أين ؟ تكمن صعوبة دراسة الطب وطب الأسنان

[A0S0F0]

بسم الله الرحمن الرحيم

إلى طلاب وطآلبآت الجامعة العريقة ( جامعة المؤسس )

كثر تسآؤل الطلاب والطالبات أين تكمن صعوبة دراسة الطب وطب الأسنان

وكيف أعرف نفسي إن كنت أصلح طالب طب

سألنآ وسألنآ ولاكن لم نجد الجوآب الشافي ! !

لاكن بإذن الله سوف نجدة عند نفس الطلاب اللي جربوآ

درآسة الطب وطب الأسنان !


سمعنآ أن الصعوبة تكمن في الحفظ فهل هذآ صحيح


في إنتظآر تجآربكم وشآكرين لكم ! ! !

أسئلة لمسآعدتك على إلإفآدة ! !


س/ مآذآ سمعت عن الطب قبل أن تخوض المعركة ؟

س/ مآهي وجهة نظرك بعد الدرآسة ؟

س/ نظآم الدكآترة هل هم معقدين ؟

س/ مآهو نظآم حل المشكلات ؟

س/ هل طبق نظآم حل المشكلات في طب الأسنان ؟

س/ كم درجآتك في القدرات والثانوية وةالتحصيلي ؟

س/ تجربتك مع التحصيلي وأهم المرآجع اللي ذآكرة منهآ ؟

!!

[محمد الداود]

من وجهة نظري القاصرة وباختصار تام ..
الاشكالية ""الكبرى"" في استغلااااااااال الوقت !!
وتراكم الدروس ليين ما يقرب موعد الاختبار ..

وأعتذر أخوي على عدم الرد على أسئلتك
إن شااء الله لي عودة ..
والله يوفقك ويفتح عليك ..

[فتى تثليث]

مع احترامي لشخصك الكريم ... سؤال ايش الاصعب البشري والا الاسنان؟ هذا انا اكرهه..ليش ما تسأل نفسك انا ايش اللي يخليني اميل لهذا التخصص وهل انا قد الموضوع هذا والا لا...المشكلة اللي صايرة هاليومين ان الطلاب ما يبغوا الا طب ... والمشكلة اذا خشوا ينصدموا بالواقع المرير...ويبدأ الطالب بالانهيار تدريجياً الين يصل الى مرحلة اللامبالاه وبعدين يكتشف انه اتخذ قرار خاطئ لكن فات اوان التغيير..اللي ابي اوصل له اذا انت شايف نفسك قد الطب ورح تستحمل الضغوطات اللي رح تواجهك اللي تقدر تقول شبه يوميه خش وما تخاف .. بالنسبة للاسئلة الثانية يستحسن طرحها في ملتقى المنتظمين هناك رح يفيدوك اكثر .....و آسف على الاطالة

[د. هدّولا]

المشاركة الأصلية كتبت بواسطة a0s0f0 بسم الله الرحمن الرحيم إلى طلاب وطآلبآت الجامعة العريقة ( جامعة المؤسس ) كثر تسآؤل الطلاب والطالبات أين تكمن صعوبة دراسة الطب وطب الأسنان وكيف أعرف نفسي إن كنت أصلح طالب طب سألنآ وسألنآ ولاكن لم نجد الجوآب الشافي ! ! لاكن بإذن الله سوف نجدة عند نفس الطلاب اللي جربوآ درآسة الطب وطب الأسنان ! سمعنآ أن الصعوبة تكمن في الحفظ فهل هذآ صحيح في إنتظآر تجآربكم وشآكرين لكم ! ! ! أسئلة لمسآعدتك على إلإفآدة ! ! س/ مآذآ سمعت عن الطب قبل أن تخوض المعركة ؟ س/ مآهي وجهة نظرك بعد الدرآسة ؟ س/ نظآم الدكآترة هل هم معقدين ؟ س/ مآهو نظآم حل المشكلات ؟ س/ هل طبق نظآم حل المشكلات في طب الأسنان ؟ س/ كم درجآتك في القدرات والثانوية وةالتحصيلي ؟ س/ تجربتك مع التحصيلي وأهم المرآجع اللي ذآكرة منهآ ؟ !!

