انا أكــرهـ كـل قبيــلي !!!!!

[سكون الورد k.a.u]

السلام عليكم ورحمة الله وبركاته

.
.
.
.
.
.
.
.
.
.
.
.
.
.
.
.
.
.

اخواني ، اخواتي .... (تحيه طيبه ، وبعد )

بصراحه مانيب عارفه شلون ابتدي السالفه .... لكني ابي اسولف وامري لله ...

اليوم صار معي موقف غريب ... صراحه مدري وشلون ابتكلم عنه .. !! لكني بصدد تأكدون لي المعلومه اللي اوصلتني ...

كلمتني اليوم .. وحده من خوياتي (تعرفت عليها بالجامعه) وكنا نسولف ونضحك ونبارك لبعض بالعيد ... الخ

إٍسألتني سؤال كانت هي تعرف اجابته ، لكنها سألتني إياهـ علشان تفتح الموضوع .. وابي اسرد لكم المكالمه

قالت لي : انت ِ قبيليه ؟؟؟

قلت : ايه

قالت : من اي القبايل ؟؟؟

قلت : من حرب

قالت : والنعم

قلت : ماعليتس زود

قالت : بس انا >>>>>> (( ماني قبيليه )) !!!

قلت : وينها فيه المشكله ؟؟؟ كلنا نفس بعض وكلنا بنات آدم ، ومانفرق عن بعض الا بالتقوى ..

قالت : انا عرفتك من خلال المنتدى .. وكان عندي شغف اتعرف عليتس وجهاً لوجه وتصيرين خويتي .. لاني حبيتس ....

قلت : انا يشهد الله اني حبيتس بعد ...

قالت : انا اكره كل قبيلي !!!!!!!!!!!!!!!!!!!!!!!

صاااار وجهي 10000000000 لون ... وتضايقت ... وتلعثمت !! ولانيب عارفه وشلون اتصرف ..

تذكرت اني اخصائيه نفسيه بالمستقبل بإذن الله .... وحاولت اتجاوب مع الموضوع بحياديه ..

قلت : ليش تكرهيننا !!!!

قالت : انا لاحظت شيء صاير كثييييييييير ... !! لاحظت ان عيال القبايل .. مايخطبون الا قبيليه مثلهم ... ، واذا ماصار له نصيب فيها .. ويحاول بقبيليه غيرها ... الخ وان ماحصل له نصيب >>> يروح يآخذ من سوريا ولا الاردن ولا تركيا ، ولا المغرب ، ولا مصر ... الخ ، بدون مايفكر ببنات ديرته الباقيات !!!

قلت : هذا سبب كرهتس اجل ؟؟؟؟ طيب انا الحين عتبت عليك ِ .. لاني ماادري انك تؤمنين بإن النصيب بيد الرجل وليس بيد رب الرجل ؟؟؟؟ يابنت الحلال .. لا انت ِ ولا الشاب عارف وين فيه نصيبه ؟؟؟ لازم يكون ايمانك بالله كبييييييير ، الله عزوجل يرزق الطير بالسمااا ، والحوت بالبحر ... فما بالك انت ِ

قالت : ايه هذا سبب كرهي ، وهذا اللي صاير

قلت : طيب انا ماعرف صحة هالمعلومه من عدمها ؟؟؟؟ ولا اعرف هل التخلف هذا موجود عندنا ولا لااااا ؟؟؟؟

لكني اوجه هالتساؤلات لشباب المنتدى ... وللبنات ...

معقوله التخلف هذا موجود بالشاااااب السعودي ؟؟؟؟؟!!!!!!

معقوله يفضل بنات الديار الثانيه عن بنت ديرته ؟؟؟؟

وخير ياطير قبيليه ولا لاااا ؟؟؟ وش الفرق ؟؟؟؟

انا ماشوف انه به فرق ولا به زياده ؟؟؟ لكن معقوله الشباب ماشيين على سلوم اجداد اجدادنا اللي مانور العلم بصيرتهم ...؟؟ ولا وصل لهم العلم الشرعي اللي ينص على ...

عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( تُنْكَحُ الْمَرْأَةُ لِأَرْبَعٍ : لِمَالِهَا ، وَلِحَسَبِهَا ، وَلِجَمَالِهَا ، وَلِدِينِهَا ، فَاظْفَرْ بِذَاتِ الدِّينِ تَرِبَتْ يَدَاكَ ) رواه البخاري (4802) ومسلم (1466)


ابي الشباب والبنات يتفاعلون معنا بهالموضوع .. لعلنا نغير هالتفكير السلبي ان كان موجود ؟؟؟

وابي تجاوبون على تساؤلاتي أعلاهـ ...

