هنا:استفسارات أعضائنا الكرام حول تخصص النظم والتسويق والإجابة عليها

[بنت ناس وقلبي ألماس]

هذا الموضوع سيُخصص لاستفساراتكم حول تخصصي نظم المعلومات الإدارية والتسويق

وأيضاً سيتضمن على نماذج من استفسارات أعضائنا الكرام حول عدة محاور وإجاباتنا عليها :

المحور الأول:

ماهية تخصص نظم المعلومات الإدارية mis ومعلومات مفصلة عنه.

المحور الثاني:

التحويل من تخصص mis إلى تخصص في كلية أخرى.

المحور الثالث:

الفرق بين تخصص mis والتخصصات المشابه له.

المحور الرابع:

طبيعة تخصص التسويق ومدى صعوبته.

المحور الخامس:

استفسارات حول الاختبارات النهائية.

---

---

أولا: ماهية تخصص نظم المعلومات الإدارية mis ومعلومات مفصلة عنه:

الاستفسار الأول:

المشاركة الأصلية كتبت بواسطة Blue Note السلام عليكم ورحمة الله وبركاته مرحبا بنات تصميم داخلي أبي مساعدتكم الله لايهينكم أنا ألحين في الفيصليه وحطوني دراسات اسلاميه وانا ما ابي وابغى أحول للكليتكم في السليمانيه بس هل يقبولني لاني أدبي وبيحطوني في الشي الي أبيه الي هونظم معلومات أداريه؟ وبعدين هل الي تدرس هالقسم لازم تكون مره عبقريه في الرياضيات وذكيه في حل المشكلات ولا مستوها متوسط يمشي حالها؟ سوري كثرت أسئله بس ياليت تفيدوني لأني متورطه بهالتخصص الي انا فيه ومحتاره لأيش أحول

المشاركة الأصلية كتبت بواسطة تذكري يديك يوم تشهد عليك ياحلوة تخصص نظم معلومات إدارية هذا للعلمي. ودراسته تكون بالانجليزي. وقبل ماتتخصصينه تدرسي سنة ونص عام في الكلية ويكون اسمك ( أعمال عام ) يعني لسى ماتخصصتي. أتمنى تكوني فهمتيني ياعسل.

المشاركة الأصلية كتبت بواسطة Blue Note أوه طيب كم هم يحطمون يعني في السنه التحضيري يحطونا الي أخذناه في المدرسه مو أكثر وأنا في المدرسه كنت علمي بس هم دخلوني اجباري أدبي عشان أنتساب ويوم حولت أنتظام أم التحطيم طيب مافي تخصصات في كلية الاقتصاد والادارة تقبل أدبي؟

المشاركة الأصلية كتبت بواسطة بنت ناس وقلبي ألماس تخصص إدارة عامة وقانون أدبي وباقي التخصصات علمي.

المشاركة الأصلية كتبت بواسطة Blue Note اووووه كل شي حلو للعلمي طيب ياناس انا في المدرسه كنت علمي. والسنه التحضيري كلها نفس الي اخذناه في المدرسه يعني 3 سنين دراسه ثنوي مايعتبرونها شي ينفونها في سنه وحده و بح خلاص طارت حسبي الله عليهم. يعني انا الحين اعتبر درست ادبي وعلمي وكلها في عيونهم ولا شي...

المشاركة الأصلية كتبت بواسطة تذكري يديك يوم تشهد عليك لا ياحلوة بما إنك انتظام و أدبي , وكنت في الثانوي علمي يمديك تتخصصين تخصصات العلمي بشرط تاخذين فيزياء أو كيمياء وتصيرين عادي زي بنات التحضيري علمي وتدرسين سنة ونص عام بعدين تكون التخصصات المتاحة لك: نظم معلومات ( بالإنجليزي) محاسبة ( بالعربي ) إدارة أعمال ( بالإنجليزي) تسويق ( بالإنجليزي) تمويل ( بالإنجليزي) موارد بشرية ( بالإنجليزي) هذا الكلام طبقوه على دفعة 10 ودفعة 11 وتبغين تتأكدين أكثر اسألي الشؤوون. الله ييسر لك أمورك.

