احصاء شابر 6

[لنتوكورنيا3]

السلام عليكم..
أخوي samo123 ممكن لو سمحت تساعدني في الاحصاء شابتر 6
انتظر ردك..
::ولك شكري وتقديري::

وبالتوفيق للجمييييييييع يارب ,,,

[اسامـــه]

الله يخلف عليكي
طيب حطي السؤال لعل وعسى يمكن افيدك او احد الاخوان يفيدك

[samo123]

تفضلي يب اكيييد ممكن

اتمنى اساعد اي احد يحتاج للمسااعده ^_^

بس ما ني فاهم بالزبط إنتي تبغي رابط تحملي منه ملخص لشاابتر 6 او فيه حاجة في نفس الشابتر مو فاهمتها ؟؟



ووو وشكرا لأنك توثقي في معلووماتي وطلبتي مسااعدتي << بصراحه احرجتيني :$ هع هع

[روح طفولية]

أوووووخص

حركأإت يآآ samo أكلت الجووووو

[د-فوفه]

بالتوفيق لنتوكورنيا3

تحياتي

[بسمة ألـم]

ان شاء الله يساعدك

اسامه مايقصر جزاه الله خير

[لنتوكورنيا3]

شكرا اخوي samo123 بس انا كنت ابغى استرجع معلومات عن الفصل دا لاني حاسه اني ملخبطه مرررررة فيه وكيف اطلع قيم المساحات من الجدول؟؟ ..
احس الفصل دا يتعب

وشكرا لكل الي ردو

ولاسامه و د-فوفا تسلمي ياعمري

تحياتي للجميع وبالتوفيق ياررب

[samo123]

المشاركة الأصلية كتبت بواسطة لنتوكورنيا3 ...... وكيف اطلع قيم المساحات من الجدول؟؟ ..

إن شاءالله يكون الكلام إلي فات مفهوووم ودخل عقلك ..
بالنسبة للمسااحات تفضلي وشوفي الشرح وإن شاءالله تفهمي مني :)

طيب دحين نبدأ في المساحات وكيفية حساابها تحت المنحنى .

*خطوات حساب المساحة او الإحتمالية (سواء طلب في السؤال مساحة او احتمالية هيا نفس المعنى كلها):
مثلا اعطاكي رسمة وقاالك اوجدي المساحة( او قيمة الإحتمالية) تحت المنحنى من صفر إلى a



طبعا a عبارة عن أي عدد
شوفي الرسمة للتوضيح(باينة في الرسمة إنو يبغا الجزء المضلل.)



1- حاوي ترسمي المنحنى وتحطي مكان a الرقم المعطى في السؤال (رح يسااعد على الحل بشكل كبير)
2- تحديد قيمة a(يعطيكي هيا في السؤال)
3- تقسيم قيمة a إلى جزيئين
الجزء الأول يحتوي على الرقم إلي على يسار الفاصلة مع أول رقم على يمين الفاصلة.
الجزء الثاني يحتوي على الرقم الثاني على يمين الفاصلة فقط. (رح تفهميها اكثر بالأمثلة إلي تحت)

4- رح تبحثي في الجدول عن المسااحة (الجدول يكون معطى في الإختبار إنتي عليكي تطالعي في الجدول وتعرفي كيف تستخرجي القيمة الصحيحة) تبحثي في الجدول على النحول التالي:
طبعا احنا قسمنا a إلى قسمين صح ولا لأ؟؟
طيب القسم الأول يكون في أول عموود والقسم الثاني يكون في أول صف

إيش يعني اول عمود وأول صف <<< ماني فاهمة شيء ؟؟؟

شوفي معايا ورح تفهمي اكثر:

يعني مثلا لو جاني سؤال وكانت a=0,34
يلا نقسمها ونبدأ نحل
القسم الأول= 0,3 لا حظي إني اخذت الرقم إلي على يسار الفاصلة والرقم إلي على يمين الفاصلة فقط
القسم الثاني= 0.04 لا حظي إني اخذت الرقم الثاني على يمين الفاصلة فقط واعتبرت الباقي صفر.
طيب إيش رح تسوي بعد ما تقسمي ؟؟؟
زي ما قلت لكي رح تروحي للجدول إلي يكون معطى في السؤال وتدوري على قيمة0.3 في أول عمود في الجدول (ركزي القسم الأول ندور عليه في العمود الأول وليس في الصف الأول)
بعد كدا رح تدوري على قيمة0.04 في الصف الأول(انتبهي تلخبطي حطيها قاعدة في راسك القسم الأول ندور على قيمتو في العمود الأول وطبعا القسم الثاني ندور قيمتو في الصف الأول.... خليكي مررركزه وفااهمة)
شوفي الصورة:
[URL=http://www.m5zn.com][/URL]
تحددي القسم الأول 0.3 في العمودإلي على اليسار...... والقسم الثاني 0.04 في الصف إلي فوق زي ما شفتي الصورة
وبالطريقة دي تكوني حصلتي على مربعين في الجدول لو مديتي كل مربع بشكل مستقيم رح يتقاطعو المربعين في مربع معين.
الرقم المكتوب في المربع إلي صار فيه التقاطع هوا رح يكون الناتج او المساحة المطلووبة.
يعني المساحة = 0.6331


