اتسكنتٍ تمريض ..؟ تعالي ياقميلة ..

[fto0o]

الـسسسسسسسسلام عليكم .. << يالله من زمان ع المنتديات من ايام التحضيري ياحافظ !
يا اهلن وسهلن ومرحبا بكل الممرضين والممرضات الجدد والقدامى << عشان محد يزعل هااااا x'P
معاكم ممرضة قديمة من الدفعة الـ 12 ..
بصراحة احسن ماتسألو عني زيادة خلوكم من بعيد لبعيد x'DDDDD


الموهم الموضوع دا ما اتسوى الا عشانكم انتو .. الدفعة الجديدة في كليتنا الجميلة .. " دفعة 13 "

اولا الحمدلله على سلامة وصولكم لـ بر أمان التخصص من حرب التحضيري الاليمة والتوترات العظيمة الي مريتو فيها .. < واللهي حاسة فيكم لابعد من الـ جدا نفسو هع !
وعشرومية الف مليون تريليون مبروك عليكم كلكم التسكين في كلية صحية وتحديداً .. كلية التمريض ..
(منجد احمدو ربكم.." الحمدلله حتى يبلغ الحمد منتهاه" )
<< وايوا التمريض كلية بعدينا احكيكم حكايتها ..

الموهمممم
كل سنة وانتو طيبييييييين وينعاد عليكم بالصحة وبالعافية يارب

نيجي لموضوعنا ..

كتيرين منكم حابين التمريض وكتيرين لاء .. بس الي حابينو فيكم والي مو حابينو اللهم انكم كلكم محتارين فيه ..
من هنا نقلكم تعالو واعتبرو الموضوع دا دفتر يومياتكم او دفتر تفرغو في كل افكاركم وحيرتكم ..

حياكم الله جميعا وإن شاء الله كلنا ماراح نقصر معاكم .. اسألو الى ان تطفشو وتتعبو ولساعنا بررررضو حنرد عليكم .. > بصراحة .. اي نعم اسألتكم شوية احممممم احيانن من كتر ماتتكرر
بس واللهي اننا نحبكم ونفسنا ماتحتارو ابدن زي م احترنا ولا تضيعو على نفسكم زي مابعض الي كانو معانا ضيعو سنين وسنين والتخصص بكبرو وندمو بعدها ..

الموووووهمممممم انكم لاتقصرو في اسألتكم .. وخلونا ع الخط معاكم .. حنفيدكم بكل شي إن شاء الله ولاتشيلو هم ولاشي .. كلنا معاكم قلبا وقالبا ..

طلب اخير من كل الجميلات الي حيشاركو في الموضوع ..
ابا من كل وحدة فيكم .. ممرضة جديدة كانت او قديمة .. توصف احساسها .. وقت ماقرأت انو تسكينها جا في " كلية التمريض" .. << الفيس دا يحسسني بالأكشن جدا

شكرا جزيلا ولاتنسو الطلب الصعنطوطي الي فوق ..

[عذاري السمروات]

و عليكم السلام و الرحمة ..
أهلن يصديقتي النيرسه ..
>> من اسلوبك العفوي حسيت انو انتي فتوو صاحبة تنس الريشه ( ياارب ما خاب ظني )
و الله الصراحة موضوعك جميييل .. و يكسر باب تكرار المواضيع المرتبطه ب التمريض ..
و انا ان شاء الله راح اساعد كل اللي عندو اسأله و راح احاول اكسر حيرتكم و ب ازن الله ماراح نقصر زي ما تكرمت نيرسة فتوو و قاالت
::
الله يوفقكم يا ممرضات المستقبل .. و انتم تاج و عنوان للرحمه
/
\
ب النسبة من يوم شوفت تكسين التمريض و الله انبسطت و فرحت فرررحة لا توووصف و الجميل في الموضوع انو كل صديقاتي و اهلي انبسطولي
و بالعكس كانو مشجعيني ..الحمد لله يارب
لانو انا في الاساس درست سنة في التغزية و قرأت عن النمريض و حبيتو قمت حولت لو ..
و دحين مبسوووطه بدات رحلتي فيه

[fto0o]

المشاركة الأصلية كتبت بواسطة عذاري السمروات >> من اسلوبك العفوي حسيت انو انتي فتوو صاحبة تنس الريشه ( ياارب ما خاب ظني ) اصلي عليكي جبتيها ب النسبة من يوم شوفت تكسين التمريض و الله انبسطت و فرحت فرررحة لا توووصف و الجميل في الموضوع انو كل صديقاتي و اهلي انبسطولي و بالعكس كانو مشجعيني ..الحمد لله يارب لانو انا في الاساس درست سنة في التغزية و قرأت عن النمريض و حبيتو قمت حولت لو .. و دحين مبسوووطه بدات رحلتي فيه

