عندك إستفسار..أكتبه هنا..وبإذن الله سيرد عليه..

[أم كشة]

السلام عليكم ورحمة الله وبركاته

الكل عنده تسأؤلات..والكل عنده إستفسارااات..وبما إننا زملاء دراسة..الكل يحط إستفساره أو سؤاله..أو أي شي حاب يعرف عنه بخصوص كللللللللل شي يتعلق بالدراسة..من إختبارات..ملخصات..دكاترة..درجات..مصطلحات...أي شي بخاطركم حطوه هناااا



وإن شاء الله الكل يستفيد ويفيد..




وراح أبدأ أنا بقص الشريط..وبسأل أول سؤال..أسئلة الأختبارات النهائية لطالبات الأنتساب..مين يحطها..الدكاترة ولا دكتورات؟؟

[وافي إحساس]

اوكي اختي .. الله يعطيك العافة على هالموضوع

انا طالب جامعي منتسب بقسم إدارة أعمال بكلية الإدارة والأقتصاد وحاب أعرف .. كيف اطلع .. اسماء الدكاترة اللي عندي يعني مثل لو نزل لي جدول كيف أعرف من الدكتور المباشر للمادة اللي نزلت لي

علشان ازوره أو اكلمه في حالة احتجد ذلك

والله يوفقك ويسعدك يا رب

اخوك .. فيصل ــ الرياض

[!!توصي شيء!!]

المشاركة الأصلية كتبت بواسطة وافي إحساس انا طالب جامعي منتسب بقسم إدارة أعمال بكلية الإدارة والأقتصاد وحاب أعرف .. كيف اطلع .. اسماء الدكاترة اللي عندي يعني مثل لو نزل لي جدول كيف أعرف من الدكتور المباشر للمادة اللي نزلت لي علشان ازوره أو اكلمه في حالة احتجد ذلك

من قائمة الشعب الدراسية ،،

تختار رمز المادة والفصل الدراسي والسنه ،،

ثم تبحث عن رقم المادة ،،

ثم نفس إسم الشعبة المسجل في الجدول ،،

ويُكتب أمامها إسم الدكتور ،،
.
.
.

[!!توصي شيء!!]

المشاركة الأصلية كتبت بواسطة أم كشة أسئلة الأختبارات النهائية لطالبات الأنتساب..مين يحطها..الدكاترة ولا دكتورات؟؟

حسب معلوماتي المتواضعة اسئلة الإختبارات يضعها دكتور المادة أو دكتورة المادة ،،

وإذا كانت مادة عامة يضعها مجموعة من دكاترة المادة أظن يطلق عليهم ( الوحدة أو الكنترول) ،،
.
.
.

[أم كشة]

المشاركة الأصلية كتبت بواسطة !!توصي شيء!! حسب معلوماتي المتواضعة اسئلة الإختبارات يضعها دكتور المادة أو دكتورة المادة ،، وإذا كانت مادة عامة يضعها مجموعة من دكاترة المادة أظن يطلق عليهم ( الوحدة أو الكنترول) ،، . . .

يسلموو حبيبتي توصي شي ..بس كيف أعرف المواد العامة من الخاصة..وكيف أعرف إن هالمداة حاطينها محموعة الدكاترة أو دكتور المادة؟؟

[!!توصي شيء!!]

المشاركة الأصلية كتبت بواسطة أم كشة يسلموو حبيبتي توصي شي ..بس كيف أعرف المواد العامة من الخاصة..وكيف أعرف إن هالمداة حاطينها محموعة الدكاترة أو دكتور المادة؟؟

المواد العامة هي العربي والثقافة والإنجليزي ومهارات الإتصال ..

يعني المواد المشتركة بين الجامعة كلها ..
.
.
.

[وافي إحساس]

يا خي .. يلوموني في الطالبات ..

ما أقول إلا ربنا يوفقك ويسعدك وينجحك بمعدل عالي

بصراحة .. شهادتي في الطالبات مجروحة صحيح ما نقدر نستفيد منكم كثير بحكم الأختلاف في الدراسة لكن يكفي أنكم تردون بسرعة وتعطونا معلومات عن الجامعة كثير طيبه .. ولا يهونون اخوانا الطلاب لكن عيب الطلاب باردين .. يومهم سنه وانا طبعا واحد منهم .. والا مو واحد منهم الا اولهم ..

طيب اختي توصي شي .. عرفت الدكتور .. كيف أعرف مكاانه ورقم اتصاله .. اذكر في موقع الكلية .. فيه مثل كذا يعني اسماء الدكاترة وما شابه ذلك .. صحيح هالكلام .. اذا صحيح الله يخليك تعطيني الرابط .. واكون شاكر ومقدر


تحياتي لك ولجميع الطلاب والطالبات

[!!توصي شيء!!]

المشاركة الأصلية كتبت بواسطة وافي إحساس طيب اختي توصي شي .. عرفت الدكتور .. كيف أعرف مكاانه ورقم اتصاله .. اذكر في موقع الكلية .. فيه مثل كذا يعني اسماء الدكاترة وما شابه ذلك .. صحيح هالكلام .. اذا صحيح الله يخليك تعطيني الرابط .. واكون شاكر ومقدر

تفضل أخوي هذا الرابط ..

إختار أول حرف من اسم الدكتور وراح تلاقي موقعه (إذا عنده موقع) وتلاقي وسائل لاإتصال به ،،

http://www.kau.edu.sa/Contacts.aspx?Site_ID=0&Lng=AR
.
.
.

[بدر طلع]

إذا كان تقديري جيد جداً
هل ممكن يعطوني 10 ساعات في الصيف؟؟
وهل يمكن يعطوني في المستوى الأخير 23 ساعة ؟؟؟
مع شكر وتقديري مقدماً

[!!توصي شيء!!]

المشاركة الأصلية كتبت بواسطة بدر طلع إذا كان تقديري جيد جداً هل ممكن يعطوني 10 ساعات في الصيف؟؟ وهل يمكن يعطوني في المستوى الأخير 23 ساعة ؟؟؟ مع شكر وتقديري مقدماً

في الصيفي المسموح فقط 9 ساعات ،،

وإذا كانك تخرجك في الصيفي يسمحون لك بـ 12 ساعة كحد أقصى ،،

أما في الفصل الأول والثاني مسموح للخريجين بتسجيل 24 ساعة كحد أقصى ،،
.
.
.