.. ح ـيره .. ! .. هل تفيدوني ياابناء جامعتي المستقبليـه ^^

[أحـلام ملونـه]

.
.

.


صوت قادم من البعيييد

أحلام هنا

إستريحو بالله لاحد يقوم

.
الـ سلام عليكم والرحمه والبركات

كيفكم جميعـاً ان شاء الله بخيـر ..

حقيقةً بجعبتي الكثير من الاستفهامات وهذا حال أغلب المستجدات على مااعتقد

انا من الشرقيـه انقبلت في جامعة الملك عبدالعزيز الحمدلله وجيت سلمت اوراقي

مسار علمي وان شاء الله طب ..

لا اخفيكم ينتابني القلق والحيره لحد الآن مع اني مقبوله لكن لا اعلم ...

حسناً هناك بعض الاستفهامات أود طرحها وبعضها ( خليها مستوره ) نظراً لـ استفحال التناحه فيها

انا الآن مسار علمي وسلمت اوراقي في مبنى 29 هل هذا المبنى هو مقر الدراسه ؟

وبعض صاحباتي يقولون انهم في فرع البنات ماهو فراع البنات ؟ وماهي الجامعه ؟ ( لا اعلم اين انا بالضبط )

وثانيا كيف أعرف خطتي هي أ أو ب ؟

وثالثا كيف دكاتـرة الطب عندكم بالنسبه للي درسوا طب واريد بعض الانفورميشن عن الدراسه والتدريس والقاعات والاسلوب وكل ابو اي حاجه

ورابعا هناك احتمال بسيط جدا بأن أحول التخصص الى علوم طبيه فكيف يكون التحويل ومتى ؟؟! اذا ماجاز لي الطب
وخارج النص هل تنصحوني بالطب ام العلوم الطبيه انا ارغب بالطب فعلا لكني متخوفه و لا اعلم فكرت بالعلوم الطبيه لانها اقل في السنين وربما اخف في الدراسه فهل هذه النظره صحيحه ؟!

وخامساً وهي خارج النص ايضا .. انا عاشقه للرسم وفي الشرقيه امارس الرسم وآخذ بعض الدورات فهل سيمكنني اثناء دراستي في جده ان التحق ببعض الدورات وهل لأحد علم بأي جهه تقدم دورات ؟ علما بأني لست في سكن الطالبات بل سكن خاص

وسادسا هل تنصحوني باقتناء بعض الكتب من الآن قبل الدراسه تفيدني أم لا ؟

وسابعاً واخيراً انا قدمت على التعليم العالي وهنا حيرتي الكبرى فـ بكل صراحه هل تنصحوني بدراسة الطب هنا ام في الخارج علما بان الدوله المختاره في ( ايرلندا )
واللي يقدر بكل الصراحه يعطيني رأيه في الفرق لو درست هنا او درست برا من ناحية التدريس واشياء اخرى ؟
لاتقولولي زي منتي حابه وعلى حسب اختيارك
انا ارتحت لما جيت جده وفعلا حبيت الموظفات هناك ماشاء الله وحسيت بشيء من الالفه في جو الجامعه
وايضا عندي الرغبه في الدراسه بالخارج علها تكون تجربه مفيده ولكن برايكم هل هناك فرق؟؟
لو حصل لأحدكم هذين الاختيارين فأيهما سيختار وبكل صراحه ! ( خصوصا للذين درسوا الطب في هذه الجامعه )

وسلامتـــكم ؛
اعذروني على الاطاله واتمنى ان تتقبلو استفساراتي بصدر رحب كما عرفته عنكم

[Fatema Alshareef]

أهلين أحلام ملونه
والله ياقلبي ياليت كانت عندي معلومات لكل استفساراتك....بس للأسف
انا تخصص علم نفس.....كان ودي افيدك..وعشان اني دخلت ع موضوعك قلت ارد عليك....
بنت جامعتي

[mzat kau]

انا الآن مسار علمي وسلمت اوراقي في مبنى 29 هل هذا المبنى هو مقر الدراسه ؟

لا ادا انتي دخلتي مسار علمي مااظن انو في دراسه في مبنى 29 غالبا يكون مبني 7 او 13 او 32 عموما انتي لمن حتدخلي الجامعه حتعرفي المباني كلها في اول اسبوع=)