يسعدك ويسعدهم .. انتي من القلائل الي فرحت فرحة التسكين .. كان نفسي احسها بشكل الحمدلله على كل حال بس

يسسسسسسسسعدكـ يابيلســــــــــــــاانة انتي << والله ماعرفتك الا بيها هععععععععع x'DDDDDDDDD
تسلمي وإن شاء الله نشوفك على خير

[عذاري السمروات]

المشاركة الأصلية كتبت بواسطة fto0o يسعدك ويسعدهم .. انتي من القلائل الي فرحت فرحة التسكين .. كان نفسي احسها بشكل الحمدلله على كل حال بس يسسسسسسسسعدكـ يابيلســــــــــــــاانة انتي << والله ماعرفتك الا بيها هععععععععع x'ddddddddd تسلمي وإن شاء الله نشوفك على خير

حبيبي انا يا فتووو ..❤❤
امييييييييييين ياااااارب .. و يسعد روحك الغاليه يا غاليه ..❤
و مررره يسلموو على الموضوع الجميل و الله تصدقي ما شاء الله عليكي وفيتي و كفيتي
و الله و انا اقرا مبسووووطه و كأني لسه توي اتسكنت
..
في ميزان حسناتك يارب ❤❤❤

[fto0o]

أسألة مكررة :
1) التحويل من التمريض

التحويل التحويل التحويل .. ياجماعة الخير .. دوامة التحويل مرت علينا كلنا .. وانا شخصياً عشت فيها تلاتة شهور من بداية م اتسكنت الى اول اختبار في اغث مادة في الحياة .. << اي نعم جبت 5\15 بس وقسم ماكنت اعرف اش في في المنهج على اساس اني محولة x'DDDDDD
الموهم .. التحويل من التمريض بعد ماتسكنتي فيه له كم حكاية بسيطة ..

الاولى .. عندك واسطة "قوية" الله معاكي في خلال يومين حتكوني حولتي بس الله اعلم فين ..

الثانية " النظامية" .. انك تحولي بعد مرور سنة كاملة بمعدل اكتر من 4.5 وعشان تدخلي الطب او اي كلية صحية دي حكاية تانية تقتضي انك تكوني جايبة اعلى شي في كل البنات المحولين لدي الكلية في دا الوقت ..
يعني مسلن الكلية عندها تلاتة كراسي للمحولات من الكليات الصحية .. وعدد الطالبات الي طالبين تحويل للكلية دي 12 حياخدو افضل تلاتة منهم ..
وعلى هاكذا قيسي كل الكليات الصحية .. الموضوع موضوع اما مفاضلة ودفرنة تقتل نفسها او واسطة جميلة سعيدة :$

الكلام دا م بأقوله من راصي .. كلمت عميدة كلية الطب اول مافقدت الامل في حرف الواو .. وقالتلي انو السنة دي كان عندهم كرسين فاضية قبلو فيها بنتين فقط وحدة من الصيدلة كانت جايبة 4.9 والتانية جايبة اقل منها بقليل !
لا اخفيكم سرا انو طبعا النسب تختلف من دفعة لدفعة ف دفعتكم الي الصلاة ع النبي ادفرن دفعة في الحياة والله اعلم نسبة التحويل كم حتكون لو حابين تتبهدلو شوية راجعو الشؤون الي في الشطر والله يعين ..
بالعربي كدا .. الي حابة تحول من يوم ماتبدأ السنة تشد حيلها شدة اليمة .. لانو الموضوع دا مو سهل زي مااحنا متوقعينو ابدا ..

التالتة .. انك تفقعي من دحينا وتروحي الشؤون تطلبي تحويل .. لو كنتي استوفيتي الشروط للكلية الي تبي تحولي فيها .. حيتم تحويلك على طول إن شاء الله .. بس لو ماستوفيتي الشروط يعني نسبتك اقل المقاعد خلصت مدري اش هوا .. ياحببتشي .. ماعرفشي بس حتتبهدلي حبتين ويا هتكملي معانا يا حتروحي لتخصص اقل نسبة

وانا بصراحة اقلكم هيا .. خلو الموضوع موضوع خييييييييرة .. استخيرو وشوفو ربنا اش كاتبلكم .. ولو انكم متأكدين انكم ماتبو التمريض حاولو تحولو عشان ماتندمو بكرة انكم ماحاولتو!

