تنبيه لطلاب دفعة 09 بخصوص المواد الحرة والأختيارية وعدد ساعات التخرج ( بالصور )

[أبو فاتن]

السلام عليكم ورحمة الله


( الصورة بالمرفقات )


يا شباب أنا بقول السالفة اللي حصلت معاي من الألف إلى الياء سواء اللي فهمته واللي ما فهمته فأرجوكم لا أحد يلومني لأنه بجد السالفة تفر المخ كل واحد يقولي نظام ( العميد عابد المشايخي عميد شؤون الأنتساب .. والأستاذ أبو طالب مشرف شؤون الأنتساب ) وإن كان اللي قاله الأخ والأستاذ المحترم والقدير أبو طالب هو الأرجح وهو نفسة اللي أتفق عليها جميع موظفين الشؤون التعليمية ( لأني جبت لهم الزهايمر بمخهم من كثر ما أراجعهم على مدار يومين ) وقالوا يارجال نام وأستريح اللي يقوله لك أبو طالب أمشي عليه وأنت مغمض وهو المسؤول وطالما معاك الورقة الرسمية مختومة وموقعة فأنت خالي من المسؤولية


بسم الله نبدأ السيناريو المثير

مريت على الشؤون التعليمية بطبع الخطة للغالي راؤول وأغير وضعه إلى متوقع تخرجه وطبعاً تغيير الوضعيه لحالها سالفة ( لأنكم بتمرون على واحد بالدور الخامس أسمه عبدالعزيز القحطاني الله لا يوركم ولا يجعل لمسلم عنده حاجه قمة في ..... ؟ ) المهم بيقول أطبع الخطة عشان تروح فيها للعمادة وهم يغيرون الحالة .. قلنا طيب تامر يا طويل العمر ( شوي وأحب على راسه ... يخسي خخخخخ )
رحت طبعت الخطة وقالوا الشباب الحين روح للأستاذ أبو طالب عشان يوقعها لك وتعال نختمها وتروح تغير الحالة
وهنا تبدأ المعاناة والفاجعة وأكتشاف ما لم نتمنى أكتشافه .. هنا تجردت أنظمة الجامعة لتكشف لنا عن ساقيها آسف قصدي لتكشف لنا عن سوء التنظيم وغياب الأنظمة الواضحة وكأني قد دخلت سوق ( بن قاسم عشان أشتري حمام )
جيت عند الأخ القدير والمحترم جداً الأستاذ أبو طالب قلت له بغير الحالة الله يسلمك وأبيك تشوف لي هالخطة وش باقي وما باقي علي ,, أخذ الورقة وقام يحدد المواد الظاهرة أمامكم ( باللون الأزرق الغامق ) وقالي باقي لك ( 6 ) أختيارية و ( 7 ) أساسية قلت له شلون الله يسلمك الرجال ما أخذ ولا مادة أختيارية قال داري بس أنا عادلت له مادة أختيارية من هالمواد وقام يكلم نفسه ويعلم عليها ويقول آهاا من هنا ساعة ومن هنا ساعة ومن هنا ساعة وقال وضعك تمام توكل على الله وبالتوفيق قلت جزاك الله خير
المهم رحت العمادة ودخلت على عميد شؤون الأنتساب العميد المحترم جداً عابد المشايخي ويوم شاف الخطة قال من يقول .. أنت باقي لك ( 9 ) ساعات أختياري قلت له بس الأستاذ أبو طالب يقول كذا وكذا قال شلون ..؟! قلت : مدري
قام أخذ الورقة وقعد يحسبها ( بالقلم اللي لونه أزرق فاتح ) ويوم وصل عند مادة pad 421 قال آهااا يمكن الأستاذ حسب لك هالمادة أختيارية قلت له ياطويل العمر هذي حره قال لا فيك تاخذها حرة وفيك تاخذها أختيارية فإذا حسبها لك أختيارية فأنت ملزوم بمادة حرة أضافية قلت له يادكتور المواد الحرة أخذتها وخلاص قال لا أجل أرجع للأخ أبو طالب لأني ما دري شلون حسبها لك ( قالها بزعل ) وما زال مصر أنه باقي للأخ راؤول ( 9 ) ساعات أختيارية بناء على الخطة
المهم رجعت للأخ أبو طالب ولقيته عند الموظفين بالكونتر ويوم شافوني ( قلت لهم بصوت عالي والله داري ودكم تقتلوني وتقولون وش هالنشبة ) رد علي المحترم أبو طالب بكل أخلاق قال لا ماحنا مسوين لك شي
المهم علمته باللي قاله الأستاذ عابد وقال ياطويل العمر والله الكلام اللي أنا أقوله لك هو الصح وروح وإن صادفتك مشكلة وما تخرجت والله إني لغير أخرجك على مسؤوليتي ( أبسط يارؤول يا واسطة أنت ) عموماً هذا نفس كلام الشباب الموظفين اللي بالكونتر كلهم قالوا والله خذ بكلام أبو طالب وريح نفسك وطالما الورقة معك مختومة وموقعة لا تشيل هم والله لغير تتخرج يعني تتخرج بإذن الله )
رجعت لأبو طالب وقلت له طيب الله يسلمك فيه طلاب طبعوا الخطة وأنت قلت لهم كلام غير هالكلام لأني أنا الحين بتخرج بمجموع 128 ساعة وأنت حسبت لهم موادهم وطلعت 131 قال : عاد من حظك ( حقيقة بعد هالكلمة تأكدت إن الجامعة ماشية بالبركة ) قلت له متأكد ..؟ قال والله متأكد وأخذ الورقه وطبقها وحطها بجيبي وقال توكل على الله ولا تشيل هم وأحتفظ بالورقة المختومة ضروري