الاستفسار الثاني:

المشاركة الأصلية كتبت بواسطة شوآقي السلام عليكم اخواني ممكن تقولولي قسم نظم المعلومات الإدارية دراستو عن ايش ؟ اكون مدخله بيانات ع الكمبيوتر ولا كيف ؟ و ايش هيا وظايفو للبنات ؟

المشاركة الأصلية كتبت بواسطة بنت ناس وقلبي ألماس في مادة أسمها البرمجة بلغة الفيجوال بيسك هذي المادة تدرسين فيها كيف تعملي برامج مثل آلة حاسبة وتحويل عملات الخ يعني تصميم برامج من الألف إلى الياء وفي مادة اسمها داتابيس تتعلمي على برنامج الاكسس وكيف تتعاملي مع قواعد البيانات وفي جزء منها تتعلمي فيه تصميم موقع شخصي بلغة html... بالنسبة للوظائف تلاقيها في هذا الرابط: http://www.skaau.com/vb/showthread.php?t=670810

المشاركة الأصلية كتبت بواسطة شوآقي بخصوص التسكين ايش هوا التسكين اللي يخليني بعدين بأذن الله انشئ مؤساسات ليا ومشاريع هوا ادراه الاعمال ولا ايش ؟؟ وجزاكم ربي كل خير.

المشاركة الأصلية كتبت بواسطة بنت ناس وقلبي ألماس نعم يا عزيزتي لو أردتي أن تعملي مشاريع فالتخصص المناسب هو إدارة أعمال.

الاستفسار الثالث:

المشاركة الأصلية كتبت بواسطة غرتني دنيتي السلام عليكم الي درسو نظم معلومات ادارية هل الدراسة فية صعبة ؟ يعني من ناحية البرمجة والتصميم . وايش مجالاتة الوظيفية لان اخوي يبغى يدخل هذا التخصص.

المشاركة الأصلية كتبت بواسطة بنت ناس وقلبي ألماس وعليكم السلام ورحمة الله وبركاته,, هلابك أخيتي,, والله يا حبيبتي ما في تخصص سهل كل تخصص لازم تبذلي فيه مجهود, لكن اللي يميز التخصص انه وأنتي بتدرسيه راح تستمتعي فيه لأنه في برامج راح تشتغلي عليها وما راح يكون كله نظري مثلا راح تشتغلي على برنامج الفيجوال بيسك وهذا البرنامج يفيدك في تصميم برامج وراح تتعلمي فيه كتابة أكواد وتصميم برامج من لا شيء وفي برنامج Html وهذا البرنامج راح تتعلمي فيه تصميم مواقع على النت وفي برنامج ms project وهذا يفيدك في حالة لو عندك مشروع راح تتابعي عملك عليه وكمان فيه برنامج الاكسس خاص بقواعد البيانات وكل هذي البرامج سهلة لو حبيتي التخصص وأبداً ما هي معقدة بقدر ما هي ممتعة خصوصاً لما في النهاية تعملي لك موقع أو برنامج تحسين حقيقة وقتها بطعم الإنجاز ... ودائماً الإنسان لو حاب أي تخصص مهما كانت صعوبته راح يستمتع فيه وكمان يبدع وما راح يشعر بالصعوبة أبداً لأنه حاب الشيء من نفسه ... وهذه قائمة بالمجالات الوظيفية لهذا التخصص: *ادارة وتطوير نظم الاعمال المعتمدة على التقنية. *تحليل وتصميم نظم الاعمال. *ادارة الشبكات. *تحليل وتصميم وادارة قواعد البيانات. *ادارة مشاريع التقنية. *ادارة مراكز المعلومات. *تشغيل انظمة المعلومات. *صيانة وتطوير انظمة المعلومات. *اختبار ومراجعة انظمة المعلومات. *نظم الجودة في انظمة المعلومات. وهناك المزيد من المعلومات في هذا الرابط: http://www.skaau.com/vb/showthread.php?t=670810 وبالتوفيق لأخيك والله يكتب له الخير ...

المشاركة الأصلية كتبت بواسطة غرتني دنيتي شكرا لاجابتك . بس هو يقولي انة مايحب لغة البرمجة والاكواد ويشوفها صعبة ومتعبة . تنصحية يدخل (علوم ادارية ) لان محتار بين الاثنين .وشاكرة لك يالغالية.

