تبي تعرف ليه رسبت ؟؟ هذا ما أراه وبكل صدق..

[اوكيسترا]

والله من فتره وانأ حاب اكتب موضوع انوه فيه على الشي الحاصل بين إخواني الطلاب وأخواتي الطالبات .. لكن شد الأعصاب اللي كان حاصل وقت انتظار النتيجة منعني من الكتابة

أما الآن وقد نزلت النتائج ... وصار اللي أنا خايف منه ( كثرةالرسوب ) جاء الوقت اللي أتكلم فيه

لاحظت وبقوه أن الجميع قبل الاختبارات وأثناء الاختبارات وحتى في وقت انتظار النتائج كل أمنياتهم النجاح فقط .. اللي يقولياليت انجح .. واللي يقول بس لو اعدي ..الخ
ولكن قليل ما احصل موضوع يتكلم عن المعدل العالي والدرجات المرتفعة وكأن طموح الجميع كان النجاح وبس..
والمعروف أن النتيجة كثير ما تكون اقل من الطموح _ لان الإنسان في طبعه طموحه دائما جامح _
فاللي يسعى للنجاح فقط .. ممكن ينجح وممكن جدا ما يعدي
واللي يسعى للمعدل العالي ممكن يجيب المعدل اللي يبي وممكن اقل بس فرصة بالنجاح اكبربكثير

واللي يقولون ليه نرسب .. إحنا متأكدين حلنا كان صحيح .. أقولهماسمعوا الموقف ذا واحكموا
في اختبار المهارات اللغوية .. كان قدامي طالب مااعرفه والأخ خلص بدري وحب يسلم ورقته
.. نادى المراقب وقال ابي اسلم الأوراق فقاله المراقب : معليش راجع شوي وبعدين سلمهم انت مخلص بدري .. قال الاخ : لا الاختبار كان جدا سهل ... بعد ماراح المراقب انا قلت للطالب : الاختبار فيه لفات كثيرلاتسلم الحين راجع واذا صعب عليك شي انا اعطيك .. رد علي وقال : ماني محتاجك كل شخص وله مستواه .. انا اشوفها سهله ... سكت وخليته مع اني اشوف ورقة اجابته _ بحكم تطابق النماذج _ رايحه فيها انواع الاخطاء والتفحيط الله يعينه
من الموقف نستنتج ان الاخ مطمئن انه بينجح لكن من حله اللي شفته فهو جاب العيد
فياشباب كل اللي أبي أوضحه ان يكون طموحنا أكثر من النجاح بكثير .. جربوا يكون الطموح للمعدل العالي 4.75 مثلا .... وشوفوا كيف راح تكون النتائج ..بشرط انه يكون اجتهادك ومذاكرتك تتناسب مع الهدف اللي انت حاطه
هذه نصيحه حبيت اشارككم فيها ... من يقبلها فبإذن الله ماراح يندم .. واللي يشوف انها مبالغه , الله يوفقه بخططه الخاصة فيه ....
انا عن نفسي اشوفالتصحيح عادل جدا ... لانه نتائجي كلها مثل ماتوقعتها تقريبا

[mass]

فعلا كلا مك منطقي ...
مع اني ما طلع لي الا نتيجة ماده وحده والله يوفقني بالباقي
بس كانت في مستوى مذاكرتي والمعدل الي اطمح فيه
الله يوفق الجميع

[اوكيسترا]

المشاركة الأصلية كتبت بواسطة mass فعلا كلا مك منطقي ... مع اني ما طلع لي الا نتيجة ماده وحده والله يوفقني بالباقي بس كانت في مستوى مذاكرتي والمعدل الي اطمح فيه الله يوفق الجميع

مبروك على النتيجه اللي طلعت ... والله يوفقك بالباقي ويسعد بنتائجك

[سراب220]

معليش اخوي اوكيسترا كثيييييييييييير طلاب وطالبات بغض النظر عن الي يقولو نبي ننجح وبس اهم شي عندهم المعدل وانا اول وحدة فيهم
ويليت اخوي تحاول معانا الوقوف بجانب اخوانك واخواتك المخفقين في بعض المواد واتمنى انك تصدق فيه خطا بالتصحيح وظلم بعض الشي