يا شباب والله العظيم هذا اللي حصل معاي بالحرف الواحد بس بعد أنا أقولكم لا أحد يعتمد على كلامي اللي يبي يتأكد يروح بنفسه ويتأكد لأني من هاللحظة أنا غير مسؤول عن أي أمور تستجد أو تختلف كل السالفة أني حبيت أنبهكم والا أنا وراؤول نتفاهم ماعلينا يعني أمون عليه لو أضيع مستقبله وأخليه يعيد ترم على مادة خخخخخخخخخ



المعذرة على الإطالة والمعذرة على وضع الصورة بهالشكل بالمرفقات بس لأن حجمها كبير ولا ترفع بالطريقة العادية في مواقع الرفع لأني كنت حريص إني أرفعها بجودة عالية عشان الألوان تكون واضحة واللي يعرف يرفعها ويصغرها مع الحفاظ على الجودة لايقصر وياليت يراسل الإدارة عشان يعدلون الموضوع بعد إضافة الصورة



شاكر ومقدر للجميع

.

[fna]

امحق نظام


ياخي اذا بيغيرون الخطه مفروض يرسلون رساله جوال او ايميل لكل طلال 09 مثل ماصار ايام المطر يوم ارسلوا لنا انه الاختبارات ماراح تقام

عموما اعتقد ان الصوره بتتضح اكثر خلال الايام القادمه اذا كثر السؤال عن هالموضوع




عموما بيض الله وجهك ورايتك بيضا يابو فاتن.

[أبو فاتن]

المشاركة الأصلية كتبت بواسطة fna امحق نظام ياخي اذا بيغيرون الخطه مفروض يرسلون رساله جوال او ايميل لكل طلال 09 مثل ماصار ايام المطر يوم ارسلوا لنا انه الاختبارات ماراح تقام عموما اعتقد ان الصوره بتتضح اكثر خلال الايام القادمه اذا كثر السؤال عن هالموضوع عموما بيض الله وجهك ورايتك بيضا يابو فاتن.

هلا بالغالي fna
أعتقد إنه صعب وجود الأنضباط والنظام اللي يبحث عنه كل عاقل في هالجامعة لكن مانقول غير الله المستعان
إن شاء الله الشباب يراجعون هاليومين ونشوف وش آخر شي ترسي عليه الأمور


تسلم أخوي وبارك الله فيك على مرورك وكلماتك الطيبة

[العلم نور والجهل ضلام]

جزاك الله الف خير

[أبو فاتن]

المشاركة الأصلية كتبت بواسطة العلم نور والجهل ضلام جزاك الله الف خير

وياك أخوي وشاكر لك هالدعوة الطيبة من قلب طيب

[RAUL 7]

انا ارجح ان كلام ابو طالب صحيح



ياخي ظلم نتخرج ب 131 ساعة ،، سلامات مابقى شي على الماستر خخخخخخخخ



وبالنسبة لك يابوفاتن ما اقول الا ،،، الله يوفقك بحياتك ودنياك ووقفتك معااي لن انساها ابداً

[أبو فاتن]

المشاركة الأصلية كتبت بواسطة raul 7 انا ارجح ان كلام ابو طالب صحيح ياخي ظلم نتخرج ب 131 ساعة ،، سلامات مابقى شي على الماستر خخخخخخخخ وبالنسبة لك يابوفاتن ما اقول الا ،،، الله يوفقك بحياتك ودنياك ووقفتك معااي لن انساها ابداً

ولو ياقائد مثلث برمودا تأبش ألبي أبش

خيو راؤول شوبنا مو بيناتنا هالحكي يازلمه


مابقى شي للماستر هاه ( واحد نازل كارفور يقضي للبيت ) هههههههههههههه

[RAUL 7]

المشاركة الأصلية كتبت بواسطة أبو فاتن ولو ياقائد مثلث برمودا تأبش ألبي أبش خيو راؤول شوبنا مو بيناتنا هالحكي يازلمه مابقى شي للماستر هاه ( واحد نازل كارفور يقضي للبيت ) هههههههههههههه

وتكبر في عين الصغير صغارها .........وتصغر في عين العظيم العظائم

[d7om_1]

مشكور على الخبرية
لكن هل تم تغيير الحالة
والعميد وش كان دورة ؟ هل هو اللي يعتمد الورقة ويوقع عليها؟
الله يعطيك العافية
ولا قصر ابو طالب والله يكثر من أمثالة

[أبو فاتن]

المشاركة الأصلية كتبت بواسطة d7om_1 مشكور على الخبرية لكن هل تم تغيير الحالة والعميد وش كان دورة ؟ هل هو اللي يعتمد الورقة ويوقع عليها؟ الله يعطيك العافية ولا قصر ابو طالب والله يكثر من أمثالة

هلابك أبو مشعل
بالنسبة لتغيير الحالة مالها دخل الحالة تتغير بمجرد إنك تعدي 105 ساعة
العميد الله يسلمك لأنه هو المسؤول عن الأنتساب يعني تمر مكتبه ويوقع الأوراق المحولة له من كليتك بعدين تمر مكتب الشباب اللي على إدخال البيانات وهم اللي يغيرون الحالة

والبنسبة للقدير أبو طالب والله ونعم الرجل حتى يوم يقابلك ويكلمك تحس فعلاً إنك تتعامل مع رجل مو مثل بعض الكائنات الغير حية