وبعض صاحباتي يقولون انهم في فرع البنات ماهو فراع البنات ؟ وماهي الجامعه ؟ ( لا اعلم اين انا بالضبط )

فرع البنات هوا الكليه وهيا دحين تابعه للجامعه وخاضغه زي شروطها يعني نفسها نفس الجامعه وتعرفي تفرقي بانو البطاقه الجامعيه حقتك يكتبلك لو جامعه الملك عبد العزيز او الكليه واصلا المبنى اللي تراجعي فيه هوا المكان المقبوله فيه يعني مثلا قالولك راجعي الجامعه يعني بالجامعه او ادا بالكليه يعني في الكليه =)

وثانيا كيف أعرف خطتي هي أ أو ب ؟

حبيبتي الخطه دحين لمن يقبلوكي تفتحي الاودس وتشوفي الجدول الدراسي لو فيه رياضيات وفيزيا يعني انتي خطه الف

فيه كيميا واحصاء يعني خطه باء =)

وثالثا كيف دكاتـرة الطب عندكم بالنسبه للي درسوا طب واريد بعض الانفورميش
ن عن الدراسه والتدريس والقاعات والاسلوب وكل ابو اي حاجه


انا لسه ماتخصصت بس خلصت التحضيري والدراسه مرررررررة حلوة والاستازات كمان طيبين ومتعاونات يعني حتى لو مافهمتي تقدري تروحيلها مرة واتنين و3 والقاعات حلوة بعضها متطور وبعضها مو مرة لا بس عموما حلوة مو بطاله المناهج نفس تالت ثنوي بس انقليش بس الشرح بالعربي يعني ان شا الله شدي حيلك وحتنبسطي


ورابعا هناك احتمال بسيط جدا بأن أحول التخصص الى علوم طبيه فكيف يكون التحويل ومتى ؟؟! اذا ماجاز لي الطب
وخارج النص هل تنصحوني بالطب ام العلوم الطبيه انا ارغب بالطب فعلا لكني متخوفه و لا اعلم فكرت بالعلوم الطبيه لانها اقل في السنين وربما اخف في الدراسه فهل هذه النظره صحيحه ؟!

دحين انتي عندك سنه كامله اللي هيا التحضيري فكري فيها تبي طب ولا علوم طبيه

لان لو قبلوكي مثلا بعد التحضيري طب ماينفع تحولي لي علوم طبيه الا بعد مرور سنه كامله على دراستك يعني فكري مزبوط قبل لاتضيعي سنه كامله من عمرك =) عموما انتي دحينا شدي حيلك وجيبي معدل عالي علشان تدخلي اللي تبي =)

وخامساً وهي خارج النص ايضا .. انا عاشقه للرسم وفي الشرقيه امارس الرسم وآخذ بعض الدورات فهل سيمكنني اثناء دراستي في جده ان التحق ببعض الدورات وهل لأحد علم بأي جهه تقدم دورات ؟ علما بأني لست في سكن الطالبات بل سكن خاص

امم والله هوا في الجامعه في شي اسمو صنع بيدي هادا تشاركي فيه من الشوون وتبداي تسوي اعمال بالتنسيق مع المشرفه هناك ومررة حلو تقدري تبيعي اشغالك وتعملو بازارات وكدا
اما بالنسبه للخارجيه تقدري تجيبي ارقام معاهد فنون وتشتركي فيها =) لكن الارقام ماعندي فكرة

وسادسا هل تنصحوني باقتناء بعض الكتب من الآن قبل الدراسه تفيدني أم لا ؟

الكتب لاتستعجلي عليها الدراسه سهله وايبالها اول اسبوع في الجامعه مافي دراسه انتي شوفي ايش اسماء الكتب من الاساتزة وروحي اشتريها او صوريها اوفر لك واتطلعي عليها ( نصيحه كتب خطه الف مالو داعي تشتريها صوريها احسن اما حقت خطه باء اشتريها بالزات الاحصاء والكيميا الاحياء مالو داعي وماتحتاجي )



وسابعاً واخيراً انا قدمت على التعليم العالي وهنا حيرتي الكبرى فـ بكل صراحه هل تنصحوني بدراسة الطب هنا ام في الخارج علما بان الدوله المختاره في ( ايرلندا )