بالمثال الثاني رح توضح الصورة اكثر شوفي معايا وركزي:
لو كان في السؤال قيمة a =2.87 دحين رح نوجد القسمين
اول قسم 2.8 ........ ثاني قسم 0.07 عرفتي إيش سويت ؟؟
مره ثانية اقوولك القسم الأول رح آخذ الرقم إلي على يسار الفاصلة مع رقم واحد على يمين الفاصلة
القسم الثاني رح يكون الرقم الثاني على يمين الفاصلة وطبعا لازم يكون الرقم لوحدو وباقي الخانتين صفر
يعني رح يصير 0.07

ليش الخانتين صفر؟؟
زي ما قلت لكي لأنو الخانتين انا اخذت القيم إلي فيهم لمن كنت أوجد القسم الأول يعني رح تصير صفر.
بعد كدا تحطي القسم الأول في العمود الأول من الجدول والقسم الثاني في الصف الأول من الجدول

وطبعا تخيلي إنو الجدول قدامك ورح تسوي نفس الشيء إلي سويناه فوق في الصورة عشان توجدي المساحة ...... دوري على قيمة القسم الأول وحطيها في العمود وقيمة القسم الثاني وحطيها في الصف وشوفي تقااطعهم إيش يعطيكي ويكون هوا الناتج.

بعد الكلام دا كلو إنتي كدا عرفتي كيف تقسمي a إلى قسمين وعرفتي كيف تستخرجي المساحة من الجدول
.


يلا خدي الأمثلة دي عشان تثبت المعلوومة عندك
دي الأمثله على تقسيم قيمة a
عشان تثبت المعلوومة هع هع :


حاولي تشوفي قيمة a وبعد كدا إنتي اوجدي القسمين بنفسك وطابقيها بالحل الصحيح . عشان تدربي نفسك...


a = 2.53
القسم الأول = 2.5
القسم الثاني = 0.03


مثال آخر:
a = 1.06
القسم الأول = 1.0
القسم الثاني = 0.06


مثال آخر:
a = 3.7
القسم الأول = 3.7
القسم الثاني = 0.00


مثال آخر:
a = 0.2
القسم الأول = 0.2
القسم الثاني = 0.00


مثال آخر:
a = 0.01
القسم الأول = 0.0
القسم الثاني = 0.01


مثال آخر:
a = 2
القسم الأول = 2.0
القسم الثاني = 0.00


طيب بعد كدا خلااااااااااص إنتي عرفتي تقريبا الحاجات المهمة بس باقي تعرفي اشكال الرسومات واعطيكي امثلة(طبعا مو من كيسي من الملخصات إلي عندي) وطريقة الأسئلة كيف تجي وتحليها معايا

انا افضل إنك تفهمي الكلام إلي كتبتو اليوم.

واليوم في الليل او بكرى انزل لكي الأمثلة والأسئلة عشان تعرفي كيف رح تجي الأسئلة في الإختبار ورح نحلها مع بعض بإذن الله.


لو في اي حاجة مو مفهوومة او غااامضة اتمنى تقووليلي عليها (أي احد مو فاهم مو بس صاحبة الموضوع خخخخ) عشان اوضحها بشكل اكبر

واتمنى يكون شرحي مفهووم وسهل ^_^

[samo123]

جاري اعداااد الرد على حسب معرفتي بشاتر 6 وطبعا رح اعطيكي إلي اعرفو إلين مو انا واصل لأنو لسه ما خلصنا الشابتر بس رح اشرح لكي إلي افهمو

بإذن الله تعاالى تستفيدي وتفهمي إلي انا فاهمو

انتظري ردي ....

[لنتوكورنيا3]

شكرررا يا samo مرررررة ..
الله يوفقك ويسهل عليك وعلينا ..
انتظر ردك..>>>جارررري الانتظار