأجيب التوفل خلال هالصيف وفي نفس الوقت ماأبغى أأجل القبول .. يعني نفسي أبدأ دراسه وأثناء الدراسه ندخل اختبارات بديل التوفل بالجامعه ..

وطبعا الجامعه رافضه هالشي يعني ماحينزلوا لنا مواد الا بعد احضار التوفل ؟ طبعا هالكلام لللأقسام اللي ماتشملها الدوره ومنها قسمي " علم المعلومات " ..


المهم ليش مانحاااااااااااول نقنعهم إننا نبدأ دراسه وأثناء دراستنا نحضر لهم التوفل ونشووووف يمكن إذا شافوا المعارضين كثير يقتنعوا ويوافقون ...



ولا عندكم رأي آخر؟؟

[خلود باناجه]

أهلا فيك
كلامك صح
المشكلة تضارب الإجابات
مصدر مؤكد يقول لي شخص كتبوه تعهد وحصل على الماستر وحتى الآن ماجاب توفل
يعني الوضع مش واضح
ننتظر تجارب أخرى

[دلوعه غير]

المشكلة انهم يقولوا ما تنزل لنا مواد بدون التوفل

والله يااااااااااااااااريت نبدأ ندرس أول سمستر ونجيب خلالو التوفل <<< بس مين يسمع :(

[المحامية]

طيب اختي دلوعه هل استلموا اوراقك ام رفضوا الاان يتم احضار التوفل

[دلوعه غير]

المشاركة الأصلية كتبت بواسطة المحامية طيب اختي دلوعه هل استلموا اوراقك ام رفضوا الاان يتم احضار التوفل

ايوووا عادي استلموا اوراقي وقالولي تعالي اخر شهر 7 عشان البطاقة
بس قالتلي محا تبدئي ترم اول الا لو جبتي التوفل...

حتى صحبتي كاتبة تعهد اخدوا اوراقها وقالولها نفس الكلام

[سوسو66]

وأنا نفس الشي استلموا أوراقي وقالوا لي ماراح تبدأي دراسه الا لمن تجيبي التوووفل ..

وأتوقع لو انهم مصررررين على موقفهم مافيه الا نأجل قبولنا عشان مايلغوووه ونتورط ..


طيب حاولوا راسلوا العماده وأستاذ فيصل يمكن يوافقوا

[المحامية]

طيب يااخت سوسو متى قدمت اوراقك ومين الموظفه اللي استلمت منك

[سوسو66]

الأسبوع إللي راح وبالتحديد يوم الثلاثاء .. والموظفه والله ماأعرف اسمها بس اعرف شكلها يعني هيا كبيره شويه مو زي الموظفات البنات .. وأنا سألتها وحاولت معاها وسألت كذا موظفه قالوا لي نفس الكلام ..

وراسلت استاذ فيصل بهالخصوص بس مارد عليا ..

[المحامية]

لانو اليوم انا رحت كانت اخلاقها جدا سيئة وقالت احنا مابنستلم اوراق طالما مو مستوفيه شرط اللغه حسيتها بتصرف لاني جيت متاخر واساسا كانت نماذج القبول لسى ماجاتهم من الكليه

[دلوعه غير]

المشاركة الأصلية كتبت بواسطة المحامية لانو اليوم انا رحت كانت اخلاقها جدا سيئة وقالت احنا مابنستلم اوراق طالما مو مستوفيه شرط اللغه حسيتها بتصرف لاني جيت متاخر واساسا كانت نماذج القبول لسى ماجاتهم من الكليه

انا الي اخدت اوراقي اسمها أ-بسمة
صراحة هيا مرررره نايس
اخدت اوراقي وهيا مبتسمه الحمدلله :) وقالتلي لازم تجيبي التوفل عشان تبداي

اتوقع هيا نفس الي اخدت اوراق سوسو