بخصوص ابتعاث الطالبات الى بريطانيا ( موضوع مهم جدا للجميع )

[مجهول الهوية 007]

بسم الله الرحمن الرحيم

لكثرت الاسئلة والاستفسارات حول برنامج الابتعاث انا راح الخص لكم الطلعة من اولها الى اخرها على شكل نقاط واتمنى اني اكون كفيت ووفيت ولا تنسوني من خالص الدعاء

اولا :
- يتم الترشيح مبدئا على حسب المعدلات ودرجات اللغة الانجليزية بس اهم شي المعدل <== خذوها مني
- يتم عمل مقابلات شخصية واسئلة بسيطة جدا وغير معقدة يعني انا اتذكر بعض الاسئلة تكلم عن نفسك ؟ او كم عدد افراد عائلتك ؟؟ وليش تبغى تدرس في بريطانيا ؟؟ يعني اسئلة عامة وليست تخصصية في مادة .
- بعد اعلان نتائج الترشيح راح يطفشوكم اجتماعات وقرارات وتعهدات ... الخ
- تم تخصيص مادتين الا وهي ( ادارة اعمال دولية - تسويق ) بالإضافة الى كورس مكثف للغة الانجليزية وطبعا اللغة الانجليزية لا تعادل بأي مادة .
- تمت الموافقة الجماعية للطلاب على الشروط والتعهدات الإلزامية بالالتزام ... الخ .
- سيتم طلب اصل جواز السفر + بطاقة الاحوال + السجل الأكاديمي لكي يتم رفعها الى السفارة البريطانية لاستخراج التأشيرات .
- سيتم اعلان موعد للذهاب الى السفارة للتبصيم والمطابقة على صحة المعلومات والتوقيع على الملفات .
- بعد اسبوع او اسبوعين تم عقد اجتماع نهائي لاستلام اصول الجوازات مع التأشيرات + التذكرة + معلومات الجامعة والسكن + مكافاة مالية ( 5000 ريال ) لكل طالب .