بس الي حاصل : ولازم تنتبهو منو مزبوووط .. البنات بيدخلو على عمى عيونهم .. ودا الشي مرة غلط .. نسبة كبيرة مننا دخلو كدا .. والفئة الي مازالت مصرة انها تحول ضاعت مرة كتير وضيعت اكتر ودنيتها سارت دنيا .. ومحد متكي ومرتاح الا الي عجبو التمريض وخلاص حابب يكمل فيه ..

اقرأو ابحثو اسألو تعالو روحو ضيعو اجازتكم واتعبو فيها شوية استفهمو عن التخصص دا اش هوا .. صدقوني مافي شي يعدي عليكي كدا سبهللة .. ربنا اختارلك تسكينك يكون تمريض لحكمة .. كلنا مانعرفها ..
اتعبو شوية عشان تفهمو وضعكم احسن من كدا ..
عشان ماتضيعو عليكم سنة ولا سنتين في تخصص ماتبوه وبعدها تعيشو يئس اليم .. ولا من البداية ترفضو التخصص وانتو ماتعرفو عنو شي وتسووو دراما وتحولي لتخصص تاني ومدري ايش وبعدينا بعد زمن تندمي وتقولي ياريتني ماضيعت على نفسي واعطيت للتمريض فرصة .. << مدري مين الدراما فينا x'D

الصراحة حست في الموضوع دا الي مالو نهاية من بداية وروايتو كتيرة وتختف من كائن لأخى ..
بس ختاما لـ موضوع التحويل ياجميلات .. ارجعو لربكم واستخيرو في تخصصكم وإن شاء الله ربنا ماحيضيعكم .. وقبل كل شي اعطي للتمريض فرصة سواء كانت ركعة ام بسؤال او قراءة.


2) التحويل لـ التمريض

ممممم هوا طبعن اسهل من التحويل من التمريض بمراحل ومرااااااااااحل ..
بس غالبا اغلب الي يحولو من العلوم يجي نصيبهم تمريض .. << قلت "اغلب" لاتاكلوني
ولو رحتي اتكلمتي مع وكيلتنا بشكل ودي ويناسو برضو ممكن تتفهمك وتحولي .. امكن احنا الكلية الوحيدة اليناسو الي تستقبل بدون تعقيدات كثيرة ..

طبعا لعدة اسباب واهمها زي ماقلت البنات بيدخلو عمياني .. وتلات اربعاهم تلاقيهم فقعو من نص السنة وقعدو في البيت عشان يبو يحولو كلية او جامعة او طلعو مدرري فين .. اللهم انهم مسكو مقاعد ع الفاضي الله يسامحهم .. دفعتنا مسلن دخلنا عددنا 110 ماخلصت السنة الا احنا شي و80 طوال السنة ناس تسحب وناس تعتزر وناس تعمل اخلاء طرف ..!!!!! شي يبكي ادري :S
الله يهدينا اجمعين يارب
ف خلاصة الكلام الي حابة التمريض والي مو حاباه كلكم تقرأو عنو قبل ماتدخلو عالمو لوسمحتو ..


3) هل التمريض سهل ولا صعب .. كرف ولا لعب .. ؟


بصراحة انو يختلف من انسان لأخر ..
بس بشكل عام التمريض مهو تخصص سهل .. وبالعكس يعتبر من المهن المقاتلة الجهادية .. مااقلكم انو صعب ..
بس مايقل اهمية عن الطب .. ف وازنوها انتو ..
بس الي يقدر يدير وقته وينظم حياته حيكون اكتر من مبسوط مو بس في التمريض الا في حياتو كلها

وفي عالم كتير تمريض وعايشة حياتها كل يوم بره وبعد كل اختبار جمعة ودنيا عادي يعني ..
وفي ناس الله يهديهم عندهم كل يومين مباراه في النادي الطبي الرياضي << دا موضوع تاني نتكلم عليه بعدينا ..


4) الدراسة في التمريض :


التحضيري سنة .. بعدينا ندرس تلاتة سنين في كلية التمريض .. ننزل خلالها تدريب بالتدريج .. والسنة الخامسة والاخيرة الي هيا الامتياز .. وكدا نودع الجامعة فور ايفر x'P << الا لو اخدتو معيدية نتكلم بعدينا x'P
من سنة تانية نبدأ تدريب في المستشفى من الترم التاني ننزل يومين في الاسبوع لمدة كم ساعة .. ونبدأ نطبق ونتدرب على كل الاساسيات الي علمونا هيا نظريا الترم الاول والي بناخدها في الكلاسات النظرية والمعامل التدريبية في الكلية..
وبعدينا سنة تالت ننزل يومين في الاسبوع بس دوام كامل مو زي سنة تانية نص دوام
وسنة رابع .. تبدؤو تختفو وسط المستشفيات ومختلف التخصصات بس برضو عندكم كلاسات في الكلية ..

