شرح لتجربة المعايرة ( كيمياء 281)

[A.r.s]

بسم الله الرحمن الرحيم

هذا شرح بسيط لأحد تجارب معمل كيمياء281 والي يريد يعرف أكثر يكتب باليوتيوب

• KAU CHEM 281

حتظهر كل تجارب المعمل ويختار منها مايحتاج

معايرة الأحماض والقواعد عن طريق الأدلة

1- نضع في السحاحه NAOH
2- نضع في الدورق 10 من HCLعن طريق المضخة <الي لونها اخضر وتستخدم للسحب
3- نضع نقطتين من الدليل في الدورق <الدورق الي حطينا فيه HCL
4- نفتح السحاحة فيبدأ NAOH بالنزول فيتغير لون الHCL
اذا كان PHPHيكون شفاف ثم يصبح وردي ملاحظة كل ما زاد الإحمرار يدل على نسبة خطا أكبر
اما اذا وضعنا ال MO يكون احمر ثم يصبح برتقالي

بالنسبة للسحاحة حتكوني معبيتها الى اعلى نقطة الصفر ولما تفتحي ويبدا يتغير اللون قفلي السحاحة
وشوفي وين وقف NAOH وسجلي نقطة البداية والقاعديه وكرري العملية ثلاث مرات وجيبي الحجم عن طريق طرح نقطةالقاعدية من نقطة البداية وبكذا حيكون عندك ثلاث احجام جيبي متوسطهم
يعني مجموعهم على عددهم وبكذا مايبقى لك الا التعويض في القانون .
في الإختبار حتسوي جدولين جدول للPHPH وجدول للMO كل واحد تجيبي الحجم حقه ثم تطبقي في القانون .

CXV=C-XV-)=LAW)
C=المولارية الي نبى نستنتجها
V=الحجم الي سحبناه بالمضخة الي هوا 10
-C=هاذي المولارية تساوي 0,1
جبنا الرقم هذا من البداية عن طريق قانون M=N/L
وال
N=g/m.w

-V=الحجم الي جبناه من الجدول

وعشان تفهموا أكثر حأكتب نتايجي وحطبقها في القانون

جدول الPHPH
(1)
نقطة البداية :0
نقطة القاعدية:10.1
الحجم :10.1
(2)

نقطة البداية :10.1
نقطة القاعدية:20.2
الحجم:10.1

طيب يمكن تتساألو ليش كررت التجربة مرتين فقط
لأنو طلعلي نفس الحجم فمافي داعي أككر التجربة ثلاث مرات .

طيب الحجم=10.1

الآن نطبق في القانون المذكور سابقا

(CXV=C-XV-(LAW

CX10=0.1X10.1
C=0.1X10.1/1.0
C=0.10

وبس

شرح معاني المفردات الغامضة:

MO :عبارة عن كاشف
PHPH:كاشف
نقطة القاعدية :هي النقطة الذي بدأيتغير عندها لون ال HCLاما الى وردي أو إلا برتقالي حسب لون الكاشف .

لاتكتبوا في الإختبار-C أو -V
أكتبو الشرطة زي ماتكتبو الأس ومايله بس أنا ماأعرف كيف أكتبها بالكيبورد ):

طيب بقي الهومورك

حأكتبلكم نتايج جدول ال MO
وأنتو تتطبقو في القانون

نقطة البداية :0
نقطة القاعدية:9.6
الحجم:؟؟؟

(2)
نقطة البداية: 9.6
نقطة القاعدية :12.2
الحجم:؟؟؟؟

(3)
نقطة البداية:12.2
نقطة القاعدية:21.8
الحجم:؟؟؟؟

وكملو الحسابات

[KOREA]

بحجم السمــــــــــــــــــــــــــــــــــــــــــــــ ــــــــــــــــــــــاء شكراً
،،
بالتوفيق لنا جميع إن شاء الله ^^"

[A.r.s]

-C
يتم أستنتاجها من قانون :
M=N\L
N=g\mw

وحسب المحلو القياسي الموجود عندك تتم الحسابات بالنسبة للتجربة السابقة المحلول كان NAOH
وكان الناتج =0.1

[strawberry18]

الله يعطيكي العافية انا بكرة اختباري الله يستر
طيب ممكن سؤال دحين انا لمن سويت التجربة في المعمل كنت حاطة hcl في السحاحة واخذت 10 مل في الدورق عكس تجربتك
واللون من وردي الى شفاف
والثاني من اصفر الى اورانج
هذا اللي اعرفه اذا غلط كلامي بس ابغى احد يأكدلي
وهل طلعتو نسبة الايرور ولا بس نتيجة المولاريتي
الله يسعدكم جاوبوني

[R.M.B]

كلامك صح.. وماطلعنا نسبة الخطأ..

ومره سهله التجربه ماسوينا الاصفر بس الوردي و3 مرات والله يوفقك

[strawberry18]

الله يعطيكي العافية
مافهمت كيف يعني 3 مرات
معليش انا بشرح اللي فاهمتو وقوليلي اذا صح ولا
دحين اعبي السحاحة hcl والدورق 10 مل واحط نقطتين فينول ويكون لونه وردي
ولمن انزل hcl حيصير شفاف واحسب النقطة
وبعدين الميثيل البرتقال نقطتين وانزل hcl الى مايصير اورناجي واحسب النقطة
واكرر التجربة 3 مرات
طيب كيف طريقة الحساب الفاليوم بعد ما اطرح النقطتين من بعض ايش اسوي
والنقطة 0.1 هي تعطيني هي ولا انا حافظتها
في تجربة المعمل كانت 0.2 ولا بس كانت حساباتي غلط ولمن قسمنا ضربنا 10 في 2 ليش ماعملت كدا؟؟ زي القانون
ان شاء الله فهمتي عليا
وسوري تعبتك معايا

[R.M.B]

احنا حطينا في السحاحه مركب مدري نسيت اسمه المهم فيه صوديوم وال hcl في البيكر ونقطنا عليه فينول نقطتين بس هيا كاتبه الخطوات في ورقة الاختبار ,, وماسار وردي شفاف زي ماهو لما ننقط من السحاسه ع البيكر الين يسير لون وردي اوقف واسجل النقطه الي طلعت واكبه واعيد هذا الشي 3 مرات وكل مره حسجل النقطه بعدهم اطلع المتوسط اجمع الثلاثه الاعداد واقسم على 3 ..

بعدين اطله ال m = هي تعطيك التركيز احنا كان 25, مكتوب كان في ورقة الاختبار والي في المقام مو 20 زي الملزمه حسب الي تعطيكي هو كان عندنا 10

وبس هذا المطلوب وطبعا تكتبي الوحدات مول ...

[strawberry18]

كويس انها كاتبة الخطوات

الله ييوفقك دنيا واخرة انتي وصاحبة الموضوع

يسلمو ^_^

[R.M.B]

امين واياكي ويسهل عليك يارب هو مره سهل لاتشيلي هم ... ربي معاكي..

الله يسلمك

[حنان 90]

الله يعين الاختبار بكره
شكراااا