تجمع الحاسوبين والحاسوبيات المستجدين =)

[ƨɱƨɱ]

السلام عليكم

خلاص خلصنا التحضيري واتخصصنا فكل بيطير لكليته ...

حيكون دا الموضوع لاستفساراتنا عن الكتب والدكاترة والمواد والتخصصات والمسارات الي تحتها وكل شيء يخص الحاسب ..

هنا لايوجد سؤال عن التحويل ابدا ...

وربي يوفقنا ..

[ƨɱƨɱ]

انا حبدأ باسئلتي ..
كيف نسوي جداولنا ؟؟ومتى وماهي اقصى مدة !!
واي مبنى بندرس في الجديد ولا العلوم !!
وايش افضل الدكاترة في دي المواد ؟؟( السليمانية )
(برمجة 1-حوسبة - اساليب الكاتبة العلمية -احصاء -ثقافة 1 )

أدري انه مرره بدري...

بس اتحمست

[لوتي الطويرقي]

Up up up نفس الاسئلة

[X901]

أنا معاكم =)

[atha]

وانا معاكم + نفس اسألت smsm ..



استغفر الله
سبحان الله وبحمده سبحان الله العظيم

[Abooody.NETwork]

وعليكم السلام ورحمة الله وبركاااته

مبرووووووك القبووول في كليتنا الجنيله
واتمنى ان تكون عن رغبه وحب وميوول للحاسب وتكنلوجيا العصر
اتمنى انكم تقضوا معانا اوقات سعيده

حجاوب على بعض اسئلتكم
الجدول
حتبدئو تعملو الجدول وترتبو
قبل بداية الترم باسبووع
وهوا عن طريق الاوديس
تدخلو على
الطالب>> التسجيل>> الحذف والاضاافه
من هناك ترتبو الجدول زي ما تحبو
عندكم اسبووع قبل بداية الترم انتو تسووا
بعد كدا اول اسبوع في الدرااسه
اذا كان في غلط او تبو تغيرو الشعبه يكون كلو عن طريق شؤون الطلبه
ولسع بدري عبال ما عملو الجدول لين داك اليوم حيكون المنتدى فيلو مواضيع راح تفيدكم

بالنسبه للدكاااترهبصرااحه انا ما اقدر افيدكم لاني من فرع شمال جده
لو في احد من الشمال اقدر افيدو

بالنسبه للتخصص
طبعا اول ترم رااح يكوون عااام
بعد ما تخلصو تقريبا الدوري الثاني يبدا اختيار التخصص
it
cs
is
طبعا انتو بعد ما تدرسوا اول ترم رااح تقرروا فين تكملو



ونصييييحه مني لما تختاروا التخصص اختاروا عن رغبه
كل واااحد راااح يمدح تخصصوا
وكل وااحد مختار التخصص دا لشي معين

انتوا شوفوا فين راااح تبدعوا
واختااار المكااان اللي راااح تبدعوا فيلو



واي اسئله احنا موجودين

بالتوفيق

[The Dreams ~]

مشكور اخويا بس اول ترم زي م قلت رح يكون عام طيب الجدول ينزل ثابت والا احنا نسويه ونزبطه

[Abooody.NETwork]

المشاركة الأصلية كتبت بواسطة The Dreams ~ مشكور اخويا بس اول ترم زي م قلت رح يكون عام طيب الجدول ينزل ثابت والا احنا نسويه ونزبطه

يب اول ترم عااام
ينزلك جدول
اذا ناسبك خلي واذا فيلو شي
تقدر تعدل عليه زي ما تبى

العفو O_o

[لوتي الطويرقي]

+ سؤال المواد الاربعة اللي حناخدها لازم ناخد معاها مواد عامة
ولا كيف وكم عدد الموات وساعاتها في اول ترم

[Abooody.NETwork]

المشاركة الأصلية كتبت بواسطة لوتي الطويرقي + سؤال المواد الاربعة اللي حناخدها لازم ناخد معاها مواد عامة ولا كيف وكم عدد الموات وساعاتها في اول ترم

كمواد عامه تقدري تستغني عن الثقافه الاسلاميه واللغه العربيه
اما الاحصااء بصرااحه ما ادري
وكمان افضل تمشي على الخطه احسن


(برمجة 1 =3 ساعات
حوسبة =3
اساليب الكاتبة العلمية =2
احصاء =3
ثقافه1=2
المجموع كلو 13 ساعه

موفقه ي رب