كافتيريتنا ..مكتبتنا .. ليس لهم مثيل

[الفراشه الاموره]

السلام عليكم ورحمته الله وبركاته
طالبات جامعه الملك عبدالعزيز
اوجه رسالتي لكم انتم فأنتم اول المتضررين من مايحدث
داخل اسوار جامعتنا العزيزه
فنحن نبقى في ذالك المكان اكثر من 6 ساعات باليوم
اولا
الكثير منا لايمكنه الافطار في منزله او انه يبقى فتره طويله
في الجامعه ويصيبه الجوع والجسم يحتاج الى طاقه وغذاء
فأنا مثلا لا استطيع ان افطر في بيتي لان زوجي يحظرني للجامعه
مبكرا بسبب دوامه وابقى في الجامعه الى 3 عصرا
علاوه على ذالك انني حامل
كافتيريا الجامعه ...
الاكل محدود بيتزاء ،مناقيش ،ساندويشتات توست ،شاورما
باستا، كشري >>طبعا الاكل فقط عدد ولكنه خالي من الطعم
الرائحه سيييييييييئه
الخدمه بطييييييئه
افضل الماء وعصير البرتقال الفرش والنسافيه فقط
الى اي جهه مسوؤله يمكننا ان نتقدم بشكوى اما ان تحسن
الكافتيريا من اكلها او ان تفتح كافتيريات اخرى او فروع لمطاعم
جامعه الملك عبدالعزيز جامعه عريقه والجميع يتمنى ان يستثمر بها
الامر الاخر
المكتبه .. خوارزم
لتصوير ورقه تحتاج لساعه ونص
لتصوير دفتر تحتاج ليوم ونصف
لشراء كتاب تحتاج لزمن غير معلوم حتى يصل الكتاب
يضيع الوقت ونحن في المكتبه نتحمل صغر حجمها وزحمتها
والوقوف والحر بسبب تصوير او شراء
اما العاملات فالطناش والبرود من اول صفاتهم
يجب على الطالبه ان تتفرغ ساعتين في اليوم
ساعه تنادي فيها العامله لتخبرها عن طلبها
والساعه الاخرى لتستلم طلبها
انا شخصيا لدي مذكرتين اريد ان اخذها من المكتبه
اشعر وان هناك عمل جهيد علي ان اقوم به
ولديهم 3 الات تصوير ودااااائما عذرهم اله واحده التي تعمل
او
لايوجد اوراق
اقترح لكل من يريد ان يأخذ شي من المكتبه خذ اوراق طباعه معك
ليصوروا لك في اوراقك تحسبا لاي عذر
اليكم المايك

[الفراشه الاموره]

اعتذر عن اي خطاء املائي فانا اكتب من الجوال

[معالي]

طبعااااااااااااااااااااااااا الحال من بعضه انا ما اكل من كافتيريا رابيز والسبب الرائحة العفنة في مخزن اللي تحت الدرج حق العلوم
والزيت اللي في كل انواع الاكل يعني الكروسون ممكن يكون به كمية من الزيت مشيناها
السمبوسة مشيناها
بس البيتزا والله النايلون يتعبى زيت
المنافيش محترقة وولما يسخنوها ليه يكون كله فيه فتافت محترقة
العصيرات لما اشتريها في الصباح تكون حاره هذا يعني والله اعلم يفصلوا الثلاجة لما يخلص الدوام ما ادري الكهرباء على حسابهم واللا وش السالفة..............؟
الازدحام موطبيعي يعني بالعربي من المفروض يكون فيه عاملتين على الكاشير على الاقل
شوكلاته ما يجيبوا الانادرا
لايوجد مكان للطالبات حتى يتناولوا طعامهم والعلم فيه امام كفتيريا مساحة مزوع بيها لماذا لايتم استغلال هذه المنطقة
يعني البنات يتناولوا فطورهم في الاسياب

اتمنى اشوف عميدة الكلية تاكل من نفس الاكل مو من الكافتيريا اللي ل اعضاء هيئة التدريس في الدور الثاني علشان تحكم بنفسها لاني واثقة لو تجيب بنتها وتاكلها من نفس الكافتيريا ما كان رح ترضى وياليت تجي لوحدها وتوقف في الانتظار مع البنات وتشوف مسوى الخدمة...........
تجربتي مع كافتيريا رابيز العلوم

[ساعدوني رايكم يهمني]

والله من جد..كلامك فالصمييييييييييم..وانا كمان حتكلم عن كافتيرية العلوم

الكافتيريا من جد اكلهم اللهم لك الحمد..والمصيبه زحمممممة مدري ع ايش..وكمان حركة اللي ما يعرفو ادا باقي من دا الشي اللي طلبتيه ولا خلص..يعني بعض الاحيان تدفعي ويقولولك بعدين خلص مافيه..

