جامعة الملك عبدالعزيز فرع بالقصيم ؟

[خلود الغلا]

السلام عليكم ورحمة الله وبركاته

عندي كم سؤال اتمنى تجاوبون عليهن
انا متخرجة من جامعة حائل تخصص ادب انجليزي وتربية بتقدير جيدجدا..وحلمي اكمل دراستي
1>وسمعت ان فيه فرع بالقصيم لجامعة الملك عبدالعزيز ... كيف طريقة التسجيل به؟واذا فتح التسجيل ان شاءالله فيه مع الخيارات اني اختار القصيم ؟
اسجل من نفس موقع الجامعة بتاريخ 5-3-1433 ؟؟ او فيه طريقة ثانية؟
2>وحابه اكمل تخصص تقنيات التعليم ..خاص بتكاليف؟ كم رسوم الدفع ؟ وهل المكرمة الملكية تدفعه عنا؟
3>وبالنسبة فيه بعض الطلاب يكملون الماستر بالقصيم فقط يدرسون الاربعا والخميس ؟ كيف اسجل به ؟هذا مسائي ولا ايش؟
اناسجلت باختبارين من قياس (قدرات المعلمين + الكفايات الانجليزية ) واخاف تطلع النتائج متاخر
بحكم ان الاختبار بتاريخ 21-3 وواحد 26-3 الله يستر ويسهل

استحملوني ع الاسئلة بس مابي السنة هذه تروح علي
والله يكتب الي به الخيره ياااارب
ومشكورين على المنتدى الرائع

[المرشدالعام]

السلام عليكم ورحمة الله وبركاته
لابد من التسجيل بإختبار قدرات الجامعيين العام قبل التقديم ولازال التسجيل مفتوح
كما أن في حائل كلية تابعة لجامعة الملك عبدالعزيز مماثلة
وشكرا ،،،

[خلود الغلا]

بحثت في حائل لقيت من الاداب لغة عربية واللي من التربيه تربية اسلامية > ماراح يقبلوني
وفيه ماجستير ادارة الاعمال التنفيذي ولطلاب فقط :(
اكثر الي بحائل يروحو للقصيم علشان الماستر
انا سجلت باختبار قياس الجامعين والكفايات كلهن
ومشكور ع الرد
بس باقي اسئله للحين مافي لها رد ؟!

[fahad2011]

السلام عليكم

الرجاء من الأخوه الذي يدرسون في القصيم افادتنا عن نظام الدراسه واسلوب المدرسين وعن كيفية المحاضرات وتوقيتها

اتمنى للجميع التوفيق

[شواطئ البحر]

المشاركة الأصلية كتبت بواسطة خلود الغلا السلام عليكم ورحمة الله وبركاته عندي كم سؤال اتمنى تجاوبون عليهن انا متخرجة من جامعة حائل تخصص ادب انجليزي وتربية بتقدير جيدجدا..وحلمي اكمل دراستي 1- وسمعت ان فيه فرع بالقصيم لجامعة الملك عبدالعزيز ... كيف طريقة التسجيل به؟واذا فتح التسجيل ان شاءالله فيه مع الخيارات اني اختار القصيم ؟ اسجل من نفس موقع الجامعة بتاريخ 5-3-1433 ؟؟ او فيه طريقة ثانية؟ 2- وحابه اكمل تخصص تقنيات التعليم ..خاص بتكاليف؟ كم رسوم الدفع ؟ وهل المكرمة الملكية تدفعه عنا؟ 3- وبالنسبة فيه بعض الطلاب يكملون الماستر بالقصيم فقط يدرسون الاربعا والخميس ؟ كيف اسجل به ؟هذا مسائي ولا ايش؟ 4- اناسجلت باختبارين من قياس (قدرات المعلمين + الكفايات الانجليزية ) واخاف تطلع النتائج متاخر بحكم ان الاختبار بتاريخ 21-3 وواحد 26-3 الله يستر ويسهل استحملوني ع الاسئلة بس مابي السنة هذه تروح علي والله يكتب الي به الخيره ياااارب ومشكورين على المنتدى الرائع

وعليكم السلام ورحمه الله

اهلاً بأهل حائل
بالنسبة لأسئلتك
1- يوجد فرع للدراسة الماجستير بالقصيم في التخصصات التالية:
ماجستير تقنيات التعليم - ماجستيرالارشاد والتوجيه التربوي- ماجستيرالادارة التربوية التعليمية
والتسجيل الكتروني من موقع العمادة بتاريخ 5 ربيع أول وسوف نوضح ذلك لاحقاً , وعند تحقق جميع الشروط سوف تدرج التخصصات امامك ,وتختاري ما يناسبك مثل:
ماجستير تقنيات التعليم - طالبات القصيم

2- رسوم الدفع 42 ألف مقسم ع 4 أترام والدفع لكل ترم , إلى الآن لا توجد منحة وفي حال الدفع سوف ترد لكم الرسوم.


3- الدراسة في القصيم بتخصصات التربوية مسائية نهاية الأسبوع (الأربعاء والخميس )بمعدل ساعات مكثفة و الدراسة أسبوع وأسبوع لا .

4- اختبار قدرات المعلمين غير مطلوب , المطلوب اختبار القدرات العامة للجامعيين

في حال تأخر مركز القياس طلوع النتائج (القدرات وstep) سوف يتمدد موعد انتهاء التقديم حتى يسمج للجميع بالتقديم.

بالتوفيق

[عيسى الشمري]

حياكم الله
أنا أدرس في القصيم حاليا السنة الأولى والدراسة تكون من بعد صلاة العصر يوم الأربعاء حتى الساعة 12 مساء تقريبا بواقع محاضرتين ويوم الخميس من الساعة 8 حتى الخامسة مساء بواقع محاضرتين تخللها راحة ساعة لصلاة الظهر والغدا
طبعا أسبوع دراسة وأسبوع لا والتخصصات المذكورة في الرد السابق ومطلوب قدرات جامعيين+ كفايات +
القسط الاول تقريبا 16000 عند القبول

الدراسة هينة لاتترددون لكن كل حسب ظروفه والله يوفق الجميع

[ايجابي]

المشاركة الأصلية كتبت بواسطة عيسى الشمري حياكم الله أنا أدرس في القصيم حاليا السنة الأولى والدراسة تكون من بعد صلاة العصر يوم الأربعاء حتى الساعة 12 مساء تقريبا بواقع محاضرتين ويوم الخميس من الساعة 8 حتى الخامسة مساء بواقع محاضرتين تخللها راحة ساعة لصلاة الظهر والغدا طبعا أسبوع دراسة وأسبوع لا والتخصصات المذكورة في الرد السابق ومطلوب قدرات جامعيين+ كفايات + القسط الاول تقريبا 16000 عند القبول الدراسة هينة لاتترددون لكن كل حسب ظروفه والله يوفق الجميع

اخي عيسى اللي اعرفه ان بعض التخصصات مثل ادارة الاعمال التنفيذي المحاضرات تكون أسبوعية ياليتك تأكد لي ذلك.

[خلود الغلا]

الف الف الف شكر على الرد مشكورين ريحتوني
وانا اخطيت اقصد اختبار قدرات الجامعيين ^^"
وسجلت بهن كلهن والحمدلله واختبار راح اختبر بعنيزة ان شاءالله

ممكن اعرف الدورات المهمة الي تساعدني عند المفاضله ؟

والله يوفقنا يارب ~

[عيسى الشمري]

أهلا بك
نعم إدارة الاعمال أسبوعي لكن البرنامج في حائل وليس في القصيم ورسومه أعلى ٢٤٠٠٠ الفصل الواحد
بالتوفيق للجميع

[a_3b0o0di]

نصيحتي اسألي الأخوات عن وضع دراسة القصيم في التخصص اللي ترغبين فيه
لأن لأن سهولة التخصص من عدمه ترجع لهيئة التدريس اللي تدرس في القسم

بالنسبة للطلاب وطلاب القصيم بالذات صراحة اتعب قسم " تقنيات تعليم "
يليه الادارة التربوية
واسهلها التوجيه والارشاد


تقنيات التعليم :
تخصص نادر وجديد في المملكة + احتمال يكون فيه دراسات دكتوراة مستقبلا + التكاليف فيه متعبه جدا ومرهقة + التخصص ممتع بالنسبة لي + مجاله حاليا محدود


الادارة التربوية
تخصص منتشر + احتمال يكون فيه دراسات دكتوراة مستقبلا + تكاليفه وواجباته مريحة + اساتذته ممتازين + مجاله واسع جدا وفي كل شي تربوي


التوجيه والارشاد
تخصص وسط بين التخصصين + تكاليفه مريحه + اساتذته ممتازين + مجاله ينفع لمن يريد الأشراف التربوي



وفي كل التخصصات الدراسة كل 14 يوم ,, ولكن يقومون باعطائك تكاليف الاسبوعين دفعة واحدة

يعني لافرق بيننا وبين طلاب جدة
بالعكس نشعر بالضغط أكثر من جدة

لكن بالمجمل الدراسة ممتعة جدا
وكما نصحت واقنعت أختي

أنصحك ايضا و بشدة تدرسين , وحتى لو مدفوعة , الدنيا فرص ولن تتكرر

الدورات , على حسب التخصص

اذا تريدين تقنيات , فأكثري من أخذ الدورات التقنية " حاسب + انترنت + برمجة وكغيرها "
وبالمجمل أكثري من الدورات التربوية مهما كان نوعها
ودبري وضعك من الدورات من هنا وهناك

والله يوفقك