آلله يسعد اللي يوجهني للاختيار الصح ..

[Bayan alsaud]

السسلام عليكم ..

انا طالبة تحضيري طموحي يقتصر على تخصصين طب أسنان ـ العلوم الطبية التطبيقية

كان في بالي احط اول رغبة طب أسنان وثاني رغبة علوم طبية

بس اليوم حضرت برنامج التسكين

قالولنا لو مثلا اخترتي آول رغبة طب بشري وثاني رغبة طب أسنان

لو ما انقبلتي في طب بشري راح نشوف رغبتك الثانية نخصصك فيها بس لو عدد كبير من البنات اختارو الرغبة الأولى طب أسنان حتى لو معدلاتهم آقل منك هما لهم الأحقية في القبول قبلك لانها رغبتهم الأولى ولو اكتفينا بالعدد نشوف رغبتك الثالثه ونفس الشي ....

انا استغربت مرره وشكيت اني فهمت غلط لان برايي في ظلم شويه

رحت عمادة القبول وسألتهم بنفسي قالتلي اللي سمعتو صح ولو ما انقبلت اسنان راح يسكنوني في العلوم الطبية التطبيقية بس لو اكتفو بالعدد مارح يسكنوني علوم طبيه

واللي رغبتهم الأولى علوم طبيه آولى في التسكين حتى لو معدلي أعلى منهم!!

أنا مره خايفه آحط أسنان ولاسمح الله تروح عليا الكليتين

خاصةً إنو التسكين قبل مايخلص الترم الثاني

معدلي بالتقريب 4.6 " مشاء الله " وأنا خلصت خطه ب ودحين ماشية في أ

يستاهل الوضع المجازفه وآحط طب الاسنان رغبتي الأولى ؟

الزبده : انصحوني إيشش اسوي

[Amal Bakhsh]

وعليكم السلام

انا ما حضرت برنامج التسكين والصراحة خفت من دا الكلام.. :(

وانا زيك ما اعرف ايش اسوي.

[Marwan alHarbi]

من معرفتي ب الجآمعة الكلام اللي قلتيه مو صحيح ! يعني لو اخترتي طب بشري وماانقبلتي ينزلو للرغبة التانية وادا موزونتك تسمح رح تتخصصي , آمآ قصة اللي يختار قبلك وكدا اتوقع 100% غلط

تأكدي وشوفي ~

[Bayan alsaud]

المشاركة الأصلية كتبت بواسطة marwan alharbi من معرفتي ب الجآمعة الكلام اللي قلتيه مو صحيح ! يعني لو اخترتي طب بشري وماانقبلتي ينزلو للرغبة التانية وادا موزونتك تسمح رح تتخصصي , آمآ قصة اللي يختار قبلك وكدا اتوقع 100% غلط تأكدي وشوفي ~

توقعك عكس الوضع للأسف لاني اتأكدت

[Amal Bakhsh]

بس حبيت اقولك انه لازم تستخيري وان شاء الله تدخلي اللي خير لك :)

[Bayan alsaud]

المشاركة الأصلية كتبت بواسطة amal bakhsh بس حبيت اقولك انه لازم تستخيري وان شاء الله تدخلي اللي خير لك :)

الله يكتب اللي فيه الخير

[Lujain :)]

-






لا تدي مجال لأحد يدخلك بدوامة الاشاعات وكلام الناس !
إنتي كنتي حاطه فبالك تحطي طب اسنان وبعدين علوم طبيه تطبيقيه ..
آيش اختلف ؟ حتى يعني لو صار زي ماقلتي ليش خايفه ؟
مو إنتي حطيتي الرغبات زي ماتتمني !
وإذا كانت موزونتك تستقبلهآ الكلية فمستحيل حيحطو وحده بدالك !
مافهمت صرآحه قصدك مضبوط , بس نفرض إنو الموضوع فيه ظلم ( ما اتوقع بس نفرض )
حيغيروه ؟ مستحيل طبعاً لانو نظام ومشيو عليه من كم سنة ..

المقصود من كلامي هذآ كله , إنو دا الكلام ليش آثر فيك ؟
حطي ترتيب الرغبات زي مانفسك وخليها على الله = ) !

ربي يوفقك ويطمنك ونفرح فيك يآ دكتورتنا

[Bayan alsaud]

لا تدي مجال لأحد يدخلك بدوامة الاشاعات وكلام الناس !