الان سأتكلم ما جرى خلال الرحلة بإختصار :
تم الاتفاق ان الرحلة ستكون يوم الجمعة تحديدا بعد اسبوع واحد فقط من انتهاء الاختبارات الجامعية للجامعة ، والحمد لله جهزنا انفسنا وتوكلنا على الله واتجهنا الى المطار لكن تحذير هام اتمنى من جميع المبتعثين الذهاب مبكرا الى المطار بحد ادني ساعتين ونصف قبل الاقلاع لانهاء اجراءات السفر لانه صارت فيه لخبطة للطلاب مما ادى الى تأخر رحلة بعض الطلاب الى اليوم التالي .
طبعا الطيران كان عن طريق الخطوط البريطانية ، بصراحة الطائرة ما تختلف كثير عن الخطوط السعودية لكن كانت رحلة متعبة وممتعة في نفس الوقت ( 7 ساعات تقريبا ) ، وصلنا الى مطار لندن ( مطار هيثرو ) من أجمل المطارات حول العالم وأكبرها على العموم ايضا واجتهنا مشكلة ان الرحلة التي مفترض ان نذهب بها من لندن - ادنبرة اقلعت مبكرا مما ادى الى الغاء حجوزاتنا لكن تم تسهيل الامور من الله اولا ثم من موظفي المطار بأن حجزوا لنا بالطائرة اللي بعدها على طول طبعا المطار كبير جدا وراح تطفشون تفاتيش وحط وخذ ... الخ المهم جلسنا في المطار حدود 3 ساعات طبعا مطارهم مجمع تجاري ضخم يعني ما تطفش فيه ، المهم جاء وقت الطيران وطلعنا الطيارة واتجهنا الى مطار ادنبرة يعتبر مطار صغير جدا مقارنة بمطار لندن وعند انهاء اجراءات الدخول تم اسقبالنا بواسطة الدكتور : توفيق الخيال مع الدكتور: زهير حمدان وايضا الدكتور سجاد حيدر بالاضافة الى دكتورة : كرستي <<== ( تذكروا الاسم ذا تمام ) وتم اخذ الشنط وخرجنا من المطار متجهين الى السكن الخاص بالطلاب ، طبعا في الولهة الاولى توقعنا انه يسكون نظام السكن كل شخصين في غرفة وسيكون داخل الجامعة ومن هذا الكلام لكن صراحة تفاجأنا بالتنظيم والسكن الراقي ونظام الغرف طبعا كان هنالك 31 طالب ونظام السكن يحتوي على 6 شقق كل شقة تحتوي على( 5 غرف + صالة مع مطبخ + حمامين ) يعني نظام شقة مفروشة طبعا كل 5 طلاب في شقة ويسمح بتبادل الغرف في حال الموافقة طبعا الشباب كنا مجموعة وحدة ومتاحبين جميعا وفيه شخص ذهب الى شقة بمفرده لعدم وجود اماكن شاغرة ، طبعا كل غرفة نوم تحتوي على( سرير + دولاب ملابس كبير + مكتب صغير + مودم dsl + مغسلة ) وبصراحة نظام السكن كان مرتب جدا وانا من الناس اللي ما توقعت الشي هذا طبعا كل غرفة فيها صالة ليجتمع اعضاء الغرف فيها وللسواليف والدردشة والوناسة ... الخ طبعا كان يوم السفر مرهق ووصلنا في الليل تم دعوتنا لتناول طعام العشاء في مطعم ثم ذهبنا الى النوم بعد يوم شاق بالسفر .
طبعا يومي السبت والاحد اجازة الاسبوع مو زينا خميس وجمعة فاخذنا جولات حول المدينة طبعا المدينة كبيرة جدا جدا وفيها شوارع رئيسية للتسوق مثل شارع برنس ستريت وشاروع اخرى نسيتها طبعا نسيت اذكركم انه سيتم اعطاء كل طالبة بطاقة اشتراك شهرين في الحافلات تروحين اي مكان ببلاش وانتبهوا تضيع لانه اذا ضاعت تروحين تطلعين بدل فاقد وتدفعين تقريبا 3 باوند .
يوم الاثنين اول يوم جامعي للطلاب طبعا كل طالب راح يكون عنده حساب الكتروني في الجامعة زي نظام الاوديس عندنا بس ذا متطور شوي يعني تنزل التايم تيبل ( جدول الاسبوع والحصص وحتى مواعيد الافطار والغداء والعشاء ) وتحل واجبات وتنزل السلايدات ... الخ طبعا الجامعة تفتح النفس مو زينا هع هع طبعا كنا متحمسين اول يوم وكلنا حضور جماااعي لاول مرة واخر مرة نحضر كل الدفعة 31 طالب ههههه <<== دفعة فاشلة طبعا وجبة الافطار تكون في الجامعة وايضا وجبة الغداء والعشاء هنالك اكثر من مطعم تختار واحد وتوقعين عند اسمك وتاكلين ببلاش ( مطعم هندي - ايطالي - صيني - يوناني ) طبعا فترة راح تطفشون من هذه المطاعم وراح تروحوا مطاعم برى .. طبعا ايام الاجازة سبت واحد راح يكون الفطور في البيت راح يجيبوا لكم كراسون وعصير وحليب وبرتقال وزي كذا طبعا انصحكم تسوون زينا الشباب كنا نسوي قطات نشتري بها عدة الشقة ( شاهي - قهوة - سكر - زيت - اندومي - مكرونة - خبز - حليب - عصيرات - حلويات - كيك - بيبسي .. الخ )
طبعا الكورسات بدأنا بإدارة الأعمال الدولية واخذنا فيها 4 اسابيع الدكتور كان يشرح ويعطينا يوميا طلب نسويه عشان نكمل عناصر الريبورت نهاية الكورس تطلع تقدم التقرير والبرزنتيشن
بعد 4 اسابيع درسنا مادة التسويق ونفس النظام بالنسبة للمادة الاولى
طبعا تعبنا كثير في الحضور خصوصا في شهر رمضان لكن بلغنا الجامعة بتخفيف الدوام وقللوه من 10 - 2 بدل 4 طبعا محاضرة التسويق وادارة الاعمال فقط ساعتين يومي الثلاثاء والخميس وباقي الوقت انجليزي يعني راح تطفشوا انجليزي ، طبعا كانوا اسبوعيا يودونا رحلات انصحكم تنامون في البيت ولا تروحون لانه تعب ولامنها فايدة هع هع
طبعا راح يكون فيه تحضير يومي لجميع المواد .
بعض المعلومات العامة :
- هنالك مسجد الملك فهد بإدنبرة كان هو المسجد اللي كنا نصلي فيه .
- بجانب المسجد يوجد العديد من المحلات العربية وراح تتفاجئون بوجود اشياء كثيرة نفس الموجود عندنا .
- يوجد الكثير من محلات الجملة اذا كنتوا تبغوا تشتروا اشياء للشقة ارخص بكثير من السوبرماركت ( تيسكو )
- كان هنالك عمال نظاقة يوم الخميس يدخلوا الشقة وينظفوها ويجهزوها .
- خبر مزعج للبنات خصوصا اللي يبغى يقراه يضلل ( الحمامات كلها بدون طشاشات موية يعني الله يعينكم مناديل وتدبير نفسكم )

