تجمع طالبات الفرز المبدئي لتخصص ماستر أحياء ..

[مـها العامدي]

سلام يابنات


كيفكم ؟؟


كل وحدة تذكر تخصصها الدقيق ..


وايش المعلومات الي تعرفها عن اختبار المفاضلة ..


أنا عني مسار وراثة ..


.... ماحد عنده علم بخصوص الأعداد المقدمة على الماستر والأعداد المطلوبة ؟؟ عشان يارب يعفونا من الأختبار لو الأعداد المتقدمة أقل من المطلوبة


بانتظار مشاركاتكم

[غدا افضل]

وعليكم السلام
انا بعد تخصص وراثة وليت نعرف هالاسبوع عن الاختبار ع الاقل المناهج @_@

[غدا افضل]

ليت يجينا اعفاء

[المرام 22]

هاااي صبايا


انا تخصص نبات

والي سمعته عن الاختبار من صاحباتي الي اختبروا

انه مكس عربي وانجليزي

وشامل لكل تخصصات الاحياء ( نبات - حيوان - احياء دقيقه)

والمرجع كتاب مقدمة علم الحياة لنبيه باعشن الجزئين

الي للحين ادور عليهم مالقيتهم

واتمنى التوفيييق للجميع

[91girl]

هاي بنات انا وراثة
ابغا اعرف في احد منكم تخصصوا فالبكالريوس وراثة كمان
كلها اسبوع ونص ونختبر موفقين

[bebo88]

السلام
انا تخصصي احياء عام - من جامعة تبوك
قدمت على ماستر حيوان وبختار مسار طفيليات
كتب علم الحياة انا طلبتها من اول ما قدمت من مكتبة العبيكان و وفروها لي خلال اسبوعين
في اشياء ماهي فيها واجزاء منها مو مطالبين فيها احنا الي تخص الوراثة و البنات
في مقاطع اليوتيوب شرح ل طفيليات و في اشياء ذاكرتها من محاضراتي حقت الجامعة
الي مالقيت له شي للحين موضوع (تحضير عينات حيوانية )
انا ما درست المادرة هذي في الجامعة
الي عندها خلفية عنها ياريت تفيدنا
وربي يوفقنا جمعياً

[bebo88]

والي اعرفه ان المصطلحات هي الي راح يجيبوها بالانجليزي مو السؤال كامل
انا درست بالانجليزي اصلا في البكالوريس فسهل علي شوي
ركزو ع المصطلحات
ربي يوفقكم :)

[boooha]

المشاركة الأصلية كتبت بواسطة bebo88 والي اعرفه ان المصطلحات هي الي راح يجيبوها بالانجليزي مو السؤال كامل انا درست بالانجليزي اصلا في البكالوريس فسهل علي شوي ركزو ع المصطلحات ربي يوفقكم :)

انا اختبرت العام الماضي ... الاسئلة نصها عربي ونصها بالانجليزي
مو بس مصطلحات ... السؤال بالكامل

[bebo88]

المشاركة الأصلية كتبت بواسطة boooha انا اختبرت العام الماضي ... الاسئلة نصها عربي ونصها بالانجليزي مو بس مصطلحات ... السؤال بالكامل

كويس علمتينا .. يعطيك العافيه
انا اول سالت وحده قالت انو بس المصطلحات و انو اسالتهم
بالتمام نفس اسالة كتب علم الحياة
مشكورة :)