مو اشاعة ولا كلام الناس انا سالت العمادة بنفسي


إ

نتي كنتي حاطه فبالك تحطي طب اسنان وبعدين علوم طبيه تطبيقيه .. آيش اختلف ؟ حتى يعني لو صار زي ماقلتي ليش خايفه ؟ مو إنتي حطيتي الرغبات زي ماتتمني ! وإذا كانت موزونتك تستقبلهآ الكلية فمستحيل حيحطو وحده بدالك ! مافهمت صرآحه قصدك مضبوط , بس نفرض إنو الموضوع فيه ظلم ( ما اتوقع بس نفرض ) حيغيروه ؟ مستحيل طبعاً لانو نظام ومشيو عليه من كم سنة .. المقصود من كلامي هذآ كله , إنو دا الكلام ليش آثر فيك ؟ حطي ترتيب الرغبات زي مانفسك وخليها على الله = ) ! ربي يوفقك ويطمنك ونفرح فيك يآ دكتورتنا

كيف ليش خايفه !

نقول حطيتها زي اللي في نفسي

لاسمح الله موزونتي ما دخلتني اسنان بما انو يتطلب موزون عالي ومدري كيف موزونتي راح تكون نهاية السنه

المهم على كلام العمادة راح يشوفو رغبتي الثانيه بس كل بنت حطت رغبها الأولى علوم طبية حتى لو موزونتها اقل مني هيا أحق تتسكن في الكلية وبكذا من الطبيعي راح يكونو اكتفو بالعدد

كذا يصير راحت عليا الكليتين وراح يشوفو رغبتي الثالثه

..

آمين الله يستجيب دعاءك ويوفقك ويسعدك

[اتحادي منتظم]

*

آنآ آتحدى لو ذآ الكلآم صح ~ في شي بالعقل وغير كذآ آنآ درست تحضيري السنه اللي فاتت
بس سويت اخلاء طرف(انسحاب) فعشان كدا بـ آعطيكي شي من خبرتي المتوآضعه جدآ!!
آذآ مثلن قولنا جبتي معدل 4.70 ~ وكان ترتيب رغباتك مثلن آسنان - علوم تطبيقيه - صيدله ~
آذآ الآسنآن طلب آدنى معدل 4.80 ~ والعلوم التطبيقيه طلبو 4.50 ~ يصير كدا حتنقبلي
توماتييك على طول دايركت في الرغبه التانيه اللي هيا العلوم التطبيقيه ~لانو معدلك يسمح
انك تدخلي الكليه ونصيحه مني لاتسمعي كلام النآس اللي يطلعو اشاعات , واذآ مو مصدقه
كلآمي ومو متاكده دا شي يرجع لك طبعن , والله حرآم مستقبلك يضيع وتحطمي في نفسك عشان
كلام ناس حاقده وقلوبهم سيئه كذآ ~ وربي يوفق الجميع يآرب ويحقق امنياتك وامنياتنا كلنا
ودي/فييصل *

[Bayan alsaud]

المشاركة الأصلية كتبت بواسطة اتحادي منتظم * آنآ آتحدى لو ذآ الكلآم صح ~ في شي بالعقل وغير كذآ آنآ درست تحضيري السنه اللي فاتت بس سويت اخلاء طرف(انسحاب) فعشان كدا بـ آعطيكي شي من خبرتي المتوآضعه جدآ!! آذآ مثلن قولنا جبتي معدل 4.70 ~ وكان ترتيب رغباتك مثلن آسنان - علوم تطبيقيه - صيدله ~ آذآ الآسنآن طلب آدنى معدل 4.80 ~ والعلوم التطبيقيه طلبو 4.50 ~ يصير كدا حتنقبلي توماتييك على طول دايركت في الرغبه التانيه اللي هيا العلوم التطبيقيه ~لانو معدلك يسمح انك تدخلي الكليه ونصيحه مني لاتسمعي كلام النآس اللي يطلعو اشاعات , واذآ مو مصدقه كلآمي ومو متاكده دا شي يرجع لك طبعن , والله حرآم مستقبلك يضيع وتحطمي في نفسك عشان كلام ناس حاقده وقلوبهم سيئه كذآ ~ وربي يوفق الجميع يآرب ويحقق امنياتك وامنياتنا كلنا ودي/فييصل *

صحيح أنٌو في شي بالعقل عشان كدا قلت حسيت الموضوع في ظلم شويه

اللي سمعتو مو كلام ناس ولا اشاعه

لأني سمعت الكلام دا في المؤتمر ورجعت اتأكد سألت العمادة اللي بيدهم التسكين بنفسي

وقالتلي نصياً حطي أول رغبة تخصص ضامنة تدخلي وانا اسكن البنات بدي الطريقة .... إلخ

على العموم شكرااً على النصيحه والله يسمع منك