ولو تبو تسألو او تعرفو عن المواد او الخطط الدراسية او الجداول وماشابه ..

تفزلو موقع الكلية الرسمي ..

http://nurs.kau.edu.sa/Default.aspx?Site_ID=667&lng=AR


تنزلنا فيه الجداول جاهزة على بداية السنة ..
ايوا جداولنا مانختارها احنا .. تنزلنا ع الموقع ووتتعلق ع الباب وايوا نظام فصول x'P
اغلب الصحية كدا ويجمعنا النظام السنوي ..
بالمناسبة كليتنا منفصلة عن الكلية الطبية التطبيقية .. بس الانفصال دا جديد سار السنة دي عشان كدا المنتدى مافصلونا الى الان عنهم ..



5) اش نلبس ..؟


واللهي ياحبيباتي اننا نلبس الي نباه .. الا في المستشفى فأنهم يضيقون الخناق علينا جدا بالابيض والطويل والواسع والمحترم .. بس في الجامعة .. البسي تنورة جينز بجامة ليجنج سكرب اخضر موف احمر رمادي بكيف كيفك البسي الي تبيه عادي .. تعالي بلابكوت او لاتيجي عادي .. الا ايام المعامل الزامي فيها تكوني بالابكوت .. ودي الايام تنعد ع الاصابع ..


في النهاية لاتستعجلو ابدا على قدركم كل شي حيتوضحلكم من نحية التفاصيل الصغيرة دي .. بس التفاصيل العظيمة كـ انتسابك لمجال التمريض لابد طبعا من البحث ثم البحث ثم البحث فيها .. الى يتفرقع دماغكي وتتوصلي لحل يرضيكي



وكدا إن شاء الله اكون لميت بأغلب الاسألة الي طوال م انا ماشية اسمعكم ترددوها والي انا شخصياً كانت في بالي لمن كنت مكانكم ..

ملاحظة : والله مافحال حاااااالي ارجع اقرأ واراجع كل الي كتبته فوق .. ف لو كان في اي خطأ املائي نحوي هبابي غمضو عيونكم وسو انكم مو شايفين وشكرررن

[bayan-ow]

السلام عليكم ورحمة الله وبركاته
شكرا على موضوعك خلاني اتحمس اكثر للدراسة وللتمريض

اول شي بقولك اول ماعرفت اني دخلت تمريض طبعا ماصدقت لاني ماقدرت ادخل الاودس ودخلت منتدى عشان اشوف اذا في احد حاط جدول اخر النسب الي اتقبلت في االكليات ولما شفت نسبة التمريض لقيتها اقل من سبتي بكثير الحمدلله بس برضو ماصدقت اني دخلت التمريض لاني لسا مادخلت الاودس بعدين خليتي صحبتي تدخل وتصوري الشاشة عشان اشوف اش دخلت والحمدلله طلعت منجد دخلت تمريض والله فرحة ماتنوصف حمدالله السنة كلها كنت متوترة من هاذا اليوم

_______________________
حابة اسئلكي كم سؤال بس ماني متذكرتها كلها كل ماتذكرت شي بجي على طول واسئلك

انا ابغا ارفع معدلي اعطيني كم شي اسوي ذحين عشان لما تبدا دراسة ماحس اني مضغوطة ترااني فااااضية وماعندي ولا شي لو تعطيني كتاب اختم لكي
برايك وقت الدراسة لازم ادرس كل يوم ولا عادي يعني امسك المواد الخميس والجمعة لان دوام طويل ورجع طفشانة كيف اقعد اذاكر كمان
في تدريب في المستشفى انتي قلتي سنة ثانية مو دوام كامل يعني ناخذ بعدها محاضرات طيب كيف يعني يكون بين وقت بداية المحاضرة الي بعد التدريب ووقت التدريب ساعة ولانص ساعة يعني عشان نجي من مستشفى الى الجامعة

اكتفي بهاذي الاسئلة الى ماتذكر شي

أتمنى الموضوع يستمر الى وقت الدراسة عشان نساعد بعض فيلو للاشياء الي مرح نفهمها وقتها

[fto0o]