اهلا بك أخوي , الطب البشري أبداً مو صعب وكذاب اللي يقولك صعب ..
نحن في المحاضرات بنستوعب اللي ينقال ولمن بنذاكر بنستوعب الكلام , بس المشكلة في الكم الهاااااائل اللي راح يضيعك إذا ماذاكرته أول بأول والدوام الطويل عشان كدا الطب يقولوا عنه ضغط مررة ومدري ايش , لكن كمحتوى علمي الطب جدا ممتع ورااائع وسهل ..



بالنسبة لأسئلتك :

- زي اللي سمعته انت , وأصلا ماكنت بدخل طب بس الله أراد ودخلت والحمدلله جدددا مبسوطة

- لو رجع في الزمن بختار إني أدرس طب , على الضغط والكرف بس إحساس حلو ..

- دكاترتنا جددددا رائعين ومتعااونين بدون استثناء ..

- بالنسبة لنظام حل المشكلات أو pbl يعطوك حالة حقيقة عن مريض عنده اعراض معينة وانت عليك من خلال المراجع وباستراتيجيات معينة تبحث عن الأسباب والمرض والعلاج ..


- ماعندي فكرة اذا مطبق عند الأسنان :/



- قدرات 83 , تحصيلي 83 , ثانوية 97,1 ( مع ملاحظة أن دخول كلية الطب يعتمد على نسبة السنة التحضيرية مو الثانوي والقدرات )


- في اختبار التحصيلي اعتمدت على كتاب رام 2 للتحصيل وكتاب تحصيل للتخصصات العلمية والحمدلله جبت درجة كويسة


أتمنى أكون أفدتك
موفق اخوي ..

[محمد عماد]

المشاركة الأصلية كتبت بواسطة د. هدّولا الطب البشري أبداً مو صعب وكذاب اللي يقولك صعب .. نحن في المحاضرات بنستوعب اللي ينقال ولمن بنذاكر بنستوعب الكلام , بس المشكلة في الكم الهاااااائل اللي راح يضيعك إذا ماذاكرته أول بأول والدوام الطويل عشان كدا الطب يقولوا عنه ضغط مررة ومدري ايش , لكن كمحتوى علمي الطب جدا ممتع ورااائع

لا اسمحيلي انا اخالف كلامك ..
الطب من اصعب التخصصات .. كعلم وكتطبيق
ناهيك عن انو كليتنا اصعب واصعب .. لانهم دامجين سنتين في سنة واحدة .. هذا غير التخطيط الفاشل في توزيع المقررات وترتيب المواد

كل الناس تقدر تدخل طب .. بس مو كلهم يقدروا يتفوقوا ويجيبوا معدلات عالية

اذا دخلت طب لازم تعرف انو زمن اللعب والراحة انتهى .. ولازم تتعب وتبذل كل جهدك عشان تجيب معدل عالي وتستفيد من دراستك
هذا غير الامراض النفسية الي ممكن تجي لطلاب الطب .. وهذا شيء عادي جدا

اما عن المتعة .. فانا بصراااااحة ما حسيت بأي متعة غير في الفيسو والاناتومي .. ولما اشوف درجاتي حلوة

هذه وجهة نظري .. وانا داائما ما احب اعطي احد امل في الطب عشان بعدين لا ينصدم من الواقع

الله يوفق الجميع

[حلاووووي]

المشاركة الأصلية كتبت بواسطة محمد عماد لا اسمحيلي انا اخالف كلامك .. الطب من اصعب التخصصات .. كعلم وكتطبيق ناهيك عن انو كليتنا اصعب واصعب .. لانهم دامجين سنتين في سنة واحدة .. هذا غير التخطيط الفاشل في توزيع المقررات وترتيب المواد كل الناس تقدر تدخل طب .. بس مو كلهم يقدروا يتفوقوا ويجيبوا معدلات عالية اذا دخلت طب لازم تعرف انو زمن اللعب والراحة انتهى .. ولازم تتعب وتبذل كل جهدك عشان تجيب معدل عالي وتستفيد من دراستك هذا غير الامراض النفسية الي ممكن تجي لطلاب الطب .. وهذا شيء عادي جدا اما عن المتعة .. فانا بصراااااحة ما حسيت بأي متعة غير في الفيسو والاناتومي .. ولما اشوف درجاتي حلوة هذه وجهة نظري .. وانا داائما ما احب اعطي احد امل في الطب عشان بعدين لا ينصدم من الواقع الله يوفق الجميع

والله أنك صادق 100%

ذكرتني بأخوي لمّا دخل الطب كلنا انبسطنا وعملنا له حفله لاصارت ولاكانت وهو بيطير من الفرح أنه انقبل .....

