تجمع المتقدمات على ماستر علوم الاحياء لعام 1435

[ياربي حقق حلمي]

بسم الله الرحمن الرحيم
زي ماانتوا عارفين باقي انشاالله اسبوع ويفتح التقديم على الدرسات العليا وحابه يكون لنا تجمع زي كل الاعوام الماضيه نفيد بعضنا ونفيد
ونشوف وش افضل الاقسام وايش يكون اختبار المفاضله فيه
بالنسبه لي انا محتاره بين النبات والوراثه

اما الحيوان من كثر ماانا احبه شطبته من القائمه هذا التردد ومايسوي

لعشان كذا حابه اعرف انتوا حبايبي وش بتقدموا فيه

في البدايه عرفت ان اختبار المفاضله غالبا يجبوا من المراجع حقت علم الحياة بالجزئين لنبيه باعشن

[ياربي حقق حلمي]

رفع

[91girl]

يابنتي شوفي ايش تبغي من بدري عشان تبداي تزاكري التخصص الي تبغي لا تسالي احد انت لوحدك عارفة ايش تبغي وافلك تكملي فنفس تخصصك.,,وانا مش دارية ايش تخصصك بالزبط
لان اختبار المفاضلة يختلف من قسم لتاني فلو كان اختبارك فتخصصك يكون اسهل عليك لانك عارفة اغلب المعلومات بس ليه مازكرتي قسم احياء دقيقة!!
>>>>>>>>>>>>>>>>>>>>>>>>>>>>>>>>>بس يارب ماتطلعي احياء عام

وانا بازن لله حقدم في تخصصي الي هوا ورااااثة

[ياربي حقق حلمي]

انا تخصصي احياء عام من جامعه ام القرى هذي السنه الثانيه من تخرجت
انا مافكرت في احياء دقيقه يمكن لعشان الميكروبات مااحبها بس احب الفطريات
انا مو عارفه وش اختار بس انا ماخترت حيوان لعشان الي معاهم ماستر حيوان كثير
يمكن اختار نبات بس مستقبل النبات كيف
والوراثه اتوقع انه صعب

[91girl]

https://sfgbsd.kau.edu.sa/Pages-مقرر...م-الاحياء.aspx

شوفي هذا رابط تحصصات الماجستير وفي من ضمنها دقيقة فطريات
فالماستر مش حتدرسي حيوان ولا نبات ولا دقيقة عاام لا هناك شعب تحت كل تخصص
وبرضوا اقلك شوفي ايش تبغي من دحين عشان المزاكرة
بالنسبة الوراثة كونو تقولي صعب مممم والله السنة الي فاتت مراجع الاختبار ماكانت مقدمة علم الحياة كان مواد من تخصصنا امكن 5 او 6 مواد يعني لو من جد حيجيبو من دي المراجع احس صعب الي تخصصوا مو وراثة يزاكر من الاساس . انا حطيت الرابط عشان تقدري تقرري لمن تشوفي التخصصات
ايوه صح على حكاية المستقبل حق النبات او وراثة ولا اي تخصص في بيد ربنا انا دخلت بكاللريوس وراثة وانا عارفة مش حلقى شغل لاكن عشان احبوا اهو دخلت وبازن لله الماستر يساعدني كمان
موفقة

[ياربي حقق حلمي]

شكرا لك حاليا انا بين النبات والحيوان بشوف وش بيفتح وبستخير وبختار واحد منهم انا حاليا اذاكر كتب باعشن
غريبه التجمع هذا فاضي وين البنات

[حنين البحر]

اسئلة اختبار العام للاحياء الدقيقة كان سئ واكثر من سؤال مكرر في الاختبار مدري كيف بيحسبو

البعض ذكر ان الاختبار حيكون بالعربي ماعدا كم سؤال بالانقلش بس للاسف كان كله انقلش يعني حتى المراجع الي ذاكرت منها مافادتني

[91girl]

المشاركة الأصلية كتبت بواسطة حنين البحر اسئلة اختبار العام للاحياء الدقيقة كان سئ واكثر من سؤال مكرر في الاختبار مدري كيف بيحسبو البعض ذكر ان الاختبار حيكون بالعربي ماعدا كم سؤال بالانقلش بس للاسف كان كله انقلش يعني حتى المراجع الي ذاكرت منها مافادتني

انت زاكرتي من اية مراجع عربي ولا انقلش
بيني وبينك لو كان اختبار الوراثة زي كدا بالانقلش يكون افضل لان كل المراجع بالانقلش ماينفع مراجع بالانقلش واسئلة عربي الى لو بيغيروا المراجع

وبازن لله الاسئلة دي السنة تكون اسهل يارب

[ياربي حقق حلمي]

احنا المفروض نذاكر والي علينا نسويه
وش اكثر قسم يقدموا عليه البنات كثير واقل قسم في يقدمو عليه البنات ؟ واعداد البنات في اختبرات المفاضلات كثير ولا لا؟

[pretty as posy]

افتكرت نفسي لما كنت السنة الماضية مثثلكم اسأل حبيت افيدكم

ااختبار الوراثة كان عددد الطالبات كثير 50 تققريبا وقبلو عدد كببير لان كان ترتيبي الـ 11 و نسبتي كانت 80.89 واخر وحده قبلوها كانت 80.00

الاختبار سهل بالعربي وفيه صفحة اوصفحتين بالانجليزيي لكن سهل لو ذاكرتي تمام اعتمدت في مذاكرتي على ملزمتين الي درسناها : وراثة عامة + وراثة سيتولوجية

المراجع حطو جينومات ومقدمة تقنية وكل هذه ماجابو منها شيئ جابو الاساسيات تقريبا

اما بالنسبة للحيوان والنبات ذاكرو من كتاب مقدمة الحياه شامل ويكفيكم الميكرو ما اعرف مرجعهم

القبول يعتمد على المذاكرة بصراحه لو اجتهدتي رح تقبلي لازم من دحين تبدأو
وبالتوووفيق

ونصيحتي لك (يارب حقق حلمي ) شايفتك مترددة مو عارفة تختاري لكن لا تدخلي عشوائي او تقولي مافي امل بالقسم الفلاني او اي شيئ انا كنت زيك بدخل نبات عشان القبولل يه سهل من ناحية العدد دايما الي يقدمو قليل ، بعدين غيرت رايي واخترت الوراثة لاني حابة القسم مع ان كنت مترددة وشايفة انه شبه مستحيل وشوفيني انقبلت وعقبالكم ، انتي ادخلي القسم الي حابته واجتهدي فيه وبالتوفيق .