هيا انتي كدا كدا مغتربه
والدراسه برا معروف انها افضل لكن انتي استخيري وشوفي اللي يريحك لكن لو انا مكانك خخخخخخ اروح برا
لانو منها لغه لكن انتي استخيري


واللي يقدر بكل الصراحه يعطيني رأيه في الفرق لو درست هنا او درست برا من ناحية التدريس واشياء اخرى ؟

لاتقولولي زي منتي حابه وعلى حسب اختيارك

انا افضل برا علشان اللغه احسن والشهاده اقوى لكن ترا عزوز شهادتها قويه برضو =)


انا ارتحت لما جيت جده وفعلا حبيت الموظفات هناك ماشاء الله وحسيت بشيء من الالفه في جو الجامعه
وايضا عندي الرغبه في الدراسه بالخارج علها تكون تجربه مفيده ولكن برايكم هل هناك فرق؟؟

هوا الفرق في اللغه والشهاده زي ماقلت لكن برضو عزوز ماهي بطاله مرة وانتي حة في الاخر استشيري اهلك وشوفي

لو حصل لأحدكم هذين الاختيارين فأيهما سيختار وبكل صراحه ! ( خصوصا للذين درسوا الطب في هذه الجامعه )

زي ماقلتلك انا لسه مادرست بس لو انا مكانك ومتاح ليا المكانين حروح برا


بالتوفييييييق دعيلي ربي يسهلي تخصصي

[mzat kau]

لووول ماشا الله كتبت مرة كتير خخخخ

[dr.CILIA]

وعليكم السلام ورحمة الله وبركاته
اهلا وسهلا بك في جده ياخت احلام
واحنا حاضرين للاجابه على اسئلتك وان شاءالله نقدر نفيدك

انا الآن مسار علمي وسلمت اوراقي في مبنى 29 هل هذا المبنى هو مقر الدراسه ؟

لا مكان الدراسه حيكون في شطر الطالبات -غالبا- في الجامعه برضه.

وبعض صاحباتي يقولون انهم في فرع البنات ماهو فراع البنات ؟ وماهي الجامعه ؟

فرع الطالبات فرع من الجامعه بس في حي ثاني اسمه الفيصليه.

وثانيا كيف أعرف خطتي هي أ أو ب ؟

خطتك حتلاقيها في موقع الجامعه في هذا الرابط
http://odus2.kau.edu.sa/students/index.asp?

وثالثا كيف دكاتـرة الطب عندكم بالنسبه للي درسوا طب واريد بعض الانفورميشن عن الدراسه والتدريس والقاعات والاسلوب وكل ابو اي حاجه

دكاترتنا ماشاءالله ماعليهم زود نخبة رائعه في التدريس بس شديدين في الاختبارات-الله يعين-والدراسه لاهي سهله ولاصعبه تعرفي السهل الممتنع زي كذا والقاعات مقبوله بس مرره باارده لازم تجيبي جاكيت صوف-من جد-
الله يوفقك

ورابعا هناك احتمال بسيط جدا بأن أحول التخصص الى علوم طبيه فكيف يكون التحويل ومتى ؟؟! اذا ماجاز لي الطب وخارج النص هل تنصحوني بالطب ام العلوم الطبيه انا ارغب بالطب فعلا لكني متخوفه و لا اعلم فكرت بالعلوم الطبيه لانها اقل في السنين وربما اخف في الدراسه فهل هذه النظره صحيحه ؟!

بالنسبه للتحويل ماعندي فكره متى وكيف بس غالبا يتحدد بعد السنه التحضيريه
بالنسبه للطب او العلوم الطبيه انت استخيري والله يوفقك من ناحية الدراسه كلها يبغالها مجهود بس يمكن الفرق في عدد السنوات.

وخامساً وهي خارج النص ايضا .. انا عاشقه للرسم وفي الشرقيه امارس الرسم وآخذ بعض الدورات فهل سيمكنني اثناء دراستي في جده ان التحق ببعض الدورات وهل لأحد علم بأي جهه تقدم دورات ؟ علما بأني لست في سكن الطالبات بل سكن خاص

هذا يعتمد عليك اذا تقدري تديري وقتك تمام الله ييسر لك انت شوفي اول شهر كيف مع الدراسه اذا مشي الحال تقدري بعدها تتصرفي.