المشاركة الأصلية كتبت بواسطة بنت ناس وقلبي ألماس العفو يا حبيبتي . والله يا حلوة لو ما كان يحب هذا المجال ما أنصحه يدخل فيه لأنه حتى لو كان سهل راح يشوفه صعب وما راح يمشي فيه ولكن لو كان يعتقد إنه صعب لكن لم يتعامل معاه ولكن مجرد اعتقاد فأنصحه أولا يدخل على مواقع تعليم الفيجوال بيسك ويشوف لو سهلة عليه الأكواد أم لا ... بالنسبة لتخصص علوم ادارية ما عندي خلفيه عنه لكن لو حابه أخوك يدخل فيه مو مشكلة إذا على الوظيفة فالأرزاق أولا وأخيرا بيد الله عزوجل والواحد ما راح يأخذ إلا اللي مكتوب له ... بالتوفيق لأخيك في الدارين...

الاستفسار الرابع:

المشاركة الأصلية كتبت بواسطة LAS السلام عليكم ورحمة الله صديقتي طالبة إنتظام رغبتها الأولى كلية الإقتصاد والإدارة وإن شاء الله تنقبل ، حابة تتخصص نظم معلومات إدارية وطلبت مني اسأل كم سؤال بخصوص القسم وأتمنى تساعدونها بالأجوبة .. في البداية تدرس إدارة عامة ؟ فكم تستمر الدراسة ترم أو سنة ؟ يعني متى تتخصص نظم معلومات إدارية ؟ وهل تتخصص حسب المعدل العام التراكمي بعد ماتدرس المواد العامة للإدارة أو معدلها للسنة التحضيرية ؟ شكراً لكم .

المشاركة الأصلية كتبت بواسطة بنت ناس وقلبي ألماس وعليكم السلام ورحمة الله وبركاته,, أهلاً وسهلاً,, في البداية تدرس شيء اسمه بكالوريوس عام يستمر 3 أترام ( سمسترات) والمواد التي تدرس فيه مشتركة بين كل التخصصات الستة : التمويل, التسويق, نظم المعلومات الإدارية, التسويق , إدارة أعمال , محاسبة وبعد الانتهاء من هذه الأترام يتم على ضوئها اختيار التخصص المناسب للطالبة بناء على معدلها التراكي ثم رغبتها . طبعا التخصص يكون بناء على معدلها التراكمي المشتمل على معدل السنة التحضيرية ومعدل الثلاثة الأترام ( يعني تتخصص على آخر معدل تراكمي لها).. العفو يا حبيبتي .

الاستفسار الخامس:

المشاركة الأصلية كتبت بواسطة تذكري يديك يوم تشهد عليك ممكن إذا سمحت تقول لنا كم معدلك( إذا مافيه إحراج) أو كم يبغون معدل للنظم لإني أبغاه وخايفة.

المشاركة الأصلية كتبت بواسطة جولي انا يختلف على حسب كل دفعة وعدد الراغبين فالتخصص.

الاستفسار السادس:

المشاركة الأصلية كتبت بواسطة الهيملي السلام عليكم ورحمة الله شباب أنا خلصت التحضيري وناوي إن شاء الله أدخل تخصص mis وأبي أعرف هل راح أتخصص من الترم الأول ؟ وإذا كان لازم مدة معينة (على ماسمعت) متى راح أتخصص ؟ وعلى أي أساس يعني هل فيه مفاضلة على التخصصات ؟ وهل المكافأة راح تكون مثل مكافأة العلمي ؟ وشكرا مقدما .

المشاركة الأصلية كتبت بواسطة بنت ناس وقلبي ألماس وعليكم السلام ورحمة الله وبركاته,, حياك الله أخوي, التخصص يكون بعد 3 أترام من التسكين في كلية الإدارة والإقتصاد تحت مسمى (أعمال عام ) وفي هذه الثلاثة أترام يتم دراسة مواد مشتركة بين الستة تخصصات وهي التمويل, التسويق, نظم المعلومات الإدارية, الموارد البشرية, محاسبة , إدارة أعمال. المفاضلة تكون على أساس المعدل التراكمي لجميع السنوات السابقة وعلى أساس رغبة الطالب. أكيد المكافأة مثل مكافأة العلمي لأن التخصص متاح للعملي فقط ... العفو وبالتوفيق يا رب...