لاهنتم جميعاً ..


دمتم بود

[m!ss sam]

شوفى ياقمر يشرفنى اكون اول من رد

انا بقلك يمكن اههل الولد مايرضون
يمكن خوفهم تدخل عادات وتقالييد ماهى فى عايلتهم
انا عمى اخذ وحده مو قبيله الناس لهلحين ماكله وجهه

وانا بصرااحه ماشوف فيها شي لو اخذو منا واخذنا منهم

بس لولا بعض الانفتاح اللى عند اغلبهم

[مَزآجيــہ ~»!]

.*

غريب طرحك نوعآ ما..
البنت قالت كذا امكن هالشي سارلها موقف آو غيره ..
لآن ماقد سمعت في نآس كذا...
طب في ناس مو قبليين ويروحو يتزوجو من برآ..
هالشي رآجع لعقليت الشاب..
سواء قبيلي..طرش..اسود ,,ابيض..الخ
بسس هَ البنت قد سآر لها موقف امكن فَ حكمت ع كل شبآب القبايل..
آنآ قبيليه..
اهلي متزوجين من برا قبيلتنا..ومتزوجين ناس مو قبلين..

صديقتك مآخذه الموضوع بشكل شخصي لآاكثر..
آكرر هالشي ممكن يسير من قبيلي ومن غير القبيلي..

..
آسفة ع الاطآلةة..

[مَـزٍآج ..}..]

اؤمن انـه من الأفضل للرجل ان يأخد من قبيلته او مجتمعه الي عايش بينهم

حتى يكونوا متفاهمين اكثـر . .

ولكن لا مااانـع ان يتزوج من اي فتاهـ مسلمـه ولكن أفضل الاولى .. !!

[سكووت]

غالبا الرفض يكون أولا من الاهل ,ثانيا من عادات المكان اللي تربى فيه ,ثالثا اشوف العادة دي منتشرة بين الشباب و بشكل اقل شويا عند البنات ..
لكن احس في الوقت الحالي بدت النسبة دي تنخفض و سارو بنات قبايل يتزوجون غير قبلي أو غير سعودي بعد ..
الزواج قسمة ونصيب و الحب و المودة و الاحترام الاساس , اما اننا نصنف الناس قبلي او مو قبلي نوع من الغرور من وجه نظري ..يمكن الغير قبلي دا احسن مني ومنك و فاد المجتمع باشياء افضل منكـ , المفروض اني اتفاخر بشخصيتي بأسلوبي بعلمي و عملي مو بقبيلتي ..

والاسوء لمن نتفاخر اننا مسلمين ,ولكن العادات تطغى على تفكيرنا و ننسى انو لا فرق بين عربي و اعجمي الا بالتقوى ,والرسول تزوج بالسيدة صفية والدها حيي بن الأخطل كبير اليهود , و اخت الصحابي عبد الرحمن بن عوف تزوجت بلال بن رباح الحبشي و كان عبد في الماضي ..

يعني والله مايسير نخلي توافه الامور زي دي الاشياء تخلينا نفكر بالناس بنظرة استصغار عشان لقب ينحط بالاخير ..

[مهبول في عالم مسطول]

لي عوده لاني مستعجل حييييل


بس موضوع مهم جدا

[سنفورة موت]

^^

هلا وغلا ببنت العم

انا بوجهه نظري مافي مانع انو اخواني واللي يقربولي ياخذون مو من جماعتنا تعرفي عندنا اولاد كثير بالعايله ماخذين من برا وماصار شي وربي انو هالبنات اخلاق ماشاءالله ..