ولا المكتبه شي تاني..كفيتي ووفيتي ..

اتمنى يلاقون لنا حل...

[شموخ كبريآئي]

وآلله كلآمـ صحيح وخ ـآصة آلمكتبة :(

آلله يكون فآلعون ~..

[yofaa]

كلااامك في الصمييم وياليت احد يلتفت لنا مو معقول الجامعه بكبرها مو قادره توفر كافتريات زي الناس

رابييس زحمة على ولاشي لا خدمة ولا أكل الحمدلله لله على النعمة بس
وبرودة العاملات تقهر كان مو ورانا محاضرات نبغى ناكل ونخلص تجي الوحده تتمشي عبال ماتجيب طلبك

والمكتبه ههههههه وحده غرفه محشوره بالسابع والعالم كلها عليها
والثانيه قالعينها عند مبنى 12
وياليت فيه كتب كل ماأجي مافي خلص ماجا لسه ههههه ع ايش فاتحين طيب كتبي اشتريتها من المكاتب الي برى

يعطيك العافيه طلعت الي بقلبي شوي

[الفراشه الاموره]

نورتوا صفحتي بمرروركم العطر
انا الي حزني الخاله الي ياقلبي كبيره وتعبانه تلاقي الدكاتره والاستاذات راسلينها
تجيب لهم نسكافيه ولا كابتشينو بكاساتهم والله ياعمري هي تبي احد يخدمها
مو تنزل وتطلع
الله يفرج علينا

[آسسمآإء]

صحيح حاجةة تقرف بس شوفو مصيبة غيركم

تهون مصيبتككم ..

انا من جدةة بس انقبلت في فرع خليص ..

الحممدلله كفتريا ماافي ابداا يعني حتى موياا ماافي

الحمامات الله يكرمكم كلها مقفله او مافيها مويا ..

حاله مزريه والله حتى البهايم (الله يكرمكم ) تحتاج مويا

واحنا طالبات في جامعة الملكك عبدالعزيز مافي مويا ..!

[القمة للامة]

وربي صااااااااااادقه

الشعب مل من السكوت يحيا كريما او يموت
هذه العبارة هي التي تعبر بصدق عن وضعنا في الجامعه

لذلك انا اوافقك الراي ::
فنحن نطالب بفتح اعاد اضافيه من الكفتريات وان تكون هناك هيئة رقابيه على الاطعمه المقدمه
وان تكووون في جوائز لتحفيز وعقوبات للمسيئيين

ونطااااالب ايضا بعمل كشك صغير في كل مبنى يكون فيه المشروبات والمــــــــــــــــــــــــــــــــــــــاء وبعض البسكويتات واشياء خفيفة تكون مثل التصبيرة وفك زنقه لنا ...

ونطالب بأدخال منافس اخر على القرطاسيات غير خوارزم فنحن نحتاج الى اعا كبيره من المكتبات لتصوير
والطباعه والكتب وخوااارزم شفط فلوووس وتضيع وقت على الفاضي ... لذلك لو دخل منافس على الخط لتحسن االحــــــــــــــــــــال كثيرااااا

وفي الاخير لو فعلا هناك اهتمام من القيااااااااااده العليا في الجامعه وحسن انصات فيجب ان يكون هناك رد
على مطالبنا وموضوعنا هذااااا

فنحن نطالب بتحسين البيئه الجامعيه في حدود امكانات الجامعه وليس ممن يطلبون امور من الخيال

فهل هناك من مستمع ومنصت ومنصف لنا ؟؟؟؟؟؟؟؟؟

ننتظر الرد

[كتمان]

الله يعينكم الحمد لله انتي انتساب وما اداوم بالجامعه هذه غير وقت الاختبار ..