وسادسا هل تنصحوني باقتناء بعض الكتب من الآن قبل الدراسه تفيدني أم لا ؟

نصيحتي انك تستمتعي بأجازتك ...بكره اذا دخلتي طب ممكن ماتحصليها-امزح-

وسابعاً واخيراً انا قدمت على التعليم العالي وهنا حيرتي الكبرى فـ بكل صراحه هل تنصحوني بدراسة الطب هنا ام في الخارج علما بان الدوله المختاره في ( ايرلندا ) واللي يقدر بكل الصراحه يعطيني رأيه في الفرق لو درست هنا او درست برا من ناحية التدريس واشياء اخرى ؟ لاتقولولي زي منتي حابه وعلى حسب اختيارك انا ارتحت لما جيت جده وفعلا حبيت الموظفات هناك ماشاء الله وحسيت بشيء من الالفه في جو الجامعه وايضا عندي الرغبه في الدراسه بالخارج علها تكون تجربه مفيده ولكن برايكم هل هناك فرق؟؟

اكيد حيكون في فرق بس مين الافضل مانقدر نحدد لازم نكون نعرف ناس من اللي درسوا هناك بالنسبه لي مااقدر افيدك المعذره..


اتمنى اكون افدتك واي خدمه احنا حاضرين
بالتوفيق

[DNA..~]

المشاركة الأصلية كتبت بواسطة أحـلام ملونـه . . . صوت قادم من البعيييد أحلام هنا إستريحو بالله لاحد يقوم حيآكِ الرحمن . الـ سلام عليكم والرحمه والبركات وعليكم السلام ورحمة الله وبركاته كيفكم جميعـاً ان شاء الله بخيـر ..إن شاء الله حقيقةً بجعبتي الكثير من الاستفهامات وهذا حال أغلب المستجدات على مااعتقد انا من الشرقيـه انقبلت في جامعة الملك عبدالعزيز الحمدلله وجيت سلمت اوراقي مسار علمي وان شاء الله طب .. لا اخفيكم ينتابني القلق والحيره لحد الآن مع اني مقبوله لكن لا اعلم ... حسناً هناك بعض الاستفهامات أود طرحها وبعضها ( خليها مستوره ) نظراً لـ استفحال التناحه فيها انا الآن مسار علمي وسلمت اوراقي في مبنى 29 هل هذا المبنى هو مقر الدراسه ؟ لا..لأن الدراسه حتكون في شطر الطالبات - مقابل لقاعة المؤتمرات ( مبنى كبير ويميزه الزجاج الأزرق لوول ) وبما انك مسار علمي اغلب دراستك حتكون في كلية العلوم وبعض صاحباتي يقولون انهم في فرع البنات ماهو فراع البنات ؟ وماهي الجامعه ؟ ( لا اعلم اين انا بالضبط ) فروع البنات اممممم بصراحة انا ما اعرف كيف نظام تدريس التحظيري ووين يكونوا لأن لاحظت ناس في نفس الجامعه وناس بالكليات اتمنى غيري يفيدك وثانيا كيف أعرف خطتي هي أ أو ب ؟ من الأودوس أول ماتفتحي الصفحة تلاقيه مكتوب مع معلوماتك وثالثا كيف دكاتـرة الطب عندكم بالنسبه للي درسوا طب واريد بعض الانفورميشن عن الدراسه والتدريس والقاعات والاسلوب وكل ابو اي حاجه ورابعا هناك احتمال بسيط جدا بأن أحول التخصص الى علوم طبيه فكيف يكون التحويل ومتى ؟؟! اذا ماجاز لي الطب تقدري تحولي .. لكن كيف ومتى ماعندي العلم الكافي وخارج النص هل تنصحوني بالطب ام العلوم الطبيه انا ارغب بالطب فعلا لكني متخوفه و لا اعلم فكرت بالعلوم الطبيه لانها اقل في السنين وربما اخف في الدراسه فهل هذه النظره صحيحه ؟! اسمحي لي نظريتك فيها غلط.. رغبتك طب..بس فكرتي بالعلوم الطبية..!! عشان سنينها اقل واخف في الدراسه..!! " اللي يبغى الدح ما يقول اح " <<يا رب كتبتوا صح لوول استخيري يا قلبي..حلو تدرسي شيء انتي حابته وخامساً وهي خارج النص ايضا .. انا عاشقه للرسم وفي الشرقيه امارس الرسم وآخذ بعض الدورات فهل سيمكنني اثناء دراستي في جده ان التحق ببعض الدورات وهل لأحد علم بأي جهه تقدم دورات ؟ علما بأني لست في سكن الطالبات بل سكن خاص مليآنه جدة دورات بس عن الرسم والله ماعندي فكرة وسادسا هل تنصحوني باقتناء بعض الكتب من الآن قبل الدراسه تفيدني أم لا ؟ أقرأي مواضيع طبية من النت وقوي لغتك الإنجليزيه افضل وسابعاً واخيراً انا قدمت على التعليم العالي وهنا حيرتي الكبرى فـ بكل صراحه هل تنصحوني بدراسة الطب هنا ام في الخارج علما بان الدوله المختاره في ( ايرلندا ) واللي يقدر بكل الصراحه يعطيني رأيه في الفرق لو درست هنا او درست برا من ناحية التدريس واشياء اخرى ؟ لاتقولولي زي منتي حابه وعلى حسب اختيارك انا ارتحت لما جيت جده وفعلا حبيت الموظفات هناك ماشاء الله وحسيت بشيء من الالفه في جو الجامعه وايضا عندي الرغبه في الدراسه بالخارج علها تكون تجربه مفيده ولكن برايكم هل هناك فرق؟؟ لو حصل لأحدكم هذين الاختيارين فأيهما سيختار وبكل صراحه ! ( خصوصا للذين درسوا الطب في هذه الجامعه ) وسلامتـــكم ؛ اعذروني على الاطاله واتمنى ان تتقبلو استفساراتي بصدر رحب كما عرفته عنكم