المشاركة الأصلية كتبت بواسطة bayan-ow السلام عليكم ورحمة الله وبركاته شكرا على موضوعك خلاني اتحمس اكثر للدراسة وللتمريض ياحليليييييي اول شي بقولك اول ماعرفت اني دخلت تمريض طبعا ماصدقت لاني ماقدرت ادخل الاودس ودخلت منتدى عشان اشوف اذا في احد حاط جدول اخر النسب الي اتقبلت في االكليات ولما شفت نسبة التمريض لقيتها اقل من سبتي بكثير الحمدلله بس برضو ماصدقت اني دخلت التمريض لاني لسا مادخلت الاودس بعدين خليتي صحبتي تدخل وتصوري الشاشة عشان اشوف اش دخلت والحمدلله طلعت منجد دخلت تمريض والله فرحة ماتنوصف حمدالله السنة كلها كنت متوترة من هاذا اليوم منجد النسبة غريبة دي السنة منخفضة مرة .. ف اتوقع تلاقي اعداد مهولة السنة دي تمريض بس حقيقي ماتتصوري قدي ايش حظك جميل يوم انك اًخترتي في مجال التمريض .. حقيقي بعدينا لمن تعيشي الجو التمريضي حتحسي بمعنى الكلمة دي. _______________________ حابة اسئلكي كم سؤال بس ماني متذكرتها كلها كل ماتذكرت شي بجي على طول واسئلك اتفزلي حضرتك انا ابغا ارفع معدلي اعطيني كم شي اسوي ذحين عشان لما تبدا دراسة ماحس اني مضغوطة ترااني فااااضية وماعندي ولا شي لو تعطيني كتاب اختم لكي ياحياتي عليكي .. يسعدلي جوك الحماسي كلش الا الدراسة بس الله يقويكي يااختاه .. اممممم بصراحة ماتوقع في شي حيفيدك حاليا عشان ماتحسي نفسك مضغوطة بعدينا الا العربي والثقافة .. حتاخدي عربي وثقافة مستوى اول .. اول ترم .. وهاذا مايضيق خلقنا احيانا وماكان مهربنا من دسامة المواد احيانا اخرى .. فـ اختاري ي اما تجيبي كتب الثقافة والعربي من اي احد اكبر منك او اداري استلفي الكتاب منو واتصفحيه .. او عندك كتاب الاناتومي .. المشكلة انا مني قادرة اقلك خدي اسمه واكيد وجيبيه لانو احيانن يتغير النظام بزات انو المواد دي كلها من كلية الطب فمالنا يد فيها ومانعرف هل غيرو المنهج الطريقة النظام بس غالبا حيكون نفسه .. الاناتومي مادة جميلة حتستمتعي فيها جدا لو تبي كتابه ماعندي مانع اقابلك في اي مكان ولو الجامعة واديكي حقي .. ولا اخلي في نفسك شي هع ! الموهم شوفي انتي المواد وخدي لفة عليها وتعالي اسألي عشان اعرف اش اعطيكي .. بس غالبا خليكي ع المواد الخفيفة الظريفة .. لانو الباقي كلو يبالو شرح وشي جديد عليكي وجزئيات عظيمة بتنحزف احيانن فمالو داعي تمسكيها قبل اوانها .. ف شوفي لو تبي ياعربي يا ثقافة يااناتومي لو مرة .. ومااخفيك سرا انو هادا رأيي انا ممكن تيجي بنت تانية تعطيكي رأيي تاني بس انا برأيي في الدراسة والدفرنة مرة لا تستعجلي وتاخدي غير المواد دي لانك لاحقة ع الهم وباقي المواد مو سهل تختميها لحالك مسلن ولا انك تطلعي عليها بكيفك هع ! ممكن لو مرة مرة مرة ادخلي معهد انجلش لو كانت لغتك مو مرة قوية .. نظرا انو الستف السنة الجاية بزات في المواد العامة بيهرج انجلش بحت .. وغالبا يجوكي الدكاترة يا هنود يا مصريين . بالمناسبة تعرفي شي عن دورة (تيتش مي مديسين) الي حتكون يوم 18 شوال عندنا في كلية الطب ..؟ برايك وقت الدراسة لازم ادرس كل يوم ولا عادي يعني امسك المواد الخميس والجمعة لان دوام طويل ورجع طفشانة كيف اقعد اذاكر كمان شوفي انا مرة مني اهل اني افيدك في الشي دا .. بس الشي الواضح جدا حتى ليا انا الي مو دافورة .. انك لازم تعدي كل يوم ولو قراءة للي اخدتيه طوال اليوم .. لانو احنا كلاساتنا كتيرة وورا بعض بشكل يخليكي ترجعي البيت ابيض ي ورد .. ف انا مااقلك زاكري .. اقلك اقرأي بفهم وركزي .. وفي موضوع المزاكرة والدراسة حيفيدوكي دوافيرنا على بداية السنة بالتفصيل المممممممل لكل مادة على حدى .. إن شاء الله في لقائكم مع نخبة دفعتنا ودفعة رابع بازن الله .. فلا تشيلي هم وكل شي حيكون واضح عندك بأزن الله بحدود الاسبوع الاول .. في تدريب في المستشفى انتي قلتي سنة ثانية مو دوام كامل يعني ناخذ بعدها محاضرات طيب كيف يعني يكون بين وقت بداية المحاضرة الي بعد التدريب ووقت التدريب ساعة ولانص ساعة يعني عشان نجي من مستشفى الى الجامعة يهيييييييي حيكون ع الترم التاني ف لاتخافي وتستعجلي وقتها حيفهموكم ويمشوكم ويوروكم كل تكة .. التمريض تخصص حتنصدمي من كمية الدقة الي يمشي بيها .. كل تكة لازم تعرفيها وكل تكة لازم تفهميها وتكوني واعية بيها .. وووووووووووووو والى مالانهاية .. خليها لوقتها ولاتستعجلي .. بس الدوام يكون مابين 3 او 4 ساعات تقريبا على حسب القسم الي نزل اسمك فيه دا الاسبوع .. احنا مثلا كنت انزل تنويم باطنة من 8 لين 11 بعدها بريك لين 1 بعدينا كلاس العربي يبدأ في كلاسنا اليوم التاني حظنا اعفن حبتين بس عشان نخلص دوام بدري .. نخلص من المستشفى 10 ونص .. يبدأ كلاس اساسيات التمريض على 11 عشان على 1 ونص بالكتير نكون خلصنا دوام وفقعنا على بيوتنا عكس اليوم الي قبل يخلص كلاس العربي 2 وتلت 3 كدا بس طبعا دا كلو ايش ؟؟؟؟؟ الترم التاني .. ف خلينا في الترم الاول وماعليكي هع اكتفي بهاذي الاسئلة الى ماتذكر شي أتمنى الموضوع يستمر الى وقت الدراسة عشان نساعد بعض فيلو للاشياء الي مرح نفهمها وقتها

