تعالو نحفز بعض ( رياضة المشي في سور الجامعة)

[ليان]

السلام عليكم ورحمة الله كيفكم بنات ان شالله بخير ايش رأيكم نكون جروبات زي جروب النساء اللي يمشو في الشمال ( ممشى الهيلتون)

بس يكون. في ممشى الجامعة ( اللي حوالين الجامعة وحي السليمانية ) وتحدد الوقت اللي يناسبنا ؟!

[ليان]

40 مشاهدة ولا ورد أشبكم مو حماس زي الشمال ؟!

[gzl GZLAN]

المشاركة الأصلية كتبت بواسطة ليان 40 مشاهدة ولا ورد أشبكم مو حماس زي الشمال ؟!

ياماما ياعيوني مشي ايه في الجو دا يوم رطوبه ويوم هوا ويوم مدري ايش دا شي الشي الشي التاني انا مو عارفه ايش فيهم الي يمشو عند الهيلتون
البنات فسخو بطريقه ملفته الي تعمل تمرين مرونه الجسم وشوفي عاد المواهب تبان وعاد الشباب مايصدقو مضايقات
ليتهم بس يعملو لنا ممشى زي حقت الامير سلمان بالرياض محد يطل في احد مو هنا والمفروض ممشى نسائي خاص مو سورالحوامل اسمو سور الحوامل ايش جاب الشباب يمشو فيه يعني ضاقت بيكم الارض الا تمشو بسور الحوامل .

[ليان]

شكرًا حبيبتي على الرد. بس الرياضة جداً مهمة. ومانقدر نغير الجو هذا هو جو جدة لكن بالنسبة للبنات انا شخصيا ما شفت هذه الحركات وان كانت فيه الله يستر على عبيده ترى مو كل البنات زي بعض يالله الله يعين عشان الكارونا الواحد ما يقدر يتحرك

[روزليتا~]

فكره جميله
أنا امشي يوميا بس سآكنه بالرياض (:
إذا مهتمه برياضه المشي في ابلكيشن مره رهيب يحسب لك كم دقيقه مشيتي وكم كيلو وكم احرقتي سعره حراريه ثناء المشي
اسمه
Nike running



الحلو فيه بامكانك تضيفي ناس وتتنافسي معاهم

موفقه (:

[ليان]

خسارة مانتيي في جدة بس مرة شكرًا على app في موازين حسناتك

[gzl GZLAN]

الله يوفقك وتلاقيكي اللي يمشي معاكي بسور الجامعه
انا بادور حوالين سور نادي ارامكو هناك في امن
او نطي حبل والله ينزل الوزن وبيشد كمان تمام التمام والدرج بيشد بس لاتكتري منها
شوفي بالاول روحي اخصائية تغذيه وتعملكي تشيك ع ايش سبب زيادة الوزن ازا كان احتباس مائي او دهون ومستوى قوة العضلات بالجسم حول اي منطقه بالجسم لازم اخصائية تغذيه

[AJ24]

لييان إنتيي زيي

أحب أمشي ، ومافي افضل من المشي بسرعه متوسطه لتخفيض الوزن
افضل حتى من بعض الرياضات

لكن مافيه أحد يحمسس + المواصلات اليوميه

انا صرت ذحين فبيتنا يا بالسطوح
أو مجلس كبيييييير عندنا / أمشي فيه
والحمدلله جايب نتايجه معايا وراضيه فيها ولله الحمد والمنه

[gzl GZLAN]

الرقص المصري لو صعب الخروج للمشي
وافضل الرياضات لجسم المرأه السباحه السباحه السباحه

[haneen k]

انا حسجل في نادي مرة حلو في ايروبك و اجهزة وفيه كمان جلسات تكسير

صحبتي راحتو وكانت مليانة وما شاء الله جسمها مرة صار حلو ومرتب

ومو مرة غالي