المشاركة الأصلية كتبت بواسطة الهيملي يعطيك العافية بس عندي كمان سؤال : التخصص فالكلية هل تكون المفاضلة قوية أم أن الغالب كل واحد يدخل التخصص اللي يبغاه ؟

المشاركة الأصلية كتبت بواسطة بنت ناس وقلبي ألماس الله يعافيك أخوي... بالنسبة لنا كطالبات غالباً المفاضلة تكون قوية لكن بالنسبة للطلاب فغالباً كل واحد يدخل التخصص اللي يبغاه بحكم اختلاف معدلات الطالبات عن الطلاب ...

الاستفسار السابع:

المشاركة الأصلية كتبت بواسطة البرنسيسه ايما لو سمحتو انا انقبلت اقتصاد وادارة وابغى ادخل نظم المعلومات الادارية ممكن اعرف متى حينزلي جدول ومتى اتخصص بليييز جاوبوني .

المشاركة الأصلية كتبت بواسطة بنت ناس وقلبي ألماس هلا أخيتي ,, تلاقين الجواب في (الرد الأول) الاستفسار الرابع والسادس.

الاستفسار الثامن:

المشاركة الأصلية كتبت بواسطة Spanser السلام عليكم أنا أجتزت 58 ساعه و ابغا اتخصص نظم معلومات ادارية <اجتزت الساعات المسموحه عشان أتخصص. - طبعا الحين داخل ع الترم الخامس مادة نظم معلومات لسى مادرستها ... لكن نزلتها الترم الجاي ~ هل اقدر اتخصص الآن وانا باقي مادرست هذي المادة ؟؟ ولاا اجباري ادرسها بعدين اتخصص ؟ أفيدوني ^_^

المشاركة الأصلية كتبت بواسطة بنت ناس وقلبي ألماس وعليكم السلام ورحمة الله وبركاته , النظام عند البنات لو باقي لك 12 ساعة ما تقدر تتخصص , وأنت باقي لك 14 ساعة فاحتمال ما يخصصوك لو نظامكم زينا . عندنا البنات لازم تدرس المادة عشان تتخصص لكن الأولاد بعض الأحيان يتغاضون عن بعض الشروط فأنت وحظك . بالتوفيق لك يا أخوي .

المشاركة الأصلية كتبت بواسطة Spanser مشكورة يا بنت ناس على ردككـ حسب كلام مشرف برنامج مستجدين الأعمال عندنا إني أقدر اتخصص بعد 56 ساعه لكن مادري هل راح يخصصوني ولا لا فقط عشان مادة النظم؟

المشاركة الأصلية كتبت بواسطة بنت ناس وقلبي ألماس ^^ العفو يا أخوي, إن شاء الله تجي في واحد طيب ويخصصك وبالتوفيق .

[بنت ناس وقلبي ألماس]

ثانياً: التحويل من تخصص mis إلى تخصص في كلية أخرى:

المشاركة الأصلية كتبت بواسطة Rayan Alsolami السلام عليكم ورحمة الله وبركاته انا طالب تحضيري حطيت اول 3 رغبات حاسب الفرع الرئيسي ثم فرع عسفان ثم حاسب الفرع الرئيسي بدون مكافآة لو لا قدر الله وما انقبلت فيها حطيت رغبة رقم 4 كلية الاقتصاد والادارة هل اقدر من كلية الاقتصاد والادارة احول لكلية الحاسب ولا بس من كلية العلوم اقدر احول للحاسب ؟؟؟

المشاركة الأصلية كتبت بواسطة MohPro اول شيء يوم تدخل كلية الأدارة والأقتصاد مو على طول تتخصص mis .. لازم تدرس سنتين ونص تقريباً ولو تخصصت يصير خلاص معد تقدر تغير كلية من الأساس .. وبالنسبة للتغير .. ايه نعم مسموح, واتوقع اذا ماخاب ظني انهم يعطونك اختيار تغير الكلية قبل فترة تحديد التخصص وبالأخير راح تعتمد على حسب معدلك.. وثاني شيء يوم تحول .. كل المواد اللي درستها بالادارة والأقتصاد ماتنحسب لك وتعتبر مجرد وقت ضايع درسته خلال هالسنتين. وعالعموم كلية الأدارة دخولها اصعب من "حاسب الفرع الرئيسي" و "حاسب عسفان" و "حاسب الفرع الرئيسي بدون مكافئة" ففي الغالب راح تنقبل فيهم ان شاء الله قبل الأدارة والأقتصاد. وشكراً

المشاركة الأصلية كتبت بواسطة Rayan Alsolami مايمديني احول بعد ترم؟ ايش تنصحني تختار كليه غيرها؟

المشاركة الأصلية كتبت بواسطة iSimzZz يمديك تطلب تحويل الى اي كلية بعد ماتخلص ترمين كاملة قبل كدا ماتقدر. بيقبلوا طلبك اذا كان فيه مقاعد متاحة بناء على المعدل.

