طلبتك يمه ..أبي عروسة مالها رجلين

[حنين اللقاء]

يجينا الفرج بكرا.. يا بنتي بس لا تبكين
انا مااستحمل دموعك .. وهمساتك تبكيني


نشف دمعي على خدي يا بنتي من ثلاث اسنين
وصارت كل آلامي تعيش وتلتحم فيني

يا بنتي احبسي دمعك دخيلك اكتميه الحين
حرام الدمعة في عينك تعانق ماضي سنيني


تعالي واحضني فرحي .. وقولي للفرح اهلين
وخلي حزنك بقلبي .. دخيلك يابعـد عيني

اشوف الدنيا بعيونك .. واشوف الفرحة بك يا زين
وانا مالي سواك إنتِ .. وإنتِ شمعة تضويني


علام الهم في قلبك .. يابنتي ليه ماتحكين
ابيك تكسري همك وانا امك قولي حاكيني


يايمـه حالتي صعبة انا.. والفقر صرنا اخوين
اعيش بظلمة همومي والاقي الهم يكويني


(معاقة )يمه من صغري .. (معاقة) تشتكي حق مين
مدام ان البشر تنظر لحالي بعطف يعميني


اناظر هالبشر واسأل ..انا وش موقعي الحيــن؟؟
وش اللي يميز الأعمى عن اللي شوفهم زيني


فقيرة حظ يا يمـه وحالي تعمي العينين
من اللي يعشق ويهوى (معاقة) حظها شيني


سألتيني وش اتمنى يايمه منيتي شيين
يكون الفرح اولهم بعدها تعيش رجليني


انا ودي ومنا عيني يكون لجسمي بس( رجلين )
تساعدني على برك .. وبرك غايتي وديني

يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني


تلاقين الفرح مظلم ونور الحزن وسط العين
وألاقي الهم والحسرة وسمها الوقت بجبيني

معاقة يمه قوليلي علامك ساكتة تبكين
كلامي ازعجك ادري .. وادري الدمع يشكيني


دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!


طلبتك يمه هاتيلي عروسة مالها( رجلين )
وابيها تكون في كرسي .. ( معاقة ) مثلي ترثيني؟؟

مما استوقفتني بـ ألم..!

[موفقة يارب]

.. مؤلمة و معبرة جدًا جدًا

.. شكرا لكِ حنين ..

[حنين اللقاء]

المشاركة الأصلية كتبت بواسطة موفقة يارب .. مؤلمة و معبرة جدًا جدًا .. شكرا لكِ حنين ..

الشكر موصول لك عزيزتي على عبق حضورك ..


دمتِ.. بخير

[سنفورة موت]

^^

اااااه ياقلبي وربي نزلت دموعي

ياحياتي انا عليها

الناس مارحمت اللي عندهم رجلين بترحم اللي ماعندهم الحمدالله على كل شي

وربي ياخذ شي ياخد شي سبحان ربي



الله يسعدهم ويعطيهم العافيه قسم بالله انهم احسن مني دايم اقول سبحانك ربي


يسعدك ربي حبيتي موضوع يستحق التقييم بجداره

فديتهم وفديتك يالغلا

قطعت قلبي

<<<

[حنين اللقاء]

المشاركة الأصلية كتبت بواسطة سنفورة موت ^^ اااااه ياقلبي وربي نزلت دموعي ياحياتي انا عليها الناس مارحمت اللي عندهم رجلين بترحم اللي ماعندهم الحمدالله على كل شي وربي ياخذ شي ياخد شي سبحان ربي الله يسعدهم ويعطيهم العافيه قسم بالله انهم احسن مني دايم اقول سبحانك ربي يسعدك ربي حبيتي موضوع يستحق التقييم بجداره فديتهم وفديتك يالغلا قطعت قلبي <<<

سنفورة موت


حضورك أضفى الجمال إلى متصفحي

تعقيبك يدل على نقاء قلبكِ


لا عدمتكِ

[gold king]

معبرة جدا
ومشكوررة على الطرح

[حنين اللقاء]

المشاركة الأصلية كتبت بواسطة gold king معبرة جدا ومشكوررة على الطرح

شكراً لك أخي القدير على تواجدك هنا


طبت دوماً

[الدُنيا مدرسة]

ما أدري من فين أبدأ بالتعليق......
سرد قصة ألم بأبيات بحد ذاته مؤلم......
استوقفتني أمنية البنت اللي تمنتها... حسيت وسطها كلاااام مايعني إلا الألم..
أشكرك ع النقل الرائع..
دمتي متميزة*.*.*.*.*

[حنين اللقاء]

المشاركة الأصلية كتبت بواسطة الدُنيا مدرسة ما أدري من فين أبدأ بالتعليق...... سرد قصة ألم بأبيات بحد ذاته مؤلم...... استوقفتني أمنية البنت اللي تمنتها... حسيت وسطها كلاااام مايعني إلا الألم.. أشكرك ع النقل الرائع.. دمتي متميزة*.*.*.*.*

عزيزتي


لـ مرورك رونق لا يضاهيه أحد


بوركت لـ هكذا حضور..

و الحمد لله على كل حــــــــــــال

[tota7]

طلبتك يمه هاتيلي عروسة مالها( رجلين )
وابيها تكون في كرسي .. ( معاقة ) مثلي ترثيني؟؟
^^^^
وربي اليمه حييييييييل
يعطيك العافيه على هالنقل المميز فعلا
دمتي بسعاده