[اوكيسترا]

المشاركة الأصلية كتبت بواسطة سراب220 معليش اخوي اوكيسترا كثيييييييييييير طلاب وطالبات بغض النظر عن الي يقولو نبي ننجح وبس اهم شي عندهم المعدل وانا اول وحدة فيهم ويليت اخوي تحاول معانا الوقوف بجانب اخوانك واخواتك المخفقين في بعض المواد واتمنى انك تصدق فيه خطا بالتصحيح وظلم بعض الشي

بالنسبة لموضوع الوقوف مع الاخوان والاخوات المخفقين .... فانا ما كتبت الموضوع الا عشان انصحهم باللي نصحت فيه نفسي _ والله يشهد علي _ لاني انا اشوف لو كلنا طبقنا الطريقه هذي على الاقل نسبة كثيره بتعدي وتنجح ... ولا تنسا انه هذا رأي .. ممكن يكون صح .. وممكن يكون خطأ

اما بالنسبه لموضوع اني اصدق انه فيه خطأ بالتصحيح ... فهذا جائز .. لكن بنسبه قليله تكاد تكون معدومه .. لانه التصحيح عن طريق المسح الضوئي ..يعني الاجابة اللي مضللها هي اللي بتحسب
لكن اللي انا متأكد منه .. ان الاسئله كانت جدا صعبه ومضلله ..

والشكر لك على المداخله

[rOoOoOs]

نصائح مررره رائعه

[مشاري بن سعود]

اخوي كلامك عدددل انا نجحت وجبت في مهارات الاتصال 100 وفي تنميه التفكير 98 وللله الحمد

[اوكيسترا]

المشاركة الأصلية كتبت بواسطة مشاري بن سعود اخوي كلامك عدددل انا نجحت وجبت في مهارات الاتصال 100 وفي تنميه التفكير 98 وللله الحمد

ماشاء الله تبارك الله ..... والله افرح لما اشوف نتائج مثل كذا

الله يوفقك

[محمد3320]

اخوي كلامك صحيح و عين الصواب و اكيد انه المجتهد راح يأخذ اعلى الدرجات بعد توفيق الله .

ولكن انت تقول انه الأسئله فيها لفات كثيره . على ابي اعرفه ليش كل هذه الفات و تتويه طلاب الأنتساب .

هذه حركات مدرسين متوسط .

انت تبي تعرف الطالب فاهم الموضوع او لا لذلك يجب ان تكون الأسئله و اضحه . من غير مراوغه .

يعني واحد يجيبلك الأجابه نفسها بس يغير يضيف ( لا ) او اي كلمه تحوس المعنى .

اخوي لاتنسى احنا انتساب و مشاغلنا كثيره . بيت و عمل و زوجه و اطفال .

لذلك يجب ان تراعى حالتنا .

[اوكيسترا]

المشاركة الأصلية كتبت بواسطة محمد3320 اخوي كلامك صحيح و عين الصواب و اكيد انه المجتهد راح يأخذ اعلى الدرجات بعد توفيق الله . ولكن انت تقول انه الأسئله فيها لفات كثيره . على ابي اعرفه ليش كل هذه الفات و تتويه طلاب الأنتساب . هذه حركات مدرسين متوسط . انت تبي تعرف الطالب فاهم الموضوع او لا لذلك يجب ان تكون الأسئله و اضحه . من غير مراوغه . يعني واحد يجيبلك الأجابه نفسها بس يغير يضيف ( لا ) او اي كلمه تحوس المعنى . اخوي لاتنسى احنا انتساب و مشاغلنا كثيره . بيت و عمل و زوجه و اطفال . لذلك يجب ان تراعى حالتنا .

انا مع كلامك بقوه ... اللفات والتذاكي على الطالب .. اسلوب سيء من جد
ولو على الاقل جاب سؤال واحد فيه تلاعب عشان يشوف النابغه من الطالب الذكي العادي قلنا معليش
لكن اختبار كامل كله الغام وحفر ومطبات ولف ودوران .. كذا مايصير

يعني كمثال شوف دكتور الرياضيات .. الله يوفقه .. اسئله مباشره .. واختبار عادي

لك الشكر