ممرضينا وممرضاتنا .. انيرونآ بعلمكم ^^

[Miss.Sama]

السسلآم عَليكم ورحمة الله وبركآته
سبحان الله وبحمده ~ سبحان الله العظيم عدد خلقه ورضا نفسه وزنة عرشه ومداد كلماته
والصلاة والسلام على كامل النور سيدنا محمد ابن عبد الله .. والف مبروك لـ كل الممرضين الجدد
كيف حالكمم ان شاءالله بخير ^^

اول شي الحمدلله الي وفقني ونقبلت بكلية التمريض واللي الكثير مو راضي فيها > راضيه ولله الحمد

لـأني احب اكون بعد الله سبب فـ رسم البسمه فـ وجه كل طفل او مسن او امرأه مريض واحسسهم ب الآمان

وان ارواحهم بين ايدي تخاف الله .. لـ هذا السبب ما حتوانىآ فـ تعلم اي شي يخص التمريض طبعا هذا سبب الى جانب اسباب اخرى >> انا شوية متخوفه ومتحمسة مشاعر غريبه

يمكن اكون مستعجله شويه بس انا حبيت اخذ الخبره من ممرضينا وممرضاتنا الكبار

> كبار بالمكانه العلميه مو بالسن ^^

كُلي ثقة بالله ثم بكم اخواني واخواتي والله يجزاه كل خير الي يفدينا من تجربتو ولو شي قليل ..

انا شفت الخطه الدراسية لـ التمريض وهيا هادي المواد الـ 6 لـ التيرم الاول

المفاھیم الاساسیة في التمریض Basic Concepts of Professional Nursing

علم النفس في التمریض

Psychology for Nursing

تشریح


Anatomy

وظائف الاعضاء


Physiology

كیمیاء حیوي


Biochemistry

اساسیات التمریض 1


Foundation of Professional Nursing

--------------------



-حابه اعرف لما كنتوا سنة اولى تمريض اشتريتو كتب ولا ذاكرتوا من سلايدز وقبل المذاكره هل كان مطلوب لكل ماده كتاب وهو المصدر والي ندرس منو ؟ ! وهل يختلف المووضوع من دكتوره لـ التانيه ولا لا كلهم بنظام واحد ؟


-كمان بالنسبة لـ التطبيق بـ مستشفى هل كان من اول سنة ولا بس السنه هادي نظري ؟
-مستوى سهولة المواد وكيف ذاكرتو كل ماده ياريت تعطونا تجاربكم لكل وحده من المواد فوق^^
-كيف نظام الاختبارات وتوزيع الدرجات .. يعني كم اختبار دوري وكم عليه درجه وهيك
-هل طُلب منكم انشطةة وعليها درجات وكم نشاط وايش هي وكم درجاتها >>
كل عام وانتو بخير والله يعيد عليكم الشهر ي رب وانتو ب أتم صحه وعافيه ^^
"اسأل الله التوفيق لي ولكم "

[smart idea]

السلام عليكم ورحمة الله وبركاته ..
هلا والله بممرضتنا المتحمسة ،
؛
حجاوبك ع اللي اعرفو ، اذا كنتو على نفس خطتنا وما غيروها ليكم ..

• مفاهيم التمريض + اساسيات التمريض 1 :
حتكون من كتاب واحد اسممو fundation of profissinal nursing ، وبعض الاحيان الدكتورات يعطوكم السلايدات ، نصيحة : من بدري اشتري الكتاب لانو يخلص بسرعة ..
صارلتنا حكايات مع الكتاب دا ..

• التشريح :
اشتري الكتاب ، ولو تبو تاخدوه مننا وبعدين ترجعوه مو مشكلة لان ما اتوقع نحتاجو ، ما حتستفيدو منو غير الصور ، لأن الدكتورة حتعطيكم السلايدات ..

• وظائف الاعضاء " فسيولوجي " :
تقريباً زي الاحياء ، ما حتحتاجو الكتاب لان الدكتورة حتعطيكم السلايدات ، فلا تضيعو فلوسكم ..

• كيميا حيوي " بايوكمستري " :
المادة دي لازم تتذاكر اول بأول ، عشان لا تتنحو ، والدكتورة حتعطيكم سلايدات ، فما يحتاج تشترو كتاب ..

•علم النفس " سايكولوجي " :
برضو حتعطيكم سلايدات ،

؛
السنة كانت ضغط ، لازم ترتبي وقتك ، وحاولي تقري كل المحاضرات ، ما حتكون فيه انشطة كثيرة ، ع حسب الدكتورة ، والمستشفى حتنزولو الترم التاني تطبقو اللي اخذتوه الترم الاول ،
؛

اهم شي ركزو بأيام التتوريال ، ولا تسحبو عليه ، وتعالو مذاكرين ..
بعد السنة دي ، لما تروحي المستشفى حتحسي نفسك فاهمة كل شي تقريباً ، حتتعلمي اشيا كثير بسنة وحدة . .
؛
أتمنى اكون افدتك ..
بالتوفيق للكل ."

: )

[Miss.Sama]

وعليك السلآم ورحمةالله ^^
هلآ بك ي عسل
شكرا حبيبتي ع الرد الي يريح القلب والله طمنتيني شويه
ايوه اتوقع انو نفس الخطه ماتغيرت ^^
بس ايش التتوريال
شاكره لك مره تانيه .. موفقه ان شاءالله دنيا واخره ي رب

[smart idea]

العفو قلبي ، ولو دا واجبنا ..
؛
التتوريال = مراجعة حتكون بعد كل جزء تقريباً ، حتقول لكم الدكتورة ."
ونسيت اقول ، السنة حتكون حفظ كثييير ، وكل التخصصات الصحية كدا ..
؛
بالتوفييق

: )