اخوكم طالبكم استشاره لا تبخلون عليه

[راشد الجهني]

السلام عليكم
مساكم الله بالخير وصبحكم بالرضا

انا واعوذ بالله من كلمة انا طالبكم خدمة بسيطه محتار فيه ولا ابي اتهور قالوا ما خاب من استشار وانت اقرب ناس ممكن استشيركم في ذا الموضوع بخصوص التخصص في اخر الايام دخت وانا محتار بين ذا التخصصات

انا وضعي باختصار موظف في القطاع الحكومي وفي نفس الوقت فاتح بيت وبالنسبه للشغل مافي شغل يعني لو حولت الانتظام لان التخصصات كلها بتكون متاحه في نفس الوقت ما حد داري عنك لكن انا قريت التحويل مره وحده ما ترجع من انتضام لإنتساب او العكس وزي ما يقولون دوام الحال من المحال اخاف بكره تزيد الرقابه ولاني قدرت امسك ذي ولا ذي

هذا الموضوع بخصوص انتظام ولا انتساب

الموضوع الثاني التخصص انا بالنسبه لي افضل المواد العلميه الرياضيات الاحصاء ومن ذا القبيل على مواد الحفظ ولا اطيق ذا الانجليزي ولاني عارف التخصص الي يفيدني في وظيفتي الي يغلب الشق الاداري عليها وثاني شي يناسب ميولي والي عنده خبره ويقدر يفديني تكفى لا يبخل علي


واسف على الاطااااااااااااله

[nor811]

سبحان الله نفس الوضع والحيرة

[ماكنتوشه]

وعليكم السسلامم ورحمةة الله وبركاتةة

اخوي التخصصات العلميه مو للانتساب وحتى بعد لو حولت ماتقدر تدخلها ..
تقدر تدخل تحت كليه الاقتصاد بقسم الاداره العامه وهذي مساراتها
http://fea.kau.edu.sa/content.aspx?S...g=AR&cid=39283

واترك الباقي لاصحاب الخبره :)

[راشد الجهني]

المشاركة الأصلية كتبت بواسطة ماكنتوشه وعليكم السسلامم ورحمةة الله وبركاتةة اخوي التخصصات العلميه مو للانتساب وحتى بعد لو حولت ماتقدر تدخلها .. تقدر تدخل تحت كليه الاقتصاد بقسم الاداره العامه وهذي مساراتها http://fea.kau.edu.sa/content.aspx?s...g=ar&cid=39283 واترك الباقي لاصحاب الخبره :)

الله يعطيك العافيه على ردك انتي زودتي الحيره حيره الحين اشوف في مسارين جدد مسار الخدمه المدنية ومسار التخطيط والموازنه هذي كلها تفيدني في عملي الله يعطيك العافيه

[عـالي مستواه]

المشاركة الأصلية كتبت بواسطة راشد الجهني الله يعطيك العافيه على ردك انتي زودتي الحيره حيره الحين اشوف في مسارين جدد مسار الخدمه المدنية ومسار التخطيط والموازنه هذي كلها تفيدني في عملي الله يعطيك العافيه

أبشرك حيرتك مالها داعي لأن التخصصات اللي قلت عليها بس للإنتظام

حنا متاح لنا ( مسار عام - تطوير وتنظيم إداري )

وكلها مثل بعض مع أنهم يلمحون أن المسار العام أسهل

[ابوخـالد]

شوف حبيبي راشد
انتبه تنتظم وانت موظف ولم يصدر لك قرار من الخدمة المدنية بتفريغك للبكالوريوس هذا واحد
حتى دوامك يرفع شهادتك للتسجيل في ديوان الخدمة المدنية وتسجل ويعترف فيها لازم تكون انتساب هذا ثاني
تحب المواد العلمية إدارة أعمال لاتفكر في اي تخصص اخر وبعد حصولك عليها قدم بعثه من مقر عملك للماجستير هذا ثالث

ورابعا اتمنى لك التوفيق في الدارين

[راشد الجهني]

المشاركة الأصلية كتبت بواسطة ابوخـالد شوف حبيبي راشد انتبه تنتظم وانت موظف ولم يصدر لك قرار من الخدمة المدنية بتفريغك للبكالوريوس هذا واحد حتى دوامك يرفع شهادتك للتسجيل في ديوان الخدمة المدنية وتسجل ويعترف فيها لازم تكون انتساب هذا ثاني تحب المواد العلمية إدارة أعمال لاتفكر في اي تخصص اخر وبعد حصولك عليها قدم بعثه من مقر عملك للماجستير هذا ثالث ورابعا اتمنى لك التوفيق في الدارين

بيض الله وجهك بس يا صاحبي ادارة اعمال الي يقول قفلت والي يقول لازم رابغ ورابغ بتسير جامعه مستقله يعني يبيلها سنين عشان يعترفون فيها برا عشان الواحد يكمل الماجستير الاشاعات اقسم بالله ما خلت للصدق محل واشكرك على ردك والله يوفقنا وياك دنيا واخره

[عـالي مستواه]

بإختصار قبل كل شي (الله يوفقك ويعلي مراتبك ) .:

وانصحك بشدة ..بشدة .... :

أولاً : توكل على الله وأستخير .

ثانيا : ما يصلح تحول إنتظام ... لسببين 1.تدخل في الحلال والحرام 2 . خليك في السليم

ثالثاً : أنت بنفسك قلت أن التخصصات الإدارية تفيدك إذا مالك إلا إدارة عامة .

رابعاً : لازم تاخذ دورة شهرين أو ثلاثة إنجليزي في الصيفية .... وخصوصاً اللي تركز على القرامر

لأنه كل التخصصات الإدارية فيها إنجليزي ... لا تهبط من عزيمتك وطموحك علشان مادة مثلها مثل كل المواد .

[راشد الجهني]

المشاركة الأصلية كتبت بواسطة عـالي مستواه بإختصار قبل كل شي (الله يوفقك ويعلي مراتبك ) .: وانصحك بشدة ..بشدة .... : أولاً : توكل على الله وأستخير . ثانيا : ما يصلح تحول إنتظام ... لسببين 1.تدخل في الحلال والحرام 2 . خليك في السليم ثالثاً : أنت بنفسك قلت أن التخصصات الإدارية تفيدك إذا مالك إلا إدارة عامة . رابعاً : لازم تاخذ دورة شهرين أو ثلاثة إنجليزي في الصيفية .... وخصوصاً اللي تركز على القرامر لأنه كل التخصصات الإدارية فيها إنجليزي ... لا تهبط من عزيمتك وطموحك علشان مادة مثلها مثل كل المواد .

يوفقنا وياك يا رب بس المشكله تدري وين؟ انه في اكثر من مسار يناسب وظيفتي ابغى اقوى شي فيهم لان زي التخطيط الاداري والتخطيط والموازنه والي الواحد يقدر يكمل ماجستير فيه

[راشد الجهني]

الله يجزيك الجنه يا عالي مستواه والله انك دووم عالي بس ادارة اعمال ولا اداره عامه هي الي اقوى