تقرير مبسط عن المظهر الطبي " Medical Outfit "

Feras L. Kindi · #1 10-07-2012, 02:34 AM

السلام عليكم ورحمة الله وبركاته

بما إني ولله الحمد اشتركت في United Hands Team فرحت أشتري معطف المختبر ( اللاب كوت - البالطو ) من المظهر الطبي ...

الحقيقة كانت إن هذه ثاني زيارة ليه وكانت أول زيارة لمن رحت أنا وصاحبي واشترى هو المعطف عشان كليته كلية ابن سينا ...

بعد ما اشتريت حبيت أعمل لكم تقرير مبسط عن مكان المحل وأسعاره وصور لبعض المنتجات... نبدأ بإسم الله...

الإسم بالعربي: المظهر الطبي
الإسم بالانجليزي: Medical Outfit
المدينة: جدة
الموقع: شارع حراء، مركز دانية ...
يعني وانت ماشي في طريق المدينة تدخل ع شارع حراء كأنك رايح سوق حراء وتخليه على يمينك ... تمشي قدام شوييية تلاقي ع يمينك ركن جحا و ع يسارك كنتاكي وهاريدز والشلة ... امشي كمان شوية راح تلاقي المركز ع يسارك ومن عند الدخول راح تلاقي مكتوب مركز دانية ... تدخل وحتلاقي المحل داخل المركز من الخلف نقرتين لعرض الصورة في صفحة مستقلة

بالنسبة لأسعاره حسيتها نوعًا ما مقبولة إلى غالية بحكم إني ما أعرف محلات ولا قد رحت وما أعرف الأسعار الرسمية ولكن بالنسبة لأزياء طبية فسعرها لا بأس به نقرتين لعرض الصورة في صفحة مستقلة

عندكم هذا النوع واصل اليوم طااااااازة .... وشكله رائع وخامته أروع وتحس الجيوب بكل مكان .. صراحة دخل راسي وبقوة نقرتين لعرض الصورة في صفحة مستقلة

وسعره تقريبًا ٣٠٠ - ٢٥٠ ريال ما أتذكر.

وهذا النوع العادي كويس ولا بأس به وسعره ٢٠٠ ريال.

وهذا النوع ع حسب كلامه الأفضل وسعره ٣٠٠ ريال.

هذا بالنسبة للطلاب.
أنا صراحة أفضل النوع الأول .. مع العلم أن كل القطع تبيع مفردة يعني البنطلون ممكن تشتريه لوحده والقميص لوحده .. ولكن الأسعار اللي ذكرتها للطقم كامل.

بالنسبة للطالبات صراحة ماسألت عن سعر الموديلات ولكن أخذت صور للأطقم مع لمحة مبسطة عن الأسعار.

وهذه صور الأطقم + صور مفرقة للمحل.

ابدًا هذا الكيس مو حقي نقرتين لعرض الصورة في صفحة مستقلة

وهذه أحذية نسائية

وهذه اللابكوتات النسائية ... نسيت اصور الرجالية ><"
لكنها نفس الشكل ولكن الرجالية أوسع.

وهذه السكروبات واضح إنها نسائية.

الأسعار بالنسبة للابكوتات:
الرجالية والنسائية من ١٠٥ إلى ١٦٠

الأسعار بالنسبة للسكروبات:
الرجالية: من ٩٥ إلى ٣٠٠
النسائية: من ١٩٠ إلى ٣٠٠

^
^

طبعًا ملاحظين الفرق الشاسع في الأسعار الإبتدائية.

اللابكوتات في منها قماشين مختلف .. واحد منهم ثقيل وهذا قطن ١٠٠٪ والثاني خفيف وهذا فيه نسبة كبيرة بولستر.
صراحة الثقيل غير مريح أبدًا و هذا غير إن ملمسه خشن و يزيد الحرارة .. يعني ما ينفع في جونا الباريسي بجدة نقرتين لعرض الصورة في صفحة مستقلة

ومع ذلك فهو الأغلى والأفخم.
والثاني خفيف وقماشته باردة ورائع وسعره رخيص وهذا اللي أنا أخذته لأني ما ارتحت للثاني. ولكن يعيبه إنه يبين إنت ايش القميص اللي لابسه.

لمن اشتريت من المحل أخذ رقم جوالي وقال لي إنه في حال نزول موديلات جديدة أو وجود عروض وتخفيضات يتم إسال لي رسالة في نفس اليوم ... وهذا شيء أعجبني صراحة.
واللي يبغى يشتري سكروب أو لاب كوت لا يستعجل ويشتري الحين ينتظر إلين بعد رمضان لأنه قال لي في تشكيلة جديدة راح تنزل بعد رمضان وقبل بداية الدراسة.

في النهاية أتمنى يكون الموضوع نال إعجابكم وأفادكم :)

أخوكم د.فراس الكندي

في أمان الله