[بنت ناس وقلبي ألماس]

ثالثاً: الفرق بين تخصص mis والتخصصات الأخرى:

الاستفسار الأول:

المشاركة الأصلية كتبت بواسطة FNO* السلام عليكم تتشابه المسميات للثلاثة : هندسة نظم معلومات ( عفت ) ونظم معلومات التابع للاقتصاد والادارة ونظم معلومات التابع لكلية الحاسب ف حابة أعرف ايش الفرق بينهم ؟! وأيهم أفضل مستقبلاً من ناحية الفرص الوظيفية ؟ ووش طبيعة الوظائف المتوفرة لكل واحد ويعطيكم العافية مقدماً

المشاركة الأصلية كتبت بواسطة لوريت الافضل نظم معلومات الحاسوبية فالشركات تفظل المتخرجين من كليه الحاسب على الاداره. أما هندسه النظم ما عندي خلفيه

المشاركة الأصلية كتبت بواسطة iSimzZz تخصص نظم المعلومات الإدارية تخصص اداري يمتد الى التقنية. تخصص نظم المعلومات التابع لكلية الحاسب هو تخصص تقني يمتد الى الادارة. التخصص الي تقدمه جامعة عفت شبيه بتخصص نظم المعلومات تبع كلية الحاسب الا انه مطعّم بالرياضيات ليعطيه طابع هندسي. بالنسبة للفرص الوظيفية هي تعتمد على التوفيق من الله اولا وثانيا حسب رغبة المنشأة بناء على احتياجها اما لشخص اداري اذا كانت تواجه مشكلات ادارية او شخص تقني اذا كانت تواجه مشكلات تقنية؟

المشاركة الأصلية كتبت بواسطة رفيف الروح نظم معلوات التابع لإداره واقتصاد لا يغرك انو تابع لاداره واقتصاد انو اغلبو اداري ( دي كانت غلطتي )الخطه فيها كثيير مواد حاسب وما يستهان فيها صح فيها اداري بس ما تقدري ابدا تلغي تاثير مواد الحاسب . كطبيعه الوظايف اغلب اللي لاحظتو انو في النهاية حتشتغلي في قسم (it) نادر ما تلاقي شركات بالفعل عندها قسم نظم معلومات فمعناتو انو شغلك كمستقبل حيكون مجال حاسب. فإذا انتي حابه شغل الحاسب فالافضل تروحي لكليه الحاسب ( لانو ك شهاده اكيد افضل للحاسب) مو اداره واقتصاد واذا انتي حابه اداري اكثر فانصحك ب إداره واقتصاد بس برضو أي تخصص ثاني غير النظم ( لانو الحاسب فيه اكثر من الاداري). وربي ييسرلك الخير ويرضيك فيه.

الاستفسار الثاني:

المشاركة الأصلية كتبت بواسطة Gh.Doodi السلام عليكم انا طالبة في اقتصاد و ادارة و افكر على الترم الثاني احول الى كلية الحاسب قسم نظم معلومات. فانا حابه اسال ايش الاختلاف بين قسم نظم معلومات في الحاسب و قسم نظم معلومات ادارية في ادارة و اقتصاد وغير كدا انا الحمدلله معدلي جدا عالي فهل تتوقعو يقبلوني على الترم الثاني لاني سالت و قالو مو كل سنه يفتح التحويل لكلية الحاسب في الترم الثاني ؟؟؟ بليز افيدوني

المشاركة الأصلية كتبت بواسطة shooog نظم معلومات اداريه حلوو وله مستقبل وبيجمع بين الحاسب والاداره فيه كم ماده مشتركه بينهم وله فرص كثيره في الوظائف , بس طبعا اهم شي لو بتدخلين نظم معلومات اداريه تمشين ع الخطه تمام عشان تقدرين تروحين التدريب التعاوني , لاني متاخره بكم ماده مع ان معدلي عالي الحمدلله بس مارضيو لي . وقبل كل شي استخيري وان شاء الله ربي يكتب لك الاحسن . بالتوفييق ,,