بس تغييييييير ماهو اخووي الا اعرفه كان اجتماعي وصار انطوائي !!!!!!!
صدق الطب صصصصعب وربي انه يحززني طول وقته بغرفته وإذ مرا بيطلع بالكثيير يروح المكتبة يجيب كتب وبالاجازةة مايصيف معنا قاعد في البيت مذاكرةةة

وصارت نفسيته مرررررا صعبه من غير الايام الي يجينا ويقول ابتركها ابنسحب طفشت مليت صعب

أختي كانت نآووويه تدخل الطب ولمّا شافت آآخووي وصعووبةة المواد بطلت وومحتارةة ايش بتدخخل !!!!

الله يعينه ويعيناا ويفوقه ويتخرج بمعدل طيب

صحيح الطب مافي يماما ارحميناا ههه

بالتووووفيييييق

[د. هدّولا]

- ايش تعريف كلمة الصعب عندكم ! , الدرجات أبداً ماهي مقياس للصعوبة أو السهولة
أنا قلت أن المواد ماهي صعبة ولا هي تعجيزية نحن لمن نذاكر بنفهم وبنعرف ايش المكتوب والمادة العلمية اللي بيدرسونا هي مو من الفضاء حاجات سهلة ومنطقية وتنفهم ماهي معادلات رياضية عشان أقول والله نحن مساكين ! , بس ضغطططط نحن اللي مأزمنا ضغط المواد والمحاضرات الكتييييييييير في الفترة القصيرة والدوام وضغط الإختبارات هذا الشي اللي يخلينا من جد نكره نفسنا , وإذا سألتوا أغلب الطلاب بيقولوا لكم نحن بندخل الإختبار مو مختمين المنهج مو محنا فاهمينه إلا في حالات استثنائية لبعض المواد ..

- تعالوا وقولوا لي لو كانت دراسة الطب زي دراسة التخصصات التانية نفس موادنا بس بطريقة الدوام غير مثلا يوم أوف محاضرات في اليوم ساعتين أو ثلاثة محاضرات , والله تجيبوا درجات بالرااحة لأنكم بتلاقوا وقت تذاكروا وتختموا هذا اولا , ثانياً السبب الرئيسي في خسف المعدلات بالشكل دا هو عدد الساعات للمادة والله يابويا لمن تجيب c ولا b في مثلا ثقافة ولا عربي مابيتأثر المستوى زي لمن تكون في مواد طبية ساعاتها أربعة وخمسة ..


- وأنا من الناس اللي من اول ما أتخصصوا أنخسف المعدل بشكل مو صاحي وبرضه شايفة أن الطب مو صعب !



- وعالعموم لأي أحد حاب يدخل طب , كل واحد له تجربته الخاصة مستحيل نخلي أحد يحكم لنا حياتنا ... دي رسالة وأمانة ومسؤولية وروح مستحيل تستلم دي الثقة وانت منت قادر تتحمل ضغط ولا تبغى كل شي سهل قدامك .. لازم تعاني عشان الأرواح مو لعبة .. عشان لو جيت في يوم تبغى تخالف ضميرك تتذكر قد ايش تعبت عشان توصل للمرحلة دي ...



