ساعدوني

[mesho0o0o0]

السلام عليكم
انا بالتمريض ودي اول سنة ويمديني احول لكلية الاقتصاد ادارة مستشفيات خلال دي الايام وابداء دراسه الترم الثاني مع العلم انو دراستنا بالتمريض نظام سنة
ساعدوني وافيدوني جزاكم الله خير
ومتى ينتهي التحويل الخارجي

[_Sora]

و عليكم السلام ورحمة الله وبركاته

- أولا تقدري تتعرفي على الفرق بين القسم و المسار هنا


- ثانيا بالنسبة للتحويل
رحت العمادة قبل كم اسبوع ع اساس صحبتي تمريض برضو و تبا تحول للقسمنا
قالولي تقدم التحويل لمن يفتح على بداية الفصل الدراسي الثاني لدي السنة


راجعي تقويم الجامعة باستمرار أختي
و لمن يجي وقت التحويل , تعالي راجعي عمادة القبول و التسجيل
و هما يحولوكِ بإذن الله


موفقة : )

[mesho0o0o0]

طيب اختي لو سمحتي يعني انا الحين لازم اكمل داالترم والا كيف واحتمال متا يبدا التحويل قبل الفاينل ولا بداية السنة ؟؟

[_Sora]

وقت التحويل ينزل على موقع الجامعة الرسمي في التقويم الجامعي
الين دحين ما نزل وقت محدد ، لذلك تابعي ايقونة التقويم الجامعي باستمرار
او افضل انك تراجعي عمادة القبول و التسجيل من دحين اذا متأكدة تبغي تحولي

وفقك الله أختي + ح تنوري القسم : )

[mesho0o0o0]

مررررا يسلمو سارة الله يسعدك
الله ييسر لي احووول من دحين وانا محتارا اخاف اندم كيف مستقبله الوظيفي ؟؟
لانو اخاف احمل مواد لاقدر الله
او ينزل معدلي

[_Sora]

و يسعدك أكتر قلبي : )
ان شاءالله سهالة , لو مكتوب لكِ القسم
بإذن الله تتيسر من ربنا

مستقبله الوظيفي مرة كويس
القسم ليسا طازة , اول دفعة ح تتخرج السنة دي ان شاءالله
نادر في السعودية و مطلوب كتييير

صدقيني مرة رح تنبسطي
المواد حلوة و لزيزة و الاستاذات أحلى و أحلى

انا كنت متخوفة زيك في البداية لدرجة رحت حولت تمريض !!
بعدين رجعتلهم بعد يومين و طلبت منهم يسحبو أوراق التحويل الحمدلله

خلال الأسبوع دا ان شاءالله رح أنزل مجلة للقسم
اتطلعي عليها مرة رح تستفيدي : )

بالتوفيق لكِ

[mesho0o0o0]

الله ييسر انا قدمت اعتذار ذالترم بس لسا مااوافقولي وحااجي الترم الجي كليتكم القميلة ويفتح التحويل ع 3-1

[mesho0o0o0]

سارة يااعسل لو سمحتي فين ألاقي المجلةةة واذا نزلتيها وين الاقيها الله يسعدك ابي اقرأ عن ذا القسم وابي اعرف أش شغلته بالضبط لأنو صحبتي صدمتتني تقول ريسبشن !!!،،،،،

[_Sora]

اهلا ميشو
واللهِ ليسا ب اشتغل عليها
تقريبا خلصت بس بقي شوية لمسات تنضاف : )

- ح تلقيها فوق مع المواضيع المثبتة بإذن الله

- بالعكس مرة القسم أكتر من كدا !!
لو كنتي شاطرة منجد ممكن يعينوكِ مديرة مستشفى

وحدة من بنات دفعتنا الله يزكرها بالخير تبا تسير وزيرة صحة
ليش لاء .. اكيد ممكن يتحقق حلمها فيوم من الأيام : )

- صحبتك يمكن اتلخبطت مع المسار
الي هوا مخصص للانتساب

نحنا (القسم) نختلف كليا عنهم
ان شاءالله توضحلك الصورة أكتر لمن تقرأي المجلة

حاولي تستغلي وقتك و تتعلمي انجلش كتير
لأنو قسمنا تقريبا المواد كلها انجلش
مو شرط تحضري دورات , في مواقع كتير في النت مفيدة للتعليم : )

ان شاءالله أكون أفدتك

[mesho0o0o0]

ساااارة او اي احد ممكن يعرف فين الاقي تحويل من كلية لاخرى عالاودس بليييييز ردولي باسرع وقت وكمان اللي عنده خلفيه عن شروط القبول بالكلية يقولي لاني كما ذكرت سابقا باحول لها لانو وحدة قفلتها بوجهي امس تقول لازم 5المعدل وانا معدلي مش بطال بالتحضيري