بنات مين جربت معهد الابداع الكندي بجده

[ورد الجوري 999]

اتمنى اللي جربت معهد الابداع الكندي تقولي كيف تدريسهم الانقليزي
كيف طريقة شرحهم ومين احسن مدرسه عندهم

[رامي 11]

ممتاز جدا مدرسين كنديين وإنضباط وإهتمام فلا تحتاري في الإلتحاق به ولكن بجهد منك حتى تتعلمي جيدا

[حنين المعاني]

المدرسات روووعه ولكن

ولكن


انتبهي لما تروحي وتقولك فيه عرض وتحاول تقنعك بالكلام ,,خليكي معاها ع الخط

وانتبهي انتبهي لاتدفعي الا لما تشوفي السند

يعني اذا حتدفعي دفعة اولى تأكدي كم باقي عليكي ؟؟؟

لانو صاحبتي لما راحت عندهم وجلست تتكلم معاها ع المعهد والشهادات و و و كلام كتييير ومن ضمنوو انوو

اذا درست 4 مستويات الخامس حيكون مجانا وكمان اختبار توفل واتفقوا ع 4000 ريال بس

وصاحبتي مررره عجبها العرض قامت ع طول دفعت دفعة اولى 2500,, وكان باقي ع المبلغ النهائي 1500 قالت لها

خلاص مافي مشكله الباقي تدفعيه بعد شهر ,, واعطتها السند , شافت صاحبتي السند مكتوب المبلغ النهائي 5500

قالت لها شوفي مكتوب 5500 مو 4000 قالت لا عادي حبيبتي هما غلطانين لما تجي تدفعي1500 انا امسح

الباقي ,,قالتلها اكيييد قالت ايه اكييييد

المهم وبعد مادرست شهر قبل ماتخلص المستوى الاول صارو يرسلو لها ع الجوال ويتصلو ع البيت وكل ماشافوها

يقولوا سددي باقي المبلغ ,,راحت تسدد الباقي حتى تفتك منهم ,, ودفعت 1500 واعطتها سند مكتوب المبلغ المسدد 4000ريال والمبلغ المتبقي 1500 وراحت كلمت نفس

اللي سجلت عندها وذكرتا بالكلام اللي قالته وانها هيه اللي حتمسح المبلغ الباقي تخيلي وش قالت :




قالت ميييين قالك هالكلام ؟؟؟!!!

اصلا ماكان فيه عندنا عرووووض 5 مستويات بــ4000

وبسسسسس


قلت هالكلام من قهري ع صاحبتي وحتى مايسوو هالحركه مع احد تاني حسبي الله عليهم

.

[للعلا , , أمضي]

فين مكانه يا حلوين


باي حي ؟؟

[so.me]

فرع النساء في التحليه خلف بتزاهت

[ام السوس]

صديقاتي يدرسون فيه ومرره يمدحونه
موفقه :)

[la-jolie]

اختي درست فيه
ممتاز جدا
وطريقة تدريسهم حلوة حتى مناهجهم حلوة

[ذات حلم]

صباح الورد على الجميع

أنا حالياً بأدرس فيه وميزته عن باقي المعاهد الانظباط اللي يخليك تجتهدي
وتحافظي على الحضور وكمان اسعاره مناسبة مقارنة بباقي المعاهد
ومناهجهم ممتعه واختباراتهم حلوة ولو اخفقتي فأي مستوى تقدري تعيدي مجاناً بس لازم ماتكون غياباتك كثيرة عشان مايكون التقصير منك
أفضل الأستذات هي غزالة وفاطمة خطاب وغيرهم
بس لأن القدرات تختلف من شخص لشخص انت ممكن ترتاحي لأستاذه وغيرك مايرتاح وتقدري تحضري محاضرة وحده قبل ماتسجلي وتشوفي كيف يناسبك والا لا
وطبعاً أكيد لازم نساعد نفسنا لأن دائما المعهد لوحده مايكفي
وموفقه يارب

[طموح احصائية]

طيب ممكن اعرف كم مدة الكورس؟
شهر مثلا ولااكثر
وبكم الكورس الواحد
والمستويات الي عندهم كثيرة ولالا
لاني بعرف نظام البريطاني لكن ماتحمست اسجل عندهم

[طموحه وبس]

مده الكورس: اذا تبغي 5 ايام في الاسبوع يكون مدته شهر
واذا كان 3 ايام في الاسبوع يكون شهر ونص
المستويات : 8مستويات ( بس من تحديد المستوى يحددو كم يبقالك)
الكورس الاول 1750 ريال وتصير المستويات اللي بعدها1500
بس احيانا يكون فيه عروض (طبعا كل فتره ينزلو عرض) بس انتبهي يعني هيه حلوه بس لازم تظمني انك فاضيه
مثال: عرض كان 4 مستويات والخامس مجانا ب5000 كان حلو بس لازم تاخذيها في سنة يعني حلو للفاضيين

اتمنى ما اكون طولت واي سؤال انا بالخدمه
وعن تجربه هذا احسن معهد جربته