- آسفة على الإطالة , موفقين جميعاً :)

[ابن سينا الاصلي]

المشاركة الأصلية كتبت بواسطة د. هدّولا اهلا بك أخوي , الطب البشري أبداً مو صعب وكذاب اللي يقولك صعب .. نحن في المحاضرات بنستوعب اللي ينقال ولمن بنذاكر بنستوعب الكلام , بس المشكلة في الكم الهاااااائل اللي راح يضيعك إذا ماذاكرته أول بأول والدوام الطويل عشان كدا الطب يقولوا عنه ضغط مررة ومدري ايش , لكن كمحتوى علمي الطب جدا ممتع ورااائع وسهل .. بالنسبة لأسئلتك : - زي اللي سمعته انت , وأصلا ماكنت بدخل طب بس الله أراد ودخلت والحمدلله جدددا مبسوطة - لو رجع في الزمن بختار إني أدرس طب , على الضغط والكرف بس إحساس حلو .. - دكاترتنا جددددا رائعين ومتعااونين بدون استثناء .. - بالنسبة لنظام حل المشكلات أو pbl يعطوك حالة حقيقة عن مريض عنده اعراض معينة وانت عليك من خلال المراجع وباستراتيجيات معينة تبحث عن الأسباب والمرض والعلاج .. - ماعندي فكرة اذا مطبق عند الأسنان :/ - قدرات 83 , تحصيلي 83 , ثانوية 97,1 ( مع ملاحظة أن دخول كلية الطب يعتمد على نسبة السنة التحضيرية مو الثانوي والقدرات ) - في اختبار التحصيلي اعتمدت على كتاب رام 2 للتحصيل وكتاب تحصيل للتخصصات العلمية والحمدلله جبت درجة كويسة أتمنى أكون أفدتك موفق اخوي ..

اولا حبيبي التخصص يعتمد عليك انت
انت الي تقرر ايش تبي
طبعا ثم طبعا الطب صعب وابدا ما تحط في بالك انه حاجة و تعدي لان الطب يعني حياتك حتكون اولها لاخرها اختبارات و قبولات ومجازفات فيها ارواح بشر
طبعا عجبني الرد الي انا مقتبس منه وهو انو الي يقول صعب كذاب يعني مافيه امل لقبول راي اخر واطلاق الاحكام جزافا اعتبره غير مبرر
عزيزي انا درست الطب وممكن تخليه انت سهاله واخر حلاوة بس لا تسال في درجاتك وفي كم سنه تعديه او انك تشد حيلك وتحفر في الصخر وتنال المعدل الي تبيه ويشرفك
زميلي كان الاول على الدفعه وكان يجي يوم الاختبار ما نعرف وجهه من قفاة من التعب اتوقع دا دليل على ان كل من يقول لك صعب كذاب؟؟؟؟؟؟؟؟؟!!!!!!!!!!!!!
اذا (الدافور) طلعت عيونه اذن كيف الي مشي حالك؟
صراحه ردود عجيبة هنا

[النجاح اسمي]

ممكن اعرف ايش معنى الفيسو والاناتومي ؟؟

الظاهر انها ماده تاخذوها في السنه الاولى من الطب لكن ايش محتواها ؟؟

وشكرا

[مَـزٍآج ..}..]

الصعوبه والسهوله كلها تعتمد عليك انت .. لكن للامانه الفتره الاصعب في الطب

هي اول سمستر فيـه .. وطبعا دآ باجماع الكل تقريباً راح تحس باحباط وصعوبه شديدهـ

لكن مع الوقـت راح تبداً الصعوبه تقل ليـن ما تزول .. وبالنسبه للاسنان السنوات تنقسم قسمين

ثلاث سنوات نظريه في كلاسات ومحاضرات وثلاث سنوات تبدا تمارس وتشتغل على مرضى وتعالجهم

واعتقـد النقطه دي لصالحنآ في الاسنان لانها تبعدك عن الروتيـن وتكون متعود تشتغل على مرضى بعد التخرج ..

بالنسبه للدكآتره جيييـدين لكن مستحيل ما تحصل دكتور ما اقول سيى لكن اسلوبه موش ولا بـد ..

جاوبت ع السريع واذا حاب تعرف شئ معيـن في الاسنان ارسيلي رساله خاصه .. لاني ما ادخل كثير ..

بالتوفـيق ..

ممكن اعرف ايش معنى الفيسو والاناتومي ؟؟ الظاهر انها ماده تاخذوها في السنه الاولى من الطب لكن ايش محتواها ؟؟ وشكرا

الفسيولوجي هو علم وظائف الاعضاء .. تدرس فيها جميع وظائف اعضاء الجسم

الاناتومي هو التشريح والمتعه فيها لما تدخل المشرحه وتشوف الجثث والتقطيع والاجرام :p