بخصوص معادلة المواد طبعا تخالفت الاراء حتى الفترة اللي كنا ندرس فيها ما ندري هل ستعادل ام لا لكن في النهاية اتفقوا انهم راح يعادلوا التسويق ومادة الادارة تعتبر حرة او اختياري ولكن اليوم جتنا رسائل انه راح يكون في اجتماع يوم الثلاثاء لتحديد هذه المعايير .
نصائح :
- اولا اتمنى ان تضعوا الله امام جميع اعمالكم وتوكلوا عليه وتعتمدوا عليه اولا واخيرا .
- الغربة شينة على ما يقولون ونحن عشناها وكنا تحت ضغط نفسي كبير لولا تعاون الطلاب والوقوف مع بعضنا البعض
- تجنبوا المشاكل والذهاب الى الأماكن المشبوهة لانكي سوف تريين العجب والعجاب من ناس سكرانة وناس ما تخاف الله .
- انتبهوا من ضياع او تكسير او عبث او حرق في الشقة مما يعرضكم الى غرامات قاسية جدا وحنا الشباب صارت لنا سواليف كثيرة في الترقيع والنصب عشان كذا تداركنا الامور وقمنا باستخدام بعض الحيل لتجنب الغرامات .
- طبعا التدخين والمعسل ... الخ ممنوع نهائيا في السكن لكن الشباب ما قصروا التزموا بالقانون <<==( امعصي والدليل حرق الفرش والكنب )
طبعا نظام الصيام طويل جدا كنا نصوم ما بين 20 - 21 ساعة في بداية رمضان
والى تقريبا يوم 15 رمضان بدأ الوضع يتحسن وصار الصيام حدود 18 - 17 ساعه
بعد العودة تم تكريم افضل 5 طلاب على المستوى الدراسي وتم عمل عشاء كبير بالمناسبة هذه .
اعتذر لكم على الاطالة واتمنى اني افدتكم كثير بالتقرير هذا ، واي سؤال انا مستعد .
وشكرا


دقيقة دقيقة حبيت اذكركم يا بنات اللي يبي محرم انا جاهز ( مكتب لتوفير المحارم ) وسلامتكم

[battota]

مررررررررررررره استفدت شكررررررررررررا

بس لما تجتمعوا التلوت خبرونا اش يصير بالله وياريت بس ساعات ما يعادلوها على الدرجات

طيب بسالك الحين كنت تروحوا اماكن متلا سوق لحالكم ؟؟؟

بصراحه احس حلوه ومو حلوه فكرتهم مدري ليه

الله يوفق اللي راح تروووووووووووووح ويصبرها خاصه برمضان

21 ساعه ما تاكل :(

[مجهول الهوية 007]

المشاركة الأصلية كتبت بواسطة battota مررررررررررررره استفدت شكررررررررررررا بس لما تجتمعوا التلوت خبرونا اش يصير بالله وياريت بس ساعات ما يعادلوها على الدرجات طيب بسالك الحين كنت تروحوا اماكن متلا سوق لحالكم ؟؟؟ بصراحه احس حلوه ومو حلوه فكرتهم مدري ليه الله يوفق اللي راح تروووووووووووووح ويصبرها خاصه برمضان 21 ساعه ما تاكل :(

ان شاء الله راح احضر الاجتماع وراح ابلغكم بالمستجدات . طبعا كان اي وقت نقدر نروح طبعا هذا حنا الشباب مدري كيف وضع البنات يعني كان اي وقت نقدر نطلع من السكن ولحالنا فجر صبح مغرب عشاء ..

[Joda Majed]

يعطيك العافيه مجهول الهويه

كفيت ووفيت وبصراحه تقرير رائع وموضح كل حاجه

ان شاءلله ربي يسخرلنا ^^

[مجهول الهوية 007]

المشاركة الأصلية كتبت بواسطة joda majed يعطيك العافيه مجهول الهويه كفيت ووفيت وبصراحه تقرير رائع وموضح كل حاجه ان شاءلله ربي يسخرلنا ^^

الله يعطيك الف مليون عافية واي شي تحتاجونه انا تحت الخدمة ...

[عطر القصيد]

ماشاء الله .’
تقرير كـافي و وافي .
جزاكـ الله ألف خ ــير .

[cute.memo]

من جد كفيت ووفيت

ويعطيك الف عافية

طيب حابة اسأل بخصوص الخروج كيف كان الوضع؟؟

لازم معاهم ولا تقدر تخرج تتمشى انت لوحدك؟؟

[مجهول الهوية 007]

المشاركة الأصلية كتبت بواسطة cute.memo من جد كفيت ووفيت ويعطيك الف عافية طيب حابة اسأل بخصوص الخروج كيف كان الوضع؟؟ لازم معاهم ولا تقدر تخرج تتمشى انت لوحدك؟؟

الخروج كان عادي بالنسبة للشباب مدري البنات كيف بيكون وضعكم كنا في اي وقت نقدر نطلع ومع نفسي لو بغيت

[مجهول الهوية 007]

نسيت ابلغكم اللي معاه نصيحة بخصوص التلفون والاتصال الدولي في باقة في موبايلي استقبال مجاني من السعودية كثيرين من الشباب كانوا زي كذا يدقوا ويفصلوا ويتصلوا ببلاش لانه تكلفة الاتصال غالية جدا الدقيقة بأكثر من 6 ريال ولاهل البلاك بيري في شريحة 3 اسم الشركة 3 بـ 35 ريال تقريبا اشتراك البلاك بيري شهريا

[soha_89]

/


..




مآقصرت والله

ابي اسألك على نقطه المعدل .!!
هل في احد ادني للمعدل للقبول ببرنآمج الابتعآث .؟!