إن شاء الله افدتك..~

[Glam G!RL]

ماشاءالله البنات ماقصروا

لاكن بجاوب على اخر سؤال الدراسه برا

صراحه لو انا مكانك اختار برا من غير مشاورة حتى :d

مهما كان شهادة برا اقوى من شهاداتنا ولا ليش نص الدكاترة عندنا شهاداتهم من برا

وعلى قولهم عبدالعزيز برضها شهادة قويه وحلوة لاكن مو زي برا

الله يوفقك :)

[shooshaa]

انا راح اقولك على معهد مرااا مبدعين في الرسم

عندهم دورات في جميع انواع الفنون

اسموو اكاديمة عين شمس << تابعه لعبد اللطيف جميل

لاكن اعتقد انو السنه دي راح يكون اغلب الوقت للدراسه يعني اخاف تضيع وقتك الدورات

لاكن انتي اعلم بنفسك

وعلى الدراسه برااااا انا من جهتي انو الدراسه برا افضل ( تغيير جوو + شهاده احسن )

وبعدين انتي عندك سنه كااامله تفكري واانا اشوف انو التقنيه الطبيه صعبه ومتعبه وفي النهايه مو تعتبر شي مثل الطب

لاكن الطب اصعب شوي لاكن مرااا شي يعتبر

فهمتي قصدي يعني انو اذا ناويه التعب اتعبي على شي كبير زي الطب



و قووود لك

[FOFO<3]

mzat kau كفيتي ووفيتي

[MNMO0ONA]

اهلا ياعسل
طبعا الدراسه برا شي اكيد ماتقارن بالدراسه هنااا
ولو حصلتلي فرصه اني ادرس بره من غير ماسال بصراحه حروح
وبالنسبه للدورات زي ماقالولك جده كولها دورات ومعاهد لاكن صراحه بما انك تحضيري علمي ماعتقد عندك وقت كافي للدورات
لانو السنه دي اهم سنه في دراستك الجامعيه ولازم تجيبي فيها معدل عالي
لانو معدلك في بالنسنه التحضيريه هوا اللي راح يحدد لك تخصصك ولازم تجيبي معدل عالي عشان انتي اللي تدخلي القسم اللي تبيه