استفسار عن طريقة مذاكرة الاقتصاد الجزئي والمحاسبة {عنوان معدل}

[benzema]

السلام عليكم شباب والله انا ابغا اعرف الاقتصاد الجزئي كيف نذاكروا والاختبارات كيف والاختبار يجي من التست بانك ولالا تكفون ردوا والله جاتني نفسية من ذي الماده
و مبادئ المحاسبة اللي يعرف مدرس خصوصي مزبوط يرسلي رقموا على الخاص

[الشريف سلطان آل غالب]

سلامات عسى ما شر المادة ما يبغالها تست بانك في الغالب بالنسبة للاقتصاد الجزئي

[benzema]

المشاركة الأصلية كتبت بواسطة الشريف سلطان آل غالب سلامات عسى ما شر المادة ما يبغالها تست بانك في الغالب بالنسبة للاقتصاد الجزئي

انا ماني عارف كيف اذاكرها ومن وين.
اما بالنسبة للسلايدات ماني عارف اش احفظ الدكتور ما يفهمنا الله يهديه اش نحفظ واش ما نحفظ
و واحد يقلي الاقتصاد ذاكروا من التست بانك

[Joda Majed]

الاقتصاد الجزئي يعتمد على تحصيلك الدراسي من الدكتور بالمحاضره ، وممكن تتطلع على التست بانك

اما بالنسبه للمحاسبة ف شغل يدك بالحل كثير فيها وماحتحتاج وقتها لمدرس خصوصي :)

لاتربشو نفسكم ان المواد صعبه وكذا ؟ خذو الامور بسلاسه

والله يوفقكم جميعاً

[Sp0ilt Girl]

صحيح كلام جودا الأقتصاد أهم شي تفهم المادة وتكون في مذكراتك مركز ودقيق لأن لو كلمه وحدة فهمتها غلط تطير منك درجة وقت الأختبار وكان علي السنه اللي فاتت اللي كان الأختبار الدورين من التست كوبي بيست بس الفاينل كان مكس بين التست وأسئلة من القسم نفسه والمحاسبة بس يبغي لها تمرن يداتك علي التمارين لأن كل ماحليت أكثر كل ما بانت لك تفاصيل في حل المسائل لأن أغلبية الطلاب يجوا وقت الأختبار مفجوعين من الأسئلة والسبب عدم التدريب علي التمارين

[benzema]

المشاركة الأصلية كتبت بواسطة sp0ilt girl صحيح كلام جودا الأقتصاد أهم شي تفهم المادة وتكون في مذكراتك مركز ودقيق لأن لو كلمه وحدة فهمتها غلط تطير منك درجة وقت الأختبار وكان علي السنه اللي فاتت اللي كان الأختبار الدورين من التست كوبي بيست بس الفاينل كان مكس بين التست وأسئلة من القسم نفسه والمحاسبة بس يبغي لها تمرن يداتك علي التمارين لأن كل ماحليت أكثر كل ما بانت لك تفاصيل في حل المسائل لأن أغلبية الطلاب يجوا وقت الأختبار مفجوعين من الأسئلة والسبب عدم التدريب علي التمارين

متاكد انت انو من التست انا كمان واحد قلي بس ابي اتاكد
ولو عندك التست بانك ياليت تحطوا الكل يستفيد وشكرا

[khaled.91.11]

ادخل على فهرس قسم الملخصات
وحتلاقي كل اللي تحتاجه

[lively life]

ترا المادة مرررة سهلة بدايتها كلها فهم بس صراحة اخر الشباتر مو كتير حلوة
اسئلتها كانت غريبة ورسمة وخرابيط
وانا كونت من الطلاب اللي يحبهم قلبك لا تركيز مع الاستاذة ولا شي كاني حيطة ف المحاضرة
بس كونت اذاكر السلايدات بذمة وضمير
والحمدلله درجاتي كانت كويسة ف الدوري الاول والتاني
الفاينال لا تعليق >> جلسة الحيطة ف محاضرات اخر الشباتر ماكانت كويسة بالمررة

الصعوبة عندك يمكن تنحل بانك تترجم السلايدات ع اساس اول مرة بتقرا السلايدات حتدوخ لانو الكلام غريب

ربي يسهلك ان شاءا لله وبالتوفيق