بس احنا مو قصدي احنا ابوويا مايعطينا الا لجماعتنا انتوا تعرفون الكبار بالسن الله يخلي لي كذا

وصراحة موضوع حساس لبعض الناس بس لي اول مرا يجي ببالي

يسعدك ياقمر

>>>

[RHF]

ههههههههههههههه

العنصرية موجودة في كل مكان ، عندنا حضري و قبيلي

وفي طبعن عنصرية في المزاهب

وطبعن ابيض و اسود في امريكا

يعني في كل مكان موجودة

//

للاسف انا يا سكون واللهي ما اكزب عليكي ، طبعن انا حضرية اوكي ,,

المهم ,, انا ياااااااماااااااااااا حصلتلي مشاكل بسبب بنات قبايل ، امكن انتي انسانة كويسة ، وانا صاحباتي الحمدلله اغلبهم بنات قبايل ومرة يناسو عليهم ,,

لاكن وربي وربي وربي انو صارتلي مشاكل كتير من بنات قبايل و السبب اني حضرية هههههه

واخوية نفس الشي مسكين ,, و بنات عمي بيعانو نفس الشي ,, وصاحباتي ,, ومامتي حبيبت قلبي الله يعطيها العافية ,,,

//

انا عارفة انو احنا ما نبا العنصرية دي ,, والله انا اكره الناس العنصرييين ، ومهما كانت العنصرية سواء مسلمين / كفار ،،، او في المزاهب ، او في اللون ,,,,,,,,,,,,

لاكن مهما حاولنا نتجاهلها حنلاقيها قدامنا ,,

اهوه انتي ما شاء الله عليكي ما تهتمي بالعنصرية دي ,, لاكن اهوه جاكي موقف لمن عندك صح ولا مو صح ؟؟

انا المواقف معايا كتير سارت

يعني لو بدأت احكي ما اخلص لانو على مر سنين حياتي وانا اعاني منها ههههه يختي طفشوني

وطبعن كلها تكون من بنات قبايل ,, و طبعن الطرف الاخر انا حضرية هههههه

وعلى فكرة العنصرية دي موجودة عند الاولاد اكتر ، يعني لدرجة انهم يدققو في ملابس بعض و طريقة الكلام و المشي ،، وانا كمان واللهي ازا عالكلام دا حدث ولا حرج ( تلاتة ، مسال ، ) هههههههه

عمومن للاسف الشي دا موجود وما اعتقد انو حينتهي

//

ممممممم اما موضوع الجواز ,, دا انا ليا فيه كلام تاني ,, وطبعن مو من راسي الكلام دا ,. حقيقي اوكي ؟

شوفي الولد القبيلي ,, لمن يخطب بنت قبيلتو ,, يدفعلها المهر مبلغ و قدرو ,, ولمن يجي يتجوز بنت قبيلية لاكن من قبيلة تانية ،، يعطيها اقل ,, ولمن يبا يتجوز حضرية هههههههههه يحط اقل مبلغ ممكن يحطو

معليه عالكلمة ، بس في قبايل كتير زي كدا ،، وانا شششخصيا سارت معايا المواقف دي ،،

للتوضيح / انا ما اعمم ابدن في كل حرف كتبتو ، انا عارفة انو كتير ناس كبرو عقولهم عن التفكير دا ، ولاكن البعض مستمر ,,

//

اما بالنسبة للبنت الي كلمتيها دي ،، حتى كلام مو عارفة تتكلم ،، و عزرها بايخ الصراحة ,,

لانو انا زي ما قولت سارت معايا و مع اهلي و مع صاحباتي ،، مواقف كتير ،،

لاكن مو معنا كدا اني اخد فكرة عن بنات و اولاد القبايل ؟؟

انا اكره الموقف بس ، وممكن استحقر التفكير التافه دا ،،،

لاكن دا ما يمنعني اني اتصاحب مع بنات قبيليات ،، وحتى ما يمنع اني اتجوز واحد قبيلي ،

//

قال تعالى : يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ

//

اتقبلي مروري ، رهف

[سنفورة موت]

^^

رهوفة حبيبتي انتي تقولين المشاكل كثير جاتك من بنات القبايل

تعرفين انو صحباتي خليط ولله الحمد وترى المشاكل تصير للكل الطرفين قبليه وحضريه والعكس

يعني لاتحكمي من كم تجربة ياقلبي والناس مو سواسية يعني لازم تخالطي بنات قبايل اكثر وتعرفين الفرق فاهمه علي ياعسل

<<<

[إحساس ناجح]

مع إني حضري للأسف الشباب والبنات السعوديات فيهم دا النوع الحضري مايحب البقبيلي والعكس صحيح
وبدأت تنتشر دي العادة بين المجتمع ومايجمعنا إلا الدين وفي بعض الأحيان تحصل مواقف سواء من دا أو دا
يكره الشخص أن يختلط بهم مرة أخرى

شاكر لك أختي على الموضوع