المشاركة الأصلية كتبت بواسطة ALEMBRA6OR وعليكم السلام ورحمة الله وبركاته التخصصين ممتازة لكن في الاقتصاد بتآخذين مواد إدارة أكثر وهناك العكس . تحيتي

الاستفسار الثالث:

المشاركة الأصلية كتبت بواسطة حنين ياسين السلام عليكم ورحمة الله وبركاتة انا الحمدالله خلصت السنة التحضيري ومحتارة بين تخصص نظم معلومات ادارية وموارد بشرية من ناحية الدراسة و الوظيفة ياريت تجابوني ماتبخلوا علي جزاكم الله خير.

المشاركة الأصلية كتبت بواسطة بنت ناس وقلبي ألماس وعليكم السلام ورحمة الله وبركاته, حياك أختي الكريمة, بالنسبة لتخصص نظم المعلومات الإدارية فهو يجمع بين الإدارة والحاسب وهو تخصص ممتع لمن يحب البرمجة وهناك بعض من المواد تكون دراستها عملية والبعض الآخر نظرية . هذا الرابط يحتوي على معلومات مفَصلة عن تخصص النظم ومجالاته الوظيفية: http://www.skaau.com/vb/showthread.php?t=670810 وهذا عن الخطة الدراسية لتخصص النظم : http://www.skaau.com/vb/showthread.php?t=671949 وهذا الرابط يحتوي على معلومات عن تخصص الموارد البشرية : http://hrm.kau.edu.sa/Pages-%D8%A7%D...%8A%D8%A9.aspx وهذا عن الخطة الدراسية للموارد البشرية: http://hrm.kau.edu.sa/Pages-hrm-plan.aspx وبالتوفيق يا عزيزتي .

[بنت ناس وقلبي ألماس]

رابعاً: طبيعة تخصص التسويق ومدى صعوبته :

المشاركة الأصلية كتبت بواسطة rubi السلام عليكم ايش رايكم بتخصص التسويق وهل هو صعب او ايش انا كنت ادارة اعمال دولية بس دحين يمكن احول لتسويق سمعت انو التسويق اسهل تخصصات البزنس ياريت اللي عندو اي معلومة مايبخل عليا

المشاركة الأصلية كتبت بواسطة isimzzz حقيقة انا طالب دوبي اتخصصت في نظم المعلومات الادارية لكن من دراستي لمادة التسويق 260 وجدت انها من امتع واسهل المواد في الثلاث اترام الاولى اذا حذفتي المواد العامة من عربي وثقافة. والتسويق شيء يحـاكي الواقع ودايما ملـموس ومدرك فيكون سـهل مرة تفهـميه وكمان تحبيه وزي مـا يسموه ادارة اجتمـاعـية تهتم بفهم احتياجـات العـملاء وتلـبية رغباتهم بتسخير كـل ادارات الشركة. اهم حاجة تحطيها في بالك في تخصص التسويق ان التسويق ماهو الاعلانات التجارية والبيع بشكل عام لكن التسويق يشمل الاعلانات ويعتبر البيع هوا الغطاء الخارجي للتسويق والتسويق غير محصور في ادارة التسويق في المنشأة لكنه مسؤولية كل الادارات الاخرى. وهـذا موقـع امـريكي يـعـتبر احـد اهــم طرق تحديد التخصص وتنـصح بـه كثير مـن المدارس الامـريكيـة للمساعدة في اختيار التخصص المناسب http://www.mymajors.com/ تحتاجي تسجلي في الموقع ولغة انجليزية شوية وتجاوبي عليه بكل صدق وامانة واحسن شيء تعيدي الاختبار 3-4 مرات حتى تتأكدي من التخصص المناسب لك. الاختبار طويل شوية ويسأل عن تفاصيل مختلفة وطبعا بالنسبة للمواد تقدري تقفلي اي مواد انتي مادرستيها قبل كدا خصوصا في المرحلة الثانوية راح تشوفي بنفسك في الاختبار اش اقصد.

