اختي ادبي وبتحول علمي عشان تتخصص طب مشورتكم

[pink11shadows]

بسم الله الرحمن الرحيم



حبايبي عندي اختي بالصف الثاني الثنوي ناوية تتخصص طب
لكن هي ادبي ويوم السبت بتحول علمي عشان تخصص الطب
ابس قبل ماتقدم على خطوه زي ذي انا حابه اعرف كل شي
عن ذا التخصص وكيف يفرق عن تخصصاتنا نظام الدراسة
عدد السنوات الخطة الدراسية مستوى الصعوبة يعني هل هي
بالصعوبة الي دايما نعرفها عن الطب وانه تخصص مستحيل
ومايتخصصه الا ناس عندهم قدرات خارقه !!
لان التحطيم في كل مكان يعني بس الاهل هم الي مشجعين الفكره
انا كنت بتخصص طب وحطموني ودحين اختي فحبايبي ابغا اعرف
النسب الي يقبلها وكيف كانت مستوياتكم في الثنوي نسبكم كل شي
لاني خايفه انها تتورط وتحملنا الذنب لانا شجعناها على الفكره
واخاف كمان انها تفشل في دخول الجامعه!! بسبب اختبارات القدرات
والتحصيلي :(
يعني ابغا المعلومات الي كنتو حابين تعرفونها عن ذا التخصص ايام الثنوي
وحتى في سنتكم التحضيرية الله يوفقكم إن شاء الله

وعلى فكره انا جدا جدا جدا جدا احترم طلاب الطب

[pink11shadows]

14 مشاهدة ولا رد واحد :(

[أهـ منك يازمن]

المشكلة يا أختي نحنا مانعرف أختك ولا درجاتها ولا شي فمحد حاب يفتي

بس ترا الطب مو بديك الصعوبة ولا ماكنتي شفتي دكاترة فى المستشفيات بس أهم شي المذاكرة وحب التخصص

يعني تدخل بقناعتها الشخصية وتكون تبا تكمل لأن فية ناس يدخلوا يمشوا سنة سنتين يسحبوا


المهم نصيحة تعلقها فى أدنها لأ تسمع كلام المحبطين الناس إلا عارفين نفسهم ماراح يوصلوا فتحسب نفسها منهم

و أهم شي تبعد عن الأشاعات وتاخد المعلومات من مصدرها

المستوى فى الثانوي ترا مو الأساس بس أتوقعي أن أكتر الناس هنا ماتقل نسبهم عن 97 فيه أقل بس من جماعة

مو فارقة معي الثانوية

القدرات والتحصيلي بيدها تشد حيلها تدخل دورات تسوي أي شي قبل لا تدخل الأختبار علشان لا تورط فى طريقة الأختبار

هنا معدلات دفعة 12



بنات الله يحفظهم أخر نسبة 95 يعني يبلها تشد حيلها شويتين

نظام الدراسة = 1 سنة تحضيرية + 2 بيسك + 3 كلنكيل + 1 أمتياز = 7 سنوات دراسة

يعني خليها تقراء فى المنتدي وتشوف أذا تقدر ولا لا علشان لا تورط وأهم شي يكون بقانعتها مو أحد جبرها

والدم والتشريح لا يكون عائق لأنه مع الأيام تتعود بإذن الله

والله يوفقها ( عارف ما جاوبت على كل شي بس هادا إلا أقدر أقولوا عن الطب )

[miss you]

الله يوفقها

تحول وتبدا تشد عَ روحها شويتين

وتشتري كتب القدرات وتبدا مذاكرة من الان