اكيد ولايهمك اصلن وقتها حتلاقينا في وجهك وتتعرفي علينا وتبتلشي جد جدنا لاتشيلي هم احنا موجودين في كل وقت إن شاء الله ..
وح تنصدمي باشكالنا بس معليه كدا الدنيا

[R..F]

موضوعك جمييل ومشوّق
مع اني مو تمريض بس عجبنيي وقطيت xD
الله يوفقكم جميعا

شسمه ايواا في شي شدني وقلتي حتتكلمي عنو بعدين وماكتبتي
النادي الطبي الرياضي؟ايش دا؟ حسيتو شي يحمس

[Lujain khaled]

اااخخَ يا التسكين انا اول ماشفت تمريض دخلت حالة نفسية
وصرت منفسه طول الوقت حتى وصل لماماا انها تقول بطلي دراسه خلاص بس لاتموتي نبغاك
طبعاً كان حلمي طب :( بس قدر الله وماشاء فعل وايقنت انها خيره بس بدخل التمريض وبشد حيلي اذا قدرت حولت واذا ماقدرت طلعت من الجامعه واذا وجدت نفسي وذاتي بالتمريض كملت =)
لأن سبحان الله لأخر الدقايق كنت بروح كلية البترجي ومو مرتاحه مراً ابداً مو مرتاحه من جميع النواحي
ورحت ابن سينا على ثاني يوم من التحويل وقالولي قفل طب بشري ,

بعد ماطلع تسكيني تمريضَ اول شي سويتو دخلت على كلية التمريض في موقع الجامعه قرأت تقريباً كل شي لأن هذا مصيري حدرس يعني حدرس السنه الجايه تمريض َ ,
ودخلت هنا لقيت مواضيع عن التخصصات وقالولي بعد ماتخلصي تتخصصي والممرض مُساعد الطبيب ,
وكمان نظرة المجتمع لتخصص التمريض انو تخصص اي كلام ويدخلو الناس الي معدلاتهم منخفضه ليه كذا ؟ نفسي اعرف انا معدلي ممتاز ودخلت تمريض !! انا حطيت التمريض قبل العلوم الطبيبة
لان انا احب التنوع ولقيت بالتمريض تخصصات مره كثيره بعكس مثلاً التغذيه او العلاج الطبيعي او الاشعه التشخيصية ولا كنت حابة الصيدلة ,