[بنت ناس وقلبي ألماس]

خامساً: استفسارات حول الاختبارات النهائية:

المشاركة الأصلية كتبت بواسطة isimzzz السلام عليكم ورحمة الله وبركاته الحمدلله تم تخصصي في نظم المعلومات الإدارية وسيكون الترم القادم اول ترم لي عندي سؤال بخصوص الاختبارات النهائية الآن في جداول الاختبارات النهائية مافي معلومات عن مواعيد مواد التخصص لكن يوجد تحديد قاعات ومواعيد حسب اوقات المحاضرات في الجدول الاسبوعي فهل هذا الجدول الي انتم مشيتو عليه ؟؟ لأنه حسب هذا الجدول كل شعبة راح تختبر لوحدها وغالبا مختلف عن قسم البنات حتى واللي سمعته وفهمته من الدكاترة انه الاختبارات لازم تكون موحدة بين كل الشعب وبين قسم الاولاد والبنات في نفس الوقت واليوم ونفس الاسئلة حسب متطلبات الإعتماد !! فياليت توضحولنا هل كان لكم جدول خاص مثلا تم تعليقه او شيء ؟ او مشيتو على الجدول الي في موقع العمادة وكل شعبة تختبر لوحدها ؟؟

المشاركة الأصلية كتبت بواسطة بنت ناس وقلبي ألماس وعليكم السلام ورحمة الله وبركاته. حياك الله يا أخوي في التخصص. بالنسبة لجدول الإختبارات النهائية لو نزلت المادة في الجدول فهذا شي حلو لكن لو ما نزلت المادة في الجدول يصير تعتمد على الجدول الثالث الخاص بمواعيد المحاضرات.. بالنسبة لتوحيد الإمتحانات لو كان الدكتور يدرس بنات حتصير غالبا الدوريات موحدة فقط مع شعبة البنات التي يدرسها الدكتور فـقط وليس مع باقي شعب البنات الأخرى اللاتي يدرسونها دكتورات .بالنسبة للإختبارات النهائية غالبا ماتكون موحدة بين البنات والأولاد في حالة لو كان الإختبار على حسب موعد المحاضرة وهنا للدكتور الحرية في فعل ما يراه مناسبا إما عن طريق تغيير موعد الإختبار حتى يتوافق مع موعد اختبار الشعبة الثانية وعندها ستكون الأسئلة موحدة أو لو ما قدر الدكتور يغير الموعد يصير كل شعبة تختبر على حسب الموعد الموجود في جدول الإختبار وعندها نادرا ما تكون الأسئلة نفسها .

[shineegirl]

السلام عليكم .. اختي العزيزة انا خلصت تحضيري ولله الحمد وتم التسكين واخترت اقتصاد منزلي كأول رغبة والآن تراجعت واريد ان أغير الرغبة الى ادارة واقتصاد ولكن مضى يومان على التبديل .. ياترى في فرصة ثانية لإمكانية التغيير ام لا ؟
واذا لا .. تعرفين احد اقدر اتعامل معاه بهذي المشكلة ؟
شاكرة لك ..

[بنت ناس وقلبي ألماس]

^^ وعليكم السلام ورحمة الله وبركاته،،

أهلا بك أختي الكريمة،،

أفضل لك تراجعي الشؤون التعليمية بكليتك أو عمادة القبول والتسجيل وهم راح يساعدونك بإذن الله.

[اكريلك]

السلام عليكم

تخصصك الي هوا نظم المعلومات سنه كم فتح في الجامعه ؟؟

[بنت ناس وقلبي ألماس]

^^ وعليكم السلام ورحمة الله وبركاته

التخصص موجود من زمان في الجامعة وكان قبل عام 2010 يدرس بالعربي وتابع لمسار إدارة الأعمال

أما القسم الآن أصبح منفصل عن إدارة الأعمال وليس من مساراته ويدرس باللغة الإنجليزية

وبالتوفيق

[aboooooooooode7]

السلام عليكم
سؤالي هل تخصص نظم المعلومات الاداريه دراسته بالانجليزي في التعليم عن بعد ؟ كم ماده بالانجليزي؟ وهل الاختبارات ايضا بالانجليزي؟
ونفس السؤال بالنسبه لتخصص التسويق
وهل الي مستواه intermediate في اللغه ممكن يمشي وضعه
كيف طريقه الاختبارات في التعليم عن بعد والتخصصين هذول خصوصا اقصد الاختبار النهائي خيارات صح خطا مقالي ؟؟