النسب المطلوبه للقبول في الطب

[iLaamz]

السلام عليكم ،،

انا لسا تخرجت من الثانوي واليوم نزلت النتايج
والحمدلله جبت المعدل التراكمي 98.96% وفي
القدرات 86% وابغا ادخل طب وما اعرف ايش
النسبه اللي وقفوا عليها ذي السنه ؟؟ وهل يعتمد
القبول في الطب على نسبة الثانوي والقدرات
والتحصيلي ولا بس التحضيري ؟؟

الله يسعدكم اللي يعرف يقولي

[FrfoSha]

و عليكم السلام ورحمته الله وبركاته
درجاتك طيبه ماشاء الله ، و لكن القبول في الطب يعتمد على نسبتك في التحضيري فقط.

[AJF_995]

وعليكم السلام ورحمة الله وبركاته

أول شيء خليني أطمنك .. إنتي مقبولة في السنة التحضيرية بنسبة 95٪

خُذيها حبة حبة يا أختي العزيزة ، أول شيء تدخلي السنة التحضيرية
القبول في التخصصات بعد السنة التحضيرية ( يسمى التسكين في الكليات )
التسكين يكون بناء على شيئان اثنان لا ثالث لهم
النسبة الخاصة والنسبة العامة
أكيد بتنفجعي وتقول : ايش النسبة الخاصة والعامة !!! ماعمري سمعت بيهم
أنا الآن أقلك
تنحسب النسبة الخاصة والعامة نفس فكرة حساب نسبتك في الثانوية : يضربوا كُل مادة في عدد ساعاتها ويجمعوهم ، ثم يقسموا الناتج على إجمالي عدد الساعات المسجلة

بعض الكليات " الطب والهندسة مثلاً " يضعوا معيار ثاني للقبول غير النسبة العامة ، الي هو النسبة الخاصة
وطريقة حسابها نفس فكرة النسبة العامة لكن على مواد معينة بس
مثلاً كلية الطب يطلبوا منك تجيبي نسبة 85 " b+" في كُل من الكيمياء والفيزياء والإحصاء ومواد الانجليزي


الطريقة في التسكين : إذا حققتي شرط النسبة الخاصة " 85 " تدخلي في المفاضلة لكلية الطب ، بعد كذا تبدأ المفاضلة وكُل دفعة يتغير الرقم بناء على " شطارة " كل دفعة ورغبة المتقدمين
دفعة 2014 لسى ما نزلت نتايج التسكين " دفعتي" ، ودفعة 2013 كانت أقل نسبة عامة قُبلت 97 وفواصل ... ما أبغى أخوفك لكن رقم مرة كبير

شدي حيلك واعرفي إن كل درجة تفرق وتهم

الله يوفقك والجميع

[T U R k i]

للمعلومية في كلية طب تابعة للحرس الوطني بجدة اسألو عنها ..

[رونــا]

ماشاء الله تبارك الله درجاتك حلوة وبإذن الله زي ماقالو الي قبلي تدخلي التحضيري و خذي كل شي حبة حبة وربي ينولك مرادك :*

وهذا النسب الي وقفت عليها الكليات في تحضيري 14 ( بالنسبة للبنات )

اتمنالك كل التوفيق

[صبا عبدالغني]

السلام عليكم ..
طب نبغا ‎ النسب الي وقفت عليها الكليات في تحضيري 15 ( بالنسبة للبنات )
ضرووووري
عشان نقدر نتوقع 🙄🤔