تفرجت فديوهات عن يوم التمريض العالمي ,
لقيت من جد الممرض يقدر يثبت نفسه والممرض هو الملاذ النفسي للمريض =)
بالنهاية وحدة قالتلي يالجين حتلاقي دعوة حلوه =)


-


اسألتي :)

- كم عدد الدفعه تقريباً ؟
- بتكون فيه كلاسات مشتركه ؟ اولاد وبنات لأن لمن كنت بالبترجي بعد ماطلع التسكين بالمره الثانيه قالو لو دخلتي تمريضَ فيه كلاسات مشتركه بسَ هناك فيه تمريض اولادَ وكليتنا بسَ بنات بعزوز
- كيف تعامل منسوبين الكلية بشكل عام ؟
- عندكم مشاريع خارجية مثلاً تسو حملات او تجيبو ناس للكلية ايتام او معاقين ؟
- ما اعرف كيف اجي وايش اسوي اول يوم من جد احساس حق اولى ابتدائي
- البطاقات الجامعية تتغير ولا نفسها ؟

[fto0o]

المشاركة الأصلية كتبت بواسطة lujain khaled اااخخَ يا التسكين انا اول ماشفت تمريض دخلت حالة نفسية وصرت منفسه طول الوقت حتى وصل لماماا انها تقول بطلي دراسه خلاص بس لاتموتي نبغاك طبعاً كان حلمي طب :( بس قدر الله وماشاء فعل وايقنت انها خيره بس بدخل التمريض وبشد حيلي اذا قدرت حولت واذا ماقدرت طلعت من الجامعه واذا وجدت نفسي وذاتي بالتمريض كملت =) لأن سبحان الله لأخر الدقايق كنت بروح كلية البترجي ومو مرتاحه مراً ابداً مو مرتاحه من جميع النواحي ورحت ابن سينا على ثاني يوم من التحويل وقالولي قفل طب بشري , الله يكتبلك الي فيه الخير يارب .. ومنجد الموضوع موضوع خيرة .. قولي يارب عارفة وحدة من صحباتي معايا في الدفعة من الرياض .. في الرياض ماقبلوها صحي الا تمريض .. جات هنا واغتربت عن اهلها عشان تبا اشعة .. وسبحان الله جا حظها تمريض في عزوز برضو .. هيا بتحاول تحول للان بس الله يكتبلها الي في الخير لها ولكي يارب .. ويريح قلوبكم ويجعلكم تلاقو نفسكم في المجال الي يسعدكم عاجلا غير اجل يارب بعد ماطلع تسكيني تمريضَ اول شي سويتو دخلت على كلية التمريض في موقع الجامعه قرأت تقريباً كل شي لأن هذا مصيري حدرس يعني حدرس السنه الجايه تمريض َ , ودخلت هنا لقيت مواضيع عن التخصصات وقالولي بعد ماتخلصي تتخصصي والممرض مُساعد الطبيب , وكمان نظرة المجتمع لتخصص التمريض انو تخصص اي كلام ويدخلو الناس الي معدلاتهم منخفضه ليه كذا ؟ نفسي اعرف انا معدلي ممتاز ودخلت تمريض !! انا حطيت التمريض قبل العلوم الطبيبة لان انا احب التنوع ولقيت بالتمريض تخصصات مره كثيره بعكس مثلاً التغذيه او العلاج الطبيعي او الاشعه التشخيصية ولا كنت حابة الصيدلة , مين قلك مايدخل التمريض الا الي معدلاتهم منخفضة ؟ ترا احنا العام قفل علا 88٪ .. لايغرك انتو نسبتكم الغريبة بس .. وعلا كل ترا 84 في الجامعة مهي منخفضة ابداً بل معتدلة تعالي نتحكى نظام الجامعة دي كيف ماشي .. كل مازادت كمية الناس الراغبة لـ المجال .. كلما زادت المنافسة فيه بالتالي ارتفعت نسبه والحرب عليه وكبرت قيمته الجامعية والمجتمعية .. وطبعا عندنا في السعودية النظرة الفوقية والدونية منتشره .. فمثالاً الهندسة والطب هما التوب وبعدها السلم الدراسي كلو تحتهم ! -,- و التمريض المسكين .. مظلوم مجتمعياً زيو زي المرأة و الاجانب في السعودية .. X'dddddd البوينت انو .. مو كل الاهل ابدا يقبلو على بناتهم يكونو ممرضات واساسن الاهالي المثقفين والي عقولهم شوية متفتحة وعاقلة وفاهمين اش يعني تمريض منجد بعيد عن مصطلح "شغالة" .. قلة قليلة جدا فـ نشأ المجتمع ماخد فكرة سيئة عن التمريض نسبة للاهالي الي زرعو في امخاخهم الشي دا .. وكل الموضوع جهل في جهل ..! في نفس الوقت .. تعالي نطالع في مستشفياتنا وقطاعاتنا الصحية ! عندنا نقص فظييييييييع في الكوادر التمريضية السعودية .. اساسا لو شفنا ممرضة ولا ممرض سعودي او عربي حتى وهوووووو كيف ننبسط وننشكح ونحس لا والله في امل .. فـ المجتمع قاعد ينتقص من قدرنا وهوا في امس الحاجة لنا! لاتقوليلي في اجانب .. معليش انا ضد العنصرية تماما واساسا لاشكلي ولاعروقي تأهلني اكون عنصرية .. بس الواقع واقع .. البلد لازم تكون مكتفي بكوادره مو كل يومين نسمع استقدام مدري كم ممرضة من البلد الفلاني !! ليش إن شاء الله من نقص؟!!!!! ماعلينا إن شاء الله احنا في صدد تغيير كل دا بإزن الله .. وقبل كل شي لاتنسي ترا مجررد انتسابنا لقسم التمريض يعني اننا في طريقنا لـ سد ثغرة في المجال الطبي السعودي .. ولمن تيجي توازنيها عالمياً مو بس في السعودية .. التمريض من اكتر المجالات الي عليها طلب ووظيفته مضمونة وهوا في نفس الوقت شغلة انسانية عظيمة .. اخ تعبت ب اكتب من زمااااااان {{ مووضوع حارق قلبها تفرجت فديوهات عن يوم التمريض العالمي , لقيت من جد الممرض يقدر يثبت نفسه والممرض هو الملاذ النفسي للمريض =) شوفتي فيديوهنا ؟ http://youtu.be/1sfz0_zur28?a حطتو عذاري السمراوات قبل كدا في موضوع تاني .. دولا بنات كليتنا الي اتخرجو السنة دي وجيتو انتو مكانهم هع بالنهاية وحدة قالتلي يالجين حتلاقي دعوة حلوه =) الموضوع اكتر من دعوة وحدة حلوة .. انتي حتدخلي وحتعيشي الواقع وحتعرفي .. كيف عطائك الي بـ تعطيه يعود عليكي وعلى حياتك بطريقة .. انا ماقدر اوصفلك هيا .. دا شي داخلي انتي حتعيشيه وتفهميه بنفسك بعدينا - اسألتي :) << على اساس الي فوق ماكان اسألة ابدن ها - كم عدد الدفعه تقريباً ؟ الله اعلم بس لو كان نظامنا نفس نظامكم وبززززات مع اخر نسبة قبلت السنة دي .. غالباً حتكونو مية وشوية - بتكون فيه كلاسات مشتركه ؟ اولاد وبنات لأن لمن كنت بالبترجي بعد ماطلع التسكين بالمره الثانيه قالو لو دخلتي تمريضَ فيه كلاسات مشتركه بسَ هناك فيه تمريض اولادَ وكليتنا بسَ بنات بعزوز مازا كلام؟ اصلن مافي كلية تمريض اولاد ريحي بس في مادة او مادتين بالكتير يدرسكم هيا دكتور - كيف تعامل منسوبين الكلية بشكل عام ؟ يناسو مرة .. حتحبيهم يحاولو يساعدونا بشتى الطرق .. طبعن في ناس كلبين بس الاغلب يناسسو - عندكم مشاريع خارجية مثلاً تسو حملات او تجيبو ناس للكلية ايتام او معاقين ؟ طبعا فيه .. مليان .. اصلن طوال السنة والحملات والمشاريع ورا بعض ورا بعض .. بعد المغرب انزلكم صور وروابط تقارير عن حملات سويناها او شاركنا فيها .. ومشاريع داخلية وخارجية من وفي كلية التمريض .. - ما اعرف كيف اجي وايش اسوي اول يوم من جد احساس حق اولى ابتدائي يووووووه كلنا حسينا في الاحساس دا لاتشيلي هم .. غالبا .. حنكون كلنا موجودين عشانكم حنساعدكم والكل حيرشدكم لكلاسكم وحيكون في يوم ارشادي لكم طبعا .. لاتشيلي هم شي .. واتحمسي وبس - البطاقات الجامعية تتغير ولا نفسها ؟

هوا دا الكلااااام .. تتغير طبعن .. بعد فترة حيقولولكم انزلو الشؤون غيرو بطاقاتكم ..
نفس الصورة بس الكلية وشكل البطاقة طبعا غير
حماس صح
لسع الترم التاني بطاقة المستشفى احمس واحمس