تصنيف الهيئة السعودية للتخصصات الصحية .. ضروري

[ميشو999]

السلام عليكم ورحمة الله وبركاته

ياشباب .. انا تخرجت الحمد لله مسار إدارة خدمات صحية ومستشفيات (
مع العلم إني موظف بمستشفى ( مراقب صحي )

واليوم رحت لهيئة التخصصات الصحية بالرياض .. وعبيت النموذج حق التسجيل والتصنيف ..
طبعا ماجبت لهم تعريف عمل ولا إفاده بأني اعمل .. وبالنموذج ماكتبت إني أعمل .. لأني قلت وظيفتي مراقب صحي مالها داخل بأخصائي إدارة مستشفيات
وطبعاً الموظف أخذ أوراقي ودفعت الرسوم .. وقالي تجي يوم الأثنين الجاي مقابله شخصية عند دكتور بالهيئة عندهم ..
طبعا ً يصنفوني أخصائي مساعد .. وبعد سنه يقولون جب لنا خبره إنك إشتغلت على وظيفة تناسب تخصصك وتعدل أخصائي
لكن هل أنا إلي سويته صح إني ماجبت لهم تعريف من العمل ؟ وإذا جبت لهم تعريف من العمل هل يلغون المقابله والخرابيط مع العلم اني قلت لكم وظيفتي مراقب صحي

أرجو الرد عاجلاً جزاكم الله خير

[السيدمنفار]

انا أستفسر مثلك حيث انني لاشغله ولا مشغله هل فيها مقابله او اختبار

[ريموووو2010]

عادي كان كتبت انك موظف حتى لو مالو علاقه بس الافضل تسال الموظفين الي بنفس المكان

[الشامخ999]

جب مشهد من عملك وتاريخ مباشرتك
واذا تقدر تجيب لهم تزكيه من الاداراة العليا او دونها
تكون التزكيه على درجة اخصائي وليس اخصائي مساعد
يكون افضل