ساعدوني بتعديل جدولي ربي يوفقكم

[مجنونة بيبي]

يسعد مسائكم ياحلوين

حبايبي انا قبل امس سددت الرسوم ونزل جدولي بعدها

بس مدري ليش منزلين ليا 3 مواد فقط

شوفو الجدول







دا جدولي :(

ابغا اضيف 3 مواد اخرى .. اتمنى تفيدوني ايش المواد اللي ممكن اضيفها ؟؟

ابغا شي يكون تابع للمواد دي عشان يتبسسط عليا المذاكره وانا ماني عارفه ايش اختار مواد

اتمنى تساعدوني وربي يوفقكم ويسعدكم جميعًا ي رب

[مجنونة بيبي]

..................

[عبدالعزيز عبدالرحمن]

حياك الله اختي

اكثر من طالب نزل لهم 3 مواد فقط!!

من رأيي انك تخلين الاودس اسبوع او اسبوعين وبعدها حاولي مره ثانيه وان شاءالله تقدرين تنزلين المواد اللي تبينها..

بالتوفيق

[s.m.b]

يا الله كأنك تتكلممي عننني
انا نفس حالتك قبل امس سددت ونزل جدولي نفس موادك هادي ومن وقتها وانا حايسه ابغا اضيف
مواد بس مو راضي النظام ومحد ساعدني

بكرا ان شاء الله بروح الجامعه بنفسي واراجع واعدل جدولي وان شاء الله اقدر

لكن بالاودس يأست منه مرا مو راضي

والي حار قلبي انو اغلبهم يقولو انو الاسبوع دا للحذف والاضافه والاسبوع الجاي بتبدأ الدراسه

يارب عيننا وعاوننا يارب فرج هم كل واحد يعاني ..

اختي ازا لقيت حل بقولك ماني عارفه زيك

انا لقيت الرقم المرجعي لبعض المواد وبحاول ادخلها ف )حذف واضافه للشعب الدراسيه(
وادا زبط معايا قولتلك
لانو لازم تعرفي الرقم المرجعي اظن

[مجنونة بيبي]

اول شي احب اشكركم مرا على ردكم الله يسسعدكم ويوفقكم يارب

والله مرا مدري ايشبهم الترم دا كدا ملخبطين الدنيا وانا حاولت برضو اضيف مواد

ولكن مو راضي !! وخايفه تبدا محاضارات السنترا وانا لسسه بعلة الجدول دا :(

عشان كدا ابغا اشوف حل من بدري قبل مااحووس بعدين ..

المهم انا دخلت النت دورت كتير لين حصلت ناس كاتبين انه بالتقويم الجامعي

يوم 12 الشهر دا يعني يوافق يوم الاحد ان شاءالله بالنسبه للانتساب يبدأ موعد الاضافه والحذف وتعديل الجداول !!!

انا حاولت لييين تعبت منجد مليت ولمن لقيت بالتقويم الجامعي مكتوب انه يبدا الاحد ان شاءالله

قلت اصبر واشووف وان مازبط بروح الجامعه وقتها ..

اخويا اصبر للاحد وشوف بدال ماتروح لمن هناك ويقولولك الاحد يبدا تعديل الجداول

ودا رابط التقويم الدراسي بالنسبه للانتسساب ..,

وبالتوفيق لنا جميييعا يارب :)


http://elearning.kau.edu.sa/AccessPa...ng=AR&SYS_ID=8

[مجنونة بيبي]

وبخصوص الاضافه والحذف حابه اوضح شي ربي يسعدك اخويا

ترا اللي تحتاجه بالاضافه والحذف هو رمز الماده فقط ورقمها فقط

يعني مثلا مادة ( الثقافه الاسلاميه المستوى الثاني ) رمزها : Isls ,, رقمها حيكون : 201

يعني ماراح تحتاج لشي غير الاتنين دوول

وانا متاكده من كلامي وحتى دخلت النت وشفت مقاطع يوتيوب توضح الطريقه

وسالت صحباتي كمان .."

