شوفو لي حل يرحم والدينكم قبل يقفل الحذف

[-SaLeM-]

السلام عليكم


كيف الحال جميعا

يا اخوان انا ابتلشت في
علم النفس الاجتماعي psy351

شوفو لي حل شنو احط بدالها لاني ابغى احذفها وللاسف حاولت ادور بدالها من مواضيع المنتدى لكن ماقدرت اوصل نتيجه

بس اهم شي ماده يكون ضايفها القايدي او أ.ع او ابوسديم ولايهونون باقي الاخوان

مانستغني عن ملخصاتهم الله يعطيهم العافيه

مع العلم ان جدولي

الاقناع

الاعلام العربي والاسلامي

الاسلوب وتحليل النصوص

نظريات الاتصال

الخبر في وسائل الاعلام
(اللي تاجلت بسبب الامطار)

اذا فيه شي يستاهل الحذف بس قولوا لي

تحياااتي

[القايدي]

حياك اخوي سالم

عندك مادة الاعلام القديم والاعلام الجديد
عنقريب ينزل لها ملخص من مجهود ابو سديم
عندك قضايا اعلامية معاصرة
والاختيار لك
تحياتي

[a.ipad]

شوف الاعلام الدولي com307

لها ملخص في قسم الملخصات

أو مناهج البحث في الاعلام com311

قريب راح يتوفر لها ملخص خلال الاسبوعين القادمة

أو نصوص اعلامية باللغة الانجليزية com313

هذي اسهل المواد الترم هذا حسب متابعتي للمنتدى خلال اليومين اللي راحت

علماً اني راح اضيف الثلاث مواد المذكورة في جدولي اليوم ان شاء الله

وان شاء الله راح نعمل لها ملخص خلال الاسبوعين الجاية ان شاء الله

وبالتوفيق

[مشاري الجش]

مناهج البحث ما تقدر تاخذها لانها متطلب لنظريات الاتصال

عندك الاعلام الدولي أو الحاسب والانترنت بالاتصال 312

والخيار لك والله يوفقك

[-SaLeM-]

عسى عمركم طويل

والله اني حسيت بالهيبه

راد على موضوعي

القايدي

وابوناصر

ومشاري

بيض الله وجيهكم

وعلى فكره ابرك الساعات والله يبوناصر اللي بتسوي فيها ملخصات وقفاتك وملخصاتك انت والشباب الترم اللي فات ماينساها الا جاحد

عز الله رايتكم بيضاء

بس تكفون يااخوان ماعليكم امر تنصحوني احذف شي غير علم النفس الاجتماعي

ورشحوا لي ماده مخلصها قليل لاني ماقدر اذاكر الا ليلة الاختبار

العمل متعب الله يكفيكم من التعب

[خالد الناصر]

سالم سجل اي مادة مع الدكتور علاء

[فيصل الحميدي]

انصحك اخوي بمادة الاعلام الدولي للدكتور علاء

[a.ipad]

جدولك أشوفه بطل للحين

أرشح لك أكثر شي الاعلام الدولي com 307 عند الدكتور علاء <<< يمدحونه

[أ.ع]

المشاركة الأصلية كتبت بواسطة -salem- السلام عليكم كيف الحال جميعا يا اخوان انا ابتلشت في علم النفس الاجتماعي psy351 شوفو لي حل شنو احط بدالها لاني ابغى احذفها وللاسف حاولت ادور بدالها من مواضيع المنتدى لكن ماقدرت اوصل نتيجه بس اهم شي ماده يكون ضايفها القايدي او أ.ع او ابوسديم ولايهونون باقي الاخوان مانستغني عن ملخصاتهم الله يعطيهم العافيه مع العلم ان جدولي الاقناع الاعلام العربي والاسلامي الاسلوب وتحليل النصوص نظريات الاتصال الخبر في وسائل الاعلام (اللي تاجلت بسبب الامطار) اذا فيه شي يستاهل الحذف بس قولوا لي تحياااتي

هلابك أخي

فقط سجلي هنا المواد التي أجتزتها من المستوى الثالث إلى الآن
ومالك إلا طيبة الخاطر..

[-SaLeM-]

لاهنتوا جميعا والله يوفقكم

اخوي أ.ع

اجتزت هالمواد

اللغة العربية (2)
المدخل الى وسائل الاعلام
الاعلام السعودي وتشريعاته
الرأي العام
الثقافة الاسلامية
مبادىءالعلوم السياسية

والخبر تاجلت عشان المطر

وجدولي الحين مثل ماقلت لك
بس ابغى ماده بدال علم النفس الاجتماعي بحكم نصائحكم منها

وتحياااتي