والله يوفقك يارب

[s.m.b]

انا بنت بس لخبطت فالمعلومات اول ومهي راضيه تتعدل

الموهم ترا مرا طفشت وتعبت ومافي شي بيتعدل وشوفت جدل المواعيد تبع الجامعه ومستغربه انو يوم الاحد بيبدا
لانو كتير قالو الاسبوع دا بينتهي مجال الحذف والاضافه

ااه يارب وبالنسبه للرقم المرجعي انا لجأت له لانو حاولت بالرمز والرقم والاسم ومو راضي يقولي


******لم يتم العثور على فصول تتوافق مع معايير البحث المحددة******


ماااااهووواااا الحلللللل ههههه يارب
وخايفه كمانا انتظر للاحد ويطلع في شي غلط كمانا ويروح علينا الموعد ونمص حمر وقتها:\

[مجنونة بيبي]

نفسس الجمله دي تطلعلي لمن اجي اتمم عملية البحث عن الماده :(

والله مدري ايش اقول لكن انا ماشيه مع التقويم الجامعي !!

حتى ان صار شي او لكاعه منهم ترا ندخل بعينهم بالتقويم حقهم

ماتوقع يكوون شي نازل بالموقع تبع الجامعه ويكون مو اكيد !!

انا دايما امشي عالتقويم والحمدلله ماقد صار معايا شي غلط بالوقت او كدا

انا راح استنى ان شاءالله وترا السنترا لمن دحين مافي اي خبر عنها وشكلو الاسبوع الجاي

حيبان ايش وضعها كمان :)

والله يعين بس منجد كل ترم نحنا مع المعاناه دي

وسامحيني ياعسل مادريت انك بنوته والله غير لمن قلتي :)

دعواتك بسس وان صار شي ربي يسعدك بلغيني هنا بالموضوع وانا نفس الشي

ان صار شي راح انزل رد هنا والله يوفقنا جميعًا .."

[s.m.b]

ايوا اوك بس اا كدا ولا كدا راح اروح بكرا لجامعه عشان اجدد البطاقه من تحضيري لتخصص
وكمان مره وحده اسال عن وضع الجدول وادا قالولي استني الاحد حستنى مني خسرانه شي

حابه اقولك كمانا انو دحينا الكل بيدرس بالبلاك بورد مو السنترا ولا الايميس
لانو البلاك بورد بيجمع بين السنترا والايميس واحس منو
انا لاني موقفه سنتين عن الجامعه احس لسى ما اعرف شي بس الكل بيقول بلاك بورد

وبخصوص الرد حاضربكتب هنا لو عرفت شي وانتي كماان الله يسعدك

معليش بسألك خارج موضوعنا بس ياليت تفيديني ازا بتعرفي شي>>ابغا اجدد البطاقه عارفه فين اروح و لأيت عماد وايت مبنى؟

[مجنونة بيبي]

اممممم اذا من سكان جده ولسسه ماتخصصتي روحي الفرع الرئيسي اللي في الجامعه مبنى العماده

حيكون في اخر الجامعه من ورا ماافتكر رقم المبنى كم بس عادي قوليلهم يحطوكي عند العماده وراح يودوكي للمبنى

وهناك راح يطلبو منك كم شغله تسويها ويحوولوكي على فرع الفيصليه !!

وراح يكون اختباراتك كلها في فرع الفيصليه وكل شي يخص الجامعه معاكي راح يكون في الفيصليه

انا الترم الماضي نفسس الشي سويت وبالنهايه حولوني عالفيصليه وقالو البطاقه تسويها عندهم كمان

مو بالرئيسي !! يعني اعملي حسابك للشي دا ياعسل .. والله يعينك ^^

وبخصوص السنترا انا اول مره اسمع بالشي دا !!

لسه الترم الماضي كنت احضر محاضراتي عالسنترا :(

ماقد سمعت بالشي اللي قلتي عليه :(